ബസ് ഓടിക്കുന്നതിനിടെ ഡ്രൈവര് ബോധം കെട്ടു, കെഎസ്ആര്ടിസി നിറയെ യാത്രക്കാര്; ബ്രേക്ക് ചവിട്ടി നിര്ത്തി കണ്ടക്ടര്
നിറയെ യാത്രക്കാര്; ബ്രേക്ക് ചവിട്ടി നിര്ത്തി കണ്ടക്ടര്
തിരുവനന്തപുരം: നിറയെ യാത്രക്കാരുമായി ബസ് ഓടിക്കുന്നതിനിടെ കെഎസ്ആര്ടിസി ഡ്രൈവര് ബോധം കെട്ടു. വന് ദുരന്തമൊഴിവാക്കി രക്ഷകനായി ബസിലെ കണ്ടക്ടര്.
ശാരീരികാസ്വസ്ഥതയെ തുടര്ന്ന് 35-ലധികം യാത്രക്കാരുമായി പോയ കെ.എസ്.ആര്.ടി.സി ബസ്സിലെ ഡ്രൈവര് ബോധം കെടുകയായിരുന്നു. ഇതോടെ ബസ് നിയന്ത്രണംവിട്ട് മറ്റു വാഹനങ്ങളില് ഇടിച്ച് മുന്നോട്ട് ഓടി. അപകടം മനസ്സിലാക്കിയ കണ്ടക്ടര് ഓടിയെത്തി ബ്രേക്ക് ചവിട്ടി ബസ് നിര്ത്തിയത്തിനാല് വന് ദുരന്തം ഒഴിവായി. ഇന്നലെ വൈകിട്ട് നാലുമണിയോടെ ആനപ്പാറ ഇറക്കത്തിലാണു സംഭവം.
വെള്ളറട ഡിപ്പോയില്നിന്ന് നെയ്യാറ്റിന്കര-അമ്ബൂരി-മായം റൂട്ടില് സര്വീസ് നടത്തുന്ന വെള്ളറട കെ.എസ്.ആര്.ടി.സി. ഡിപ്പോയിലെ ബസ്സാണ് അപകടത്തില്പ്പെട്ടത്. ഡ്രൈവര് രാജേഷിന് ബോധക്ഷയം ഉണ്ടായതോടെ ബസിന്റെ നിയന്ത്രണം വിടുകയായിരുന്നു. ആനപ്പാറ ആശുപത്രിക്കു മുന്നില് യാത്രികര്ക്ക് ഇറങ്ങാനായി കണ്ടക്ടര് ബെല്ലടിച്ചെങ്കിലും ഡ്രൈവര് ബസ് നിര്ത്താതെ പോയി. ബെല്ലടിച്ചത് കേള്ക്കാഞ്ഞിട്ടാണെന്നാണ് ആദ്യം കരുതിയത്. കണ്ടക്ടര് ആളിറങ്ങാനുണ്ടെന്ന് പറഞ്ഞെങ്കിലും ബസ് നിര്ത്താതെ മുന്നോട്ട് പോവുകയായിരുന്നു.
ആനപ്പാറ കവലയില്നിന്ന് ആറാട്ടുകുഴിയിലേക്കു തിരിയുന്നതിനു പകരം ബസ് നേരേ കോവില്ലൂര് റോഡിലേക്ക് കയറുകയും റോഡ് വശത്ത് ഉണ്ടായിരുന്ന കാറിലും ബൈക്കിലും തട്ടി നിര്ത്താതെ മുന്നോട്ട് പോയി. ഇതോടെ ബസ്സില് ഉണ്ടായിരുന്നവര് ഭയന്ന് നിലവിളിച്ചു തുടങ്ങി. പന്തികേട് തോന്നിയ കണ്ടക്ടര് വെള്ളറട സ്വദേശി വി.ജി.വിഷ്ണു ഓടിയെത്തി നോക്കുമ്ബോഴാണ് ഡ്രൈവര്ക്ക് ബോധം ഇല്ലെന്ന് മനസ്സിലായത്. ഉടന് വിഷ്ണു വാഹനത്തിന്റെ ബ്രേക്ക് ചവിട്ടി ബസ്സ് നിര്. ഇതോടെ വന് ദുരന്തം ആണ് ഒഴിവായത്. ഡ്രൈവര് രാജേഷിനെ ഉടന് വെള്ളറട സാമൂഹികാരോഗ്യകേന്ദ്രത്തിലും പിന്നീട് നെയ്യാറ്റിന്കര ജില്ലാ ആശുപത്രിയിലും പ്രവേശിപ്പിച്ചു.