സംസ്ഥാനത്ത് റോഡുകളില്‍ 1000 പുതിയ ഹൈടെക് കാമറകള്‍; ട്രാഫിക് നിയമ ലംഘനങ്ങള്‍ കണ്ടെത്തും;  പിഴ ഈടാക്കി തുടങ്ങും സംസ്ഥാനത്ത് റോഡുകളില്‍ സ്ഥാപിച്ച 726 നിര്‍മ്മിത ബുദ്ധി ഉള്‍പ്പെടെ 1000 പുതിയ ഹൈടെക് കാമറകള്‍ വഴി ട്രാഫിക് നിയമ ലംഘനങ്ങള്‍ കണ്ടെത്തി ഈ മാസം മുതല്‍ പിഴ ഈടാക്കി തുടങ്ങും. ഇപ്പോള്‍ പരീക്ഷണാടിസ്ഥാനത്തില്‍ ഇവ പ്രവര്‍ത്തിപ്പിച്ച്‌ നോക്കുന്നുണ്ട്. ജനരക്ഷയ്ക്കാണ് ഇവയെന്ന് മോട്ടോര്‍ വാഹന വകുപ്പ് അവകാശപ്പെടുന്നുണ്ടെങ്കിലും പിഴ ചുമത്തുന്നതിലൂടെ നല്ലൊരു വരുമാനം കൂടിയാണ് പ്രതീക്ഷ. പിഴയിനത്തില്‍ ആദ്യവര്‍ഷം ലക്ഷ്യമിടുന്നത് 261.1 കോടിയാണെന്ന് മോട്ടോര്‍ വാഹന വകുപ്പ് നേരത്തെ തയ്യാറാക്കിയ റിപ്പോര്‍ട്ടിലുണ്ട്. നിര്‍മ്മിത ബുദ്ധി കാമറകള്‍ പകലും രാത്രിയും പ്രവര്‍ത്തിക്കുമ്പോഴാണ് ഏറ്റവും കൂടുതല്‍ വരുമാനം ലഭിക്കുക. 245 കോടി. 236 കോടി ചെലവിട്ടാണ് കാമറകള്‍ സ്ഥാപിച്ചത്. ആദ്യ വര്‍ഷം തന്നെ ഇതില്‍ കൂടുതല്‍ പിഴയായി ലഭിക്കും. തുടര്‍ന്നുള്ള വര്‍ഷങ്ങളില്‍ പിഴയുടെ എണ്ണം ക്രമമായി കുറയുമെന്നാണ് പ്രതീക്ഷിക്കുന്നത്. അഞ്ചു വര്‍ഷം ആകുമ്ബോഴേക്കും ഇതുമായി ബന്ധപ്പെട്ട ചെലവുകളെല്ലാം കഴിഞ്ഞ് സര്‍ക്കാരിന് കുറ...

വാക്കുകൾ താക്കോൽ കൂട്ടം പോലെയാണ്.നിങ്ങൾ ശരിയായവ തെരഞ്ഞെടുത്താൽ ഏതു ഹൃദയം തുറക്കാനും തെറ്റായവ തെരഞ്ഞെടുത്താൽ ഏത് വാതിൽ അടക്കാനും കാരണമാവും...! മൗനം നിശബ്ദതയല്ല, ഘനീഭവിച്ച വാക്കുകളുടെ അർത്ഥവും അഗ്നിയും ആണ്.മൗനം എന്നത് ഒരു ശൂന്യതയല്ല, പലപ്പോഴും അത് ആഴമേറിയ ഉത്തരങ്ങളാണ്.ശബ്ദങ്ങളിൽ നിന്ന് മൗനത്തിലേക്കുള്ള ഗതിമാറ്റം സംസ്ക്കാരത്തിന്റെയും . സംസ്ക്കരണത്തിന്റെയും അടയാളമാണ്. എപ്പോഴും മൗനത്തെക്കാൾ വാക്കുകൾക്ക് സൗന്ദര്യമുള്ളടത്ത് സംസാരിക്കുന്നതാണ് ഉചിതം. എന്ത് ചെയ്തിട്ടും എത്ര മാന്യമായി പെരുമാറിയിട്ടും നമ്മെ മനസ്സിലാക്കവരുടെ മുന്നിൽ എന്ത് സംസാരിച്ചിട്ടും ഒരു വിലയുമില്ല, അതിന് ഒരു ഫലവുമുണ്ടാകുന്നുമില്ല. വേണ്ടത് വേണ്ട സമയത്ത് മാത്രം സംസാരിക്കുക. മൗനം ആവശ്യമുള്ളടത്ത് മാത്രം ഉപയോഗിക്കുക. നാം വളരെ കുറച്ച് സംസാരിക്കുമ്പോൾ കുറച്ച് തെറ്റുകൾ മാത്രമേ വരുന്നുള്ളു എന്നത് പോലെയാണ്. മൗനം പലപ്പോഴും ബലമുള്ള ഊന്ന് വടി ആകാറുമുണ്ട്. വളരെ അത്ഥവത്തായ വാക്കുകളാണ് മൗനം വിദ്വാന് ഭൂഷണമെന്നത്. മൗനം കൊണ്ട് പല സംഘർഷങ്ങളും ഇല്ലായ്മ ചെയ്യാൻ നമുക്ക് കഴിയും. വാക്കുകൾ കൊണ്ട് പോരാടാം എന്നാൽ ആത്മസംനയമുള്ളവർക്ക് മൗനം കൊണ...

കര്‍ഷക ക്ഷേമനിധി പെന്‍ഷന് ഇപ്പോൾ അപേക്ഷിക്കാം; അംശദായം 100 രൂപ...ഈ അവസരം പാഴാക്കരുത് - എല്ലാ കർഷകരിലേക്കും ഈ വാർത്ത ഷെയർ ചെയ്യാം. സംസ്ഥാനത്ത് കാർഷിക അനുബന്ധ പ്രവർത്തനങ്ങൾകൊണ്ട് ഉപജീവനം ക്ഷേമവും ഉന്നമനവും ലക്ഷ്യമിട്ട് കർഷക ക്ഷേമനിധി പെൻഷൻ ഉൾപ്പെടെയുള്ള ക്ഷേമ ആനുകൂല്യങ്ങൾ നടത്തുന്ന എല്ലാ കർഷകരുടെയും നൽകുന്നതിനായി ഇപ്പോൾ അപേക്ഷിക്കാം. 5 സെന്റിൽ കുറയാതെയും 15 ഏക്കറിൽ കവിയാതെയും വിസ്തീര്‍ണ്ണമുള്ള ഭൂമി കൈവശം വെച്ചിരിക്കുകയും, മൂന്ന് വര്‍ഷത്തെ കുറയാത്ത കാലയളവിൽ കൃഷി- കൃഷി അനുബന്ധ പ്രവർത്തനങ്ങൾ പ്രധാന ഉപജീവനമാർഗം ആയിരിക്കുകയും വാർഷിക വരുമാനം 5 ലക്ഷത്തിൽ കവിയാതെയുള്ള 18നും 65 വയസിനും ഇടയിൽ പ്രായമുള്ള ഏതൊരാൾക്കും അപേക്ഷിക്കാം. ഈ പദ്ധതിയുടെ പ്രതിമാസ അംശദായം 100 രൂപയാണ്. അംഗമായി റജിസ്റ്റർ ചെയ്യുന്നതിനുള്ള അപേക്ഷകൾ  കർഷകർ ക്ഷേമനിധി ബോർഡിന് മുന്നിൽ https://kfwfb.kerala.gov.in എന്ന പോർട്ടൽ വഴിയാണ് നൽകേണ്ടത്. പദ്ധതിയുടെ ഗുണഭോക്താവ് ആകുന്നതിന് പദ്ധതിയിൽ നിർദ്ദേശിക്കുന്ന പ്രകാരമുള്ള രേഖകളും (കർഷകന്റെ സത്യപ്രസ്താവന, ഫോട്ടോ, കാർഷിക അനുബന്ധ പ്രവർത്തനവുമായി ബന്ധപ്പെട്ട ഉദ്യോഗസ്ഥന്റെ സാക്ഷ്യ...

കണ്ണൂരിൽ ആഫ്രിക്കൻ പന്നിപ്പനി സ്ഥിരീകരിച്ചു കണ്ണൂർ: പായം പഞ്ചായത്തിൽ പന്നിപ്പനി സ്ഥിരീകരിച്ചു. മൂന്ന് ഫാമുകളിലെ പന്നികളെ കൊല്ലാൻ തീരുമാനമായി. പായം സ്വദേശി സുനിൽ മാത്യുവിന്റെ  ഫാമിലെ പന്നികളിലാണ് ആഫ്രിക്കൻ പന്നിപ്പനി സ്ഥിരീകരിച്ചത്. ഈ ഫാമിന് ചുറ്റുമുള്ള ഒരു കിലോമീറ്റർ പ്രദേശം രോഗബാധിത പ്രദേശമായും 10 കിലോമീറ്റർ ചുറ്റളവ് രോഗ നിരീക്ഷണ മേഖലയായും പ്രഖ്യാപിച്ചു.  ജില്ലാ ദുരന്ത നിവാരണ അതോറിറ്റി ചെയർമാനായ ജില്ലാ കളക്ടർ എസ് ചന്ദ്രശേഖറാണ് ഉത്തരവിട്ടത്. പന്നിപ്പനി സ്ഥിരീകരിച്ച ഫാമിലെ മുഴുവൻ പന്നികളെയും കൂടാതെ പ്രഭവ കേന്ദ്രത്തിന്റെ ഒരു കിലോമീറ്റർ ചുറ്റളവിലുള്ള ആന്റണി, കുര്യൻ എന്നീ വ്യക്തികളുടെ ഉടമസ്ഥതയിലുള്ള രണ്ട് പന്നിഫാമുകളിലെ മുഴുവൻ പന്നികളെയും  പ്രോട്ടോക്കോൾ പാലിച്ച് ഉടൻ ഉന്മൂലനം ചെയ്യാനും ഉത്തരവിട്ടു.  ഈ പ്രദേശങ്ങളിൽ പന്നിമാംസം വിതരണം ചെയ്യുന്നതും പന്നികളെ ജില്ലയിലെ മറ്റ് പ്രദേശങ്ങളിലേക്ക് കൊണ്ടുപോകുന്നതും മറ്റ് പ്രദേശങ്ങളിൽ നിന്ന് നിരീക്ഷണ മേഖലയിലേക്ക് കൊണ്ടുവരുന്നതും  മൂന്ന് മാസത്തേക്ക് നിരോധിച്ചു. 

സംസ്ഥാനത്ത് ഏപ്രിൽ മാസത്തിൽ ചൂട് 40 ഡിഗ്രി സെൽഷ്യസ് വരെ ഉയരും  മുന്നറിയിപ്പുമായി കാലാവസ്ഥ വകുപ്പ് സംസ്ഥാനത്ത് ഏപ്രിൽ മാസത്തിൽ ചൂട് 40 ഡിഗ്രി സെൽഷ്യസ് വരെ തുടരുമെന്ന് കാലാവസ്ഥ വകുപ്പ്. വിവിധ ഭാഗങ്ങളിൽ വേനൽ മഴ എത്തിയിട്ടും ചൂട് തുടരാനാണ് സാധ്യത. ഏപ്രിൽ 20 വരെ ചൂട് രണ്ട് ഡിഗ്രി സെൽഷ്യസ് മുതൽ മൂന്ന് ഡിഗ്രി സെൽഷ്യസ് വരെ കൂടിയേക്കും. ഏപ്രിൽ 20-ന് ശേഷം വേനൽ മഴ ശക്തമാകും എന്നാണ് കാലാവസ്ഥ അറിയിച്ചിരിക്കുന്നത്. അതേസമയം, മെയ് മുതൽ താപനില 32 ഡിഗ്രി സെൽഷ്യസ് വരെ കുറയുന്നതാണ്. ഇത്തവണ മാർച്ച് മാസത്തിൽ ലഭിക്കേണ്ട വേനൽ മഴയുടെ അളവിൽ കുറവ് ഉണ്ടായിട്ടുണ്ട്. മാർച്ചിൽ 32.4 മില്ലി മീറ്റർ മഴ ലഭിക്കേണ്ടിടത്ത്, 29.4 മില്ലി മീറ്റർ മഴയാണ് ലഭിച്ചത്. വേനൽ മഴയിലെ കുറവും, ഹരിതഗൃഹ വാതകങ്ങളുടെ പുറന്തള്ളലും, കാലാവസ്ഥാ വ്യതിയാനവും ചൂട് വർദ്ധിക്കാൻ കാരണമായിട്ടുണ്ട്. നിലവിൽ സൂര്യാഘാതത്തിന് സാധ്യത ഇല്ലെന്നാണ് കാലാവസ്ഥ വകുപ്പ് അറിയിച്ചിരിക്കുന്നത്. എന്നാൽ വിവിധ തരത്തിലുള്ള ആരോഗ്യ പ്രശ്നങ്ങൾ നേരിട്ടേക്കാം എന്ന മുന്നറിയിപ്പ് ആരോഗ്യ വിദഗ്ധർ നൽകുന്നുണ്ട്. മാർച്ചിൽ ഏറ്റവും കൂടിയ ചൂട് രേഖപ്പെടുത്തിയത് കണ്ണൂർ ജില്ലയ...

'അവധിക്കാലമാണ്, വെള്ളം കണ്ടാല്‍ എടുത്തു ചാടരുത് മക്കളെ...'; ജാഗ്രതാ നിര്‍ദേശവുമായി പൊലീസ് കൊച്ചി: വാര്‍ഷിക പരീക്ഷ കഴിഞ്ഞ് കുട്ടികളെല്ലാം അവധിക്കാലം ആഘോഷിക്കുന്നതിന്റെ തിരക്കിലേക്ക് കടന്നിരിക്കുകയാണ്. ആഘോഷത്തിന്റെ ഭാഗമായി അവധിക്കാല യാത്രകള്‍ തെരഞ്ഞെടുക്കുന്നവര്‍ നിരവധിയാണ്. അത്തരം യാത്രകളില്‍  പുഴകളും വെള്ളക്കെട്ടുള്ള പ്രദേശങ്ങളും കഴിവതും ഒഴിവാക്കണമെന്ന് കേരള പൊലീസ് മുന്നറിയിപ്പ് നല്‍കി. മുന്‍കാല അനുഭവങ്ങളുടെ പശ്ചാത്തലത്തിലാണ് കേരള പൊലീസിന്റെ ജാഗ്രതാനിര്‍ദേശം. പരിചയമില്ലാത്ത സ്ഥലങ്ങളില്‍ അമിത ആത്മവിശ്വാസത്തോടെ വെള്ളത്തില്‍ ചാടിയിറങ്ങുന്നതും ഗര്‍ത്തങ്ങള്‍, ചുഴികളും, വഴുക്കുള്ള പാറക്കെട്ടുകള്‍ എന്നിവിടങ്ങളില്‍ അതിസാഹസികത കാണിക്കാനും റീല്‍സും മറ്റും പകര്‍ത്തുന്നതിനും ശ്രമിക്കുന്നതും അപകടം ക്ഷണിച്ചു വരുത്തുമെന്ന് മുന്നറിയിപ്പില്‍ പറയുന്നു. അപകടങ്ങള്‍ ഒഴിവാക്കാന്‍ ശ്രദ്ധിക്കേണ്ട കാര്യങ്ങള്‍ അടങ്ങുന്ന കുറിപ്പ് കേരള പൊലീസ് ഫെയ്‌സ്ബുക്കില്‍ പങ്കുവെച്ചു👇🏻. ജലാശയങ്ങൾ കണ്ടാൽ... എടുത്തു ചാടാൻ വരട്ടെ...  അമിത ആത്മവിശ്വാസം അപകടങ്ങൾ ക്ഷണിച്ചു വരുത്തുന്നു.  അവധിക്കാലമാണ്. അ...

യു.എ.ഇ വൈസ്​ പ്രസിഡൻറും ​ ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമിന്‍റെ പേരിൽ വ്യാജ റമദാൻ മത്സരം. ലിങ്കിൽ ക്ലിക്ക്​ ചെയ്ത്​ സബ്​സ്​ക്രൈബ്​ ചെയ്യുന്നവരുടെ അക്കൗണ്ട്​ ഹാക്ക്​ ചെയ്യുകയാണ്​ ഇവരുടെ ലക്ഷ്യം. ദുബൈ :  യു.എ.ഇ വൈസ്​ പ്രസിഡൻറും ​പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമിന്‍റെ പേരിൽ വ്യാജ റമദാൻ മത്സരം. മുഹമ്മദ്​ ബിൻ റാശിദ്​ ആൽ മക്​തൂം റമദാൻ കോംപറ്റീഷൻ എന്ന പേരിലാണ്​ വ്യാജ മത്സരം നടക്കുന്നത്​. ശൈഖ്​ മുഹമ്മദിന്‍റെ ചിത്രവും ദുരുപയോഗം ചെയ്താണ്​ വ്യാജൻമാർ തട്ടിപ്പിനിറങ്ങിയിരിക്കുന്നത്​. റമദാൻ ക്വിസിൽ ഉത്തരം നൽകുന്നവർക്ക്​ 50 ലക്ഷം ഡോളർ വരെയാണ്​ സമ്മാനതുകയായി പ്രഖ്യാപിച്ചിരിക്കുന്നത്​. ലിങ്കിൽ ക്ലിക്ക്​ ചെയ്ത്​ സബ്​സ്​ക്രൈബ്​ ചെയ്യുന്നവരുടെ അക്കൗണ്ട്​ ഹാക്ക്​ ചെയ്യുകയാണ്​ ഇവരുടെ ലക്ഷ്യം. സാമൂഹിക മാധ്യമങ്ങളിലൂടെ ലിങ്ക്​ അയച്ചാണ്​ തട്ടിപ്പുകാർ ഇരകളെ വലയിൽ വീഴ്ത്തുന്നത്​. ഈ ലിങ്കിൽ ക്ലിക്ക്​ ചെയ്യുന്നതോടെ ഒരു വെബ്​സൈറ്റിലേക്ക്​ പോകും. ശൈഖ്​ മുഹമ്മദിന്‍റെ ചിത്രം സഹിതം നൽകിയിരിക്കുന്ന ഈ വെബ്​സൈറ്റ്​ കണ്ടാൽ ഒറിജിനൽ ആണെന്ന്...

30 കോടി പേർക്ക് ജോലി പോയേക്കാമെന്ന് മുന്നറിയിപ്പ്?  ആഗോളതലത്തിൽ 30 കോടിയിലധികം മനുഷ്യരുടെ ജോലികൾ നിർമിത ബുദ്ധിയിൽ പ്രവർത്തിക്കുന്ന പുതിയ സാങ്കേതിക സംവിധാനങ്ങൾ ഉപയോഗിച്ച് മാറ്റിസ്ഥാപിക്കപ്പെടാൻ സാധ്യതയുണ്ടെന്ന് റിപ്പോർട്ട്. മനുഷ്യർ ചെയ്യുന്ന മിക്ക ജോലികളും എഐ സംവിധാനങ്ങൾ ഉപയോഗിച്ച് മാറ്റിസ്ഥാപിച്ചേക്കാം. ചാറ്റ്ജിപിടി പോലുള്ള എഐ സംവിധാനങ്ങൾ ഈ മേഖലയിൽ വൻ മുന്നേറ്റം നടത്തുമെന്നാണ് പഠന റിപ്പോർട്ടിൽ പറയുന്നത്. നിലവിലെ കണക്കുകൾ പ്രകാരം ചാറ്റ്‌ജിപിടിക്കും മറ്റ് എഐ ടൂളുകൾക്കും 30 കോടിയിലധികം ജോലികൾ മാറ്റിസ്ഥാപിക്കാൻ കഴിയുമെന്ന് ഗോൾഡ്‌മാൻ സാക്‌സിന്റെ റിപ്പോർട്ട് അവകാശപ്പെടുന്നു. ജിപിടി-4 എന്ന നവീകരിച്ച എഐ സംവിധാനത്തിന് മത്രം ചാറ്റ്ജിപിടിയേക്കാൾ അധികമായി 20 ജോലികൾ കൈകാര്യം ചെയ്യാൻ കഴിയുമെന്നും പറയുന്നു. യുഎസിലെയും യൂറോപ്പിലെയും ജോലികളെക്കുറിച്ചുള്ള ഡേറ്റാ വിശകലനത്തെ അടിസ്ഥാനമാക്കി, ലോകമെമ്പാടുമുള്ള ഏകദേശം 30 കോടി മുഴുവൻ സമയ ജോലികൾ മാറ്റിസ്ഥാപിക്കാൻ ജനറേറ്റീവ് എഐയ്ക്ക് സാധിക്കുമെന്നാണ് ഗോൾഡ്മാൻ സാക്സ് സൂചിപ്പിക്കുന്നത്. നിലവിൽ മനുഷ്യർ ചെയ്യുന്ന ജോലികളിൽ മൂന്നിൽ രണ്ട് ഭാഗവും ഒരു പരി...

ഇനി മുതൽ ഗൂഗിൾ പേയിലും പേടിഎമ്മിലും ക്രെഡിറ്റ് കാർഡ് ഇടപാടുകൾ യുപിഐ വഴിയുള്ള ക്രെഡിറ്റ് കാർഡ് ഇടപാടുകൾ വിപുലീകരിക്കുന്ന തീരുമാനവുമായി നാഷണൽ പേയ്‌മെന്റ്‌സ് കോർപറേഷൻ ഓഫ് ഇന്ത്യ. ഇത് വഴി ഇനി മുതൽ ഗൂഗിൾ പേ, പേടിഎം, ഭാരത് പേ തുടങ്ങിയ പ്ലാറ്റ്‌ഫോമുകൾ വഴി ക്രെഡിറ്റ് കാർഡ് ഇടപാടുകൾ നടത്തുന്നതിനുള്ള സംവിധാനമാണ് വരുന്നത്. യുപിഐ അടിസ്ഥാനമാക്കിയുള്ള ആപ്പുകളിൽ പുതിയ അപ്ഡേഷൻ എപ്പോൾ നിലവിൽ വരുമെന്നത് സംബന്ധിച്ച് വ്യക്തത വന്നിട്ടില്ല. റുപേ ക്രെഡിറ്റ് കാർഡുകൾ ഉപയോഗിച്ച് യുപിഐ ഇടപാടുകൾക്ക് ആർബിഐ അനുമതി നൽകിയതിന് തൊട്ടുപിന്നാലെയാണ് പുതിയ തീരുമാനം. ഭാരത് പേ, കാഷ് ഫ്രീ പേയ്‌മെന്റ്‌സ്, ഗൂഗിൾ പേ, റാസോർ പേ, പെ ടിഎം, പിൻ ലാബ്‌സ് എന്നീ പ്ലാറ്റ്‌ഫോമുകളിൽ ക്രെഡിറ്റ് കാർഡുകൾ ഉപയോഗിച്ച് പേയ്മെന്റുകൾ നടത്താനാകും. നിലവിൽ ഗൂഗിൾ പേ, പേടിഎം പോലുള്ള പ്ലാറ്റ് ഫോമുകൾ വഴി ക്രെഡിറ്റ് കാർഡ് ഇടപാടുകൾ സാധ്യമില്ല.

ഒറ്റയ്ക്കായിപ്പോയ ഞാൻ എന്നോടൊപ്പം അൽപ സമയമെങ്കിലും ചിലവഴിക്കണം. ഒരു കൂട്ട് കൊടുക്കണം. ഒറ്റപ്പെടൽ എന്നത് ഒരു തോന്നലല്ല , സത്യമാണ് തനിക്ക് കൂട്ട് താൻ മാത്രമേ ഉള്ളു എന്ന സത്യം. ഏറെയും ഒറ്റപ്പെടുന്നവർ ജീവിതത്തിൽ അഭിനയിക്കാനറിയാത്തവരായിരിക്കും. പലതിന്റെയും ഓർമപ്പെടുത്തലുകളാണ് നമ്മുടെ ഒറ്റപ്പെടൽ എന്നത്. ഓരോ ഒറ്റപ്പെടലിന് പിന്നിലും ഉണ്ടാകും മനോഹരങ്ങളായ കഥകൾ. അതൊരിക്കലും നമ്മുടെ ജീവിതത്തിന്റെ കൂരിരുട്ടല്ല..മറിച്ച് പലരെയും മനസ്സിലാക്കാനുള്ള വെളിച്ചമാണ്.. ഒറ്റപ്പെടലിനെക്കാൾ ഭയാനകമായ വേദനയില്ല എങ്കിൽക്കൂടി , ഒറ്റപ്പെടൽ പകർന്ന് നൽകിയിട്ടുള്ള അറിവും, തിരിച്ചറിവും ഒരു പാഠപുസ്തകത്തിൽ നിന്നും നമുക്ക് ലഭിക്കാറും ഇല്ല.. ഒറ്റപ്പെടൽ അനുഭവിച്ച വർക്കേ അത് അറിയാൻ കഴിയു . ആരും കൂടെ ഇല്ലാതാകുമ്പോഴല്ല ഒറ്റപ്പെടൽ വേദനയാകുന്നത് , മറിച്ച് നാം എല്ലാം എന്ന് കരുതുന്നവരുടെ മനസ്സിൽ നാം ആരും അല്ലെന്നുള്ള തിരിച്ചറിവിലാണ് .. സ്വയം നമ്മെ കണ്ടെത്താനുള്ള അവസരങ്ങളാണ്.. ഇന്നത്തെ ശത്രു നാളത്തെ മിത്രവും ഇന്നത്തെ മിത്രം നാളത്തെ ശത്രുവുമാകാൻ സാധ്യതയുണ്ട്. ആരും എല്ലാവരുടെയും ശത്രുവല്ല, ഒരാളുടെ ശത്രു മറ്റൊരാൾക്ക് പ്രിയപ്...

വൈറസ് സാന്നിദ്ധ്യം; ഇന്ത്യയില്‍ നിന്നുള്ള ചെമ്മീന്‍ ഇറക്കുമതിക്ക് നിയന്ത്രണം ഏര്‍പ്പെടുത്തി സൗദി അറേബ്യ റിയാദ്: വൈറസ് സാന്നിദ്ധ്യം കണ്ടെത്തിയതിനെ തുടര്‍ന്ന് ഇന്ത്യയില്‍ നിന്നുള്ള ചെമ്മീന്‍ ഇറക്കുമതിക്ക് സൗദി അറേബ്യ നിരോധനം ഏര്‍പ്പെടുത്തി.രാജ്യത്തെ ഫുഡ് ആന്റ് ഡ്രഗ് അതോറിറ്റിയുടെ തീരുമാനത്തെ തുടര്‍ന്നാണ് താത്കാലിക നിരോധനം ഏര്‍പ്പെടുത്തിയിരിക്കുന്നത്. ഇന്ത്യയില്‍ നിന്ന് ഇറക്കുമതി ചെയ്‍ത ശീതീകരിച്ച ചെമ്മീനില്‍ വൈറ്റ് സ്‍പോട്ട് സിന്‍ഡ്രോം വൈറസിന്റെ സാന്നിദ്ധ്യം സ്ഥിരീകരിച്ചുവെന്നാണ് അധികൃതര്‍ അറിയിച്ചിരിക്കുന്നത്. ചെമ്മീന്‍ സാമ്ബിളുകളുടെ പരിശോധനയില്‍ ഈ വൈറസ് കണ്ടെത്തിയതാണ് നിരോധനത്തിന് കാരണം. രാജ്യത്തേക്ക് കയറ്റുമതി ചെയ്യുന്ന ഉത്പന്നങ്ങളുടെ സുരക്ഷ ഉറപ്പാക്കാനും വൈറസ് സാന്നിദ്ധ്യമില്ലെന്നും ഇന്ത്യ മതിയായ ഉറപ്പ് നല്‍കുന്നത് വരെ താത്കാലിക നിരോധനം ഏര്‍പ്പെടുത്തുകയാണെന്ന് അധികൃതര്‍ അറിയിച്ചു.

കാപ്പി മുഖക്കുരുവിന് കാരണമാകുമോ? ദിവസം ആരംഭിക്കുമ്പോൾ തന്നെ ഒരു കാപ്പി കുടിക്കുന്നത് മിക്കവരുടെയും ശീലമാണ്. കാപ്പി കുടിച്ചുകൊണ്ട് ദിവസം ആരംഭിക്കുന്നത് പലർക്കും വളരെ ഊർജ്ജം നൽകുന്ന കാര്യവുമാണ്. എന്നാൽ, കാപ്പി അമിതമായി കുടിക്കുന്നത് നിരവധി ആരോ​ഗ്യ പ്രശ്നങ്ങൾക്ക് കാരണമാകുമെന്നും അറിയേണ്ടതുണ്ട്. കഫീൻ അമിതമായി കഴിക്കുന്നത് പലവിധത്തിലുള്ള ആരോ​ഗ്യപ്രശ്നങ്ങൾക്ക് കാരണമാകും. ചർമ്മത്തിന്റെ ആരോ​ഗ്യത്തെയും കാപ്പി ദോഷകരമായി ബാധിക്കുമെന്നാണ് പഠനങ്ങൾ വ്യക്തമാക്കുന്നത് കാപ്പി മെറ്റബോളിസം വർധിപ്പിക്കുകയും കൂടുതൽ ഊർജം നൽകുകയും ചെയ്യുമെങ്കിലും, അമിതമായി കുടിച്ചാൽ, അത് നിങ്ങളുടെ ചർമ്മത്തെ ദോഷകരമായി ബാധിക്കും. കാപ്പി മുഖക്കുരു ഉണ്ടാകുന്നതിന് കാരണമാകുന്നുവെന്നതാണ് കാപ്പിയുമായി ബന്ധപ്പെട്ട ചർമ്മപ്രശ്നങ്ങളിലെ പ്രധാനപ്പെട്ടത്. ഭക്ഷണക്രമവും മുഖക്കുരുവും തമ്മിലുള്ള ബന്ധം പലപ്പോഴും സംസാരിക്കപ്പെടുന്ന വിഷയമാണ്. മുഖക്കുരുവിന് കാരണമാകുന്ന ഘടകങ്ങളെ വ്യക്തമാക്കാൻ ആവശ്യപ്പെട്ട പഠനങ്ങളിൽ കാപ്പി പലപ്പോഴും മുഖക്കുരുവിന് കാരണമാകുന്നതാണെന്ന് കണ്ടെത്തിയിരുന്നു. കാപ്പി കുടിക്കുന്നത് മുഖക്കുരുവിന് കാരണമാകുന്നുണ്ടോ ഇ...

കുഞ്ഞുങ്ങൾക്ക് എത്ര വയസ് മുതൽ മുട്ട നൽകാം? കുഞ്ഞുങ്ങൾക്ക് എത്ര വയസ് മുതൽ മുട്ട നൽകണമെന്നതിനെ പറ്റി പലർക്കും പല സംശയമുണ്ട്. പോഷകങ്ങളുടെ കലവറയാണ് മുട്ട എന്ന കാര്യം എല്ലാവർക്കും അറിയാം. മുട്ടയിൽ വിറ്റാമിൻ, കാത്സ്യം, പ്രോട്ടീൻ എന്നിവ ധാരാളം അടങ്ങിയിട്ടുണ്ട്. മുട്ടയിൽ കുഞ്ഞുങ്ങൾക്ക് ശരീരഭാരം വർധിക്കാനും ബുദ്ധിവികാസത്തിനും സഹായകമായ ധാരാളം പോഷകങ്ങൾ അടങ്ങിയിട്ടുണ്ട്. ‍‍‍ മുട്ട തെരഞ്ഞെടുക്കുമ്പോൾ നാടൻ മുട്ടകൾ തന്നെ കുട്ടികൾക്ക് കൊടുക്കാനായി തിരഞ്ഞെടുക്കേണ്ടതുണ്ട് . മാർക്കറ്റിൽ ലഭിക്കുന്ന പല മുട്ടകളിലും മായം കലരുന്നതായി കണ്ടെത്തിയിട്ടുണ്ട്. എട്ട് മാസം മുതൽ കുഞ്ഞുങ്ങൾക്ക് മുട്ട നൽകി തുടങ്ങാം. എട്ട് മാസം മുതൽ കുഞ്ഞുങ്ങൾക്ക് മുട്ടയുടെ മഞ്ഞ മാത്രമേ നൽകാൻ പാടൂള്ളൂ. അല്ലെങ്കിൽ കുഞ്ഞിന് ദഹിക്കാൻ പ്രയാസമാകും. പത്ത് മാസം പ്രായമാകുമ്പോള്‍ മുട്ടയുടെ വെള്ള നല്‍കാം. കുഞ്ഞിന് പ്രോട്ടീന്‍ അലര്‍ജിയുണ്ടാകുന്നില്ലെങ്കില്‍ മാത്രം തുടര്‍ന്നും നല്‍കാം. സ്കൂള്‍ കാലത്തിലേക്ക് കടന്നാല്‍ ദിവസവും കുട്ടികളുടെ ഭക്ഷണത്തില്‍ മുട്ട ഉള്‍പ്പെടുത്താം. ബാക്ടീരിയില്‍ അണുബാധയ്ക്ക് സാധ്യത ഉള്ളതിനാല്‍ മുട്ട പുഴുങ്ങി കറി...

രാജ്യത്ത് ആദ്യ റീട്ടെയിൽ ഷോപ്പുകളുമായി ആപ്പിൾ എത്തുന്നു, എവിടെയൊക്കെയെന്ന് അറിയാം ഇന്ത്യയിൽ ആദ്യ റീട്ടയിൽ ഷോപ്പുകൾ ആരംഭിക്കാനൊരുങ്ങി ആഗോള ടെക് ഭീമനായ ആപ്പിൾ. റിപ്പോർട്ടുകൾ പ്രകാരം, മുംബൈയിലും ഡൽഹിയിലുമാണ് ആപ്പിളിന്റെ ആദ്യ റീട്ടെയിൽ സ്റ്റോറുകൾ പ്രവർത്തനമാരംഭിക്കുന്നത്. ഏപ്രിലിൽ മുംബൈയിലും, ഏപ്രിലിനും ജൂണിനും ഇടയിൽ ഡൽഹിയിലുമാണ് റീട്ടെയിൽ സ്റ്റോറുകൾ ആരംഭിക്കുക. മുംബൈയിലെ ജിയോ വേൾഡ് ഡ്രൈവ് മാളിലും, ഡൽഹിയിലെ സെലക്ട് സിറ്റി വാക്ക് മാളിലുമാണ് ആപ്പിളിന്റെ ആദ്യ സ്റ്റോർ തുറക്കുന്നത്. ഡൽഹിയിൽ ആരംഭിക്കാനിരിക്കുന്ന സ്റ്റോറിന് അപേക്ഷിച്ച് മുംബൈയിലെ സ്റ്റോറാണ് താരതമ്യേന വലുത്. 2020-ൽ രാജ്യത്ത് ആപ്പിളിന്റെ ഇ- സ്റ്റോറുകൾ പ്രവർത്തനമാരംഭിച്ചിരുന്നു. നിലവിൽ, ഇ- സ്റ്റോറുകൾ മുഖാന്തരമാണ് ആപ്പിളിന്റെ ഉൽപ്പന്നങ്ങൾ വിറ്റഴിക്കുന്നത്. കൂടാതെ, കമ്പനിയുടെ രണ്ട് ഓഫ്‌ലൈൻ ഷോപ്പുകൾ മുംബൈയിലും ഡൽഹിയിലും പ്രവർത്തിക്കുന്നുണ്ട്. ഇത്തവണ ആപ്പിളിന്റെ റീട്ടെയിൽ ആൻഡ് പീപ്പിൽ സീനിയർ വൈസ് പ്രസിഡന്റ് ഡെയ്ഡ്ര ഒബ്രിയൻ മുംബൈയിൽ നടക്കുന്ന സ്റ്റോർ ലോഞ്ച് ചടങ്ങിൽ പങ്കെടുക്കാൻ സാധ്യതയുണ്ട്.     

ജീരക കഞ്ഞി ഇന്ന് നമുക്ക്‌ ജീരകകഞ്ഞി എങ്ങനെ ഉണ്ടാക്കാം എന്ന് നോക്കാം. നോമ്പ്‌ വിഭവങ്ങളിൽ പ്രധാനപ്പെട്ട ഒരു വിഭവം ആണ്‌ ജീരകകഞ്ഞി. ഔഷധ ഗുണങ്ങൾ നിറഞ്ഞ ഇത്‌ നോമ്പ്‌ തുറ സമയം പള്ളികളിലും വീടുകളിലും ഉണ്ടാക്കാറുണ്ട്‌.വീടുകളിൽ ഇത്‌ ഇടയത്തായ ഭക്ഷണം ആയും ഉപയോഗിക്കാറുണ്ട്‌. കേരളത്തിലെ ഒരു ഭക്ഷണ പദാർത്ഥമാണ് കഞ്ഞി. അരി വെന്ത വെള്ളത്തോട് കൂടി കഴിക്കുന്ന ഭക്ഷണമാണ് കഞ്ഞി. ഗ്രാമപ്രദേശങ്ങളിലെല്ലാം ഇന്നും ഒരു നേരമെങ്കിലും കഞ്ഞികുടിക്കൽ പലരുടെയും ശീലമാണ്. ഭക്ഷണ ദൗർലഭ്യം നേരിട്ടിരുന്ന കാലത്ത് കഞ്ഞി ആയിരുന്നു ദരിദ്രരുടെ മുഖ്യാഹാരം. മലയാളിയുടെ ആഢ്യമനോഭാവമാവാം ആ വാക്ക് പോലും മലയാളമനസ്സിൽ പഴഞ്ചൻ രീതികളുടെ മറുവാക്കായി മാറിയത്. അരി വേവിച്ചതിന് ശേഷം പൊതുവെ കളയാറുള്ള കഞ്ഞിവെള്ളം നല്ലൊരു പാനീയം കൂടിയാണ്. പനിയും മറ്റും ഉണ്ടാവുമ്പോൾ പൊതുവെ നിർദ്ദേശിക്കാറുള്ള ഭക്ഷണ പദാർത്ഥവും കഞ്ഞിയാണ്. വിശപ്പിനും ക്ഷീണത്തിനും ഉത്തമമായ കഞ്ഞി പലവിധ മരുന്നുകൂട്ടുകൾ ചേർത്ത് ഔഷധക്കഞ്ഞിയായും ഉപയോഗിക്കുന്നു. കഞ്ഞിയിൽ കുറച്ച്‌ ഔഷധ ഗുണങ്ങൾ നിറഞ്ഞ സാധനങ്ങൾ ചേർത്ത്‌ പാകം ചെയ്യുന്ന ഒന്നാണ്‌ ജീരകകഞ്ഞി കഞ്ഞിയിൽ ഇടുന്ന സാധനങ്ങളുടെ വ്യത്...

രാജ്യത്ത് അവശ്യ മരുന്നുകൾക്ക് 12 ശതമാനം വരെ വില കൂടും തി​രു​വ​ന​ന്ത​പു​രം: മ​രു​ന്നു​ക​മ്പ​നി​ക​ൾ​ക്ക്​ ക​ഴു​ത്ത​റു​പ്പി​ന്​ വ​ഴി​യൊ​രു​ക്കി മ​രു​ന്നു​വി​ല വ​ർ​ധ​ന​ക്ക്​ കേ​​ന്ദ്ര​ത്തി​​ന്‍റെ അ​നു​മ​തി. അ​വ​ശ്യ മ​രു​ന്നു​ക​ൾ​ക്ക്​ 12 ശ​ത​മാ​നം വ​രെ വി​ല വ​ർ​ധി​പ്പി​ക്കാ​ൻ നാ​ഷ​ന​ൽ ഫാ​ർ​മ​സ്യൂ​ട്ടി​ക്ക​ൽ പ്രൈ​സി​ങ് അ​തോ​റി​റ്റി​യാ​ണ് (എ​ൻ.​പി.​പി.​എ) നി​ർ​മാ​താ​ക്ക​ൾ​ക്ക് അ​നു​മ​തി ന​ൽ​കി​യ​ത്.    രാജ്യത്ത് ഹൃദ്രോഗികൾക്കുള്ള മരുന്നുകൾ, ആന്റിബയോട്ടിക്കുകൾ, വേദനസംഹാരികൾ എന്നിവ അടക്കമുള്ള അവശ്യമരുന്നുകളുടെ വില ഏപ്രിൽ 1 മുതൽ 12 ശതമാനത്തോളം ഉയരും. അവശ്യമരുന്നുകൾക്ക് ഏപ്രിൽ ഒന്നുമുതൽ വൻതോതിൽ വില കൂടും. 12 ശതമാനംവരെ വർധനയ്ക്കാണ് നിർമാതാക്കൾക്ക് അനുമതി നൽകുന്നത്. അവശ്യമരുന്ന് പട്ടികയിൽ ഉൾപ്പെടാത്ത മരുന്നുകൾക്കും 10 ശതമാനംവരെ വിലകൂടും. ചികിത്സച്ചെലവ് വൻതോതിൽ കൂടാൻ ഇത് വഴിയൊരുക്കും. ആദ്യമായാണ് ഇത്രയും വലിയ വിലവർധന നടപ്പാവുന്നത്. 384 തന്മാത്രകളടങ്ങുന്ന ഔഷധങ്ങളാണ് അവശ്യമരുന്നു പട്ടികയിലുള്ളത്. ഏതാണ്ട് 900 മരുന്നുകൾ ഇതിൽ ഉൾപ്പെടും. നിയന്ത്രണത്തിന് വിധേയമായി കുറഞ്ഞ വിലയിലാണ് ഇവ വ...

9 വര്‍ഷത്തിനിടയില്‍ പിറന്ന 3 കുട്ടികള്‍ക്കും ഒരേ ജന്മദിനം, അത്യപൂര്‍വ്വതയ്ക്ക് സാക്ഷിയായി മലയാളി ദമ്പതികള്‍ മാതാപിതാക്കളായ ഹലീമ മുസ്തഫയ്ക്കും തൈസീർ അബ്ദുൾ കരീമിനും മാർച്ച് 14 ഒരു പ്രത്യേക ദിവസമാണ്2014, 2018, 2023 വർഷങ്ങളിലായി മാർച്ച് 14 നാണ് മൂന്ന്  കുട്ടികളും ജനിച്ചത്. അബുദാബി: ഒന്‍പത് വര്‍ഷത്തിനിടയില്‍ ഒരേ ദിവസം മക്കള്‍ക്ക് ജന്മം നല്‍കി പ്രവാസി വനിത. കണ്ണൂര്‍ സ്വദേശിനിയായ ഹലീമ മുസ്തഫയ്ക്കും തയ്സീര്‍ അബ്ദുള്‍ കരീമിനുമാണ് ഒന്‍പത് വര്‍ഷത്തിനിടയില്‍ ഒരേ ദിവസം തന്നെ കുഞ്ഞുങ്ങളുണ്ടായത്. മാര്‍ച്ച് 14 എന്ന് പറയുന്നത് തങ്ങളുടെ വിശേഷപ്പെട്ട ദിവസമെന്നാണ് ഇരുവരും പ്രതികരിക്കുന്നത്. 2014 മാര്‍ച്ച് 14നാണ് മകള്‍ തനിഷ തഹാനി ജനിക്കുന്നത്. 2018ല്‍ മകനായ മുഹമ്മദ് എമിന്‍ ജനിച്ചു. 2023 മാര്‍ച്ച് 14നാണ് മകനായ ഹൈസിന്‍ ഹമ്മദ് ജനിക്കുന്നത്. മക്കളുടെ പിറന്നാള്‍ ഒരേ ദിവസമായതിലുള്ള ആഹ്ളാദം മറച്ചുവയ്ക്കുന്നില്ല ഈ ദമ്പതികള്‍. ദൈവത്തിന്‍റെ അനുഗ്രഹമാണ് ഇത്തരമൊരു അപൂര്‍വ്വ സംഭവത്തിന് കാരണമായതെന്നാണ് ദമ്പതികളുടെ പ്രതികരണം. ഈ അപൂര്‍വ്വത വിശ്വസിക്കാനാവുന്നില്ലെന്നാണ് ഹലീമയുടെ പ്രതികരണം. റമ...

  30/03/2023 , വ്യാഴം ഇന്നത്തെ വില നിലവാരം സ്വർണ്ണം ഗ്രാം : 5470 രൂപ പവൻ : 43,760 രൂപ വെള്ളി   ഗ്രാം : 76.00രൂപ കിലോ : 76,000 രൂപ എക്സ്ചേഞ്ച്‌ റേറ്റ്‌ യു എസ്‌ ഡോളർ. : 82.24 യൂറൊ : 89.10 ബ്രിട്ടീഷ്‌ പൗണ്ട്‌ : 101.20 ഓസ്ട്രേലിയൻ ഡോളർ : 54.93  കനേഡിയൻ ഡോളർ : 60.58 സിംഗപ്പൂർ ഡോളർ. : 61.82 ബഹറിൻ ദിനാർ : 218.09 മലേഷ്യൻ റിംഗിറ്റ്‌ : 18.58 സൗദി റിയാൽ : 21.93 ഖത്തർ റിയാൽ : 22.59 യു എ ഇ ദിർഹം : 22.39 കുവൈറ്റ്‌ ദിനാർ : 268.21 ഒമാനി റിയാൽ. : 213.60 പെട്രോൾ, ഡീസൽ വിലകൾ  കോഴിക്കോട്‌ : 106.12 - 95.06 എറണാകുളം : 105 61 - 94.51 തിരുവനന്തപുരം : 107.44- 96.26 കോട്ടയം : 106.00 - 94.92 മലപ്പുറം : 106.18 - 95.43 തൃശൂർ : 105.97- 94.89 കണ്ണൂർ : 105.93 - 94.88 മാഹി : 93.80 - 83.72

ആധാരം എഴുത്ത് ഫീസിന് രസീത് ലഭിക്കുന്നില്ലേ ? 1960 ലെ കേരള ഡോക്യുമെന്റ് റൈറ്റേഴ്‌സ് ലൈസൻസ് റൂളിലെ വ്യവസ്ഥകൾ പ്രകാരമാണ് ആധാരമെഴുത്തുകാർ പ്രവർത്തിക്കേണ്ടത്. എല്ലാ ആധാരം എഴുത്തുകാരും പാലിക്കേണ്ട നിബന്ധനകൾ താഴെ കൊടുക്കുന്നു. 1. എല്ലാം ആധാരം എഴുത്ത് ആപ്പീസുകളിലും എഴുത്ത് ഫീസ് പൊതുജനങ്ങൾക്ക് കാണത്തക്ക രീതിയിൽ പ്രദർശിപ്പിച്ചിരിക്കണം. 2. പ്രദർശിപ്പിച്ചിരിക്കുന്ന ഫീസ് പട്ടികയിൽ കൂടുതൽ ഫീസ് വസൂലാക്കരുത്. 3. എഴുത്ത് ഫീസിന് കൃത്യമായി രസീതുകൾ നൽകേണ്ടതാണ്. രസീത് നിങ്ങളുടെ അവകാശമാണ്. തരുവാൻ വിസമ്മതിക്കുകയാണെങ്കിൽ GST കമ്മീഷണർക്കും പരാതി കൊടുക്കാം. 4. ആധാരം എഴുത്തുകാർ യാതൊരു കാരണവശാലും സബ് രജിസ്ട്രാർ ഓഫീസിലെ ജീവനക്കാരുടെ പേരിൽ കക്ഷികളിൽ നിന്ന് യാതൊരു തുകയും ആവശ്യപ്പെടുകയോ വസൂലാക്കുകയോ ചെയ്യരുത്. 5. ആധാരം എഴുത്തുകാരുടെ പേരും ലൈസൻസ് വിവരവും രേഖപ്പെടുത്തിയ ബോർഡുകൾ അവരവരുടെ ഓഫീസിൽ പ്രദർശിപ്പിക്കേണ്ടതാണ്. 6. ഫീസ് പട്ടികയിൽ പറഞ്ഞിരിക്കുന്നതിനേക്കാൾ അമിത ഫീസ് ഈടാക്കുക, ചട്ടങ്ങൾക്കും നിർദ്ദേശങ്ങൾക്കും അനുസരണമായി ആധാരങ്ങൾ തയ്യാറാക്കാതിരിക്കുക, യഥാർത്ഥ വസ്തുതകൾ മറച്ചു വച്ച ആധാരം തെറ്റായ രീതിയിൽ തയ്യാ...

യുപിഐ പണമിടപാടിനിടെ തട്ടിപ്പ്! 81 പേർക്ക് നഷ്ടമായത് 1 കോടി രൂപ   യുപിഐ (യുനിഫൈഡ് പേയ്‌മെന്റ് ഇന്റർഫേസ്) പണമിടപാടുകൾ കുറഞ്ഞ കാലത്തിനിടെ ഇന്ത്യയുടെ ഓൺലൈൻ പേയ്‌മെന്റ് മേഖലയിൽ വൻ വിപ്ലവമാണ് സൃഷ്ടിച്ചത്. ഓൺലൈൻ ഷോപ്പിങ്, യാത്രാ ബുക്കിങ് മുതൽ പലചരക്ക് സാധനങ്ങളും പച്ചക്കറികളും വഴിയോര കച്ചവടക്കാരിൽ നിന്ന് വാങ്ങുന്നത് വരെ യുപിഐ വഴിയായി. രണ്ട് ബാങ്ക് അക്കൗണ്ടുകൾക്കിടയിൽ പണം കൈമാറ്റം ചെയ്യാൻ സഹായിക്കുന്ന സംവിധാനമാണ് യുപിഐ. എന്നാൽ, ജനപ്രീതി കൂടിയതോടെ യുപിഐ പണമിടപാടുകൾ ഉപയോഗിച്ചുള്ള തട്ടിപ്പുകളും വ്യാപകമായിരിക്കുന്നു. കേന്ദ്ര ധനമന്ത്രാലയത്തിന്റെ റിപ്പോർട്ട് അനുസരിച്ച്, 2022-23 കാലയളവിൽ യുപിഐ ഇടപാടുകളുടെ പേരിൽ 95,000 ത്തിലധികം തട്ടിപ്പുകൾ സൈബർ സെല്ലുകൾ രേഖപ്പെടുത്തിയിട്ടുണ്ട്. നാഷണൽ പേയ്‌മെന്റ് കോർപ്പറേഷൻ ഓഫ് ഇന്ത്യ (എൻ‌പി‌സി‌ഐ) വികസിപ്പിച്ചെടുത്ത യുപിഐ സംവിധാനം സുരക്ഷിതമാണെങ്കിലും ഉപഭോക്താക്കളുടെ അറിവില്ലായ്മയും മറ്റു അബദ്ധങ്ങൾ കാരണവുമാണ് പണം തട്ടിയെടുക്കുന്നത്. യുപിഐയുമായി ബന്ധിപ്പിച്ചിട്ടുള്ള ബാങ്ക് അക്കൗണ്ടുകളിൽ നിന്ന് പണം മോഷ്ടിക്കാൻ ‘പേയ്‌മെന്റ് മിസ്റ്റേക്ക്’ തന്ത്രങ്ങളാണ് ഉപയോഗ...

മന്ത്രിസഭായോഗ തീരുമാനങ്ങൾ (29.03.2023) ----- 2023ലെ കേരള വ്യവസായനയം അംഗീകരിച്ചു 2023ലെ കേരള വ്യവസായനയം അംഗീകരിച്ചു. മാറുന്ന കാലത്തിന്‍റെ വെല്ലുവിളികള്‍ ഏറ്റെടുക്കാന്‍ സംസ്ഥാനത്തെ വ്യവസായ അന്തരീക്ഷം ഒരുക്കും. നിക്ഷേപങ്ങള്‍ വന്‍തോതില്‍ ആകര്‍ഷിച്ച് നവീന ആശയങ്ങള്‍ വളര്‍ത്തി സുസ്ഥിര വ്യാവസായിക അന്തരീക്ഷം സൃഷ്ടിക്കുന്നതിന് സഹായകമായ പ്രവര്‍ത്തനങ്ങള്‍ മുന്നോട്ടുവയ്ക്കുന്ന സമഗ്ര നയമാണ് തയ്യാറാക്കിയത്.  പട്ടയം അനുവദിക്കും കണ്ണൂര്‍ തളിപ്പറമ്പ് താലൂക്ക് മൊറാഴ വില്ലേജിലെ കാനൂലില്‍ 1958ല്‍ താല്‍ക്കാലിക പട്ടയം അനുവദിച്ച 28 ഏക്കര്‍ ഭൂമിക്ക് നിലവിലുള്ള 135 കൈവശക്കാരുടെ പേരില്‍ സ്ഥിര പട്ടയം അനുവദിക്കാന്‍ തീരുമാനിച്ചു.  1995 മുനിസിപ്പല്‍-കോര്‍പ്പറേഷന്‍ പ്രദേശങ്ങളിലെ ഭൂമി പതിവ് ചട്ടത്തിലെ ചട്ടം 21(2) പ്രകാരം പ്രത്യേക കേസായി പരിഗണിച്ചാണ് പട്ടയം നല്‍കുന്നത്.  ധനസഹായം കോഴിക്കോട് മെഡിക്കല്‍ കോളേജില്‍ പ്രസവ ശസ്ത്രക്രിയക്കിടയില്‍ സര്‍ജിക്കല്‍ സിസര്‍ വയറ്റില്‍ മറന്നുവച്ച് ശസ്ത്രക്രിയ പൂര്‍ത്തിയാക്കി എന്ന് ആരോപിച്ച ഹര്‍ഷിന കെ കെയുടെ അപേക്ഷയില്‍ മുഖ്യമന്ത്രിയുടെ ദുരിതാശ്വാസ നിധിയില്‍ നി...

ക്ഷേമ പെന്‍ഷന്‍ ലഭിക്കാന്‍ മസ്റ്ററിങ് നിര്‍ബന്ധം; ഏപ്രില്‍ ഒന്ന് മുതല്‍ ആരംഭിക്കും ഡിസംബര്‍ 31 വരെ സാമൂഹ്യ സുരക്ഷാ/ ക്ഷേമനിധി ബോര്‍ഡു പെന്‍ഷന്‍ ലഭിച്ച എല്ലാ ഗുണഭോക്താക്കളും ഏപ്രില്‍ 1 മുതല്‍ ജൂണ്‍ 30 വരെയുള്ള കാലയളവിന് ഉള്ളില്‍ അക്ഷയ കേന്ദ്രങ്ങള്‍ വഴി ബയോമെട്രിക് മസ്റ്ററിങ് നടത്തണമെന്ന് സര്‍ക്കാര്‍ നിര്‍ദേശം. നിശ്ചിത സമയ പരിധിക്കുള്ളില്‍ മസ്റ്ററിങ് പൂര്‍ത്തിയാക്കിയവര്‍ക്ക് മാത്രമേ തുടര്‍ന്നും പെന്‍ഷന്‍ ലഭിക്കുകയുള്ളൂ. ശാരീരിക/ മാനസിക വെല്ലുവിളി നേരിടുന്നവര്‍, കിടപ്പ് രോഗികള്‍, വൃദ്ധ ജനങ്ങള്‍ എന്നിങ്ങനെ അക്ഷയ കേന്ദ്രങ്ങളില്‍ എത്തിച്ചേരാന്‍ കഴിയാത്തവര്‍ വിവരം അക്ഷയ കേന്ദ്രങ്ങളില്‍ അറിയിക്കണം. അക്ഷയ കേന്ദ്രം പ്രതിനിധി പ്രസ്തുത ഗുഭോക്താക്കളുടെ വീട്ടിലെത്തി മസ്റ്ററിങ് നടത്തും. ആധാര്‍ ഇല്ലാതെ സാമൂഹ്യ സുരക്ഷാ പെന്‍ഷന്‍ അനുവദിക്കപ്പെട്ട 85 വയസ് കഴിഞ്ഞവര്‍, 80 ശതമാനത്തിലധികം ശാരീരിക വൈകല്യമുള്ളവര്‍, സ്ഥിരമായി രോഗ ശയ്യയിലുള്ളവര്‍, ആധാര്‍ ഇല്ലാതെ പെന്‍ഷന്‍ അനുവദിക്കപ്പെട്ട ക്ഷേമനിധി ബോര്‍ഡ് ഗുഭോക്താക്കള്‍, ബയോമെട്രിക് മസ്റ്ററിംഗ് പരാജയപ്പെടുന്നവര്‍ എന്നിവര്‍ ബന്ധപ്പെട്ട പ്രാദേശിക സര്...

ശസ്ത്രക്രിയക്കിടെ വയറ്റില്‍ കത്രിക കുടുങ്ങിയ ഹർഷിനയ്ക്ക് രണ്ട് ലക്ഷം രൂപ ധനസഹായം പ്രഖ്യാപിച്ച് സർക്കാർ ശസ്ത്രക്രിയക്കിടെ വയറ്റില്‍ കത്രിക കുടുങ്ങിയ യുവതിക്ക് ദുരിതാശ്വാസ നിധിയില്‍ നിന്ന് രണ്ട് ലക്ഷം രൂപ നൽകുമെന്ന് സർക്കാർ. കോഴിക്കോട് മെഡിക്കല്‍ കോളജില്‍ നടത്തിയ ശസ്ത്രക്രിയക്കിടെയാണ് ഹർഷിനയുടെ വയറ്റില്‍ ശസ്ത്രക്രിയ ഉപകരണം കുടുങ്ങിയതെന്ന് പറയുന്നത്. 2017 നവംബർ 30-നായിരുന്നു മെഡിക്കൽ കോളേജ് ആശുപത്രിയിൽ നടന്ന മൂന്നാമത്തെ പ്രസവശസ്ത്രക്രിയയ്ക്കിടെ യുവതിയുടെ വയറ്റിൽ കത്രിക മറന്നുവെച്ചത്. കഴിഞ്ഞവർഷം ഈ ആശുപത്രിയിൽതന്നെ നടന്ന ശസ്ത്രക്രിയയിലൂടെയാണ് കത്രിക പുറത്തെടുത്തത്. ആരോഗ്യവകുപ്പിന്‍റെ കീഴില്‍ നടത്തിയ രണ്ട് അന്വേഷണങ്ങളിലും ശസ്ത്രക്രിയ ഉപകരണം ഏത് അവസരത്തിലാണ് വയറ്റില്‍ കുടുങ്ങിയതെന്ന് കണ്ടെത്താന്‍ കഴിയാത്ത സാഹചര്യത്തില്‍ ആഭ്യന്തര വകുപ്പ് അന്വേഷണം നടത്താനും തീരുമാനിച്ചു

'അഞ്ചാം വയസിൽ സ്കൂളിൽ ചേരാം' സംസ്ഥാനത്തെ സ്‌കൂളുകളിൽ 5 വയസിൽ തന്നെ ഒന്നാം ക്ലാസ് പ്രവേശനം അനുവദിക്കുമെന്ന് വിദ്യാഭ്യാസ മന്ത്രി വി ശിവൻകുട്ടി. സമൂഹത്തെ വിശ്വാസത്തിലെടുത്തും ബോധ്യപ്പെടുത്തിയും മാത്രമേ പ്രവേശന പ്രായം സ്വാഭാവികമായും വർധിപ്പിക്കാൻ കഴിയു എന്നാണ് സംസ്ഥാന സർക്കാരിന്റെ നിലപാട്. ഒന്നാം ക്ലാസ് പ്രവേശനത്തിന് ആറ് വയസ് നിര്‍ബന്ധമാക്കി കേന്ദ്രസര്‍ക്കാര്‍ ഉത്തരവിട്ടിരുന്നു.

അർബുദചികിത്സക്ക് മാത്രമായി അബൂദബിയിൽ ആരോഗ്യകേന്ദ്രം. അബൂദബി : അർബുദചികിത്സക്ക് മാത്രമായി അബൂദബിയിൽ വിപുല സൗകര്യങ്ങളുമായി ആരോഗ്യകേന്ദ്രം . അബൂദബി ക്ലീവ് ലാൻഡ് ക്ലിനിക്കിലാണ് ഫാത്തിമ ബിൻത് മുബാറക് സെൻറർ എന്ന പേരിൽ അർബുദ ചികിത്സാകേന്ദ്രം ആരംഭിച്ചിരിക്കുന്നത് . നഴ്സുമാരും ചികിത്സകരും റേഡിയോളജിസ്റ്റും അടക്കം വലിയൊരു നിരയാണ് ആശുപത്രിയിൽ സർവസജ്ജരായുള്ളത് . 19,000 ചതുരശ്ര മീറ്ററിൽ തയാറാക്കിയിരിക്കുന്ന സെൻററിൽ 32 പരിശോധനാമുറികളുണ്ട് . 24 മണിക്കൂറും പ്രവർത്തിക്കുന്ന ചികിത്സാമുറികളും സജ്ജമാണ് . വനിതകൾക്ക് പ്രത്യേകമായി അർബുദ ചികിത്സാകേന്ദ്രത്തിൽ ഒരുക്കിയിട്ടുണ്ട് . യു.എസി ലെ ക്ലീവ് ലാൻഡ് ക്ലിനിക്കിൻറെ ടൗസിഗ് കാൻസർ സെൻററിൻറെ മാതൃകയിലാണ് അബൂദബിയിലും ഇത്തരമൊരു കേന്ദ്രം തുടങ്ങിയത് . ലോകോത്തര നിലവാരത്തിലുള്ള അർബുദ ചികിത്സ നൽകുകയെന്ന ലക്ഷ്യത്തോടെ അമേരിക്കയിൽനിന്നുള്ള പരിചയസമ്പന്നരായ ആരോഗ്യ വിദഗ്ധരെ അബൂദബിയിലെ കേന്ദ്രത്തിലെത്തിച്ചിരി ക്കുന്നത് . മേഖലയിൽനിന്ന് അതിസങ്കീർണമായ കേസുകളാണ് ആശുപത്രിയിൽ എത്തിക്കൊണ്ടി രിക്കുന്നതെന്ന് ഓങ്കോളജി ഇൻസ്റ്റിറ്റ്യൂട്ട് ചെയർമാൻ ഡോ . സ്റ്റീഫൻ ഗ്രോമയർ പറഞ്ഞു .

സാധാരണ യുപിഐ ഇടപാടുകള്‍ക്ക് ചാര്‍ജില്ല; വിശദീകരണവുമായി എന്‍പിസിഐ ദില്ലി: യുപിഐ ചാര്‍ജുകളെ കുറിച്ച്‌ വ്യക്തത വരുത്തി നാഷണല്‍ പേയ്‌മെന്റ് കോര്‍പ്പറേഷന്‍ ഓഫ് ഇന്ത്യ (എന്‍പിസിഐ).ഉപഭോക്താക്കള്‍ 2,000 രൂപയ്ക്ക് മുകളിലുള്ള വ്യാപാര ഇടപാടുകള്‍ക്ക് ഫീസ് നല്‍കേണ്ടിവരുമെന്ന് എന്‍പിസിഐ അറിയിച്ചിരുന്നു. എന്നാല്‍ ഇത് തെറ്റായി വ്യാഖ്യാനിക്കപ്പെട്ടിട്ടുണ്ട്.  ഒരു ഉപഭോക്താവും ഇന്റര്‍ചേഞ്ച് ഫീ നല്‍കേണ്ടതില്ല. . വ്യാപാരി ഇടപാടുകള്‍ക്ക് മാത്രമേ ഇന്റര്‍ചേഞ്ച് ഫീസ് ബാധകമാകൂവെന്നും എന്‍പിസിഐ പുതിയ പ്രസ്താവന ഇറക്കിയിട്ടുണ്ട്. കൂടാതെ, ബാങ്ക് ടു ബാങ്ക് യുപിഐ ഇടപാടുകള്‍ക്ക് ഇന്റര്‍ചേഞ്ച് ഫീ ഇല്ല. അതേസമയം, പേയ്‌മെന്റുകള്‍ക്കായി ക്യൂആര്‍ കോഡോ യുപിഐ ഐഡിയോല്‍കുന്ന വ്യാപാരിക്ക് ഇന്റര്‍ചേഞ്ച് ഫീസ് ബാധകമായിരിക്കും. ഇന്റര്‍ചേഞ്ച് ഫീസുകള്‍ കുറിച്ചുള്ള എന്‍പിസിഐയുടെ പ്രസ്താവനകള്‍ പലരും തെറ്റായി വ്യാഖാനിച്ചത് ഉപഭോക്താക്കള്‍ക്ക് ആശയ കുഴപ്പം ഉണ്ടാക്കാന്‍ കാരണമായിട്ടുണ്ട്. ഇതിനാലാണ് ചാര്‍ജുകളെ കുറിച്ച്‌ വ്യക്തത വരുത്തി എന്‍പിസിഐ) പുതിയ പ്രസ്താവന ഇറക്കിയത്. ചുരുക്കത്തില്‍, ഒരു ഉപഭോക്താവും അവരുടെ ബാങ്ക് അക്കൗണ്ടു...

മലബാർ സ്പെഷ്യൽ ഉന്നക്കായ ഉന്നക്കായ കടയിൽ നിന്ന് വാങ്ങി കഷ്ടപ്പേടെണ്ട വീട്ടിൽ തന്നെ എളുപ്പത്തിൽ തയ്യാറാക്കാവുന്നതേയുള്ളൂ വിരുന്നുകാർക്ക് വിളമ്പാൻ കഴിയുന്ന ഉഗ്രൻ വിഭവമാണ് മലബാറിലെ സ്പെഷ്യൽ വിഭവമാണ് ഉന്നക്കായ. ഉന്നക്കായുടെ സ്വാദിന് ഇപ്പോൾ ആരാധർ കൂടുതലാണ്. വീട്ടിൽതന്നെ നേന്ത്രപ്പഴം കൊണ്ട് ഉന്നക്കായ തയ്യാറാക്കാം. വിരുന്നുകാർക്ക് വിളമ്പാൻ കഴിയുന്ന ഉഗ്രൻ വിഭവമാണ് ആവശ്യമുള്ള ചേരുവകൾ നേന്ത്രപ്പഴം - 3 എണ്ണം അരിപൊടി - 2 ടേബിൾസ്പൂൺ തേങ്ങ ചിരകിയത് - 1 കപ്പ് നെയ്യ് - 1 ടേബിൾസ്പൂൺ പഞ്ചസാര - 5 ടേബിൾസ്പൂൺ ഏലക്കാപ്പൊടി - 1/2 ടീസ്പൂൺ കശുവണ്ടി, കിസ്മിസ് - ആവശ്യത്തിന് എണ്ണ - വറുത്തെടുക്കാൻ ആവശ്യത്തിന് തയ്യാറാക്കുന്ന വിധം പഴം വേവിച്ചെടുത്ത ശേഷം, ഉള്ളിലെ കറുത്ത ഭാഗം കളഞ്ഞു നന്നായി ഉടച്ചെടുക്കുക, ഇതിലേക്ക് അരിപൊടി കൂടെ ചേർത്ത് നന്നായി കുഴച്ചെടുക്കുക. ഒരു പാൻ അടുപ്പിൽ വെച്ച് ചൂടായി വന്നാൽ നെയ്യ് ചേർത്ത് കൊടുക്കാം, അതിലേക്കു അണ്ടിപ്പരിപ്പ്, കിസ്മിസ് എന്നിവ ചേർത്ത് മൂപ്പിക്കുക, ശേഷം തേങ്ങ, ഏലക്കാപ്പൊടി, പഞ്ചസാര എന്നിവ കൂടെ ചേർത്ത് നന്നായി യോജിപ്പിച്ച ശേഷം ഫ്ളയിം ഓഫ് ചെയ്യാം. തയ്യാറാക്കി വെച്ച മാവ് ചെ...

എല്ലാ യുപിഐ പേയ്‌മെന്റുകളും ഇനി സൗജന്യമല്ല; ഏപ്രിൽ 1 മുതൽ പണമീടാക്കും എല്ലാ യുപിഐ പേയ്‌മെന്റുകളും ഇനി സൗജന്യമാകില്ല. പ്രീപെയ്ഡ് ഇൻസ്ട്രമെന്റ്‌സായ കാർഡ്, വോളറ്റ് തുടങ്ങിയവ വഴി കടക്കാർ നടത്തുന്ന പണമിടപാടുകൾക്കാണ് ഇനി ഇന്റർചേഞ്ച് ഫീസ് ഏർപ്പെടുത്തുന്നത്. നാഷ്ണൽ പേയ്‌മെന്റ്‌സ് കോർപറേഷൻ ഓഫ് ഇന്ത്യ ആണ് ഇത് സംബന്ധിച്ച നിർദേശം നൽകിയിരിക്കുന്നത്. എൻപിസിഐ സർക്കുലർ പ്രകാരം 2000 രൂപയ്ക്ക് മുകളിൽ ട്രാൻസാക്ഷൻ നടത്തുന്ന കച്ചവടക്കാരായ ഉപയോക്താക്കൾക്കാണ് 1.1 ശതമാനം ട്രാൻസാക്ഷൻ നിരക്ക് ഏർപ്പെടുത്താൻ എൻപിസിഐ തീരുമാനിച്ചിരിക്കുന്നത്. ഈ അധിക തുക കൂടി വരുന്നതോടെ, പിപിഐ ഉപയോക്താക്കൾ ഇനി മുതൽ 15 ബേസ് പോയിന്റ് വോളറ്റ് ലോഡിംഗ് സർവീസ് ചാർജായി ബാങ്കിന് നൽകേണ്ടി വരും. എന്നാൽ വ്യക്തികൾ തമ്മിലുള്ള ഇടപാടിനോ, വ്യക്തികളും കടക്കാരും തമ്മിലുള്ള ഇടപാടിനോ പണം ഈടാക്കില്ലെന്നാണ് റിപ്പോർട്ട്.

കുട്ടികളിലടക്കം ഗുരുതര പാര്‍ശ്വഫലമുണ്ടാക്കുന്ന18 കീടനാശിനി, നിരോധിച്ചത് മൂന്നെണ്ണം, വിശദീകരണംതേടി സുപ്രിംകോടതി ദില്ലി: മനുഷ്യജീവന്‍ അപകടത്തിലാക്കുന്ന കീടനാശിനികളും രാസവസ്തുക്കളും നിരോധിക്കുന്നതില്‍ അലംഭാവം കാണിച്ച കേന്ദ്ര സര്‍ക്കാര്‍ നടപടിയെ വിമര്‍ശിച്ച്‌ സുപ്രീംകോടതി.കര്‍ഷക തൊഴിലാളികള്‍ക്കും കൃഷിയിടങ്ങളോടു ചേര്‍ന്നു താമസിക്കുന്നവര്‍ക്കും ഉപഭോക്താക്കളുടെയും ജീവന്‍ അപകടത്തിലാക്കുന്ന കീടനാശിനികളില്‍ മൂന്നെണ്ണം മാത്രം നിരോധിച്ചതിനെയാണ് സുപ്രീംകോടതി ചോദ്യം ചെയ്തത്. ഇക്കാര്യത്തില്‍ കേന്ദ്രസര്‍ക്കാരിന്റെ വിശദീകരണം കോടതി തേടി. വിഷയം പഠിക്കാനായി നിയോഗിച്ച രണ്ടു സമിതികള്‍ 27 കീടനാശിനികള്‍ നിരോധിക്കാനാണ് നിര്‍ദേശം നല്‍കിയത്. എന്നാല്‍, കേന്ദ്രം ഇവയില്‍ മൂന്നെണ്ണം മാത്രമാണ് നിരോധിച്ചത്. ഡോ. എസ്.കെ ഖുറാന, ഡോ. ടി.പി രാജേന്ദ്ര എന്നിവര്‍ അധ്യക്ഷത വഹിച്ച രണ്ടു വിദഗ്ധ സമിതികളുടെയും റിപ്പോര്‍ട്ട് സമര്‍പ്പിക്കാനും ചീഫ് ജസ്റ്റീസ് അധ്യക്ഷനായ ബെഞ്ച് കേന്ദ്ര സര്‍ക്കാരിന് നിര്‍ദേശം നല്‍കി. കര്‍ഷകരുടെയും കര്‍ഷക തൊഴിലാളികളുടെയും ജീവിക്കാനുള്ള അവകാശം സംരക്ഷിക്കപ്പെടണം എന്നാവശ്യപ്പെട്ടു നല്‍കിയ ഹര്‍ജിയ...

പാന്‍-ആധാന്‍ ബന്ധിപ്പിക്കാന്‍ ജൂണ്‍ 30 വരെ അവസരം പാന്‍ കാര്‍ഡ് ആധാറുമായി ബന്ധിപ്പിക്കുന്നതിനുള്ള സമയപരിധി നീട്ടി. ജൂണ്‍ 30 വരെ നീട്ടിയതായി ആദായ നികുതി വകുപ്പ് അറിയിച്ചു. നേരത്തെ, പാന്‍-ആധാര്‍ ബന്ധിപ്പിക്കുന്നതിനുള്ള സമയപരിധി 2023 മാര്‍ച്ച് 31 ആയിരുന്നു. അത് കഴിഞ്ഞാല്‍ 1000 രൂപ ഫൈന്‍ അടക്കണമെന്നായിരുന്നു പറഞ്ഞിരുന്നത്. ഇത്തരത്തില്‍ പലതവണ സമയപരിധി നീട്ടിയിട്ടുണ്ട്.

നടുറോഡിലിട്ട് പെൺകുട്ടിയെ മർദ്ദിച്ചു; യുവാവിന്റെ കൈ തല്ലിയൊടിച്ചു; യുവതിയെ  അറസ്റ്റ് ചെയ്ത് പൊലീസ്; യുവതി സ്ഥിരം പ്രശ്നക്കാരിയെന്ന് നാട്ടുകാർ കൊല്ലത്ത് കടയ്ക്കലിലും പരിസര പ്രദേശങ്ങളിലും നിരന്തരം അടിപിടിയുണ്ടാക്കുന്ന യുവതിയെ പൊലിസ് പിടികൂടി. ദളിത് യുവതിയെ റോഡിലിട്ട് അക്രമിച്ച് പരുക്കേല്‍പ്പിച്ച കേസിലാണ് യുവതിയെ പൊലീസ് കഴിഞ്ഞ ദിവസം കസ്റ്റഡിയില്‍ എടുത്തത്. മാരകായുധങ്ങളുമായി എത്തി ആളുകളെ ഭീഷണിപ്പെടുത്തിയെന്നും ആക്രമിച്ച് പരുക്കേല്‍പ്പിക്കുകയും ചെയ്‌തെന്ന് ആരോപിച്ച് നിരവധി പരാതികള്‍ യുവതിക്കെതിരെ ഉയര്‍ന്നിരുന്നു. ഉല്‍ത്സവ സ്ഥലത്ത് കത്തിയുമായെത്തി പുരുഷന്മാരെ അക്രമിക്കുക, അയല്‍ വാസികളായ സ്ത്രീകളെ റോഡിലിട്ട് തല്ലുക, പൊതുഇടങ്ങളില്‍ മോശം ഭാഷ ഉപയോഗിക്കുക തുടങ്ങി നിരവധി പരാതികളാണ് യുവതിക്കെതിരെയുള്ളത്. കഴിഞ്ഞ ദിവസം കടയ്ക്കലില്‍ വെച്ച് ഇവര്‍ മറ്റൊരു സ്ത്രീയുമായി വാക്കേറ്റമുണ്ടാവുകയും കല്ലെറിയുകയും ചെയ്തിരുന്നു. ഇതിന്റെ ദ്യശ്യങ്ങള്‍ പകര്‍ത്തി സമൂഹ മാധ്യമങ്ങളില്‍ പ്രചരിപ്പിച്ചുവെന്നാരോപിച്ച് പ്രദേശത്തെ ഓട്ടോ ഡ്രൈവറായ വിജിത്തിന്റെ കൈ തല്ലിയൊടിച്ചു. ഇതിനെ പിന്നാലെയായിരുന്നു പൊലീസ് നടപ...

തരികഞ്ഞി 🍲🍛🍲🍜 നോമ്പ് കാലത്ത് കൂടുതലായി ഉപയോഗിച്ച് വരുന്ന  ഒരു ഭക്ഷണ വിഭവമാണ് തരിക്കഞ്ഞി. റവയാണ് ഇതിലെ പ്രധാന ചേരുവ. നെയ്യ്, അണ്ടിപ്പരിപ്പ്, ഉണക്കമുന്തിരി, സേമിയ, പാൽ, ചുവന്നുള്ളി, പഞ്ചസാര, ഉപ്പ് എന്നിവയാണ് മറ്റു ചേരുവകൾ. കഞ്ഞി എന്ന പേരുണ്ടെങ്കിലും കുഴമ്പു രൂപത്തിലുള്ള ഈ വിഭവം ഗ്ലാസിലാണ് വിളമ്പുന്നത്. റംസാന്‍ മാസത്തില്‍ നോമ്പു തുറക്ക്‌ ഒഴിച്ചുകൂടാന്‍ കഴിയാത്ത ഒരു വിഭവമാണ്‌ തരിക്കഞ്ഞി. ഈന്തപ്പഴം കഴിച്ച്‌ നോമ്പ്‌ തുറന്നു കഴിഞ്ഞാല്‍പ്പിന്നെ ഓരോ ഗ്ലാസ്‌ തരിക്കഞ്ഞിയാണ്‌ കുടിക്കുക. അതു കഴിഞ്ഞാണ്‌ മറ്റു വിഭവങ്ങളിലേക്ക്‌ കടക്കുന്നത്‌. റവയാണ്‌ തരിക്കഞ്ഞിയിലെ പ്രധാന ചേരുവ. തരിക്കഞ്ഞി ഉണ്ടാക്കുന്ന വിധം ഇതാ... ആവശ്യമുള്ള സാധനങ്ങൾ  1 റവ അരക്കപ്പ്‌ 2 പശുവിന്‍ പാല്‍ - 1കപ്പ്‌ 3 തേങ്ങാപ്പാല്‍- 1 കപ്പ്‌ 4 പഞ്ചസാര - പാകത്തിന്‌ 5 ഏലയ്‌ക്ക - മൂന്നെണ്ണം പൊടിച്ചത്‌ 6 അണ്ടിപ്പരിപ്പ്‌ - 100 ഗ്രാം 7 ഉണക്ക മുന്തിരി - പത്തോ പതിനഞ്ചോ എണ്ണം 8 ചുവന്നുള്ളി അരിഞ്ഞത്‌- 1ടീസ്‌പൂണ്‍ 9 നെയ്യ്‌ -2 ടീസ്‌പൂണ്‍ തയ്യാറാക്കുന്ന വിധം ഒന്നുമുതല്‍ അഞ്ചുവരെയുള്ള ചേരുവകള്‍ ചേര്‍ത്ത്‌ തിളപ്പിക്കുക. തിളക്കുന്ന...

ഇന്ന് ആകാശത്ത് ഗ്രഹങ്ങളുടെ പരേഡുണ്ടേ ; കാണാന്‍ മറക്കരുത് അഞ്ച് ഗ്രഹങ്ങളെ ഒരേ സമയം കാണുവാൻ പറ്റിയ അപൂർവ സാഹചര്യം.ഇന്ന് (മാർച്ച് 28) വൈകുന്നേരം 7 മണിക്ക് പടിഞ്ഞാറ്. ഭൂമി എക്വിനോക്‌സിലേക്ക് പ്രവേശിക്കുന്നതിന്റെ ഫലമായി വ്യാഴം, ബുധന്‍, ശുക്രന്‍, യുറാനസ്, ചൊവ്വ എന്നീ ഗ്രഹങ്ങളാണ് ആകാശത്ത് ഒന്നിച്ചെത്താന്‍ പോകുന്നത്. ഇവര്‍ക്കൊപ്പം ഭൂമിയുടെ സ്വന്തം ഉപഗ്രഹമായ ചന്ദ്രനും കൂടി ആകാശത്ത് ഹാജരാകുന്നതോടെ ഒരു അപൂര്‍വ്വ കാഴ്ചയാണ് കൈവരുന്നത്. മാര്‍ച്ച് അവസാനം വരെ ഈ അഞ്ച് ഗ്രഹങ്ങളും ആകാശത്ത് അടുത്തടുത്തായി ഉണ്ടാകുമെങ്കിലും ഇന്ന് ഇവയെ വളരെ വ്യക്തമായി കാണാനാകും. അസ്തമയം കഴിഞ്ഞ് നിമിഷങ്ങള്‍ക്ക് ഉള്ളില്‍ ചക്രവാളത്തിന് തൊട്ട് മുകളിലായി വില്ലിന്റെ ആകൃതിയിലാകും ഇവ പ്രത്യക്ഷപ്പെടുക. ശുക്രന്‍, വ്യാഴം, ചൊവ്വ എന്നീ ഗ്രഹങ്ങളെ വ്യക്തമായി കാണുമെങ്കിലും ഭൂമിയില്‍ നിന്നും താരതമ്യേന വിദൂരത്തിലുള്ള യുറാനസിനെയും ബുധനെയും കാണുക പ്രയാസകരമായിരിക്കും. ശുക്രന്റെ പ്രഭ കാരണം നഗ്നനേത്രങ്ങള്‍ കൊണ്ടു തന്നെ കാണാനാകും. മാനം നല്ല തെളിഞ്ഞിരിക്കുകയാണെങ്കിൽ ദൂരദർശിനികളിലൂടെ ആകാശത്തെ ഈ അപൂർവ്വ പരേഡ് കാണാൻ നിങ്ങൾക്ക് സാധിക്കും.

28/03/𝟐𝟎𝟐3 ചൊവ്വ=ഇന്നത്തെ വില നിലവാരം സ്വർണ്ണം,തങ്കം (𝟮𝟮K)  വെള്ളി വിലകൾ     സ്വർണ്ണം ഒരു പവൻ :43,600രൂപ സ്വർണ്ണം ഒരു ഗ്രാം : 5,450രൂപ തങ്കം :10ഗ്രാം 59,450രൂപ  വെള്ളി ഒരു കിലോ :75:700രൂപ  വെള്ളി ഒരു ഗ്രാം :75:70രൂപ പെട്രോൾ & ഡീസൽ വിലകൾ ഡൽഹി▫️ പെട്രോൾ: 96.72 ഡീസൽ: 89.62 മുംബൈ▫️പെട്രോൾ: 106.31 ഡീസൽ: 94.27 ചെന്നൈ▫️പെട്രോൾ: 102.63 ഡീസൽ: 94.24 ബാംഗ്ലൂർ▫️പെട്രോൾ: 101.94 ഡീസൽ: 87.89 തിരുവനന്തപുരം▫️പെട്രോൾ: 107.69 ഡീസൽ: 96.51 കോട്ടയം▫️പെട്രോൾ: 106.07 ഡീസൽ: 94.98 കൊല്ലം▫️പെട്രോൾ: 106.99 ഡീസൽ: 95.85 തൃശൂർ▫️പെട്രോൾ: 106.21 ഡീസൽ: 95.11 മലപ്പുറം▫️പെട്രോൾ: 106.34 ഡീസൽ: 95.26 കോഴിക്കോട്▫️പെട്രോൾ: 105.85 ഡീസൽ: 94.80 കണ്ണൂർ▫️പെട്രോൾ: 105.85 ഡീസൽ: 94.80 കാസർഗോഡ്▫️പെട്രോൾ: 106.80 ഡീസൽ: 95.69 കറൻസി വിനിമയ നിരക്കുകൾ അമേരിക്കൻ ഡോളർ :82:22 ഓസ്‌ട്രേലിയൻ ഡോളർ: 55:00 ബ്രിട്ടീഷ്‌ പൗണ്ട് : 101:28 തുർക്കിഷ് ലിറ:04:31 സിങ്കപ്പൂർ ഡോളർ:61:89 സൗദി റിയാൽ :21:89 യു.എ.ഇ ദിർഹം :22:38 ഖത്തർ റിയാൽ :22.58 ഒമാൻ റിയാൽ:213:50 ബഹ്‌റൈൻ ദിനാർ:218:0 കുവൈറ്റ് ദിനാർ: 268...

തെരുവിലൂടെ തിരക്കിട്ടുനീങ്ങിയ സ്ത്രീ എതിരെ വന്ന യുവതിയുമായി കൂട്ടിയിടിച്ചു. ഉടനെ അവർ ഭവ്യതയോടെ മാപ്പു ചോദിച്ചു. യുവതിയും ക്ഷമ പറഞ്ഞു.ചെറുപുഞ്ചിരിയോടെ പിരിഞ്ഞു. വീട്ടിലെത്തിയ സ്ത്രീ പാചകം ചെയ്യുന്നതിനിടെ അടുക്കളയിലേക്ക് ഓടിക്കയറിയ അഞ്ചുവയസ്സുകാരൻ മകൻ അപ്രതീക്ഷിതമായി അവരുടെ ദേഹത്തു തട്ടി. ഉടൻ ദേഷ്യത്തോടെ, മാറിപ്പോടാ എന്നു സ്ത്രീ മകനോട് ആക്രോശിച്ചു. താഴെവീണ പൂക്കൾ മകൻ പെറുക്കിയെടുക്കുന്നത് അപ്പോഴാണവർ ശ്രദ്ധിച്ചത്. കലങ്ങിയ കണ്ണുമായി അവൻ പറഞ്ഞു: ‘ഇന്ന് അമ്മയുടെ ജന്മദിനമല്ലേ, അമ്മയ്‌ക്കുവേണ്ടി പറിച്ചതാണ്. അപരിചിതരോട് കാണിക്കുന്ന ആദരവും സ്‌നേഹവും ആത്മബന്ധമുള്ളവരോടു കൂടി കാണിക്കുകയാണെങ്കിൽ പല ബന്ധങ്ങളും കൂടുതൽ ഊഷ്മളമാകും. പെരുമാറ്റം പലപ്പോഴും വസ്‌ത്രം പോലെയാണ്. വീടിനുള്ളിൽ ഒന്ന്, പുറത്തിറങ്ങിയാൽ മറ്റൊന്ന്. സ്ഥാനമാനങ്ങളോ അഴകോ ആകാരമോ നോക്കി മറ്റുള്ളവരോടു പെരുമാറുമ്പോൾ, എന്നും എപ്പോഴും അടുത്തുള്ളവർക്കു വേണ്ടി മാറ്റിവയ്‌ക്കുന്നതു ദേഷ്യവും പ്രകോപനവുമാകും. അനേകരെ പ്രചോദിപ്പിക്കുകയും ആവേശഭരിതരാക്കുകയും ചെയ്യുന്നതുപോലെത്തന്നെ പ്രധാനമാണു സ്വന്തമെന്നു കരുതുന്നവർ‌ക്ക് ആശ്രയമേകുന്നതും. സ്വന്ത...

നായ്ക്കളെ വളര്‍ത്തുന്നത് പരിസരവാസികള്‍ക്ക് ബുദ്ധിമുട്ടുണ്ടാക്കരുതെന്ന് മനുഷ്യാവകാശ കമീഷന്‍ തിരുവനന്തപുരം: വീടുകളില്‍ നായ്ക്കളെ വളര്‍ത്തുന്നവരും തെരുവുനായ്ക്കളെ പരിപാലിക്കുന്നവരും പരിസരവാസികള്‍ക്ക് യാതൊരു ബുദ്ധിമുട്ടും ഉണ്ടാക്കരുതെന്ന വ്യവസ്ഥ നഗരസഭ തയാറാക്കുന്ന ലൈസന്‍സ് നിയമാവലിയില്‍ ഉള്‍പ്പെടുത്തണമെന്ന് മനുഷ്യാവകാശ കമീഷന്‍. നഗരസഭ തയാറാക്കിയ നിയമത്തിലെയും സര്‍ക്കുലറിലെയും വ്യവസ്ഥകള്‍ നായ്ക്കളെ വളര്‍ത്തുന്നവര്‍ കൃത്യമായി പാലിക്കണമെന്നും കമീഷന്‍ അധ്യക്ഷന്‍ ജസ്റ്റിസ് ആന്റണി ഡൊമിനിക് നിര്‍ദേശിച്ചു. പി.ടി.പി നഗറിലെ നായ് വളര്‍ത്തല്‍ കേന്ദ്രത്തിനെതിരെ പ്രദേശവാസികള്‍ സമര്‍പ്പിച്ച പരാതിയിലാണ് ഉത്തരവ്. നായ്ക്കള്‍ക്ക് വാക്സിനേഷന്‍, വന്ധ്യംകരണം തുടങ്ങിയവ ഉടമസ്ഥര്‍ ഉറപ്പാക്കണം. നഗരസഭ തയാറാക്കുന്ന നിയമാവലി എത്രയും വേഗം പ്രാബല്യത്തില്‍ കൊണ്ടുവരണമെന്നും നഗരസഭ സെക്രട്ടറിക്ക് കമീഷന്‍ നിര്‍ദേശം നല്‍കി. പി.ടി.പി നഗറിലെ നായ് വളര്‍ത്തല്‍ കേന്ദ്രം പരിസരവാസികള്‍ക്ക് ബുദ്ധിമുട്ടുണ്ടാക്കുന്നില്ലെന്ന് നഗരസഭ സെക്രട്ടറി കമീഷനെ അറിയിച്ചു. നഗരസഭ തയാറാക്കുന്ന പുതിയ നിയമാവലിയില്‍ ഭൗതിക സാഹചര്യമുണ്ടെങ്കില്‍ ...

50,000 ദിര്‍ഹം വരെ ശമ്ബളമായി ലഭിക്കും, പ്രവാസികള്‍ക്കായി നിരവധി തൊഴിലവസരങ്ങള്‍ ഒരുക്കി യുഎഇ; അപേക്ഷിക്കേണ്ടതിങ്ങനെ ദുബായ്: സര്‍ക്കാര്‍ മേഖലയില്‍ പ്രവാസികള്‍ക്കായി നിരവധി തൊഴിലവസരങ്ങളൊരുക്കി യുഎഇ. ദുബായിലെ സര്‍ക്കാര്‍ മേഖലയില്‍ ജോലി ആഗ്രഹിക്കുന്നവര്‍ക്ക് സുവര്‍ണാവസരം വിനിയോഗിക്കാം. വിവിധ വകുപ്പുകളിലെ തസ്തികകളിലേയ്ക്ക് അപേക്ഷ ക്ഷണിച്ചിട്ടുണ്ട്. റോഡ്സ് ആന്റ് ട്രാന്‍സ്പോര്‍ട്ട് അതോറിറ്റി (ആര്‍.ടി.എ), ദുബായ് അക്കാദമിക് ഹെല്‍ത്ത് കോര്‍പറേഷന്‍ എന്നിങ്ങനെയുള്ള വിവിധ സ്ഥാപനങ്ങളിലാണ് ഉദ്യോഗാര്‍ത്ഥികളെ തേടുന്നത്. പ്രവാസികള്‍ക്കും അപേക്ഷിക്കാം. 10,000 ദിര്‍ഹം മുതല്‍ 50,000 ദിര്‍ഹം വരെയാണ് ശമ്ബളം. 1. കണ്‍സള്‍ട്ടന്റ് ജനറല്‍ സര്‍ജറി ഫോര്‍ ഹെപ്പാറ്റോബിലിയറി (ദുബായ് ഹോസ്പിറ്റല്‍) ശമ്ബളം 40,000 - 50,000 2. റേഡിയോഗ്രാഫര്‍ ദുബായ് അക്കാദമിക് ഹെല്‍ത്ത് കെയര്‍ കോര്‍പറേഷന്‍. ശമ്ബളം 10,000 ദിര്‍ഹത്തില്‍ താഴെ 3. മള്‍ട്ടിമീഡിയ സ്‌പെഷ്യലിസ്റ്റ് മുഹമ്മദ് ബിന്‍ റാഷിദ് സ്‌കൂള്‍ ഓഫ് ഗവണ്‍മെന്റ് ശമ്ബളം 10,000 - 20,000 4. ഇന്‍സ്ട്രക്ഷണല്‍ ഡിസൈനര്‍ മുഹമ്മദ് ബിന്‍ റാഷിദ് സ്‌കൂള്‍ ഓഫ് ഗവണ്‍മെന്റ്. ശമ്ബളം 10,00...

റിസർവേഷൻ ടിക്കറ്റ് ഒഴികെ ട്രെയിൻ ടിക്കറ്റെടുക്കാൻ ഇനി ക്യൂ നിൽക്കണ്ട; യുടിഎസ് ആപ്പ് പരിഷ്ക്കരിച്ച് റെയിൽവേ സ്റ്റേഷനിലെത്തി ഒരു ക്യൂആർ കോഡ് സ്കാൻ ചെയ്താലുടൻ ടിക്കറ്റെടുക്കാനാകുമെന്നതാണ് ഈ ആപ്പിൽ വരുത്തിയ പുതിയ മാറ്റം. സ്റ്റേഷനിലെ നീണ്ട ക്യൂ കാരണം പലപ്പോഴും റെയിൽവേ ടിക്കറ്റ് ലഭിക്കാതെ പോയ അനുഭവം പലർക്കും ഉണ്ടായിട്ടുണ്ടാവാം, സാങ്കേതികവിദ്യ മാറിയ ഇക്കാലത്ത് ക്യൂ നിൽക്കാതെ തന്നെ അനായാസം ടിക്കറ്റ് എടുക്കുന്നതിനുള്ള യുടിഎസ് എന്ന മൊബൈൽ ആപ്പ് റെയിൽവേ അവതരിപ്പിച്ചിട്ടുണ്ട്. എന്നാൽ ഈ ആപ്പിനെക്കുറിച്ച് അധികംപേർക്കും അറിയില്ല. ഇപ്പോഴിതാ, യുടിഎസ് ആപ്പ് കൂടുതൽ സൗകര്യങ്ങളുമായി പരിഷ്ക്കരിച്ച് പുറത്തിറക്കിയിരിക്കുകയാണ് ഇന്ത്യൻ റെയിൽവേ. റിസര്‍വേഷന്‍ ഇല്ലാത്ത സാധാരണ യാത്ര ടിക്കറ്റും പ്ലാറ്റ്‌ഫോം ടിക്കറ്റും സ്ഥിരം യാത്രികരുടെ സീസണ്‍ ടിക്കറ്റും യുടിഎസ് ഓൺ മൊബൈൽ എന്ന ഈ ആപ്പിലൂടെ എളുപ്പത്തിൽ എടുക്കാം. വാരാന്ത്യങ്ങളിലും അവധി ദിവസങ്ങളോട് ചേര്‍ന്ന് വരുന്ന ദിവസങ്ങളിലും സ്റ്റേഷനുകളിൽ നീണ്ട ക്യൂ കാണാം. ഇതുകാരണം ടിക്കറ്റ് കിട്ടാതെ യാത്ര മുടങ്ങുന്ന അവസ്ഥ ഇല്ലാതാക്കാൻ യുടിഎസ് ആപ്പ് സഹായിയ്ക്കും. നേരത്തെ ആ...

ടേസ്റ്റി അറബിക്ക് ചിക്കൻ റൈസ്, ഒന്നാന്തരം രുചി വളരെ സ്വാദിഷ്ടമായ അറബിക്ക് ചിക്കൻ റൈസ് വീട്ടിൽ തയാറാക്കുന്നത് എങ്ങനെയെന്നു നോക്കാം. ചിക്കൻ - 1-1.25 കിലോ ബസ്മതി അരി - 2 കപ്പ്      മസാല തയാറാക്കാൻ ഗരം മസാല പൊടി, മഞ്ഞൾ പൊടി, കുരുമുളകുപൊടി, മല്ലി പൊടി - ½ ടീസ് സ്പൂൺ  കാശ്മീരി മുളകുപൊടി - 1.5 ടേബിൾ സ്പൂൺ  നാരങ്ങാനീര് -3 ടേബിൾ സ്പൂൺ എണ്ണ -2 ടേബിൾ സ്പൂൺ  കറുവപ്പട്ട, ഗ്രാമ്പു, ഏലക്ക - 4  ബേലീഫ് -2  ഉള്ളി -2 കപ്പ് വെളുത്തുള്ളി - 8 കാപ്സികം - 2 കപ്പ് കാരറ്റ് - 1 കപ്പ് കാശ്മീരി മുളകുപൊടി -1 ടീസ് സ്പൂൺ മല്ലിപൊടി -1 ടീസ് സ്പൂൺ ജീരകപ്പൊടി- 1 ടീസ് സ്പൂൺ മഞ്ഞൾപൊടി - ½ ടീസ് സ്പൂൺ തക്കാളി -2 കപ്പ് മല്ലിയില - 1 കപ്പ്   തയാറാക്കുന്ന വിധം ചിക്കനിൽ ഗരം മസാലപ്പൊടിയും മഞ്ഞൾപ്പൊടിയും കുരുമുളകുപൊടിയും മല്ലിപ്പൊടിയും മുളകുപൊടിയും നാരങ്ങാനീരും എണ്ണയും ഉപ്പും യോജിപ്പിച്ചു ചിക്കനിൽ പുരട്ടി ഒരുമണിക്കൂർ വയ്ക്കുക. അരി കഴുകി വെള്ളത്തിൽ 20 മിനിറ്റ് വയ്ക്കുക. പാനിൽ എണ്ണ ഒഴിച്ചു ചിക്കൻ രണ്ടുവശവും മൊരിച്ചു മാറ്റിവയ്ക്കുക. അതേ എണ്ണയിൽ ഏലക്ക, ഗ്രാമ്പു, കറുവപ്പട്ട, ബേലീ...

വ്യത്യസ്ത സമയങ്ങളിൽ വെവ്വേറെ വൈദ്യുതി നിരക്ക്; രാത്രി നിരക്ക് കൂടും വൈദ്യുതിക്ക് വ്യത്യസ്തസമയങ്ങളിൽ വ്യത്യസ്ത നിരക്ക് ഈടാക്കുന്ന ടൈം ഓഫ് ഡേ താരിഫ് (ടിഒഡി) സമ്പ്രദായം 2025 ഏപ്രിൽ ഒന്നിനകം രാജ്യമാകെ പ്രാബല്യത്തിൽ വരുന്നു. ഇതുസംബന്ധിച്ച കരട് ചട്ടഭേദഗതിയിന്മേൽ കേന്ദ്രസർക്കാർ സംസ്ഥാനങ്ങളുടെ അഭിപ്രായം തേടി. ഇത് നടപ്പായാൽ വൈദ്യുതി ഉപയോഗം ഏറുന്ന (പീക്) വൈകിട്ട് 6 മുതൽ 10 വരെ വൈദ്യുത ചാർജ് കൂടുകയും പകൽ സമയത്ത് കുറയുകയും ചെയ്യും. പീക് സമയത്തെ വീടുകൾക്കുള്ള നിരക്ക് ഏറ്റവും കുറഞ്ഞത് 10% അധികമായിരിക്കും. വ്യവസായ, വാണിജ്യ ഉപയോക്താക്കൾക്ക് ഇത് 20 ശതമാനവും. സൗരോർജ ഉൽപാദനമടക്കം നടക്കുന്ന പകൽ സമയത്ത് എല്ലാ ഉപയോക്താക്കൾക്കും സാധാരണനിരക്കിനേക്കാൾ 20 ശതമാനമെങ്കിലും കുറവായിരിക്കും. നിരക്കും പീക് സമയവും നിശ്ചയിക്കുന്നത് സംസ്ഥാന റെഗുലേറ്ററി കമ്മിഷനുകളാണ്. വൈദ്യുത ബിൽ കുറയ്ക്കാൻ രാത്രി സമയത്തെ (പീക് ടൈം) ഉപയോഗം കുറയ്ക്കേണ്ടി വരുമെന്നു ചുരുക്കം. കേരളത്തിൽ പ്രതിമാസം 500 യൂണിറ്റിനു മുകളിൽ ഉപയോഗിക്കുന്ന വീടുകൾക്കും 20 കിലോവാട്ടിനു മുകളിൽ ആവശ്യകതയുള്ള വ്യവസായ ഉപയോക്താക്കൾക്കും മാത്രമാണ് നിലവിൽ ടിഒഡി രീത...