കാല്‍മുട്ട് വേദനയുടെ പ്രധാന കാരണങ്ങളും പരിഹാര മാര്‍ഗങ്ങളേയും കുറിച്ചറിയാം.
മനുഷ്യശരീരത്തിലെ ഏറ്റവും വലിയ സന്ധികളിലൊന്നാണ് കാല്‍മുട്ട്. ഓരോ ചുവടുവെപ്പിലും ശരീരത്തെ താങ്ങി ഭാരം മുഴുവന്‍ ചുമക്കുന്നത് കാല്‍മുട്ടുകളാണ്.
നടക്കുമ്ബോള്‍, ഓടുമ്ബോള്‍, പടികയറുമ്ബോള്‍ തുടങ്ങിയ സന്ദര്‍ഭങ്ങളിലെല്ലാം ശരീരത്തിന്റെ പലമടങ്ങ് ഭാരമാണ് മുട്ടുകള്‍ താങ്ങുക. ഇത്തരം സമ്മര്‍ദങ്ങളെ സ്വാഭാവികമായി തരണംചെയ്താണ് മുട്ടുകള്‍ ചലനം സാധ്യമാക്കുക. എന്നാല്‍ അമിതഭാരം, പരിക്കുകള്‍, വിവിധ വാതരോഗങ്ങള്‍, അണുബാധ ഇവയൊക്കെ കാല്‍മുട്ടുകളെ പ്രതിസന്ധിയിലാക്കും.
മുട്ടുവേദനയ്ക്ക് നിരവധി കാരണങ്ങളുണ്ട്. ഇതില്‍ മുട്ടിന് തേയ്മാനം സംഭവിച്ച്‌ വേദനയും നീരും അനുഭവപ്പെടുന്ന സന്ധിവാതം അഥവാ ഓസ്റ്റിയോ ആര്‍ത്രൈറ്റിസ് ആണ് മുട്ടുവേദനയ്ക്കിടയാക്കുന്ന പ്രധാന കാരണം. പ്രായമാകുമ്ബോള്‍ മിക്കവരിലും സ്വാഭാവികമായി മുട്ടിനെ സന്ധിവാതം പിടിപെടാറുണ്ട്. എന്നാല്‍ കൗമാരത്തിലും യൗവനത്തിലും അമിതഭാരം പേറുന്നവരില്‍ ഈ അവസ്ഥ നേരത്തെ തന്നെ വന്നുചേരും.
തണുപ്പും ഈര്‍പ്പവുമുള്ളപ്പോള്‍ കൂടുന്ന മുട്ടുവേദന, കുറച്ചു സമയം മുട്ടുമടക്കി ഇരുന്നശേഷം എഴുന്നേല്‍ക്കുമ്ബോള്‍ മുട്ടിന് പിടിത്തവും വേദനയും, രാവിലെ ഉറക്കമുണരുമ്ബോള്‍ മുട്ടിന് പിടുത്തവും വേദനയും, മുട്ടില്‍ നീര് ഇവയൊക്കെ കാല്‍മുട്ടിലുണ്ടാകുന്ന സന്ധിവാതത്തിന്റെ പ്രധാന ലക്ഷണങ്ങളാണ്.
മുട്ടിന് തേയ്മാനം സംഭവിച്ചു വേദനയും നീരും ഉണ്ടാകുന്നതാണ് മുട്ടുവേദനയുണ്ടാകുന്ന പ്രധാന കാരണം. കാല്‍മുട്ടു വേദനയ്ക്കു പരിഹാരമായി ഒരു പരിധി വരെ നമുക്ക് ആശ്വാസം നല്‍കാന്‍ സാധിയ്ക്കുന്ന ചില വീട്ടു വൈദ്യങ്ങളുണ്ട്.
നമ്മുടെ ശരീരത്തെ താങ്ങി നിർത്തുകയും അനായാസം ചലിപ്പിക്കാൻ പര്യാപ്തമാക്കുകയും ചെയ്യുന്ന പ്രധാനപ്പെട്ട സന്ധിയാണ് കാൽമുട്ട്. തുടയെല്ല്, വലിയ എല്ല്, കാലുകളിലെ ചെറിയ എല്ല്, മുട്ടുചിരട്ട എന്നിവയാണ് ഈ സന്ധിയിലുള്ളത്. പരിക്കുകൾ, ഉളുക്ക്, തേയ്മാനം, സന്ധിവേദന മറ്റേതെങ്കിലും കാരണങ്ങൾ എന്നിവ മൂലം കാൽമുട്ടിന് വേദന അനുഭവപ്പെടാം.തടി കൂടുതലുള്ളവർക്ക് ഇത്തരം പ്രശ്‌നങ്ങൾ കൂടുതലായി അനുഭവിയ്‌ക്കേണ്ടിയും വരും. കാൽമുട്ടിലെ സന്ധികൾ ദുർബലമാകുക,
എല്ലുകൾക്കുണ്ടാകുന്ന പ്രശ്‌നം തുടങ്ങിയ പലതും ഇതിനു കാരണമാകുന്നു. കാൽമുട്ടിന് സഹിക്കാനാകാത്ത വേദന നൽകുന്ന ഒന്നാണിത്. നമ്മുടെ ജീവിത ശൈലിയിൽ നാം വരുത്തുന്ന ദോഷകരമായ ശീലങ്ങൾ നമ്മുടെ ശരീരത്തെ ബാധിക്കാറുണ്ട്. ഭക്ഷണം, ഉറക്കം, വ്യായാമം തുടങ്ങിയ കാര്യങ്ങളിൽ ഉണ്ടാകുന്ന അനാരോഗ്യകരമായ മാറ്റങ്ങൾ വളരെ ഗുരുതരമായാണ് ആരോഗ്യത്തെ ബാധിക്കുന്നത്. അതിന്റെ പാർശ്വഫലങ്ങളായി അനുഭവപ്പെടുന്ന പ്രശ്നങ്ങളാണ് പലപ്പോഴും മുട്ടുവേദനയും പുറം വേദനയും എല്ലാം.സന്ധിവാതം, ആർത്രൈറ്റിസ്, അണുബാധ എന്നിവയെല്ലാം മുട്ടുവേദനയുടെ മറ്റു കാരണങ്ങളിൽ ചിലതാണ്.
കാൽമുട്ടുവേദന അലട്ടുന്നുവെങ്കിൽ പരീക്ഷിയ്ക്കാവുന്ന ചില വീട്ടുവൈദ്യങ്ങളുണ്ട്
തുളസിയിൽ ആന്റി-റുമാറ്റിക്, ആന്റിസ്പാസ്മോഡിക് ഗുണങ്ങളുണ്ട്.തുളസി ഇലകൾ ഒരു കപ്പ് വെള്ളത്തിൽ ഇട്ട് കുറച്ച് നേരം തിളപ്പിക്കുക. 10 മിനിറ്റ് കഴ്ഞ്ഞതിനു ശേഷം അരിച്ചെടുത്ത് കുടിക്കുക. ദിവസവും മൂന്നോ നാലോ കപ്പ് വീതം ഈ തുളസിചായ ഉണ്ടാക്കി കുടിക്കുക.ഐസ് അല്ലെങ്കിൽ ഐസ് പായ്ക്കുകൾ പ്രശ്ന ബാധിത സ്ഥലത്ത് ഒരു ദിവസം രണ്ടോ അല്ലെങ്കിൽ മൂന്നോ തവണ വച്ച് തടവുന്നത് നീർവീക്കവും വേദനയും കുറയ്ക്കുവാൻ സഹായിക്കുന്നു. ഇളം ചൂടുള്ള പാഡും പ്രയോഗിക്കാം.
നാരങ്ങയും ഒലീവ് ഓയിലും ചേര്‍ത്തുള്ളതാണ് ഒരു വഴി. ഇതിനായി ചെറുനാരങ്ങയുടെ തൊലിയാണ് ഉപയോഗിയ്ക്കുന്നത്. ചെറുനാരങ്ങയുടെ പുറംഭാഗത്തെ തൊലി ഗ്രേറ്റ് ചെയ്‌തെടുക്കുക.ഈ തൊലി ഒരു ഗ്ലാസ് ജാറില്‍ ഇടുക. ഇതിനു മീതേ ഒലീവ് ഓയില്‍ ഒഴിച്ചു വയ്ക്കണം. ഇത് അധികം സൂര്യപ്രകാശം കടക്കാത്ത സ്ഥലത്ത് രണ്ടാഴ്ച വയ്ക്കുക. പിന്നീടാണ് ഉപയോഗിയ്ക്കാന്‍ സാധിയ്ക്കുക. അടച്ചു വയ്ക്കാനും ശ്രദ്ധിയ്ക്കണം.രണ്ടാഴ്ചയ്ക്കു ശേഷം ഈ മിശ്രിതം എടുക്കുക. ഈ മിശ്രിതത്തില്‍ കട്ടി കുറഞ്ഞ കോട്ടന്‍ തുണിയോ ബാന്‍ഡേഡ് തുണിയോ മുക്കി കാല്‍മുട്ടു ഭാഗത്ത്, അതായത് വേദനയുള്ള ഭാഗത്തു കെട്ടി വയ്ക്കുക. ഇതു രാത്രി മുഴുവന്‍ ഇതേ രീതിയില്‍ വയ്ക്കുന്നതു നല്ലതാണ്.
കടുകെണ്ണ ചൂടാക്കുക. ഒരു നാരങ്ങയുടെ പകുതി എടുത്ത് ഇതിലെ നീര് പിഴിഞ്ഞു മാറ്റുക. കടുകെണ്ണയില്‍ ഈ നാരങ്ങാത്തൊലി മുക്കി ഇതു വേദനയുളള ഭാഗത്തു വച്ചു കെട്ടണം. ഇത് ഇതേ രീതിയില്‍ ഒന്നു രണ്ടു മണിക്കൂറെങ്കിലും, അല്ലെങ്കില്‍ രാത്രി കിടക്കാന്‍ നേരത്ത് കെട്ടി വയ്ക്കുക. കാല്‍മുട്ടു വേദനയ്ക്കുള്ള നല്ലൊരു പരിഹാരമാണിത്.ഇത് അടുപ്പിച്ചു ചെയ്യാം. ഇതല്ലാതെ കടുകെണ്ണ ചൂടാക്കി ഈ ഭാഗത്തു പുരട്ടി മൃദുവായി മസാജ് ചെയ്യുന്നതും ഗുണം നല്‍കും.
മഞ്ഞളിൽ കാണപ്പെടുന്ന ആൻറി-ഇൻഫ്ലമേറ്ററി രാസവസ്തുവായ കുർക്കുമിന് ആന്റി ഓക്‌സിഡന്റ് ഗുണങ്ങളുമുണ്ട്. ഇത് മുട്ട് വേദന ഉണ്ടാക്കുന്ന കാരണങ്ങളെ ചെറുക്കുന്നു. അര ടീസ്പൂൺ വീതം ഇഞ്ചി, മഞ്ഞൾ എന്നിവ ഒരു കപ്പ് വെള്ളത്തിൽ ഇട്ട് പത്ത് മിനിറ്റ് നേരം തിളപ്പിക്കുക.അതിനു ശേഷം അരിച്ചെടുത്ത്, അതിലേക്ക് അല്പം തേൻ ചേർക്കുക. ദിവസത്തിൽ രണ്ടു നേരം സേവിക്കുക.
ഇഞ്ചി മുട്ടുവേദനയെ പ്രതിരോധിക്കുന്ന കാര്യത്തിൽ മുന്നിലാണ്. ഇതിൽ ജിൻജേറോൾ എന്ന ആന്റി ഇൻഫ്ളമേറ്ററി പദാർത്ഥം ഉണ്ട്. അത് വീക്കം ഉണ്ടാകുന്നത് കുറയ്ക്കാൻ സഹായിക്കുന്നു. അതുപോലെ ഇഞ്ചി ചായ ഉണ്ടാക്കി കുടിക്കാവുന്നതാണ്. ഇഞ്ചി കുറച്ചു ചൂട് വെള്ളത്തിൽ കുറച്ചു തേൻ, ചെറു നാരങ്ങ എന്നിവ ചേർത്ത് കുടിക്കാവുന്നതാണ്. ഇത് മുട്ടുവേദനക്ക് ആശ്വാസം നൽകാൻ സഹായിക്കുന്നു. കൂടാതെ ആരോഗ്യത്തിന് ഇഞ്ചി വളരെയധികം ഗുണം നൽകുന്ന ഒന്നാണ്. അതുകൊണ്ട് തന്നെ ഇഞ്ചി സ്ഥിരമാക്കിയാൽ മുട്ടുവേദനക്ക് പരിഹാരം കാണാൻ സാധിയ്ക്കും.
ശ്രദ്ധിക്കുക : അറിവിനെ ജനകീയമാക്കുക എന്ന ലക്ഷ്യം മാത്രമാണ് ഈ പോസ്റ്റിന് ഉള്ളത്.രോഗനിർണ്ണയത്തിനും ചികിത്സയ്ക്കും പകരമാകാൻ ഉദ്ദേശിച്ചുള്ളതല്ല, കൃതഹസ്തരായ ചികിത്സകരുടെ ഉപദേശപ്രകാരം മാത്രം ഔഷധങ്ങൾ ഉപയോഗിക്കുക. കൂടുതൽ പഠനം നടത്തി നല്ലത് മാത്രം സ്വീകരിക്കുക.ആരോഗ്യവിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയശേഷം മാത്രം ആഹാരക്രമത്തില്‍ മാറ്റം വരുത്തുക.
