മലയാളത്തിന്റെ മഹാനടൻ മമ്മൂട്ടിക്ക് ഓസ്ട്രേലിയന് ദേശീയ പാര്ലമന്റില് ആദരവ് ; സ്റ്റാമ്പ് പുറത്തിറക്കി
കാന്ബറയിലെ ഓസ്ട്രേലിയന് ദേശീയ പാര്ലമെന്റിലെ ‘പാര്ലമെന്ററി ഫ്രണ്ട്സ് ഓഫ് ഇന്ത്യ’ യുടെ നേതൃത്വത്തിൽ നടൻ മമ്മൂട്ടിയെ ആദരിച്ച് പേഴ്സണലൈസ്ഡ് സ്റ്റാമ്പുകള് പുറത്തിറക്കി. മമ്മൂട്ടിയുടെ മുഖമുള്ള പതിനായിരം പേഴ്സണലൈസ്ഡ് സ്റ്റാമ്പുകള് ഓസ്ട്രേലിയ ഇന്ത്യ ബിസിനസ് കൗണ്സിലിന്റെ സഹകരണത്തോടെ പുറത്തിറക്കുന്നതിന്റെ ഉദ്ഘാടനം പാര്ലമന്റ് ഹൗസ് ഹാളില് നടന്നു.
ആദ്യ സ്റ്റാമ്പ് ഓസ്ട്രേലിയയിലെ ഇന്ത്യന് ഹൈക്കമ്മീഷണര് മന്പ്രീത് വോറയ്ക്കു കൈമാറി പ്രധാനമന്ത്രി ആന്റണി ആല്ബനീസിയുടെ പ്രതിനിധിയും പാര്ലമെന്ററി ഫ്രണ്ട്സ് ഓഫ് ഇന്ത്യയുടെ ചെയര്മാന് ഡോ ആന്ഡ്രൂ ചാള്ട്ടന് എം.പി പ്രകാശനം ചെയ്തു.ഓസ്ട്രേലിയയിലെ നിരവധി എം.പി മാര്, സെനറ്റ് അംഗങ്ങള്, ഹൈക്കമ്മീഷണര് ഓഫീസ് ഉദ്യോഗസ്ഥര്, ആസ്ട്രേലിയയിലെ
വിവിധ ഇന്ത്യന് സാംസ്കാരിക സംഘടനകളുടെ പ്രതിനിധികള് തുടങ്ങി നൂറ്റി അന്പതോളം പേര് ചടങ്ങില് പങ്കെടുത്തു. ഓസ്ട്രേലിയന് തപാല് വകുപ്പിന്റെ പേഴ്സണലൈസ്ഡ് വിഭാഗത്തിലൂടെ പുറത്തിറക്കുന്ന സ്റ്റാമ്പുകള് ഇന്ന് മുതല് വിപണിയിലെത്തും.
ഇന്ത്യന് സാംസ്കാരികതയുടെ മുഖമായി തങ്ങള് മമ്മൂട്ടിയെ കാണുന്നുവെന്ന് ഡോ. ആന്ഡ്രൂ ചാള്ട്ടന് എം.പി പറഞ്ഞു. മമ്മൂട്ടിയെ ആദരിക്കുക വഴി ഇന്ത്യയുടെ
മഹത്തായ സാംസ്കാരികതയെ ആണ് തങ്ങള് ആദരിക്കുന്നതെന്ന് ആന്ഡ്രൂ ചാള്ട്ടന് കൂട്ടിച്ചേര്ത്തു.
താന് വളര്ന്ന് വന്ന തന്റെ സമൂഹത്തിനു വേണ്ടി മമ്മൂട്ടി ചെയ്യുന്ന കാര്യങ്ങള് ഓരോ ഇന്ത്യന് സെലിബ്രിറ്റികളും മാതൃകയാക്കണമെന്ന് ഓസ്ട്രേലിയയിലെ
ഇന്ത്യന് ഹൈക്കമ്മീഷണര് മന്പ്രീത് വോറ അഭിപ്രായപ്പെട്ടു. ഓസ്ട്രേലിയയിലെ ഇന്ത്യന് പ്രവാസികളുടെ നാട്ടിലുള്ള മാതാപിതാക്കള്ക്കായി മമ്മൂട്ടിയുടെ
നേതൃത്വത്തില് ആരംഭിച്ച 'ഫാമിലി കണക്റ്റ്' പദ്ധതി ഏറെ പ്രശംസനീയമാണെന്ന് കൃഷി, മത്സ്യബന്ധന വകുപ്പ് മന്ത്രി സെനറ്റര് മുറേയ് വാട്ട് പറഞ്ഞു.
ട്രെയ്ഡ് ആന്ഡ് ടൂറിസം മിനിസ്റ്റര് ഡോണ് ഫാരല് ഇന്ത്യയിലെ ഓസട്രേലിയന് നിയുക്ത ഡെപ്യൂട്ടി ഹൈക്കമ്മീഷണര് ഡാനിയേല് മക്കാര്ത്തി, പാര്ലമെന്ററി
സമിതി ഉപാധ്യക്ഷന് ജൂലിയന് ലീസര് സെന്റര് ഫോര് ഓസ്ട്രേലിയ ഇന്ത്യ റിലേഷന്സ് സി.ഇ.ഒ ടിം തോമസ്, എ.ഐ.ബി.സി നാഷണല് അസ്സോസിയേറ്റ് ചെയര് ഇര്ഫാന്
മാലിക്, ഫാമിലി കണക്റ്റ് ദേശീയ കോഡിനേറ്ററും വേള്ഡ് മലയാളി കൌണ്സില് റീജിയണല് ചെയര്മാനുമായ കിരണ് ജെയിംസ്, മമ്മൂട്ടിയുടെ പ്രതിനിധിയും കെയര് ആന്ഡ്
ഷെയര് ഇന്റര്നാഷണല് ഫൗണ്ടേഷന്റെ ഡയറക്ടറുമായ റോബര്ട്ട് കുര്യാക്കോസ് എന്നിവര് സംസാരിച്ചു..
മമ്മൂട്ടിയുടെ ജീവചരിത്രം...
പ്രശസ്ത ഇന്ത്യന് ചലച്ചിത്ര നടനും നിർമ്മാതാവുമാണ് മമ്മൂട്ടി. കോട്ടയം ജില്ലയിലെ വൈക്കത്ത് ഒരു സാധാരണ മുസ്ലിം കുടുംബത്തിലാണ് അദ്ദേഹത്തിന്റെ ജനനം. കൊച്ചി മഹാരാജാസ് കോളേജിൽ നിന്ന് പ്രി ഡിഗ്രിയും, എറണാകുളം ലോ കോളേജിൽ നിന്ന് എൽ എൽ ബിയും കരസ്ഥമാക്കിയതിനു ശേഷം മഞ്ചേരിയിൽ രണ്ടു വർഷം സേവനം അനുഷ്ടിച്ചു.
'വില്ക്കാനുണ്ട് സ്വപ്നങ്ങൾ' എന്ന ചിത്രത്തിലാണ് ആദ്യം അഭിനയിക്കുന്നത്, തുടർന്ന് അതേ വർഷം പുറത്തിറങ്ങിയ മേള, തൃഷ്ണ തുടങ്ങിയ ചിത്രങ്ങളിലും അഭിനയിച്ചു.മമ്മൂട്ടിക്ക് ആദ്യമായ് താര പദവി നേടിക്കൊടുത്ത ചിത്രമാണ് 'യവനിക'. ഇതിൽ അദ്ദേഹം അവതരിപ്പിച്ച ശക്ത്തമായ പോലീസ് കഥാപാത്രം പിൽക്കാലത്ത് തരംഗമായ് മാറി.
ശേഷം, അഹിംസ തുടങ്ങിയ ചിത്രങ്ങളിലെ അഭിനയത്തിന് സംസ്ഥാന ചലച്ചിത്ര പുരസ്ക്കാരങ്ങളും അദ്ധേഹത്തെ തേടി എത്തി. 80-തുകളിൽ പുറത്തിറങ്ങിയ കൂടെവിടെ, ആ രാത്രി തുടങ്ങിയ ചിത്രങ്ങളും ജനശ്രദ്ദ ആകർഷിച്ചു. മമ്മൂട്ടിക്ക് ആദ്യമായ് മികച്ച നടനുള്ള സംസ്ഥാന പുരസ്ക്കാരവും, ഫിലിം ഫെയർ പുരസ്ക്കാരവും നേടിക്കൊടുത്തത് 'അടിയൊഴുക്കുകൾ' എന്ന ചിത്രമാണ്. തുടർന്ന് യാത്ര എന്ന ചിത്രത്തിലെ അഭിനയത്തിന് സ്പെഷ്യൽ ജൂറി പുരസ്കാരവും, മികച്ച നടനുള്ള ഫിലിം ഫെയർ പുരസ്ക്കാരവും അദ്ദേഹം സ്വന്തമാക്കി. എണ്പതുകളിൽ പുറത്തിറങ്ങി ജനശ്രദ്ധ ആകർഷിച്ച ചില മമ്മൂട്ടി ചിത്രങ്ങളാണ് സന്ധർഫം, നീർകൂത്ത്, അതിരാത്രം തുടങ്ങിയവ.
മമ്മൂട്ടി നായകനായി 1990-ൽ പുറത്തിറങ്ങി വളരെ അധികം പരാമർഷിക്കപ്പെട്ട കുറ്റാന്വേഷണ ചിത്രമാണ് ഒരു 'സിബിഐ ഡയറി കുറിപ്പ്'. പിന്നീട് ഇതേ പശ്ചാത്തലത്തിൽ ജാഗ്രത, സേതുരാമയ്യർ സിബിഐ, നേരറിയാൻ സിബിഐ എന്നിങ്ങനെ മൂന്നു ചിത്രങ്ങൾ കൂടി പുറത്തിറങ്ങി. എം ടി വാസുദേവൻ നായരുടെ അക്ഷരങ്ങൾ, സുകൃതം, കേരള വർമ്മ പഴശ്ശിരാജ തുടങ്ങിയ ചിത്രങ്ങളിലും അദ്ദേഹം അഭിനയിച്ചിട്ടുണ്ട്.
മലയാളത്തിലെ പ്രമുഖ ചാനലായ മലയാളം കമ്മ്യൂണിക്കേന്സിന്റെ രൂപികരണം മുതല് മമ്മൂട്ടി ചെയര്മാനാണ്. കൈരളി, പീപ്പിള്, വി എന്നീ ചാനലുകള് മലയാളം കമ്മ്യൂണിക്കേഷന്സിന്റെ കൂഴിലുള്ളതാണ്.
മലയാളത്തിനു പുറമെ ഹിന്ദി, തെലുങ്ക്, കന്നഡ, തമിഴ് തുടങ്ങിയ അന്യ ഭാഷാ സിനിമകളിലും അദ്ദേഹം തന്റെ സാന്നിധ്യം അറിയിച്ചിട്ടുണ്ട്. ചലച്ചിത്ര നടൻ ദുൽക്കർ സൽമാൻ, സുറുമി എന്നിവർ മക്കളാണ്.