പണി നടന്നുകൊണ്ടിരിക്കുന്ന വീട്ടിൽ സ്റ്റെപ്പ് പോലെ അട്ടിവെച്ച കല്ലിൽ പിടിച്ച് കയറാനുള്ള ശ്രമം; കല്ല് ദേഹത്ത് വീണ് നാല് വയസ്സുകാരിക്ക് ദാരുണാന്ത്യം..
പണി നടന്നുകൊണ്ടിരിക്കുന്ന വീട്ടിൽ സ്റ്റെപ്പ് പോലെ അട്ടിവെച്ച കല്ലിൽ പിടിച്ച് കയറാനുള്ള ശ്രമം; കല്ല് ദേഹത്ത് വീണ് നാല് വയസ്സുകാരിക്ക് ദാരുണാന്ത്യം..
കൊണ്ടോട്ടി കുമ്മിണിപറമ്പ് കൂനൂൾമാടിൽ കൂട്ടുകാർക്കൊപ്പം കളിക്കുന്നതിനിടെ മതിലില് നിന്ന് കല്ല് അടര്ന്ന് ദേഹത്ത് വീണ് നാല് വയസ്സുകാരി മരിച്ചു. കൂനോൾമാട് ചമ്മിണിപറമ്പ് സ്വദേശി കാഞ്ഞിരശ്ശേരി പോക്കാട്ട് വിനോദിന്റെയും രമ്യയുടെയും മകൾ ഗൗരി നന്ദയാണ് മരണപ്പെട്ടത്.
പണി പൂർത്തിയാവാത്ത വീട്ടിൽ പടികൾ പോലെ അടുക്കിവെച്ച കല്ലിൽ ചവിട്ടി കയറാനുള്ള ശ്രമത്തിൽ കല്ല് അടർന്നു ദേഹത്തേക്ക് വീഴുകയായിരുന്നു. ഗുരുതരമായി പരിക്കേറ്റ കുട്ടിയെ ഉടൻ നാട്ടുകാർ ചേർന്ന് ആശുപത്രിയിൽ എത്തിച്ചു. പക്ഷെ ജീവൻ രക്ഷിക്കാൻ കഴിഞ്ഞില്ല.
കൂനോൾമാട് എ എം എൽ പി സ്കൂളിലെ എൽ കെ ജി വിദ്യാർത്ഥിനിയാണ്. ആറാം ക്ലാസുകാരൻ ഗൗതം കൃഷ്ണയാണ് സഹോദരൻ.