ജിമ്മിൽ വർക്കൗട്ട് ചെയ്യുമ്പോൾ എന്ത് കൊണ്ട് ഹൃദയാഘാതം ഉണ്ടാകുന്നു.
ജിമ്മില് പോയി വര്ക്കൗട്ട് ചെയ്യുന്നത് ഹൃദയത്തെ അപകടത്തിലാക്കുമോ, അല്ലെങ്കില് എന്തുകൊണ്ടാണ് വര്ക്കൗട്ടിനിടെ ഹാര്ട്ട് അറ്റാക്ക് സംഭവിക്കുന്നത് എന്നെല്ലാമുള്ള സംശയങ്ങള് നിരവധി പേരെ അലട്ടാറുണ്ട്.
യുവാക്കൾക്കിടയിൽ ഹൃദയാഘാതം മൂലം മരിക്കുന്നവരുടെ എണ്ണം ദിനംപ്രതി കൂടിവരുന്നതായാണ് റിപ്പോർട്ടുകൾ ചൂണ്ടിക്കാട്ടുന്നത്. ഹൃദ്രോഗം എപ്പോൾ വേണമെങ്കിലും ബാധിക്കാം. പ്രത്യേകിച്ച് നമ്മൾ നയിക്കുന്ന സമ്മർദ്ദകരമായ ജീവിതശൈലികളും പ്രമേഹം, അമിതവണ്ണം, രക്താതിമർദ്ദം തുടങ്ങിയ ജീവിതശൈലി രോഗങ്ങളുടെ വ്യാപനവും.
ജിമ്മിൽ വർക്ക്ഔട്ട് ചെയ്യുമ്പോൾ കുഴഞ്ഞു വീണ് മരിക്കുന്ന സംഭവങ്ങൾ അടുത്ത കാലത്തായി റിപ്പോർട്ട് ചെയ്യപ്പെടുന്നുണ്ട്. സെലിബ്രിറ്റികൾ അടക്കം ഇത് ഇരയാകുന്നുണ്ട്. ഇവിടുത്തെ പ്രശ്നം വർക്ക്ഔട്ടിന്റെയല്ല, അത് ചെയ്യുന്ന രീതിയുടേതാണ്. ആരോഗ്യത്തോടെയും ഫിറ്റയും ഇരിക്കാൻ വളരെ നല്ല വ്യായാമക്രമമാണ് ജിമ്മിലെ വർക്ക്ഔട്ട് സെഷനുകൾ. എന്നാൽ ഇതുമായി ബന്ധപ്പെട്ട ചില തെറ്റുകൾ ഹൃദയാഘാതം മൂലം ഉണ്ടാകുന്ന പ്രശ്നങ്ങളിലേക്ക് നയിക്കാം. ജിമ്മിൽ വർക്ക്ഔട്ടിന് പോകുന്നവർ ഇക്കാര്യങ്ങൾ പ്രത്യേകം ശ്രദ്ധിക്കേണ്ടതാണ്.
ഹൃദ്രോഗത്തിലേക്ക് നയിക്കുന്ന അനാരോഗ്യകരമായ ജീവിതശൈലി നയിക്കുന്നതിന് പകരം പ്രതിരോധ നടപടികൾ സ്വീകരിച്ച് നമ്മുടെ ഹൃദയാരോഗ്യത്തെ പരിപാലിക്കുക. ചെറുപ്പം മുതലേ ഹൃദയാരോഗ്യത്തിന് മുൻതൂക്കം നൽകാം. അതുവഴി നമുക്ക് സങ്കീർണതകൾ ഒഴിവാക്കാനും ആരോഗ്യകരമായ ജീവിതം നയിക്കാനും കഴിയും.
അടുത്തിടെ ജിമ്മിൽ വ്യായാമം ചെയ്യുന്നതിനിടെ ഹൃദയാഘാതത്തെ തുടർന്ന് മരിച്ച സംഭവം നാം അറിഞ്ഞതാണ്. വ്യായാമം പൊതുവെ ഹൃദയത്തിന് നല്ലതായി കണക്കാക്കുമ്പോൾ പെട്ടെന്നുള്ളതും തീവ്രവുമായ വ്യായാമം ആരോഗ്യത്തിന് ദോഷം ചെയ്യും. നെഞ്ചുവേദന, തലകറക്കം, ശ്വാസതടസ്സം തുടങ്ങിയ ലക്ഷണങ്ങൾ ഉള്ളപ്പോൾ ഒരാൾ ട്രെഡ്മിൽ ഉപയോഗിച്ച് വ്യായാമം ചെയ്യുന്നത് ഹൃദയാഘാതത്തിനുള്ള സാധ്യത കൂട്ടുന്നു.
വാം അപ്പ് മുഖ്യം
ജിമ്മിലേക്കു ചെന്ന് നേരെ വെയ്റ്റ് എടുത്ത് പൊക്കുന്നത് ഗുരുതരമായ ആരോഗ്യപ്രശ്നങ്ങൾ ഉണ്ടാക്കാം. എപ്പോഴും വാം ആപ്പ് ചെയ്ത് ശരീരത്തെ സജ്ജമാക്കിയ ശേഷം മാത്രമേ വർക്ക്ഔട്ടിലേക്കു കടക്കാവൂ. നന്നായി വാം അപ്പ് ചെയ്യുമ്പോൾ ഹൃദയമിടിപ്പിന്റെ നിറവും പേശികളിലേക്കുള്ള രക്തയോട്ടവുമൊക്കെ വർദ്ധിക്കും. വാം അപ്പ് ചെയ്യാതെ വർക്ക്ഔട്ട് ചെയ്യുന്നത് ഹൃദയത്തിന് അനുയോജ്യമായ അവയവങ്ങൾക്ക് സമ്മർദമുണ്ടാക്കാം
പടിപടിയായി മാത്രം തീവ്രത വർദ്ധിപ്പിക്കാം
വർക്ക്ഔട്ട് പുതുതായി ആരംഭിക്കുന്നവർ ആരംഭശൂരത്വം കാണിച്ച് അതിതീവ്രമായ വ്യയാമങ്ങൾ ചെയ്യാതിരിക്കാനും ശ്രദ്ധിക്കണം. കഠിനമായ വ്യായാമങ്ങൾ പെട്ടെന്ന് ചെയ്യുന്നത് ഹൃദയത്തിന് മേൽ സമ്മർദം വർദ്ധിപ്പിക്കും. പടിപടിയായി മാത്രം വേണം വ്യായാമത്തിന്റെ ദൈർഖ്യവും തീവ്രതയും വർധിപ്പിക്കേണ്ടത്.
മുന്നറിയിപ്പ് സൂചനകൾ അവഗണിക്കരുത്
നെഞ്ചു വേദന, ശ്വാസം മുട്ടൽ, തലകറക്കം, തലയ്ക്ക് ഭാരമില്ലായ്മ തോന്നൽ, അമിതമായ വിയർപ്പ് തുടങ്ങിയ ഹൃദയാഘാത ലക്ഷണങ്ങൾ ശ്രദ്ധയിൽപ്പെട്ടാൽ വർക്ക്ഔട്ട് ഉടനെ അവസാനിപ്പിച്ച് വൈദ്യസഹായം തേടേണ്ടതാണ്. ഇത്തരം സൂചനകൾ അവഗണിച്ച് വർക്ക്ഔട്ടുമായി മുന്നോട്ട് പോകരുത്.
ജങ്ക് ഫുഡ് ഒഴിവാക്കൂ...
ചിലർ പുതിയതായി ജിമ്മിൽ പോകുന്നവർ തുടക്കത്തിൽ അമിതമായി വ്യായാമം ചെയ്യാറുണ്ട്. അത് ശരീരത്തിന് കൂടുതൽ ദോഷം ചെയ്യും. മറ്റൊന്ന് അനാരോഗ്യകരമായ ജീവിതശെെലി വിവിധ രോഗങ്ങൾക്ക് കാരണമാകും. ജങ്ക് ഫുഡ് അമിതമായി കഴിക്കുന്നവരിൽ ഹൃദ്രോഗ സാധ്യത കൂടുതലാണ്...
ബോഡി ബിൽഡിങ്ങിനായി പലരും പ്രോട്ടീൻ പൗഡറും മറ്റ് പൗഡറുകളും കഴിക്കാറുണ്ട്. അതിന്റെ ദോഷവശങ്ങൾ പലർക്കും അറിയില്ല. കാരണം, സ്റ്റിറോയിഡുകൾ അമിതമായി ഉപയോഗിച്ച് കഴിഞ്ഞാൽ മരണം വരെ സംഭവിക്കാം.
വ്യായാമം ഒരിക്കലും മരണത്തിന് കാരണമാകുന്നില്ല. വ്യായാമം ഹൃദയ സംബന്ധമായ അസുഖങ്ങൾ കുറയ്ക്കുന്നതായാണ് വിവിധ പഠനങ്ങൾ പറയുന്നത്. പുകവലി, മദ്യപാനം, ജങ്ക് ഫുഡ് എന്നിവ ഒഴിവാക്കുന്നതാണ് ആരോഗ്യത്തിന് നല്ലത്. അമിതമായി വ്യായാമം ചെയ്യുന്ന ഒരാൾക്ക് ഉറക്കം പ്രധാനമാണ്. ഏഴ് മണിക്കൂറെങ്കിലും ഉറക്കം പ്രധാനമാണ്. ദിവസവും 20 - 30 മിനുട്ട നേരം നിർബന്ധമായും വ്യായാമം ചെയ്യുക തന്നെ വേണം.
ശ്രദ്ധിക്കുക : അറിവിനെ ജനകീയമാക്കുക എന്ന ലക്ഷ്യം മാത്രമാണ് ഈ പോസ്റ്റിന് ഉള്ളത്.രോഗനിർണ്ണയത്തിനും ചികിത്സയ്ക്കും പകരമാകാൻ ഉദ്ദേശിച്ചുള്ളതല്ല, കൃതഹസ്തരായ ചികിത്സകരുടെ ഉപദേശപ്രകാരം മാത്രം ഔഷധങ്ങൾ ഉപയോഗിക്കുക. കൂടുതൽ പഠനം നടത്തി നല്ലത് മാത്രം സ്വീകരിക്കുക.ആരോഗ്യവിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയശേഷം മാത്രം ആഹാരക്രമത്തില് മാറ്റം വരുത്തുക.