കൗമാരക്കാരും മാതാപിതാക്കളും തമ്മിൽ പൊരുത്തക്കേടുകൾ ഉണ്ടാകുന്നത് എന്തുകൊണ്ടാകാം?
ഏതൊരു വ്യക്തിയും കൗമാര കാലഘട്ടത്തിലൂടെ കടന്നു പോകേണ്ടിയിരിക്കുന്നു. കൗമാര കാലത്തിന്റെ പ്രാധാന്യം തിരിച്ചറിഞ്ഞാൽ നാം ആഗ്രഹിക്കുന്ന നിലകളിൽ എത്തിച്ചേരാം. പക്ഷേ ഈ നിർണായകമായ കാലഘട്ടത്തിൽ കൗമാരക്കാർ ചിന്തിക്കുന്നതു മറ്റൊരു രീതിയിലാകാം.
ബുദ്ധിയും , ശക്തിയും , ഉപയോഗിച്ച് ലോകത്തിലുള്ള , എന്തിനെയും നേടിയെടുക്കാമെന്നു സ്വയം കരുതുന്ന സമയമാണു കൗമാരം. ഭാവിയിൽ താൻ ആരായി തിരണമെന്നു വാശിയോടെ തീരുമാനമെടുക്കേണ്ട സമയം കൂടിയാണിത്.
വ്യക്തിത്വ വികാസ ത്തിൻറെ കാലഘട്ടമായതിനാൽ അതി വൈകാരികതയും, അസ്ഥിരതയും, ആത്മനിയന്ത്രണ കുറവും പല പ്രശ്നങ്ങളും സൃഷ്ടിച്ചേക്കാം.
സമൂഹത്തിന്റേയും രക്ഷിതാക്കളുടെയും വിലക്കുകളെ എതിർക്കുന്നു.
തന്റെ കഴിവുകളെ അച്ഛനും അമ്മയും അംഗീകരിക്കുന്നില്ലെന്നും, മാതാപിതാക്കൾ അവരുടെ അഗ്രഹങ്ങൾ തങ്ങളിലേക്ക് അടിച്ചേല്പിക്കുകയാണെന്നും പരിഭവപ്പെടാം.
സമ്മർദ്ദങ്ങൾക്ക് വഴങ്ങാത്ത ഇവർ ചെയ്യുന്ന പല പ്രവർത്തികളും വിപരീത ഫലങ്ങളുണ്ടാക്കിയേക്കാം.
വളരെയധികം ശാരീരിക മാറ്റങ്ങൾ നടക്കുമ്പോൾ മാനസികമായി അതിനോട് പൊരുത്തപ്പെട്ടു പോകാനുള്ള ബുദ്ധിമുട്ട് അവരിൽ അസ്വസ്ഥത ഉണ്ടാക്കുന്നു. ശാരീരികമായി വളർന്നു എങ്കിലും മറ്റുള്ളവർ മുതിർന്ന ആളായി കണക്കാക്കാനും തയ്യാറാവുന്നില്ല. അതേ സമയം, ചില കാര്യങ്ങളിലൊക്കെ കുട്ടിത്തം വിട്ട് പക്വതയോടെ പെരുമാറണമെന്ന് മാതാപിതാക്കൾ പ്രതീക്ഷിക്കുന്നു. ഇവിടെ എന്ത് ചെയ്യണമെന്ന് അറിയാതെ പകച്ചു പോവുകയാണി കൗമാരക്കാർ.
പലപ്പോഴും കൗമാരക്കാരും മാതാപിതാക്കളുമായി പ്രശ്നമുണ്ടാകും. അമ്മയെ മകൾ എതിർത്തു സംസാരിക്കുമ്പോൾ ചില അമ്മമാർ മകളോടു പറയുന്നതു കേൾക്കാം."ഞാനീ പറയുന്നതൊക്കെ മനസ്സിലാകണമെങ്കിൽ നാളെ നീ ഒരമ്മയാകണം"
"അമ്മയുടെ ഒരു കാര്യം രാവിലെതന്നെ തുടങ്ങിയല്ലോ" എന്നു ചിലപ്പോഴെങ്കിലും കൗമാരക്കാരിയായ മകൾ മറുപടിയും പറഞ്ഞേക്കാം.
ഒരിക്കലും അമ്മയെപ്പോലെ ചിന്തിക്കാൻ ഈ കൗമാര പ്രായത്തിൽ അവർക്കു കഴിഞ്ഞെന്നുവരില്ല. ജീവിതത്തിലെ നന്മ തിന്മകൾ എല്ലാം കണ്ടറിഞ്ഞവരാണവർ. കയ്പേറിയ ജീവിതാനുഭവങ്ങൾ നേരിട്ടു സംഘർഷത്തിൽ നിന്ന് മുക്തിനേടാൻ ബുദ്ധിമുട്ടു അനുഭവിച്ചു
പോവുകയാണ് ആ അമ്മ . അതുകൊണ്ടാണ്കൗമാരക്കാരുടെ അടിപൊളി ലോകവുമായി അമ്മയ്ക്ക് ഒരിക്കലും പൊരുത്തപ്പെട്ടു പോകാൻ കഴിയാതെ പോകുന്നത്.
മുമ്പ് പറഞ്ഞിട്ടുള്ളതുപോലെ, കൗമാരക്കാര്ക്ക് ഉണ്ടാകാവുന്ന ഏറ്റവും വലിയ സമ്പത്തെന്നത് അവരോട് തുറന്ന് ഇടപെടുന്നതും എന്തെങ്കിലും തരത്തിലുള്ള പ്രത്യാഘാതം ഉണ്ടാകുമോ എന്ന പേടിയൊന്നും കൂടാതെ അവര്ക്ക് തുറന്ന്, സ്വതന്ത്രമായി ഇടപെടാവുന്നതും വിശ്വസിക്കാവുന്നതുമായ മാതാപിതാക്കളായിരിക്കും. മാതാപിതാക്കള്, വളരെ യുക്തിരഹിതരായി തോന്നിക്കുന്നവര് പോലും, തങ്ങളുടെ കുട്ടിയുടെ ഉത്തമ താല്പര്യമാണ് ആഗ്രഹിക്കുന്നത്. എന്നിരുന്നാലും തന്റെ ചെറുപ്പക്കാരനായ മകന് അല്ലെങ്കില് മകള്ക്ക് ഏറ്റവും നല്ലതായിരിക്കും എന്ന് അച്ഛനോ അമ്മയോ കരുതുന്നത് തനിക്ക് ഏറ്റവും നല്ലതെന്ന് മകനോ മകളോ കരുതുന്നതുമായി ഇണങ്ങിയേക്കില്ല (പൊരുത്തപ്പെട്ടേക്കില്ല). ചിലപ്പോള് രണ്ടിലൊരാളുടെ ചിന്ത തെറ്റായേക്കാം, അല്ലെങ്കില് രണ്ടുകൂട്ടരും തെറ്റായിരിക്കില്ല.
ഇതിലോരോ പ്രശ്നവും പരിഹിക്കുന്നതിന് ചെറുപ്പക്കാരും അവരുടെ മാതാപിതാക്കളും തമ്മില് കുട്ടികള് കുഞ്ഞായിരിക്കുമ്പോള് തന്നെ ആരംഭിക്കുന്നതും വര്ഷങ്ങള്കൊണ്ട് വളര്ത്തിയെടുത്തതുമായ ഒരു നല്ല, ആരോഗ്യകരമായ പരസ്പര ബന്ധം ഉണ്ടായിരിക്കണം. ഏതൊരു ബന്ധത്തിന്റേയും അടിസ്ഥാന ശിലയെന്നത് വിശ്വാസവും ബഹുമാനവുമാണ്, അതില് വിശ്വാസം പ്രഥമസ്ഥാനത്ത് നില്ക്കുകയും ചെയ്യുന്നു.
ഓരോ ശിശുവും തന്റെ മാതാപിതാക്കളില് വിശ്വാസമര്പ്പിച്ചുകൊണ്ടാണ് ജീവിതം ആരംഭിക്കുന്നത്. ഇത് പരിപാലിക്കുകയും കൂടുതല് നന്നായി കെട്ടിപ്പടുക്കുകയും ചെയ്യുക എന്നത് മാതാപിതാക്കളുടെ ജോലി അഥവാ ഉത്തരവാദിത്തമാണ്. ഇത് സാധ്യമാകുക കുട്ടി പിച്ചനടക്കുന്ന പ്രായത്തിലും ബാല്യത്തിലും കൗമാരത്തിലുമായിരിക്കും. അഭിപ്രായവ്യത്യാസങ്ങളും തര്ക്കങ്ങളും ഒഴിവാക്കാനാകാത്തവയാണ്, ഇവിടെയാണ് പരസ്പര ബഹുമാനം എന്ന വിഷയം വരുന്നത്. അഭിപ്രായവ്യത്യാസങ്ങള്- ഞാന് പിടിച്ച മുയലിന് മൂന്നുകൊമ്പ് എന്ന തരത്തിലുള്ള - പിടിവാശിയില് നിന്നും തീരുമാനങ്ങള് അടിച്ചേല്പ്പിക്കുന്നതില് നിന്നും വിട്ട് ജനാധിപത്യപരമായ,വിവേകപൂര്വമായ മാര്ഗത്തിലൂടെ പരിഹരിക്കുകയാണെങ്കില് മുകളില് പറഞ്ഞ ഏതെങ്കിലും കാര്യത്തില് ഏതെങ്കിലും സാഹചര്യത്തില് ഏതെങ്കിലും തരത്തിലുള്ള വ്യത്യസ്തമായ അഭിപ്രായം ഉണ്ടായാല് തന്നെയും മാതാപിതാക്കള് അത്യധികമായ കോപത്തിലേക്ക് പോകില്ല എന്നൊരു വിശ്വാസത്തിന്റെ പിന്ബലത്തോടെയായിരിക്കും കുട്ടികള് വളര്ന്ന് വലുതാകുക, തനിക്ക് സംസാരിക്കാനും വിയോജിക്കാനും കൂടി അവസരം കിട്ടും എന്ന് കുട്ടിക്ക് ഒരു വിശ്വാസം ഉണ്ടാകും.
ചിലപ്പോള് മാതാപിതാക്കളും കുട്ടികളും കൂടി ഒരു പ്രശ്നം വളരെ യുക്തിസഹമായി ത്തന്നെ ചര്ച്ചചെയ്യും, പക്ഷെ ഒരു പരിഹാരം കണ്ടെത്താന് അവര്ക്ക് കഴിഞ്ഞേക്കില്ല.അത്തരം സാഹചര്യങ്ങളില് അവര് ഒരു മൂന്നാം കക്ഷിയെ മാദ്ധ്യസ്ഥം വഹിക്കുന്നതിനായി വിളിക്കും, അത് മിക്കവാറും ഒരു ബന്ധു, അല്ലെങ്കില് മാതാപിതാക്കളുടെ ഒരു സുഹൃത്ത് ആയിരിക്കും. ഇത് ഗുണപ്പെടുന്നില്ലായെങ്കില്, അതായത് ഇതിലൂടെ പ്രശ്നം പരിഹരിക്കപ്പെടുന്നില്ലായെങ്കില് ഒരു ചര്ച്ചയ്ക്കും നിഷ്പക്ഷമായ ഒരു ഉപദേശത്തിനും വേണ്ടി ഒരു വിദഗ്ധന്റെ സഹായം തേടുന്നതായിരിക്കും നല്ലത്.
ഇവിടെ ഇരുവരും കുറ്റക്കാരല്ല. അതിനാൽ മാതാപിതാക്കൾ വിവേകപൂർവ്വം കൗമാരക്കാരോടിടപെടുക. കൗമാരക്കാർ, നിങ്ങളുടെ പ്രായവും ചിന്തകളും, ഇപ്പോഴത്തെ പ്രവർത്തികളും വിവേകത്തിൻറെ മുശയിലൂടെ ചിന്തിച്ചു യുക്തമായ തീരുമാനങ്ങൾ എടുത്തു മുന്നോട്ടു പോകുക. എങ്കിലേ ജീവിത വിജയം സാദ്ധ്യമാകൂ.
