കറിവേപ്പിലയിൽ നിരവധി ആരോഗ്യ ഗുണങ്ങൾ ഉണ്ട്. നമ്മൾ ഭക്ഷണത്തിൽ ഉൾപ്പെടുത്തേണ്ട വളരെ പ്രധാനപ്പെട്ട ഒരു വസ്തു തന്നെയാണ് കറിവേപ്പില
മലയാളികളുടെ പാചകത്തില്‍ ഒഴിച്ചുകൂടാനാകാത്ത ഒന്നാണ് കറിവേപ്പില. അലങ്കാരത്തിന് മാത്രമല്ല കറിക്ക് ഗുണവും മണവും നല്‍കാനും കറിവേപ്പില വേണം. എന്നാല്‍ കറി പാകം ആയി, കഴിക്കാനെടുത്താല്‍ നാം അവയെ എടുത്ത് കളയാറുമുണ്ട്. എന്നാല്‍ കറിവേപ്പില അത്തരത്തില്‍ കളയേണ്ടതില്ല. കാരണം കറിവേപ്പിലയ്ക്ക് നിരവധി ആരോഗ്യങ്ങളുണ്ട്.
പലപ്പോഴും സ്വാദിനെന്ന പേരില്‍ നാം കറികളില്‍ ചേര്‍ക്കുന്ന പലതും ആരോഗ്യവും കൂടി നല്‍കുന്ന ഒന്നാണ്. പലപ്പോഴും നാം ഇതിന്റെ ഗുണങ്ങള്‍ തിരിച്ചറിയാതെയാണ് കറികളിലും മറ്റും ഉപയോഗിയ്ക്കാറുള്ളത്. ആരോഗ്യ ഗുണങ്ങളും സൗന്ദര്യ, മുടി സംരക്ഷണ ഗുണങ്ങളുമെല്ലാം തന്നെ ഒത്തിണങ്ങിയ ഒന്നാണിത്. ഇത്തരത്തില്‍ കറികളില്‍ ചേര്‍ക്കുന്ന ഒന്നാണ് കറിവേപ്പില. സ്വാദിനും മണത്തിനും വേണ്ടി കറികളില്‍ ചേര്‍ക്കുന്ന ഇത് നാം കഴിയ്ക്കാതെ എടുത്തു കളയുകയാണ് പതിവ്. കറിവേപ്പില പോലെ എന്നൊരു പ്രയോഗം തന്നെയുണ്ട്. എന്നാല്‍ കറിവേപ്പില എന്ന ഈ ഇലയ്ക്ക്, ഈ ഇലയ്ക്കുള്ള ആരോഗ്യപരമായ ഗുണങ്ങള്‍ ചെറുതല്ല. കറിവേപ്പിലയ്ക്ക് പല അസുഖങ്ങളും പരിഹരിയ്ക്കാന്‍ സാധിയ്ക്കുമെന്ന് പഠനങ്ങള്‍ തെളിയിച്ചിട്ടുമുണ്ട്. അയേണ്‍, ഫോളിക് ആസിഡ്, കാല്‍സ്യം പോലുള്ള ധാരാളം വൈറ്റമിനുകള്‍ അടങ്ങിയ ഒന്നാണ് കറിവേപ്പില.
ധാരാളം ആന്റി ഓക്‌സിഡന്റുകള്‍ അടങ്ങിയ ഒന്നു കൂടിയാണിത്. ഇതില്‍ കാര്‍ബസോള്‍, ലിനോയെ, ആല്‍ഫ ടര്‍ബിനോള്‍ എന്നിവയുള്‍പ്പെടെയുള്ള പല ആന്റി ഓക്‌സിഡന്റുകളും ഇതിലുണ്ട്. ശരീരത്തിലുണ്ടാകുന്ന ഓക്‌സിഡേറ്റീവ് സ്‌ട്രെസ് കുറയ്ക്കാന്‍ ഇതേറെ നല്ലതാണ്. ഇതിലൂടെ ഫ്രീ റാഡിക്കലുകളെ നിയന്ത്രിയ്ക്കാന്‍ സാധിയ്ക്കും. ഇവയാണ് പലപ്പോഴും പല അസുഖങ്ങള്‍ക്കും കാരണമാകുന്നത്. നമ്മുടെ രോഗ പ്രതിരോധശേഷി കുറയ്ക്കുന്നതും ക്യാന്‍സര്‍ പോലുള്ള രോഗങ്ങള്‍ക്കുമെല്ലാം കാരണം ഇത്തരം ഫ്രീ റാഡിക്കലുകളാണ്. കറിവേപ്പിലയ്ക്ക് ഇതെല്ലാം നിയന്ത്രിയ്ക്കാന്‍ സാധിയ്ക്കും.
കൊളസ്‌ട്രോള്‍ പോലുള്ള രോഗങ്ങള്‍ക്കും തടി കുറയ്ക്കാനുമെല്ലാം ഇതേറെ നല്ലതാണ്. നമ്മുടെ നാഡികള്‍, ഹാര്‍ട്ട്, കിഡ്‌നി എന്നിവ പോലുള്ള അവയവങ്ങളുടെ ആരോഗ്യത്തിനും ഇതേറെ നല്ലതാണ്. രക്തത്തിലെ ഷുഗര്‍ കുറയ്ക്കാന്‍ കറിവേപ്പില മോരില്‍ ചേര്‍ത്തു കഴിയ്ക്കുന്നത് നല്ലതാണെന്നു പറയാം. ധാരാളം നാരുകള്‍ അടങ്ങിയ ഇത് നല്ലൊരു ക്ലീനിംഗ് ഏജന്റായി പ്രവര്‍ത്തിയ്ക്കുന്ന ഒന്നാണ്.
ആയുര്‍വേദ പ്രകാരം വയര്‍ സംബന്ധമായ രോഗങ്ങള്‍ക്ക് കറിവേപ്പില ഉപയോഗിയ്ക്കാറുണ്ട്. ദഹനം നടക്കാന്‍, വിശപ്പു കുറയ്ക്കാന്‍, അസിഡിററി കുറയ്ക്കാന്‍ എല്ലാം തന്നെ കറിവേപ്പില നല്ലതാണ്. ഇടയ്ക്കിടെ ടോയ്‌ലറ്റില്‍ പോകണമെന്ന തോന്നലുള്ളവര്‍ക്കുള്ള പരിഹാരമാണിത്. ഇത് കുടലിന്റെ അമിതമായ ചലനത്തെ നിയന്ത്രിയ്ക്കാന്‍ നല്ലതാണ്. അമീബിയാസിസ് പോലുള്ള അവസ്ഥകള്‍ നിയന്ത്രിയ്ക്കാനും ഇതേറെ നല്ലതാണ്. മലബന്ധത്തിനും വയറിളക്കിനുമെല്ലം തന്നെ നല്ലതാണ്.
വയറിന്റെ ആരോഗ്യത്തിന്
രാവിലെ ഉണര്‍ന്നെഴുന്നേറ്റ ഉടന്‍ രാവിലെ നാലഞ്ച് ഇല അരച്ചു കഴിയ്ക്കുന്നത് വയറിന്റെ ആരോഗ്യത്തിന് നല്ലതാണ്. കുട്ടികള്‍ക്ക് ഇത് നല്‍കിയാല്‍ വിശപ്പു കൂടും. ഇത് അരച്ച് മുറിവുകളിലോ ചതവുകളിലോ അരച്ചു പുരട്ടുന്നത് ഇത്തരം പ്രശ്‌നങ്ങള്‍ക്ക് പരിഹാരമാകും. ഇവയ്ക്ക് ആന്റി ഇന്റഫ്‌ളമേറ്ററി ഗുണമുള്ളതാണ് .ചര്‍മത്തിനും മുടിയ്ക്കും നല്ലതാണ്. മുടിയുടെ വളര്‍ച്ചയ്ക്ക്, താരന്‍ പ്രശ്‌നത്തിന്, നരച്ച മുടിയ്ക്ക് എല്ലാം തന്നെ ഇത് ഏറെ നല്ലതാണ്. ഇത് അരച്ച് മുടിയില്‍ തേയ്ക്കാം. ഇത് വെളിച്ചെണ്ണയില്‍ ഇട്ടു തിളപ്പിച്ച് തേയ്ക്കാം. മുടിയ്ക്ക് നല്ല കറുപ്പു നല്‍കാന്‍ സഹായിക്കുന്ന ഒന്നു കൂടിയാണിത്.
കറിവേപ്പിലയില്‍ സെല്ലുലോസ് എന്നൊരു വസ്തുവുണ്ട്. ഇത് ഏറെ കട്ടിയുളള ഒന്നാണ്. ഇതാണ് ഇതിന് പച്ചനിറം നല്‍കുന്നത്. മനുഷ്യശരീരത്തില്‍ ഇത് നേരിട്ടെത്തിയാല്‍ ഇത് ദഹിയ്ക്കാതെ പുറത്തു പോകും. അതായത് കറിവേപ്പിലയുടെ ഗുണം ശരീരത്തിന് ലഭിയ്ക്കില്ല. നാം വെറുതെ കറിവേപ്പില കഴിച്ചാലും സാലഡില്‍ ചേര്‍ത്തു കഴിച്ചാലും ഇതാണ് ഫലം. സാധാരണ ഇലകള്‍ സാലഡ് രൂപത്തില്‍ കഴിച്ചാല്‍, അതായത് പച്ചയ്ക്കു കഴിച്ചാല്‍ ഗുണം ലഭിയ്ക്കുമെങ്കിലും കറിവേപ്പിലയുടെ കാര്യത്തില്‍ ഇത് അരച്ചു കഴിയ്ക്കുന്നതാണ് നല്ലത്. ഇതിലൂടെ സെല്ലുലോസ് മൃദുവാകും. ഇതിന്റെ ഗുണം ശരീരത്തിന് ലഭിയ്ക്കും. ഇതു പോലെ ഇത് എണ്ണയിലും മറ്റും താളിയ്ക്കുമ്പോള്‍ ഇതിലെ ഗുണങ്ങള്‍ ഇവയിലേയ്ക്കിറങ്ങുന്നു. ഇതു വഴിയും ഇതു ലഭിയ്ക്കും. എന്നാല്‍ കൂടുതല്‍ നല്ലത് അരച്ചു കഴിയ്ക്കുന്നതാണ്. കറികളില്‍ ഇത് അരച്ചു ചേര്‍ത്ത് വേവിയ്ക്കുമ്പോഴാണ് കൂടുതല്‍ നല്ലത്. കുടല്‍, വയര്‍ സംബന്ധമായ രോഗങ്ങള്‍ക്കും ഇതേറെ നല്ലതാണ്.
ഇത് മോരില്‍ കലക്കി ഉപയോഗിയ്ക്കുന്നതും നല്ലതാണ്. വയര്‍ സംബന്ധമായ പ്രശ്‌നങ്ങള്‍ക്ക് ഇതേറെ നല്ലതാണ്. കറിവേപ്പില നല്ലതു പോലെ അരച്ച് അരിമാവിന്റെ കൂടെ ചേര്‍ത്ത് ശര്‍ക്കരയോ ചക്കരയോ ചേര്‍ത്ത് വേവിച്ചു കുട്ടികള്‍ക്കു നല്‍കുന്നത് വിശപ്പു വര്‍ദ്ധിപ്പിയ്ക്കുന്നു. ഇവര്‍ക്ക് ആരോഗ്യം നല്‍കുന്നു. വയറിന്റെ ആരോഗ്യത്തിനും വിര ശല്യത്തിനുമെല്ലാം ഇതേറെ നല്ലതാണ്.
കറിവേപ്പില കഴിക്കുന്നത് പ്രമേഹവും അതുമായി ബന്ധപ്പെട്ട സങ്കീര്‍ണതകളും നിയന്ത്രിക്കാന്‍ സഹായിക്കുന്നു. രക്തത്തിലെ ഗ്ലൂക്കോസിന്റെ അളവ് കുറയ്ക്കാന്‍ കറിവേപ്പില വളരെ ഫലപ്രദമാണെന്ന് കണ്ടെത്തിയിട്ടുണ്ട്. കറിവേപ്പിലയില്‍ നാരുകള്‍ അടങ്ങിയിട്ടുണ്ട്. ഇത് ദഹനത്തെ മന്ദഗതിയിലാക്കുന്നു. അങ്ങനെ നമ്മുടെ രക്തത്തിലെ പഞ്ചസാരയുടെ അളവ് പെട്ടെന്ന് ഉയരുന്നത് തടയുന്നു. അവ ഇന്‍സുലിന്‍ പ്രവര്‍ത്തനം വര്‍ദ്ധിപ്പിക്കുകയും പ്രമേഹ രോഗികളെ സഹായിക്കുകയും ചെയ്യുന്നു. കറിവേപ്പിലയില്‍ ഇരുമ്പും ഫോളിക് ആസിഡും അടങ്ങിയിട്ടുണ്ട്. ഇത് ശരീരത്തിലെ ഇരുമ്പിന്റെ അളവ് മെച്ചപ്പെടുത്തുന്നതിന് പ്രധാനമാണ്. കറിവേപ്പിലയില്‍ വൈറ്റമിന്‍ എ ധാരാളമായി അടങ്ങിയിരിക്കുന്നതിനാല്‍ കണ്ണുകള്‍ക്ക് ഗുണം ചെയ്യും.
ശ്രദ്ധിക്കുക : അറിവിനെ ജനകീയമാക്കുക എന്ന ലക്ഷ്യം മാത്രമാണ് ഈ പോസ്റ്റിന് ഉള്ളത്.രോഗനിർണ്ണയത്തിനും ചികിത്സയ്ക്കും പകരമാകാൻ ഉദ്ദേശിച്ചുള്ളതല്ല, കൃതഹസ്തരായ ചികിത്സകരുടെ ഉപദേശപ്രകാരം മാത്രം ഔഷധങ്ങൾ ഉപയോഗിക്കുക. കൂടുതൽ പഠനം നടത്തി നല്ലത് മാത്രം സ്വീകരിക്കുക.ആരോഗ്യവിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയശേഷം മാത്രം ആഹാരക്രമത്തില്‍ മാറ്റം വരുത്തുക.