പുളിച്ച കഞ്ഞി വെള്ളം തലയില് തേച്ചു നോക്കിയിട്ടുണ്ടോ...?
🅰🆁🇮🆅 🅰🆁🇴🅶🅨🅰🅼
പലരെ യും അലട്ടുന്ന പ്രശ്നങ്ങളില് ഒന്നാണ് തലയിലെ താരന്.
താരന് കാരണം മുടി കൊഴിച്ചില് അനുഭവപ്പെടുന്നവരും നമുക്കിടയില് ധാരാളമുണ്ട്. പണി പതിനെട്ട് നോക്കിയിട്ടും തലയിലെ താരന് വിട്ടു പോകുന്നില്ലെന്ന പരാതിയുമായി പലരും ഡോക്ടറെ വരെ സമീപിച്ചിട്ടുണ്ടാകും.
എന്നാല് താരനകറ്റാന് വേണ്ടി സാധാരണയായി ചെയ്യുന്ന കെമിക്കല് ട്രീറ്റ്മെന്റുകള് മുടിയുടെ അറ്റം പിളരുക, വരള്ച്ച ഉണ്ടാക്കുക തുടങ്ങിയ പാര്ശ്വഫലങ്ങള് ഉണ്ടാക്കാനുള്ള സാധ്യത ഏറെയാണ്.
ഒരിക്കല് താരന് തലയില് വന്ന് കഴിഞ്ഞാല് അത് പോകാന് വലിയ ബുദ്ധിമുട്ടാണ്. മാത്രമല്ല ഇത്തരത്തില് താരന് വന്നു കഴിയുമ്പോള് തന്നെ മുടി കൊഴിച്ചില് അധികമായിത്തുടങ്ങും. തലയില് താരന് വര്ധിക്കും തോറും പലതരത്തിലുള്ള പ്രശ്നങ്ങളാണ് കണ്ടു വരുന്നത്. ത്വക്ക് രോഗങ്ങളും മുടി കൊഴിച്ചിലും തല ചൊറിച്ചിലും അങ്ങനെ തുടങ്ങി പല ആരോഗ്യ പ്രശ്നങ്ങളും താരന് വഴി കണ്ടു പരാറുണ്ട്.
താരന് വന്ന് കഴിഞ്ഞാല് പിന്നീട് വിപണിയില് നിന്ന് കിട്ടുന്നതെല്ലാം വാരിവലിച്ച് തേക്കാനുള്ള മരണപ്പാച്ചിലിലാണ്. എങ്ങനെയെങ്കിലും മുടി കൊഴിച്ചില് തടയാനാണ് എല്ലാവരും ശ്രമിക്കുന്നത്. എന്നാല് ഇത്തരത്തില് ചെയ്യുമ്പോള്, വിപണിയില് നിന്ന് ലഭിക്കുന്ന പല മരുന്നുകളും മുടിയ്ക്ക് പ്രതികൂലമായി ബാധിക്കും. അപ്പോള് പിന്നെ നമുക്ക് ചെയ്യാവുന്ന ഏക പോംവഴി എന്താണെന്ന് വെച്ചാല് പ്രകൃതിദത്തമായ കൂട്ടുകള് ഉപയോഗിച്ച് താരന് കളയുക എന്നതാണ്.
പാര്ശ്വ ഫലങ്ങളില്ലാത്തതും താരന് പൂര്ണ്ണമായും ഒഴിവാക്കാന് സാധിക്കുന്നതുമായ മാര്ഗ്ഗങ്ങളില് പ്രധാനപ്പെട്ട ഒന്നാണ് പുളിച്ച കഞ്ഞി.
താരനെ ഇല്ലാതാക്കുന്നതിന് വേണ്ടി കഞ്ഞിവെള്ളം വളരെ ഏറെ സഹായിക്കുന്നുണ്ട്. പുളിച്ച കഞ്ഞിവെള്ളം ഉപയോഗിച്ച് തലയില് നിന്ന് താരനെ പൂര്ണ്ണമായും ഇല്ലാതാക്കുകയും മുടിയുടെ ആരോഗ്യം വീണ്ടെടുക്കുകയും ചെയ്യാന് സാധിക്കും. താരനെ ഇല്ലാതാക്കാന് പുളിച്ച കഞ്ഞിവെള്ളം എങ്ങനെയെല്ലാം ഉപയോഗിക്കാം എന്ന് നോക്കാം.
കഞ്ഞിവെള്ളവും കറിവേപ്പിലയും നാരങ്ങ നീരും
പുളിച്ച കഞ്ഞിവെള്ളത്തില് കറിവേപ്പിലയും ഒരു ചെറിയ കഷ്ണം നാരങ്ങ പിഴിഞ്ഞ് അതിന്റെ നീര് കഞ്ഞിവെള്ളത്തില് ചേര്ക്കുക. ഇത് നന്നായി കലക്കുക. ശേഷം തലയില് തേച്ച് പിടിപ്പിച്ച് നന്നായി മസ്സാജ് ചെയ്യുക.
പ്രത്യേകം ശ്രദ്ധിക്കണം, താരനെ ഇല്ലാതാക്കാന് പുളിച്ച കഞ്ഞിവെള്ളമാണ് ഏറ്റവും അനുയോജ്യം. അത് കൊണ്ട് കഞ്ഞിവെള്ളം എടുക്കുമ്പോള് പുളിച്ച കഞ്ഞിവെള്ളമെടുക്കാന് ശ്രമിക്കുക. ഈ മിശ്രിതം തലയില് തേച്ച് നന്നായി മസ്സാജ് ചെയ്ത് 15 മിനിറ്റിന് ശേഷം കഴുകിക്കളയുക.
🅰🆁🇮🆅 🅰🆁🇴🅶🅨🅰🅼
ഇങ്ങനെ ചെയ്യുന്നതിലൂടെ നിങ്ങളുടെ മുടിയുടെ ആരോഗ്യം സംരക്ഷിക്കുകയും മുടിക്ക് തിളക്കവും നിറവും വര്ധിക്കുകയും ചെയ്യുന്നു.
താരനെ അകറ്റാന് മാത്രമല്ല പുളിച്ച കഞ്ഞിവെള്ളം തലയില് തേക്കുന്നത് കൊണ്ട് വേറെയും പല ഗുണങ്ങളുണ്ട്. അവ ഏതൊക്കെയാണെന്ന് നമുക്ക് നോക്കാം.
അകാല നര
അകാല നരയെന്ന പ്രശ്നം പലപ്പാേഴും നമ്മളില് പലരെയും അലട്ടുന്ന കാര്യങ്ങളില് ഒന്നാണ്. ഇതിന് പരിഹാരം കാണുന്നതിന് വേണ്ടിയും നമുക്ക് പുളിച്ച കഞ്ഞിവെള്ളം തലയില് തേക്കാവുന്നതാണ്. പുളിച്ച കഞ്ഞിവെള്ളം തലയില് തേക്കുന്നതോടെ അകാല നരയെന്ന പ്രതിസന്ധി ഇല്ലാതാകുകയും മുടിക്ക് നല്ല ആരോഗ്യവും നിറവും നല്കുന്നു. എന്ന് മാത്രമല്ല തലയ്ക്ക് നല്ല തണുപ്പും ഉറപ്പും വര്ധിപ്പിക്കാന് ഇത് സഹായമാകുന്നു.
നല്ലൊരു കണ്ടീഷണര് കൂടിയാണ് കഞ്ഞിവെള്ളം. അതുകൊണ്ട് തന്നെ കണ്ടിഷ്ണറിന് പകരമായി കഞ്ഞിവെള്ളം തലയില് തേക്കാന് ഉപയോഗിക്കുന്നത് വളരെ നല്ലതാണ്. ഷാംപു ഇട്ട് കുളിക്കുകയാണെങ്കില് കണ്ടിഷ്ണറിന് പകരം അല്പ്പം പുളിച്ച കഞ്ഞിവെള്ളത്തില് മുടി മുക്കി കഴുകി നോക്കൂ. ഇത് നിങ്ങളുടെ മുടിയില് നല്ലൊരു മാറ്റം ഉണ്ടാക്കും. അത് കൊണ്ട് തന്നെ ഷാംപു ഉപയോഗിക്കുന്നവരും കണ്ടീഷ്ണര് ഉപയോഗിക്കുന്നവരു കഞ്ഞിവെള്ളത്തെക്കുറിച്ചും അറിഞ്ഞിരിക്കുന്ന് വളരെ നല്ലതാണ്. കാരണം ആരോഗ്യമുള്ള ചേരുവകകളാണ് നമുക്ക് ഏറ്റവും അനുയോജ്യം.
കഞ്ഞിവെള്ളം ഉപയോഗിക്കുന്നത് തലയിലെ ചൊറിച്ചില് ഇല്ലാതാക്കാനും സഹായിക്കും. വളരെ അധികം പ്രശ്നമുണ്ടാക്കുന്ന ഒന്നാണ് തലയിലെ ചൊറിച്ചില്. താരന് കൊണ്ട് മാത്രമായിരിക്കില്ല തലയില് ചൊറിച്ചില് ഉണ്ടാകുന്നത്. അതിന് കാരണം പലപ്പോഴും പലതായിരിക്കും. പലവിധത്തിലുള്ള ഇന്ഫെക്ഷനും ഇതിന് പിന്നിലുണ്ടാകും. അതു കൊണ്ട് തന്നെ തലയിലെ ചൊറിച്ചില് ഉള്ളവര്ക്കും ഇത്തരത്തില് പുളിച്ച കഞ്ഞിവെള്ളം പരീക്ഷിച്ചു നോക്കാവുന്നതാണ്.
മുഖ സൗന്ദര്യത്തില് മുടിയുടെ സ്ഥാനം അത്ര ചെറുതൊന്നും അല്ല എന്ന് നമുക്കെല്ലാവര്ക്കും നന്നായറിയാം. അത് കൊണ്ട് തന്നെയാണ് മുടിയുടെ ആരോഗ്യവും അത്രയേറെ ശ്രദ്ധിക്കേണ്ടി വരുന്നതും.
താരനെ ഇത്തരത്തില് പൂര്ണ്ണമായും ഇല്ലാതാക്കാന് പ്രകൃതിദത്തമായ ഒരുപാട് പ്രതിവിധികള് നമുക്കിടയിലുണ്ട്. എന്നാല് അവയൊന്നും നമ്മള് അറിയുന്നില്ല, അല്ലെങ്കില് അതൊന്നും ചെയ്യാന് നമ്മള് മെനക്കെടാറില്ല എന്നതാണ് വസ്തുത.
🅰🆁🇮🆅 🅰🆁🇴🅶🅨🅰🅼
അറിവ് പകരുന്നത് നന്മയാണ് അറിവിനെ ജനകീയമാക്കുക എന്ന ലക്ഷ്യം മാത്രമാണ് ഈ പോസ്റ്റിന് ഉള്ളത്. കൂടുതൽ പഠനം നടത്തി നല്ലത് മാത്രം സ്വീകരിക്കുക.
കൃതഹസ്തരായ ചികിത്സകരുടെ ഉപദേശപ്രകാരം മാത്രം ഔഷധങ്ങൾ ഉപയോഗിക്കുക