ഓരോ ദിവസവും ഒരു പുതിയ തുടക്കം
ഓരോ പുതിയ ദിവസവും നമുക്ക് ലഭിക്കുന്ന ഒരു സമ്മാനമാണ്. കഴിഞ്ഞുപോയ കാര്യങ്ങളെക്കുറിച്ച് ആകുലപ്പെടാതെ, വരാനിരിക്കുന്നതിനെക്കുറിച്ച് ഭയക്കാതെ, ഇന്നത്തെ ഈ നിമിഷത്തിൽ ജീവിക്കാൻ നമ്മൾ പഠിക്കണം. ഈ ദിവസം, കഴിഞ്ഞ കാലത്തെ തെറ്റുകൾ തിരുത്താനും പുതിയ സ്വപ്നങ്ങളിലേക്ക് നടക്കാനുമുള്ള ഒരവസരം കൂടിയാണ്. ഇന്നലെ സംഭവിച്ചത് എന്തായിരുന്നാലും, ഇന്ന് നമുക്ക് ഒരു പുതിയ അധ്യായം കുറിക്കാം.
ജീവിതം ഒരു മാരത്തൺ ഓട്ടം പോലെയാണ്. ചിലപ്പോൾ നമ്മൾ തളർന്നുപോകാം, വീണുപോകാം. പക്ഷേ, പ്രധാനം എഴുന്നേറ്റ് മുന്നോട്ട് നടക്കാനുള്ള മനസ്സാണ്. ഓരോ ചെറിയ ചുവടുകളും നമ്മളെ ലക്ഷ്യത്തിലേക്ക് അടുപ്പിക്കും. ഒരുപക്ഷേ നിങ്ങൾ വലിയ കാര്യങ്ങൾ നേടാൻ ആഗ്രഹിക്കുന്നുണ്ടാകാം, പക്ഷേ അതിലേക്ക് എത്താൻ ചെറിയ ചെറിയ ലക്ഷ്യങ്ങൾ വെച്ച് മുന്നോട്ട് പോകണം.
ഓരോ ദിവസവും ഒരു പുതിയ പാഠം പഠിക്കാനും നമ്മളെത്തന്നെ മെച്ചപ്പെടുത്താനുമുള്ള അവസരമാണ്.
നമ്മുടെ ചിന്തകൾക്ക് വലിയ ശക്തിയുണ്ട്. നല്ല ചിന്തകൾ നമ്മളെ നല്ല കാര്യങ്ങളിലേക്ക് നയിക്കും, അതേസമയം നെഗറ്റീവ് ചിന്തകൾ നമ്മളെ പിന്നോട്ട് വലിക്കും. അതുകൊണ്ട്, എപ്പോഴും പോസിറ്റീവായി ചിന്തിക്കാൻ ശ്രമിക്കുക. വെല്ലുവിളികളെ അവസരങ്ങളായി കാണുക. ഓരോ തടസ്സവും നമ്മളെ കൂടുതൽ ശക്തരാക്കും എന്ന് വിശ്വസിക്കുക. മറ്റുള്ളവരെ പ്രചോദിപ്പിക്കുകയും അവരുടെ വിജയങ്ങളിൽ സന്തോഷിക്കുകയും ചെയ്യുക. കാരണം, മറ്റുള്ളവരുടെ സന്തോഷം നമ്മുടെ സന്തോഷം കൂടിയാണ്.
അപകടങ്ങളും ബുദ്ധിമുട്ടുകളുമില്ലാത്ത അവസ്ഥയല്ല യഥാര്ത്ഥ സമാധാനം. കഷ്ടപ്പാടിലും ദുഃഖത്തിലും സന്തോഷം കാണുന്നതിലാണ് യഥാര്ത്ഥ സമാധാനം കുടികൊള്ളുക. ഇത് ബാഹ്യസമ്മര്ദ്ദങ്ങളുടെ ഫലമല്ല, പകരം മനസ്സിന്റെ ഒരു അവസ്ഥയാണ്, ഭാവമാണ്. സമാധാനവും വികസനവും പരസ്പരം ബന്ധപ്പെട്ടിരിക്കുന്നു. വ്യക്തികളെ സംബന്ധിച്ചും രാഷ്ട്രങ്ങളെ സംബന്ധിച്ചും ഇത് ശരിയാണ്. വ്യക്തിക്കു തന്റെ കഴിവുകളെ സമഗ്രമായി വികസിപ്പിച്ച് പക്വതയിലെത്താതെ സമാധാനം ആസ്വദിക്കാന് കഴിയുന്നില്ല. രാഷ്ട്രത്തിന് അതിന്റെ വിഭവശേഷിയും മനുഷ്യശേഷിയും വര്ദ്ധിപ്പിച്ച് ഉപയോഗിക്കാതെ ക്ഷേമരാഷ്ട്രമാകാനോ സമാധാനത്തിലെത്താനോ സാധിക്കുന്നില്ല. വികസനം സമഗ്രമായിരിക്കണം. ഭൗതികവും ബുദ്ധിപരവും ആത്മീയവുമായ വികസനമാണുണ്ടാകേണ്ടതെന്ന കാര്യം പ്രത്യേകം ശ്രദ്ധിക്കേണ്ടിയിരിക്കുന്നു.
സമാധാനം ഒന്നാമതായി നമ്മുടെ ഹൃദയത്തിലാണ് സൃഷ്ടിക്കേണ്ടത്. ഏതു സംഘര്ഷവും യുദ്ധവും ആദ്യം മനുഷ്യഹൃദയത്തിലാണല്ലോ സംജാതമാകുന്നത്. മനുഷ്യഹൃദയം സമാധാനപൂര്ണ്ണമായാല് സമൂഹവും സമാധാനപൂര്ണ്ണമാകും. അതുകൊണ്ട് ആദ്യമായി ഹൃദയസമാധാനം കണ്ടെത്തണം. ഒരു കഥയുണ്ട് ; സുപ്രസിദ്ധ ഗ്രന്ഥകാരനായ പൗലോ കൊയ്ലോയുടെ “ആല്ക്കെമിസ്റ്റ്” എന്ന കൃതി വായിച്ചിട്ടുണ്ടോ? ഒരു സ്വപ്നത്തിന്റെ പിന്നാലെ ഇറങ്ങിത്തിരിച്ച സാന്റിയാഗോ എന്നൊരു യുവാവിന്റെ കഥ രേഖപ്പെടുത്തിയിട്ടുണ്ട്. സ്പെയിനിലെ ടരീഫാ എന്ന ഗ്രാമത്തിലെ ഒരു ആട്ടിടയനായിരുന്നു സാന്റിയാഗോ. ഈജിപ്തിലെ പിരമിഡുകള്ക്കിടയിലേക്ക് ഒരു ബാലന് തന്നെ കൊണ്ടുപോകുന്നതായും ഒരു നിധി കണ്ടെത്തുന്നതായും അവന് സ്വപ്നം കണ്ടു. സലേമിലെ വൃദ്ധനായ രാജാവ് അവനോട് പറഞ്ഞിരുന്നു, “സഫലമാക്കാന് ഒരു സ്വപ്നമുണ്ടെങ്കിലേ ജീവിതം അര്ത്ഥപൂര്ണമാകുകയുള്ളൂ” എന്ന്. അവന് ഈ വാക്കുകളില് നിന്ന് പ്രചോദനം ഉള്ക്കൊണ്ട് ആടുകളെ വിറ്റ് കാശുണ്ടാക്കി ഈജിപ്തിലെത്തി. പിരമിഡുകളുടെയിടയില് നിധി കണ്ടെത്താന് കുഴിച്ചു കൊണ്ടിരുന്നപ്പോള് ഒരു അശരീരിവാക്യം അവന്റെ മനസ്സില് മുഴങ്ങി.
'അവന് യാത്ര തുടങ്ങിയ ടരീഫാപള്ളിയുടെ മുറ്റത്താണ് നിധിയിരിക്കുന്നത് എന്നായിരുന്നു ആ വാക്യം. അവന് നാട്ടിലേക്കു തിരിച്ചു. ടരീഫാ പള്ളിയുടെ മുറ്റത്തു കുഴിച്ചുനോക്കി നിധി കണ്ടെത്തി. നിധി കണ്ടെത്താന് അന്യനാട്ടില് പോകേണ്ടെന്നും സ്വന്തം ഗ്രാമത്തില് അതു കണ്ടെത്താമെന്നും അവനു മനസ്സിലായി. ഇതുപോലെയാണ് സമാധാനം. മനുഷ്യന്റെ മനസ്സിൽ തന്നെയാണ് അതു കണ്ടെത്തേണ്ടത്. അതു തേടി അലയേണ്ടതില്ല..
സമാധാനത്തിനുവേണ്ടി ദാഹിക്കാത്തവരില്ല. പക്ഷേ, അതു കണ്ടെത്താന് എല്ലാവര്ക്കും കഴിയുന്നില്ല. സമാധാനം സൃഷ്ടിക്കാനുള്ള വഴികള് അവര് കണ്ടെത്തുന്നില്ലെന്നതാണ് അതിന്റെ കാരണം.സമാധാനം ആഗ്രഹിക്കുന്നവർ വികാരങ്ങളുടെ മേല് ശരിയായ നിയന്ത്രണമുണ്ടാകണം. എല്ലാത്തരത്തിലുമുള്ള അത്യാഗ്രഹങ്ങളില്നിന്നും സ്വതന്ത്രനാകണം.വ്യക്തിത്വത്തിന്റെ സമഗ്രത സമാധാനസംരക്ഷണത്തിന് ആവശ്യമാണ്. അത്യാഗ്രഹം, ആകുലത, വിഷാദം, വിദ്വേഷം, മദ്യാസക്തി, അപകര്ഷതാബോധം മുതലായവ വ്യക്തിതലത്തില് സമാധാനത്തെ തകര്ക്കും. ഭീകരപ്രവര്ത്തനം, വർഗീയത,യുദ്ധം, കുടുംബശൈഥില്യം മുതലായവ സാമൂഹികതലത്തില് സമാധാനം ഇല്ലാതാക്കുന്നു.
ഭൗതികവസ്തുക്കള് വാരിക്കൂട്ടുന്നതിലൂടെയല്ല സമാധാനമുണ്ടാകുന്നത്. കലഹമോ യുദ്ധമോ ഇല്ലാത്ത അവസ്ഥ മാത്രവുമല്ല സമാധാനം. ശാന്തി കണ്ടെത്തേണ്ടത് ആത്മജ്ഞാനത്തില്നിന്നും പരിത്യാഗത്തില് നിന്നുമാവണം.
തെറ്റുകളിൽ നിന്ന് ഒഴിഞ്ഞ് നിൽക്കാനായാൽ മനസ്സിന് സംതൃപ്തി താനേ കൈവരും.., തെറ്റ് തിരുത്തുന്നതിനേക്കാൾ ശ്രമകരമാണ് തെറ്റിധാരണകൾ തിരുത്തുന്നത്.സംസാരം അധികരിപ്പിക്കാതിരുന്നാൽ അത് നമുക്ക് നല്ലതേ വരുത്തൂ.., ദുഷിച്ച നാവിൽ നിന്ന് വരുന്ന വാക്കുകൾ, കേൾക്കേണ്ടി വരുന്നവനേക്കാൾ നാശമുണ്ടാക്കുക അതിന്റെ ഉടമക്കാണ്...
മനസ് ശാന്തമാകുകയും, നൻമയുടെ പാതയിലാകുകയും ചെയ്താൽ കാണുന്നതെല്ലാം സുന്ദരമാകും.., എല്ലാവര്ക്കും പ്രശ്നങ്ങളുണ്ടെന്ന് മനസ്സിലാക്കിയാൽ നമ്മുടെ പ്രശ്നങ്ങളും കുറഞ്ഞ് വരും.
ജീവിതത്തിൽ നമ്മെ നമ്മളാക്കുന്നത് തീർത്തും നമ്മുടെ മാത്രം ചിന്തകൾ തന്നെ ആണ്. ജീവിതത്തിൽ നാം സ്വയം തോറ്റു എന്ന് ചിന്തിക്കുന്നിടത്തും അത് സ്വയം പ്രഖ്യാപിക്കുകയും ചെയ്യുന്നിടത്തു മാത്രമേ നാം തോൽക്കുന്നുള്ളു അതുവരെ നമുക്ക് വിജയിക്കാൻ ഉള്ള ഒരിടം തീർച്ചയായും മുന്നിൽ ഉണ്ട്...!
ഓർക്കുക, നിങ്ങളുടെ ജീവിതത്തിന്റെ ശിൽപി നിങ്ങളാണ്. ഓരോ ദിവസവും നിങ്ങൾ എടുക്കുന്ന തീരുമാനങ്ങൾ നിങ്ങളുടെ ഭാവിയെ രൂപപ്പെടുത്തുന്നു. ഇന്ന് നിങ്ങൾ നടത്തുന്ന കഠിനാധ്വാനം നാളത്തെ നിങ്ങളുടെ വിജയത്തിന്റെ അടിസ്ഥാനമാണ്. അതുകൊണ്ട്, മടിച്ച് നിൽക്കാതെ, നിങ്ങളുടെ കഴിവുകളിൽ വിശ്വസിച്ച്, ധൈര്യപൂർവ്വം മുന്നോട്ട് പോകുക. ഓരോ നിമിഷവും വിലപ്പെട്ടതാണ്. ഇന്നത്തെ ഈ ദിവസം നിങ്ങളുടെ ജീവിതത്തിലെ ഏറ്റവും മികച്ച ദിവസമാക്കി മാറ്റാൻ ശ്രമിക്കുക.
