പൂച്ചയ്ക്ക് പിന്നാലെ പോയ 3 വയസുകാരനെ കാണാതായിട്ട് മണിക്കൂറുകള്‍:ഡ്രോണ്‍ ഉപയോഗിച്ച്‌ കുട്ടിയെ കണ്ടെത്തി പൊലീസ്
വിസ്കോണ്‍സിൻ: പൂച്ചയെ പിടിക്കാൻ ശ്രമിക്കുന്നതിനിടെ 3 വയസുകാരനെ കാണാതായിട്ട് മണിക്കൂറുകള്‍. ഒടുവില്‍ ഏക്കറുകളോളം വിശാലമായ ചോള പാടത്ത് നിന്ന് ഡ്രോണ്‍ ഉപയോഗിച്ച്‌ കുട്ടിയെ കണ്ടെത്തി പൊലീസ്.
അമേരിക്കയിലെ വിസ്കോണ്‍സിനില്‍ ഞായറാഴ്ചയാണ് 3 വയസുകാരനെ കാണാതായത്. വീടിന് പുറത്ത് കളിച്ചുകൊണ്ടിരുന്ന മകനെ വളരെ നേരമായിട്ടും കാണാതയതിന് പിന്നാലെയാണ് വീട്ടുകാർ പൊലീസ് സഹായം തേടിയത്.
വീട്ടിലെ സിസിടിവി ദൃശ്യങ്ങളില്‍ നിന്ന് കുട്ടി പൂച്ചയ്ക്ക് പിന്നാലെ ഓടുന്ന ദൃശ്യങ്ങള്‍ ലഭിച്ചതാണ് അന്വേഷണത്തില്‍ നിർണായകമായത്. എന്നാല്‍ വീടിന് സമീപത്തുള്ള ഏക്കറോളം വിശാലമായ ചോള പാടത്ത് എവിടെ നിന്ന് മകനെ കണ്ടെത്തുമെന്ന ആശങ്കയും രാത്രിയായതും രക്ഷിതാക്കളേയും ആശങ്കയിലാക്കുകയായിരുന്നു. മേഖലയില്‍ വന്യജീവികളുടെ ശല്യമുള്ളതും തെരച്ചിലിനിടെ ആശങ്കയ്ക്ക് കാരണമായിരുന്നു.
ഇതോടെയാണ് പൊലീസ് ഡ്രോണ്‍ സഹായം തേടിയത്. ആറടിയിലേറെ ഉയരമുള്ള ചോളങ്ങള്‍ നിറഞ്ഞ പാടത്ത് ഇരുട്ടില്‍ അന്വേഷണം വഴിമുട്ടുമെന്ന് തോന്നിയ ഘട്ടത്തിലായിരുന്നു ഇത്. സ്വകാര്യ ഡ്രോണ്‍ പൈലറ്റിന് ആവശ്യമായ സൌകര്യങ്ങള്‍ ഒട്ടും വൈകാതെ തന്നെ ഒരുക്കിയതിന് പിന്നാലെയാണ് വീട്ടില്‍ നിന്ന് ഒന്നര കിലോമീറ്ററിലേറെ ദൂരെയായി കുട്ടിയെ ഡ്രോണ്‍ കണ്ടെത്തുകയായിരുന്നു.
"ഞങ്ങൾ ഇവിടെയുണ്ട് സുഹൃത്തേ, ഞങ്ങൾ നിങ്ങൾക്കായി ഇവിടെയുണ്ട്," ആദ്യം പ്രതികരിച്ചവർ ചോളത്തോട്ടത്തിൽ എത്തിയപ്പോൾ കുട്ടിയോട് പറഞ്ഞു. "നീ ഇപ്പോൾ സേഫ് ആണ്. നിനക്ക് കുഴപ്പമൊന്നുമില്ല. ഞങ്ങൾ തിരികെ പോകും, ഞങ്ങൾ നിങ്ങളുടെ അമ്മയെ കണ്ടെത്തും, ശരി?"
പിന്നാലെ കുട്ടിയെ കണ്ടെത്തിയ പരിസരം മാത്രം അരിച്ച്‌ പെറുക്കിയ പൊലീസ് കുട്ടിയെ കണ്ടെത്തുകയായിരുന്നു. വീട്ടിലേക്ക് മടങ്ങാൻ വഴി കണ്ടെത്താനാവാതെ ഭയന്ന നിലയിലായിരുന്നു കുട്ടിയെന്നും ശാരീരികമായി മറ്റ് പരിക്കുകള്‍ ഇല്ലെന്നുമാണ് പൊലീസ് വിശദമാക്കുന്നത്.