നാൽപതുകളിൽ ആരോഗ്യ പ്രശ്നങ്ങൾ ഉണ്ടാകുവാനുള്ള സാധ്യത ഏറെയാണ്. ജോലി സംബന്ധമായ തിരക്കുകൾ, ടെൻഷൻ, വ്യായാമക്കുറവ് ക്രമംതെറ്റിയ ആഹാരരീതികൾ എന്നിവയാണ് ഇവക്ക് പ്രധാനകാരണം. നമ്മുടെ ശീലങ്ങളിൽ ചെറിയൊരു മാറ്റം വരുത്തിൽ മതിയാവും ഇത്തരം ആരോഗ്യ പ്രശ്നങ്ങളെ പേടിക്കാതെ ജീവിക്കാൻ.
നാല്പ്പത് വാർദ്ധക്യത്തിന്റെ അതിർത്തിയാണ്. നാല്പ്പതില് പ്രവേശിക്കുന്നതോടെ ആരോഗ്യക്കാര്യത്തില് പ്രത്യേകം ശ്രദ്ധവെക്കേണ്ടത് പ്രധാനമാണ്.
മാനസികാരോഗ്യത്തിന് പ്രാധാന്യം നല്കുക
ശാരീരിക ആരോഗ്യം പോലെ തന്നെ മാനസികാരോഗ്യത്തിനും പ്രാധാന്യം നല്കണം. ഇത് ജീവിത നിലവാരം മെച്ചപ്പെടുത്തുകയും സമ്മര്ദങ്ങളില് നിന്ന് സംരക്ഷിക്കുകയും ചെയ്യുന്നു. മാനസികമായി സന്തോഷം ലഭിക്കുന്ന കാര്യങ്ങളിൽ ശ്രദ്ധിക്കുകയും, അത്തരം കാര്യങ്ങൾ കൂടുതൽ സമയം ചെലവഴിക്കുകയും ചെയ്യുക.
വ്യായാമം ചെയ്യാന് മടി
എല്ലുകളുടെയും പേശികളുടെയും ആരോഗ്യം നിലനിര്ത്താന് വ്യായാമം ചെയ്യേണ്ടത് പ്രധാനമാണ്. വ്യായാമം കുറയുന്നതും ചെയ്യാതിരിക്കുന്നതും ശരീരഭാരം വര്ധിക്കുന്നതിനും വിട്ടുമാറാത്ത നിരവധി രോഗങ്ങളിലേക്കും ഇത് നയിച്ചേക്കാം. കൂടാതെ ശരീരത്തിന്റെ ബാലന്സ് നഷ്ടപ്പെടാനും വ്യായാമം ഇല്ലത്തത് കാരണമാകും.ഏറ്റവും കുറഞ്ഞത് ദിവസവും അല്പ ദൂരം നടക്കുന്നത് പതിവാക്കുക.
ഉറക്കമില്ലായ്മ
ഉറക്കമില്ലായ്മ സമ്മര്ദം ഉണ്ടാക്കുകയും ഇത് ശരീരഭാരം കൂടാന് കാരണമാകുകയും ചെയ്യുന്നു. ഇത് മനാസികമായി തളര്ച്ച അനുഭവപ്പെടുത്താം. മുതിര്ന്ന ഒരു വ്യക്തി ഏഴ് മുതല് ഒന്പതു മണിക്കൂര് വരെ ഉറങ്ങണമെന്നാണ് ആരോഗ്യ വിദഗ്ധരുടെ നിര്ദേശം.രാത്രി നേരത്തെ ഉറങ്ങി നേരത്തെ എഴുന്നേൽക്കുന്ന ശീലം പതിവാക്കുക. ഉറക്കമില്ലായ്മ പരിഹരിക്കാനായി നല്ല രീതിയിൽ ഏതെങ്കിലും മെഡിറ്റേഷനുകളിൽ ഏർപ്പെടുക.
ആവശ്യത്തിന് വെള്ളം കുടിക്കുക
ദഹനം മുതല് ശരീരത്തിലെ താപനില ക്രമീകരണം ഉള്പ്പെടെ നിരവധി കാര്യങ്ങളില് ശരീരത്തില് ജലാംശം നിലനിര്ത്തേണ്ടത് പ്രധാനമാണ്. വെള്ളം നന്നായി കുടിക്കുന്നത് ശരീരത്തില് ജലാംശം നിലനിര്ത്താന് സഹായിക്കും.
പുകയില ഉപയോഗം
കാന്സര്, ഹൃദ്രോഗം, ശ്വാസകോശ സംബന്ധമായ രോഗങ്ങള് തുടങ്ങി നിരവധി രോഗങ്ങളിലേക്ക് പുകയില ഉപയോഗം നയിക്കാം. ഇത് പ്രായമാകുമ്ബോള് സങ്കീര്ണത വര്ധിപ്പിക്കും.അതുകൊണ്ടുതന്നെ ലഹരി വസ്തുക്കളുടെ ഉപയോഗം പൂർണമായും ഒഴിവാക്കുക.
സോഷ്യല്നെറ്റ്വർക്ക് ഒഴിവാക്കരുത്
സാമൂഹ്യമായി സജീവമാകുന്നത് മാനസികാരോഗ്യം മെച്ചപ്പെടുത്തുന്നതില് പ്രധാന പങ്ക് വഹിക്കുന്നു. ഈ ശീലം ഇല്ലാത്തത് ഒറ്റപ്പെടല്, വിഷാദം എന്നിവയിലേക്ക് നയിക്കാം. ഇത് മാനസികാരോഗ്യത്തെ കാര്യമായി ബാധിക്കാം.
ഭക്ഷണത്തിൽ കൂടുതലും പച്ചക്കറികൾ ഉപയോഗപ്പെടുത്തുക. അവയുടെ പോഷകാംശങ്ങൾ നിലനിർത്തുന്ന രീതിയിൽ പാകംചെയ്യുക എന്നതും പ്രധാനമാണ്. നാം താമസിക്കുന്ന സ്ഥലത്ത് സുലഭമായി ലഭിക്കുന്ന സാധനങ്ങൾ ഭക്ഷണപദാർത്ഥങ്ങളായി തിരഞ്ഞെടുക്കുക. ഉദാഹരണത്തിന് നമ്മുടെ നാട്ടിൽ സുലഭമായി ലഭിക്കുന്ന ചക്ക, പൈനാപ്പിൾ എന്നിവ കുടലിലെ കാൻസറിനെ തടയുന്നതിനും പുളിച്ചിക്ക (പുളിക്ക) ഹൃദയത്തിലും രക്തക്കുഴലുകളിലും രക്തം കട്ടപിടിക്കുന്നതിനെ തടയുന്നതിനും കൊളസ്ട്രോൾ കുറയ്ക്കുന്നതിനും പച്ചത്തേങ്ങ ബി.പി. കുറയ്ക്കുന്നതിനും കൊളസ്ട്രോൾ കുറയ്ക്കുന്നതിനും പേരയ്ക്ക വിരശല്യം തടയുന്നതിനും ഫലവത്താണ്.
ഭക്ഷണത്തിന്റെ അളവ് കുറയ്ക്കുക എന്നത് വളരെ പ്രധാനമാണ്. 20-25 വയസ്സു കഴിഞ്ഞാൽ ശാരീരിക പ്രവർത്തനങ്ങൾ നിലനിർത്താൻവേണ്ട ഊർജം ലഭിക്കുന്നതിന്, ആവശ്യമായ ഭക്ഷണം മാത്രം കഴിച്ചാൽ മതി. ഉദാഹരണത്തിന് 20-25 പ്രായത്തിൽ ഒരാൾ 8 ഇഡ്ഡലി കഴിക്കുകയാണെങ്കിൽ ഇപ്പോൾ അത് 3-4 മതിയാകും. അധികമായി കഴിക്കുന്നതിൽനിന്നുള്ള ഊർജം കൊളസ്ട്രോളായും മറ്റും സംഭരിക്കുന്നത് അപകടാവസ്ഥക്ക് കാരണമാകും. ഇത് പ്രമേഹംപോലുള്ള രോഗങ്ങളിലേക്ക് നയിക്കും.
അളവ് കുറയ്ക്കേണ്ട മറ്റ് ആഹാരസാധനങ്ങളാണ് ഉപ്പ്, പഞ്ചസാര, വറുത്തതും പൊരിച്ചതും മുതലായവ. പണ്ട് പൊതുവെ കണ്ടിരുന്നതും അടുത്തകാലത്ത് മലയാളികൾ തീരെ ഉപേക്ഷിച്ചതുമായ ഒരു ഭക്ഷണരീതിയാണ് മോര് കുടിക്കുക, മോര് കൂട്ടി ഊണ് കഴിക്കുക എന്നത്. ഇന്ന് ഇതിന്റെ സ്ഥാനത്ത് തൈരിന്റെ ഉപയോഗം കൂടി. തൈര് അപകടകാരിയും മോര് രക്ഷകനും ആണ്. ശരീരത്തിനുള്ളിൽ കടന്നുകൂടുന്ന വിഷാംശങ്ങൾ കുടലിൽവെച്ചും കരളിൽവെച്ചും നീക്കംചെയ്യാൻ മോരിന് കഴിവുണ്ട്.
ശ്രദ്ധിക്കുക : അറിവിനെ ജനകീയമാക്കുക എന്ന ലക്ഷ്യം മാത്രമാണ് ഈ പോസ്റ്റിന് ഉള്ളത്.രോഗനിർണ്ണയത്തിനും ചികിത്സയ്ക്കും പകരമാകാൻ ഉദ്ദേശിച്ചുള്ളതല്ല, കൃതഹസ്തരായ ചികിത്സകരുടെ ഉപദേശപ്രകാരം മാത്രം ഔഷധങ്ങൾ ഉപയോഗിക്കുക. കൂടുതൽ പഠനം നടത്തി നല്ലത് മാത്രം സ്വീകരിക്കുക.ആരോഗ്യവിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയശേഷം മാത്രം ആഹാരക്രമത്തില് മാറ്റം വരുത്തുക.