രാവിലെ എഴുന്നേറ്റാല് തല കറക്കമോ?; കാരണങ്ങൾ ഇവയാകാം
രാവിലെ ഉറക്കമുണർന്ന് എഴുന്നേൽക്കാൻ തുടങ്ങുമ്പോൾ തലകറങ്ങുന്നതുപോലെ തോന്നും. മുറിയുടെ ഭിത്തിയും അവിടെയുള്ള ചിത്രങ്ങളും കറങ്ങുന്നതുപോലെ തോന്നും മുറിയാകെ ഇരുട്ടുപോലെ തോന്നിക്കും. ഓക്കാനം അനുഭവപ്പെടുന്നു. നീണ്ടു നിവർന്നു കിടന്ന് കണ്ണടച്ചു കിടക്കും. വശങ്ങളിലേക്ക് തിരിഞ്ഞു കിടക്കാനും കഴിയില്ല. കുറെ സമയം കഴിയുമ്പോൾ അസ്വസ്ഥത മാറും. ഇത് എന്തെങ്കിലും സുഖക്കേടാണോ? എന്തുകൊണ്ടാണ് ഇങ്ങനെ വരുന്നത്?
ചെവി സംബന്ധമായ പല പ്രശ്നങ്ങളും ഇത്തരം തല കറക്കത്തിന് കാരണമാകുന്നുചെവിക്കായം പോലുള്ള അവസ്ഥകള് വരെ ചിലപ്പോള് ഇത്തരം തല കറക്കത്തിന് കാരണമാകുന്നു. ചെവിയുടെ ഉള്ഭാഗത്ത് സ്ഥിതി ചെയ്യുന്ന വെസ്റ്റിബുലാര് ഭാഗം ശരീരത്തിന്റെ ബാലന്സ് നിയന്ത്രിക്കുന്നതില് പ്രധാന പങ്കുവഹിക്കുന്നുണ്ട്. പനിയെത്തുടര്ന്നുണ്ടാകുന്ന നീര്വീക്കം വെസ്റ്റിബുലാര് നാഡിയെ ബാധിച്ച് തലകറക്കം ഉണ്ടാകാം. ഇതിന് കൃത്യമായ ചികിത്സ തേടിയില്ലെങ്കില് പല പ്രശ്നങ്ങളുമുണ്ടാകാം. കേള്വിയെ ബാധിക്കുന്നില്ലെങ്കിലും തലചുറ്റലും ബാലന്സ് നഷ്ടപ്പെടലും നില്ക്കാം.കുറേ നാള് നീണ്ടു നിന്നെന്നും വരാം. തലച്ചോറിലെ തകരാര് മൂലം തലകറക്കമുണ്ടാകുമ്പോള് കേള്വിക്കുറവ്, ചെവിക്കുള്ളിലെ മുഴക്കം തുടങ്ങിയ മററു പല ലക്ഷണങ്ങള് കൂടി കണ്ടു വരുന്നു
രക്തം ശരീരത്തിലെവിടെയും ചുറ്റിക്കറങ്ങുമ്പോൾ വേണ്ടസ്ഥാനത്ത് വേണ്ടത്ര അളവിൽ എപ്പോഴും രക്തം എത്തിച്ചുകൊണ്ടിരിക്കണം. രക്തം തികയാതെ വന്നാൽ ആ അവയവം ശരിയായി പ്രവർത്തിക്കുകയില്ല. കുറെ നേരം കിടക്കുന്ന വ്യക്തി പെട്ടെന്നു ചാടി എഴുന്നേറ്റാൽ ഒരു നിമിഷം തലച്ചോറിലേക്ക് രക്തയോട്ടം തികയാതെ പോകാൻ സാധ്യതയുണ്ട്. ഇത് പ്രായമായവരിൽ തലകറക്കം വരാൻ ഒരു പ്രധാനകാരണമാണ്.
വെര്ട്ടിഗോ എന്ന അവസ്ഥ പലരേയും അലട്ടുന്ന ഒന്നാണ്. ശരീരത്തിന്റെ ബാലന്സ് നഷ്ടപ്പെടുന്ന ഒരു അവസ്ഥയാണിത്. തലകറക്കത്തിനുള്ള മറ്റൊരു പ്രധാന കാരണമാണ് പൊസിഷണല് വെര്ട്ടിഗോ. തല ഒരു ഭാഗത്തേക്ക് ചരിഞ്ഞു കിടക്കുമ്പോഴോ പെട്ടെന്ന് കുനിഞ്ഞ് നിവരുമ്പോഴോ ഒക്കെ തലകറക്കം ഉണ്ടാകാം. തല കറക്കത്തിനൊപ്പം ശരീരത്തിന്റെ ബാലന്സ് കൂടി നഷ്ടപ്പെടുന്ന അവസ്ഥയാണിത്. തലചുറ്റല്, ബാലന്സ് കിട്ടാതെ വരിക, ഒരു വശത്തേക്ക് വീഴുക, ഓക്കാനം, ഛര്ദ്ദി, കണ്ണിന് മങ്ങല്, ചെവിയില് ഒരു തരം മുഴക്കം, തലവേദന എന്നിവയെല്ലാം തന്നെ ഇതിനൊപ്പം ഉണ്ടാകാം. നിശ്ചിത ഇടവേളകളില് തുടര്ച്ചയായി അനുഭവപ്പെടുന്നുവെങ്കില് അത് വെര്ടിഗോയുടെ ലക്ഷണമാണ്. സാധാരണമായി ആഴ്ചകളോ മാസങ്ങളോ കഴിയുമ്പോള് രോഗലക്ഷണങ്ങള് ക്രമേണ അപ്രത്യക്ഷമാവുകയാണ് പതിവ്.
സമതല ബാലൻസ് നിലനിർത്തുന്ന മസ്തിഷ്കത്തിലെ ഇരുവശത്തുമുള്ള അവയവത്തിലേക്കുള്ള രക്തയോട്ടം തികയാതെ പോകുന്നതായിരിക്കും മുറി ആകെ വട്ടത്തിൽ കറങ്ങുന്നതായി തോന്നുന്നത്. തല ഒരു വശത്തേക്ക് കുറേ നേരം വലിച്ചു പിടിച്ചാലും മറുവശം രക്തക്കുഴൽ വലിഞ്ഞ് ഇങ്ങനെ സംഭവിക്കാം. ചുറ്റുപാടിൽ ഒരു സ്ഥാനത്തെ മാത്രം സാധനങ്ങൾ മുകളിലേക്കും താഴേക്കും മാത്രം ചലിക്കുന്നെങ്കിൽ ഗുരുതരമാകാറില്ല.
കിടക്കയില് നിന്ന് പെട്ടെന്ന് എഴുന്നേല്ക്കുകയും പെട്ടെന്ന് ഒരു വശത്തേക്ക് ചരിയുകയുമരുത്. ചാടിയെഴുന്നേല്ക്കുന്നതും നല്ലതല്ല. ശരീരത്തിന്, ബ്രെയിന് അതിനുളള സമയം നല്കിയ ശേഷം എഴുന്നേല്ക്കുക.കട്ടിലില് കുറേനേരം ഇരുന്നതിനുശേഷം മാത്രമേ എഴുന്നേല്ക്കാവൂ.രക്തസമ്മര്ദം നിയന്ത്രിക്കാനും ഉറക്കക്കുറവിനുമുള്ള മരുന്ന് കഴിക്കുന്നവര് സാവധാനം മാത്രം എഴുന്നേല്ക്കുകയും ബാലന്സ് നഷ്ടപ്പെടാതിരിക്കുകയും പ്രത്യേകിച്ചും ശ്രദ്ധിയ്ക്കണം.
ബാലന്സ് നഷ്ടപ്പെടുന്നതിന്
ബാലന്സ് നഷ്ടപ്പെടുന്നതിന് പരിഹാരമായി ചെയ്യാവുന്ന ചില വ്യായാമങ്ങളുമുണ്ട്. ഇവ ചെയ്യുന്നത് ഒരു പരിധി വരെ ഗുണം നല്കും.കൈകാലുകള്ക്കും കഴുത്തിനും വഴക്കവും ബലവും നല്കുന്ന വ്യായാമങ്ങളിലേര്പ്പെടുന്നതും ബാലന്സ് നഷ്ടപ്പെടുന്നതിന് പരിഹാരമായി സഹായിക്കും. സ്റ്റൂളില് ഇരുന്നും എഴുന്നേറ്റും ചെയ്യുന്ന വ്യായാമം, കണ്ണിനും തലച്ചോറിനും ചെയ്യാവുന്ന വ്യായാമം, അതായത് കണ്ണുകള് ചലിപ്പിച്ചു ചെയ്യാവുന്ന വ്യായാമങ്ങള് എന്നിവ ബാലന്സ് തെറ്റാതിരിക്കാന് സഹായിക്കും.
കിടന്നിട്ട് എഴുന്നേൽക്കുന്ന സമയത്തു ചാടി എഴുന്നേൽക്കാതെ ഒന്നു രണ്ടു മിനിറ്റ് സമയം ഇരുന്നതിനുശേഷം എഴുന്നേൽക്കുന്നതാണു നല്ലത്. ഒരു നല്ല ചികിത്സകനെ സമീപിച്ച് ഉപദേശം തേടുക.