സ്വന്തം കുട്ടിക്ക് 'എന്തോ' ഒരു കുഴപ്പമുണ്ടെന്നു പറഞ്ഞു ഡോക്ടറെ കാണാന് വരുന്ന അമ്മമാരില് മിക്കവരും പറയുന്ന ഒരു പ്രശ്നമാണ് കഫക്കെട്ട്.
കുട്ടികള്ക്ക് എപ്പോഴും ഉണ്ടാകുന്ന അസുഖങ്ങളിലൊന്നാണ് കഫക്കെട്ട്. കഫക്കെട്ട് എന്നതിനെ വലിയ അസുഖമായാണ് അമ്മമാര് കാണുന്നത്. സാധാരണ ചികിത്സകൊണ്ട് തന്നെ ഇതിനെ ഇല്ലാതാക്കാവുന്നതാണ്.
കഫം എന്നത് ത്രിദോഷങ്ങളില് ഒന്നായി കാണുന്ന ആയുര്വേദരീതി അത്രയേറെ ജനകീയമായത് കൊണ്ടാകാം മ്യൂക്കസ് വരുന്നത് എന്തും ദോഷമാണ് എന്ന ചിന്താഗതി ഉണ്ടായത്. പൊതുവേ, മുഖത്തുള്ള വായു അറകളായ സൈനസുകളില് ഉണ്ടാകുന്ന അണുബാധ തൊട്ടു ശ്വാസകോശത്തിനകത്ത് ഉണ്ടാകുന്ന അണുബാധ വരെ എന്തും ശ്വസനവ്യവസ്ഥയില് നിന്നും മ്യൂക്കസ് പുറത്ത് വരുന്ന അവസ്ഥ ഉണ്ടാക്കാം. ഇതിനെയെല്ലാം അറിഞ്ഞോ അറിയാതെയോ രക്ഷിതാക്കള് 'കഫക്കെട്ട്' എന്ന് തന്നെയാണ് വിളിക്കുന്നത്.
രണ്ട് തരത്തിലുള്ള കഫക്കെട്ടുകളാണ് കുട്ടികളില് ഉണ്ടാവുന്നത്. രോഗാണുബാധമൂലവും അലര്ജി മൂലവുമാണ് ഇതുണ്ടാവുന്നത്. അണുബാധ മൂലം ഉണ്ടാവുന്ന കഫക്കെട്ടാണെങ്കില് ശ്വാസകോശം, തൊണ്ട, മൂക്ക് എന്നിവിടങ്ങളില് അണുബാധയും കഫക്കെട്ടിനോടൊപ്പം പനിയും ഉണ്ടാവുന്നു. എന്നാല്, അലര്ജി മൂലമുണ്ടാകുന്ന കഫക്കെട്ട് ഒരിക്കലും ഗുരുതരമല്ല. അന്തരീക്ഷത്തില് നിന്നുണ്ടാവുന്ന ആരോഗ്യ പ്രശ്നങ്ങളിലാണ് കുട്ടികളില് പലപ്പോഴും അലര്ജി കഫക്കെട്ടുണ്ടാവുന്നത്.
ലോകാരോഗ്യ സംഘടനയുടെ നിര്ദേശമനുസരിച്ച് രണ്ടുവയസ്സുവരെ കുഞ്ഞിനെ മുലയൂട്ടേണ്ടതും ആറുമാസം വരെ മുലപ്പാല് മാത്രം നല്കേണ്ടതുമാണ്. മുലയൂട്ടുന്ന അമ്മമാരുടെ ശുചിത്വക്കുറവും അണുബാധക്ക് ഒരു പ്രധാനകാരണമാണ്.
കഴിയുന്നതും ഇരുന്ന് മുലയൂട്ടാന് ശ്രദ്ധിക്കണം. കിടന്ന് മുലയൂട്ടുമ്പോള് കുട്ടികള്ക്ക് തരിപ്പില്കയറാന് സാധ്യതയേറെയാണ്. ഇങ്ങനെ സംഭവിക്കുന്നതാണ് കുട്ടികള്ക്ക് ഇന്ഫെക്ഷന് വരാന് ഒരുകാരണം. മുലപ്പാല് യൂസ്റ്റേഷ്യന് ട്യൂബിലുടെ ചെവിയില് പ്രവേശിക്കുന്നതും ഇന്ഫെക്ഷന് കാരണമാകും. ഇതുമൂലം കഫക്കെട്ടും ചെവിവേദനയും ഉണ്ടായേക്കാം.
ശരീരത്തിന്റെ പ്രശ്നങ്ങളില് നിന്ന് രക്ഷപ്പെടാനുള്ള ശരീരത്തിന്റെ ചെറുത്ത് നില്പ്പിന്റെ ഫലമാണ് കഫമായി മാറുന്നത്. കുട്ടികള്ക്ക് പാല് കൊടുക്കുമ്പോഴാണ് പ്രധാനമായും ശ്രദ്ധിക്കേണ്ടത്. പശുവിന് പാല് കുടിക്കുന്ന ചില കുട്ടികളില് പലപ്പോഴും കഫക്കെട്ടിനുള്ള സാധ്യത വളരെ കൂടുതലാണ്.
കുട്ടികള്ക്ക് കഫരോഗങ്ങള് ഉണ്ടാക്കുന്ന ആഹാരം വേണം പ്രധാനമായി ഒഴിവാക്കേണ്ടത്. പാല് കഫമുണ്ടാക്കുന്ന ആഹാരമാണ്. എന്നാല്, കുഞ്ഞുങ്ങളുടെ ആരോഗ്യം ചിന്തിക്കുമ്പോള് പാല് ഒഴിവാക്കാനുമാകില്ല. പാല് കൊടുക്കുമ്പോള് ഒരു നുള്ള് മഞ്ഞള് ചേര്ത്ത് കൊടുത്താല് കഫക്കെട്ട് ഉണ്ടാകില്ല. മഞ്ഞള് പാലില് മാത്രമല്ല, ചേര്ക്കേണ്ടത്. മറിച്ച്, കുറുക്കുണ്ടാക്കുമ്പോഴും ഒരു നുള്ള് മഞ്ഞള്പ്പൊടി ചേര്ക്കാം.
കുട്ടികള്ക്ക് പശുവിന് പാല് കൊടുക്കണം എന്നാണെങ്കില് പാല് വെള്ളം ചേര്ത്ത് നല്ലതു പോലെ നേര്പ്പിച്ച് കൊടുക്കാവുന്നതാണ്. പാല് എളുപ്പം ദഹിക്കുന്നതിനും ഇത് സഹായിക്കുന്നു. കുഞ്ഞുങ്ങളെ ഇരുന്ന് മുലയൂട്ടാന് അമ്മമാര് ശ്രദ്ധിക്കണം. കിടന്ന് മുലയൂട്ടുമ്പോള് അത് കുട്ടികളില് കഫക്കെട്ടിന് കാരണമാകുന്നു. ഇത് ചെവിവേദന ഉണ്ടാക്കാനും കാരണമാകുന്നു.
തൊണ്ടയിലോ മൂക്കിനകത്തോ ഉണ്ടാകുന്ന നേരിയ കഫത്തിന്റെ സാന്നിധ്യം പോലും കുഞ്ഞുങ്ങള് ശ്വസിക്കുമ്പോള് ശബ്ദവ്യത്യാസമുണ്ടാക്കുന്നു. ഇത് കടുത്ത രോഗമെന്ന് കരുതി മാതാപിതാക്കള് ഭയപ്പെട്ട് ചികില്സ തേടുകയാണ് പതിവ്. സാധാരണയായി മരുന്ന് ഉപയോഗിച്ചുളള ചികില്സക്ക് പകരം കുറച്ചുകൂടി ശ്രദ്ധാപൂര്വമായ പരിചരണം കൊണ്ടുമാത്രം സുഖപ്പെടാവുന്ന അവസ്ഥയാണിത്. അതേസമയം, കഫക്കെട്ടിന്റെ കൂടെ ചുമ, പനി, ശ്വാസംമുട്ടല്, മറ്റെന്തെങ്കിലും അസ്വസ്ഥതകള് എന്നിവ അനുഭവപ്പെടുന്നുണ്ടെങ്കില് ഉടന് വൈദ്യസഹായം തേടേണ്ടതാണ്.
ശ്രദ്ധിക്കുക :അറിവിനെ ജനകീയമാക്കുക എന്ന ലക്ഷ്യം മാത്രമാണ് ഈ പോസ്റ്റിന് ഉള്ളത്.രോഗനിർണ്ണയത്തിനും ചികിത്സയ്ക്കും പകരമാകാൻ ഉദ്ദേശിച്ചുള്ളതല്ല, കൃതഹസ്തരായ ചികിത്സകരുടെ ഉപദേശപ്രകാരം മാത്രം ഔഷധങ്ങൾ ഉപയോഗിക്കുക
കൂടുതൽ പഠനം നടത്തി നല്ലത് മാത്രം സ്വീകരിക്കുക🙏🏻.