ഇന്നത്തെ കേരളത്തിലെ തൊഴിൽ അവസരങ്ങൾ അറിയാം.
വനിതാ സ്കൂള് കൗണ്സിലര് നിയമനം
ആലപ്പുഴ: വനിതാ ശിശു വികസന വകുപ്പിന്റെ സൈക്കോസോഷ്യല് സര്വീസ് പദ്ധതി പ്രകാരം വനിത സ്കൂള് കൗണ്സിലര്മാരെ നിയമിക്കാനായി (04.01.2023 ലെ WCD/ALP-A5-1064 പ്രകാരം) അപേക്ഷ ക്ഷണിച്ചിരുന്നു. ഇത് റദ്ദ് ചെയ്തതായും സ്കൂള് കൗണ്സിലര്മാരുടെ നിയമനം എംപ്ലോയ്മെന്റ് എക്സ്ചേഞ്ച് വഴി നടത്താന് തീരുമാനിച്ചതായും ജില്ല വനിത ശിശു വികസന ഓഫീസര് അറിയിച്ചു.
ഫിറ്റ്നസ് ട്രെയ്നറാവാൻ അവസരം
ഉന്നത വിദ്യാഭ്യാസ വകുപ്പിലെ അസാപ് കേരളയുടെ കമ്മ്യൂണിറ്റി സ്കിൽ പാർക്ക് പെരുമ്പാവൂറിൽ ഉടൻ ആരംഭിക്കുന്ന ഫിറ്റ്നസ് ട്രെയിനർ കോഴ്സിൽ അവശേഷിക്കുന്ന സീറ്റുകളിലേക്ക് അപേക്ഷിക്കാം. നിരവധി തൊഴിലവസരങ്ങളുള്ള കോഴ്സിന് കേന്ദ്ര സർക്കാരിന്റെ നാഷണൽ സ്കിൽ ക്വാളിറ്റി ഫ്രെയിം വർക്ക് ലെവൽ-4ന്റെ സർട്ടിഫിക്കറ്റ് ആണ് ലഭിക്കുക .150 മണിക്കൂർ ദൈർഘ്യമുള്ള കോഴ്സിൽ ചേരുവാൻ പന്ത്രണ്ടാം ക്ലാസ് വിദ്യാഭ്യാസമാണ് യോഗ്യത. കോഴ്സ് ഫീസ് 13100 മാത്രം. കൂടുതൽ വിവരങ്ങൾക്ക് 9629873740.
ഇംഗ്ലീഷ് അക്കാദമിക് അസിസ്റ്റന്റ് ഒഴിവ്
സർക്കാർ ടൂറിസം വകുപ്പിന് കീഴിൽ പ്രവർത്തിക്കുന്ന കേരള ഇൻസ്റ്റിറ്റ്യൂട്ട് ഓഫ് ടൂറിസം ആൻഡ് ട്രാവൽ സ്റ്റഡീസിന്റെ (കിറ്റ്സ്) ഹെഡ് ഓഫീസിലേക്ക് ഇംഗ്ലീഷ് വിഷയത്തിൽ അക്കാദമിക് അസിസ്റ്റന്റിന്റെ താത്കാലിക തസ്തികയിലേക്ക് അപേക്ഷ ക്ഷണിച്ചു. പ്രതിമാസ വേതനം 15000 രൂപ. അപേക്ഷകർക്ക് 60 ശതമാനം മാർക്കിൽ കുറയാതെ ഇംഗ്ലീഷിൽ ബിരദാനന്തര ബിരുദം ഉണ്ടായിരിക്കണം. വിശദമായ ബയോഡേറ്റ, സർട്ടിഫിക്കറ്റിന്റെയും ബന്ധപ്പെട്ട രേഖകളുടെയും ഒറിജിനലുകൾ സഹിതം കിറ്റ്സിന്റെ തൈക്കാടുള്ള സ്ഥാപനത്തിൽ വാക്ക്-ഇൻ-ഇന്റർവ്യൂന് ഫെബ്രുവരി 17ന് രാവിലെ 11 ന് എത്തിച്ചേരണം. വിശദവിവരങ്ങൾക്ക്: www.kittsedu.org/ 0471 2329468.
എന്യൂമറേറ്റര് നിയമനം
സാമ്പത്തിക സ്ഥിതി വിവരക്കണക്ക് വകുപ്പിന്റെ നേതൃത്വത്തില് പതിനൊന്നാമത് കാര്ഷിക സെന്സസ് വാര്ഡ്തല വിവരശേഖരണത്തിന് എന്യൂമറേറ്റര് നിയമനം. അയിലൂര്, നെന്മാറ, പട്ടഞ്ചേരി, മുതലമട, നല്ലേപ്പിള്ളി, എരുത്തേമ്പതി, കൊഴിഞ്ഞാമ്പാറ എന്നീ പഞ്ചായത്തുകളിലാണ് എന്യൂമറേറ്റര്മാരെ ആവശ്യമുള്ളത്. യോഗ്യത ഹയര്സെക്കന്ഡറി (തത്തുല്യം). സ്വന്തമായി സ്മാര്ട്ട്ഫോണ് ഉണ്ടായിരിക്കണം. ഒരു വാര്ഡിന് 3600 രൂപ പ്രതിഫലം ലഭിക്കും. താത്പര്യമുള്ളവര് ഫെബ്രുവരി 22 നകം പ്രവര്ത്തി ദിവസങ്ങളില് വൈകിട്ട് അഞ്ചിനകം അസല് സര്ട്ടിഫിക്കറ്റുമായി ചിറ്റൂര് മിനി സിവില് സ്റ്റേഷനിലെ താലൂക്ക് സ്റ്റാറ്റിസ്റ്റിക്കല് ഓഫീസില് എത്തണമെന്ന് താലൂക്ക് സ്റ്റാറ്റിസ്റ്റിക്കല് ഓഫീസര് അറിയിച്ചു. ഫോണ്- 04923 291184
നെഞ്ചുരോഗാശുപത്രിയിൽ താൽക്കാലിക നിയമനം
തിരുവനന്തപുരം, പുലയനാർകോട്ടയിലെ നെഞ്ചു രോഗാശുപത്രിയിലെ ലാബ്, എക്സ് റേ, ഇസിജി, ഫാർമസി തുടങ്ങിയ വിഭാഗങ്ങളിലേക്ക് കരാർ/ ദിവസവേതന അടിസ്ഥാനത്തിൽ യോഗ്യതയുള്ള ഉദ്യോഗാർഥികളെ നിയമിക്കുന്നതിന് വാക്ക് ഇൻ ഇന്റർവ്യൂ നടത്തും. ബയോഡാറ്റ, ഒറിജിനൽ സർട്ടിഫിക്കറ്റുകളുടെ പകർപ്പ്, ഒരു വർഷത്തെ പ്രവൃത്തിപരിചയ സർട്ടിഫിക്കറ്റ് സഹിതം ഓഫീസിൽ നേരിട്ട് ഹാജരാകണം.
നഴ്സിംഗ് ഓഫീസർ തസ്തികയിലേക്കുള്ള ഇന്റർവ്യു ഫെബ്രുവരി 22ന് രാവിലെ 11 ന് നടക്കും. ജി എൻ എം അല്ലെങ്കിൽ ബി എസ് സി നഴ്സിംഗ് യോഗ്യതക്കൊപ്പം കേരള നഴ്സിംഗ് കൗൺസിൽ രജിസ്ട്രേഷനും അപേക്ഷകർക്കുണ്ടായിരിക്കണം.
ലബോറട്ടറി ടെക്നിഷ്യൻ തസ്തികയിലേക്കുള്ള ഇന്റർവ്യൂ ഫെബ്രുവരി 22 രാവിലെ 11 ന് നടക്കും. ഡി എം എൽ റ്റി അല്ലെങ്കിൽ ബി എസ് സി - എം എൽ റ്റി യോഗ്യതയും പാരാമെഡിക്കൽ കൗൺസിൽ രജിസ്ട്രേഷനും അപേക്ഷകർക്കുണ്ടായിരിക്കണം.
ഫാർമസിസ്റ്റ് തസ്തികയിലേക്കുള്ള ഇന്റർവ്യൂ ഫെബ്രുവരി 22 രാവിലെ 11 ന് നടക്കും. ഡി ഫാം അല്ലെങ്കിൽ ബി ഫാം യോഗ്യതക്കൊപ്പം കേരള ഫാർമസി കൗൺസിൽ രജിസ്ട്രേഷൻ അപേക്ഷകർക്കുണ്ടായിരിക്കണം.
ബയോ മെഡിക്കൽ എൻജിനീയർ തസ്തികയിലേക്കുള്ള ഇന്റർവ്യൂ ഫെബ്രുവരി 24 രാവിലെ 11 ന് നടക്കും. ബി ടെക് ബയോ ടെക്നോളജിയാണ് യോഗ്യത.
റേഡിയോ ഗ്രാഫർ തസ്തികയിലേക്കുള്ള ഇന്റർവ്യൂ ഫെബ്രുവരി 28 രാവിലെ 11 ന് നടക്കും. പി ഡി സി -ഡി ആർ ടി യോഗ്യതയും പാരാമെഡിക്കൽ കൗൺസിൽ രജിസ്ട്രേഷനും അപേക്ഷകർക്കുണ്ടായിരിക്കണം.
ഇ സി ജി ടെക്നിഷ്യൻ തസ്തികയിലേക്കുള്ള ഇന്റർവ്യൂ ഫെബ്രുവരി 28 രാവിലെ 11 ന് നടക്കും. വി എച്ച് എസ് ഇ - ഇ സി ജി ടെക്നീഷ്യൻ, ഓഡിയോമെട്രിയാണ് യോഗ്യത.
മിലിട്ടറി കോളേജ് പ്രവേശനം
ഡെറാഡൂണിലെ ഇന്ഡ്യന് മിലിട്ടറി കോളേജിലേക്ക് പ്രവേശനത്തിനുള്ള യോഗ്യതാ പരീക്ഷ തിരുവനന്തപുരം, പൂജപ്പുര പരീക്ഷാ കമ്മീഷണറുടെ ഓഫീസില് ജൂണ് 3 ന് നടത്തും.ആണ്കുട്ടികള്ക്കും, പെണ്കുട്ടികള്ക്കും പരീക്ഷക്ക് അപേക്ഷിക്കാം. പരീക്ഷാര്ഥി RIMC പ്രവേശനസമയത്ത്, അതായത് 2024 ജനുവരി 1 - ന് ഏതെങ്കിലും അംഗീകൃത സ്കൂളില് 7-ാം ക്ലാസ് പഠിക്കുകയോ, 7-ാം ക്ലാസ് പാസായിരിക്കുകയോ വേണം. പരീക്ഷാര്ഥി 2011 ജനുവരി 2-നും 2012 ജൂലൈ 1 നും ഇടയില് ജനിച്ചവരായിരിക്കണം. പ്രവേശനം നേടിയതിനു ശേഷം ജനന തീയതിയില് മാറ്റം അനുവദിക്കുന്നതല്ല.
പ്രവേശന പരീക്ഷക്കുള്ള അപേക്ഷാ ഫോമും മുന് വര്ഷങ്ങളിലെ ചോദ്യപേപ്പറുകളും ലഭിക്കുന്നതിനായി രാഷ്ട്രീയ ഇന്ഡ്യന് മിലിട്ടറി കോളേജിലേക്ക് അപേക്ഷിക്കണം. ജനറല് വിഭാഗത്തിലെ കുട്ടികള്ക്ക് 600 രൂപയും, എസ്.സി/ എസ്.ടി വിഭാഗത്തിലെ കുട്ടികള്ക്ക് 555 രൂപയുമാണ് ഫീസ്. എസ്.സി/എസ്.ടി വിഭാഗത്തിലെ കുട്ടികള്ക്ക് ജാതി തെളിയിക്കുന്ന സര്ട്ടിഫിക്കറ്റുകള് സഹിതം അപേക്ഷാ ഫോമിന് അപേക്ഷിക്കാം. അപേക്ഷ സ്പീഡ് പോസ്റ്റില് ലഭിക്കും.
ഡിമാന്ഡ് ഡ്രാഫ്റ്റ് "THE COMMANDANT, RIMC DEHRADUN", DRAWEE BRANCH, STATE BANK OF INDIA, TEL BHAVAN, DEHRADUN, (BANK CODE - 01576) UTTARAKHAND എന്ന വിലാസത്തില് മാറാവുന്ന തരത്തില് "THE COMMANDANT RASHTRIYA INDIAN MILITARY COLLEGE, DEHRADUN, UTTARAKHAND, PIN - 248003" എന്ന വിലാസത്തിലാണ് അപേക്ഷിക്കേണ്ടത്. ഓണ്ലൈനായി പണമടക്കുന്നതിനുള്ള നിര്ദ്ദേശങ്ങള് www.rimc.gov.in എന്ന വെബ്സൈറ്റില് ലഭ്യമാണ്. മേല്വിലാസം വ്യക്തമായി പിന്കോഡ്, ഫോണ്നമ്പര് ഉള്പ്പെടെ (ഇംഗ്ലീഷ് വലിയ അക്ഷരത്തില്, എഴുതേണ്ടതാണ്.
കേരളത്തിലും, ലക്ഷദ്വീപിലുമുള്ള അപേക്ഷകര് RIMCയില് നിന്നും ലഭിക്കുന്ന നിര്ദ്ദിഷ്ട അപേക്ഷകള് പൂരിപ്പിച്ച് ഏപ്രില് 15-ന് മുന്പായി ലഭിക്കുന്ന തരത്തില് "സെക്രട്ടറി, പരീക്ഷാഭവന്, പൂജപ്പുര, തിരുവനന്തപുരം-12" എന്ന വിലാസത്തില് അയയ്ക്കണം. അപേക്ഷയോടൊപ്പം RIMC-യില് നിന്നും ലഭിച്ച നിര്ദ്ദിഷ്ട അപേക്ഷാ ഫോറം (2 കോപ്പി), പാസ്പോര്ട്ട് വലിപ്പത്തിലുള്ള 2 ഫോട്ടോകള് (ഒരു കവറിനുള്ളില് ഉള്ളടക്കം ചെയ്തിരിക്കണം), ജനന സര്ട്ടിഫിക്കറ്റിന്റെ സാക്ഷ്യപ്പെടുത്തിയ 2 പകര്പ്പുകള്, സ്ഥിരമായ മേല്വിലാസം തെളിയിക്കുന്ന സര്ട്ടിഫിക്കറ്റ് (Domicile Certificate), വിദ്യാര്ത്ഥി നിലവില് പഠിക്കുന്ന സ്കൂളിലെ മേലധികാരി നിര്ദിഷ്ട അപേക്ഷാഫോം സാക്ഷ്യപ്പെടുത്തുന്നതിനോടൊപ്പം ഫോട്ടോ പതിപ്പിച്ച് ജനന തീയതിയും ഏതു ക്ലാസില് പഠിക്കുന്നു എന്നുള്ളതും സാക്ഷ്യപ്പെടുത്തിയ സര്ട്ടിഫിക്കറ്റ് ഉള്ളടക്കം ചെയ്തിരിക്കണം.
പട്ടിക ജാതി/ പട്ടിക വര്ഗ്ഗ വിഭാഗത്തില്പ്പെട്ടവര് ജാതി തെളിയിക്കുന്ന സര്ട്ടിഫിക്കറ്റിന്റെ 2 പകര്പ്പ് ഉള്ളടക്കം ചെയ്തിരിക്കണം. ആധാര് കാര്ഡിന്റെ 2 പകര്പ്പ് (ഇരുവശവും), 9.35 x 4.25 ഇഞ്ച് വലിപ്പത്തിലുള്ള പോസ്റ്റേജ് കവര് (അഡ്മിഷന് ടിക്കറ്റ് ലഭിക്കേണ്ട മേല് വിലാസം എഴുതി 42 രൂപയുടെ സ്റ്റാമ്പ് പതിച്ചത്) എന്നിവ ഉള്പ്പെടുത്തിയായിരിക്കണം അയക്കേണ്ടത്.