ഉച്ചയ്ക്ക് 30 മിനിറ്റിൽ കൂടുതൽ ഉറങ്ങുന്നത് അമിതവണ്ണത്തിനുള്ള സാധ്യത വർദ്ധിപ്പിക്കുമെന്ന് പഠനം.
ഉച്ചഭക്ഷണത്തിന് ശേഷം 30 മിനിറ്റിൽ കൂടുതൽ ഉറങ്ങുന്ന ആളുകൾക്ക് ഉയർന്ന ബോഡി മാസ് ഇൻഡക്സ് ഉണ്ടാകാനും മെറ്റബോളിക് സിൻഡ്രോം ഉണ്ടാകാനും സാധ്യതയുണ്ടെന്ന് ചില ഗവേഷകർ പറയുന്നു.
ഉച്ചമയക്കം അമിതമാകുന്നത് അമിതവണ്ണം, ഉപാപചയ രോഗങ്ങൾ പോലുള്ള പലവിധ പ്രശ്നങ്ങളിലേക്ക് നയിക്കാമെന്ന് പുതിയ പഠനങ്ങൾ ചൂണ്ടിക്കാട്ടുന്നു. ഉച്ചമയക്കം 30 മിനിറ്റിലധികം നീണ്ടു നിൽക്കുന്നത് ഉയർന്ന ബോഡി മാസ് ഇൻഡെക്സ്, ഉയർന്ന പഞ്ചസാരയുടെ തോത്, ഉയർന്ന രക്തസമ്മർദം എന്നിവയുമായി ബന്ധപ്പെട്ടിരിക്കുന്നതായി ഗവേഷണ റിപ്പോർട്ട് പറയുന്നു.
41 വയസ്സ് പ്രായമുള്ള 3275 പേരിലാണ് പഠനം നടത്തിയത്.
ബ്രിഗാമിലെയും വിമൻസ് ഹോസ്പിറ്റലിലെയും അന്വേഷകരുടെ നേതൃത്വത്തിൽ നടത്തിയ പഠനത്തിൽ ഉയർന്ന ബോഡി മാസ് ഇൻഡെക്സിനുള്ള സാധ്യത 2.1 ശതമാനം അധികമായിരുന്നതായി ഗവേഷകർ കണ്ടെത്തി.
ദീർഘമായ ഉച്ചമയക്കത്തിൽ ഏർപ്പെടുന്നവർ വളരെ വൈകിയാണ് പലപ്പോഴും രാത്രി ഉറങ്ങുകയും ചെയ്യാറുള്ളതെന്ന്ഗവേഷകർ പറയുന്നു. ഇവർ പുകവലിക്കാനുള്ള സാധ്യതയും അധികമാണെന്ന് റിപ്പോർട്ട് കൂട്ടിച്ചേർക്കുന്നു.
യുഎസിലെ മുതിർന്നവരിൽ പത്തിൽ നാലുപേർക്കും പൊണ്ണത്തടിയുണ്ട്. കുട്ടികളിലും കൗമാരക്കാർക്കിടയിലും പൊണ്ണത്തടി നിരക്ക് വർദ്ധിക്കുന്നു, 2 മുതൽ 19 വയസ്സുവരെയുള്ള അമേരിക്കക്കാരിൽ 20% പേർക്കും പൊണ്ണത്തടിയുള്ളതായി ഗവേഷകർ പറയുന്നു.ഉച്ചക്ക് ഭക്ഷണ ശേഷം 30 മിനിറ്റിൽ കൂടുതൽ ഉറങ്ങുന്നത് പ്രമേഹം, ഹൃദയ സംബന്ധമായ അസുഖങ്ങൾ, മെറ്റബോളിക് സിൻഡ്രോം തുടങ്ങിയ ഗുരുതരമായ ആരോഗ്യ പ്രശ്‌നങ്ങൾക്ക് വഴിയൊരുക്കുമെന്ന് മുമ്പ് നടത്തിയ പഠനങ്ങൾ ചൂണ്ടിക്കാട്ടുന്നു.
ശ്രദ്ധിക്കുക : അറിവിനെ ജനകീയമാക്കുക എന്ന ലക്ഷ്യം മാത്രമാണ് ഈ പോസ്റ്റിന് ഉള്ളത്.രോഗനിർണ്ണയത്തിനും ചികിത്സയ്ക്കും പകരമാകാൻ ഉദ്ദേശിച്ചുള്ളതല്ല, കൃതഹസ്തരായ ചികിത്സകരുടെ ഉപദേശപ്രകാരം മാത്രം ഔഷധങ്ങൾ ഉപയോഗിക്കുക. കൂടുതൽ പഠനം നടത്തി നല്ലത് മാത്രം സ്വീകരിക്കുക.ആരോഗ്യവിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയശേഷം മാത്രം ആഹാരക്രമത്തില്‍ മാറ്റം വരുത്തുക.
