25 പേര് ഇലക്‌ട്രിക് വീല്‍ചെയറിന്റെ ആശ്വാസത്തിലേക്ക്; മലപ്പുറം ജില്ലയിൽ മമ്മൂട്ടിയുടെ പുതിയ ഉദ്യമം..
ഇനി അവർ കൂടുതല്‍ സ്വതന്ത്രരാണ്; 25 പേര് ഇലക്‌ട്രിക് വീല്‍ചെയറിന്റെ ആശ്വാസത്തിലേക്ക്; മലപ്പുറം ജില്ലയിൽ മമ്മൂട്ടിയുടെ പുതിയ ഉദ്യമം..
ജീവകാരുണ്യ പ്രവര്‍ത്തനരംഗത്ത് പുത്തൻ അധ്യായം കുറിച്ച്‌ മമ്മൂട്ടിയുടെ കെയര്‍ ആൻഡ് ഷെയര്‍ ഇന്റര്‍നാഷണല്‍ ഫൗണ്ടേഷന്റെ പുതിയ ഉദ്യമം. സാധാരണ വീല്‍ചെയറില്‍ തള്ളിനീക്കിയ അംഗപരിമിതര്‍ക്ക് ഇലക്‌ട്രിക് വീല്‍ചെയര്‍ സമ്മാനിച്ചാണ് കെയര്‍ ആൻഡ് ഷെയര്‍ പുതിയ ഉദ്യമത്തിന് തുടക്കമിട്ടത്.
നടൻ മമ്മൂട്ടിയുടെ നേതൃത്വത്തില്‍ പ്രവര്‍ത്തിക്കുന്ന ജീവകാരുണ്യ സംഘടനയായ കെയര്‍ ആൻഡ് ഷെയര്‍ ഇന്റര്‍നാഷണല്‍ ഫൗണ്ടേഷന്റെയും യുഎസ്‌ടി ഗ്ലോബല്‍, കൈറ്റ്‌സ് ഇന്ത്യ ഫൗണ്ടേഷൻ എന്നിവരുടെയും സംയുക്ത ആഭിമുഖ്യത്തിലാണ് അംഗപരിമിതരായ ആളുകള്‍ക്കുള്ള ഇലക്‌ട്രിക് വീല്‍ചെയര്‍ വിതരണം ചെയ്തത്. പദ്ധതിയുടെ വിതരണ ഉദ്ഘാടനം കെയര്‍ ആൻഡ് ഷെയര്‍ ഇന്റര്‍നാഷണല്‍ ഫൗണ്ടേഷന്റെ സ്ഥാപകനും മലയാളത്തിന്റെ സൂപ്പര്‍സ്റ്റാറുമായ മമ്മൂട്ടി, മലപ്പുറം പൊന്നാനിയില്‍ നിന്നുള്ള അബൂബക്കറിന് വീല്‍ചെയര്‍ നല്കി നിര്‍വഹിച്ചു.
ഫൗണ്ടേഷന്റെ നിരവധി ജീവകാരുണ്യ പ്രവര്‍ത്തനങ്ങളില്‍ ഏറ്റവും ഒടുവിലത്തെ പദ്ധതിയാണ് ഇലക്‌ട്രിക് വീല്‍ചെയറിന്റെ വിതരണം. കെയര്‍ ആൻഡ് ഷെയര്‍ ഇന്റര്‍നാഷണല്‍ ഫൗണ്ടേഷൻ നടത്തിവരുന്ന ജീവകാരുണ്യ പ്രവര്‍ത്തനങ്ങളില്‍ വ്യത്യസ്തമായ മറ്റൊരു പദ്ധതിയാണ് ഇലക്‌ട്രിക് വീല്‍ചെയറുകളുടെ വിതരണം.
ലോകത്തിലെ തന്നെ ഏറ്റവും വലിയ ഐ. റ്റി കമ്പനികളില്‍ ഒന്നായ യുഎസ്‌ടി ഗ്ലോബല്‍ ആണ് ഇലക്‌ട്രിക് വീല്‍ചെയര്‍ കെയര്‍ ആൻഡ് ഷെയറിന് നല്‍കുന്നത്. സാമ്പത്തികമായി പിന്നോക്കം നില്‍ക്കുന്ന ആളുകള്‍ക്ക് ചികിത്സാ സഹായം, വിദ്യാഭ്യാസം ആദിവാസികള്‍ക്കായുള്ള വിവിധ ക്ഷേമപ്രവര്‍ത്തനങ്ങള്‍, ലഹരി വിരുദ്ധ ബോധവല്‍ക്കരണ പ്രവര്‍ത്തനങ്ങള്‍ എന്നീ രംഗത്ത് നിരവധി പ്രവര്‍ത്തനങ്ങളാണ് ഫൗണ്ടേഷൻ നടത്തി വരുന്നത്.