വരണ്ട ചർമം ഉള്ളവർ ശ്രദ്ധിക്കേണ്ട കാര്യങ്ങൾ എന്തെല്ലാമാണെന്ന് അറിയാം

ചർമം ഉള്ളവർ ശ്രദ്ധിക്കേണ്ട ചില കാര്യങ്ങൾ പ്രത്യേകം ശ്രദ്ധിക്കേണ്ടതുണ്ട്

ചർമ്മ സംരക്ഷണത്തിന് പ്രാധാന്യം നൽകുന്നവരാണ് ഒട്ടുമിക്കപേരും. ക്രീമുകളും ചെറിയ പൊടിക്കൈകളും ഉപയോഗിച്ചാണ് എല്ലാവരും ചർമ്മം സംരക്ഷിക്കുന്നത്. ഒയ്‌ലി സ്‌കിൻ പോലെ തന്നെ പലർക്കും വരണ്ട ചർമ്മവും കാണപ്പെടാറുണ്ട്. വരണ്ട ചർമ്മമുള്ളവർ വളരെയധികം ശ്രദ്ധിക്കേണ്ടതുണ്ട്. ഇല്ലെങ്കിൽ ചർമ്മ പ്രശ്നങ്ങളിലേക്കായിരിക്കും നമ്മളെ കൊണ്ടെത്തിക്കുന്നത്. ചിലർക്ക് അലർജി വരാനും, അതുപോലെ, ചിലർക്ക് മുഖക്കുരു, തടിച്ച് പൊന്തൽ എന്നിങ്ങനെയുള്ള ചർമ്മ പ്രശ്‌നങ്ങൾ വരാൻ സാധ്യത കൂടുതലാണ്

വരണ്ട ചർമ്മമുള്ളവർക്ക് ചർമ്മ സംരക്ഷണം കുറച്ച് ബുദ്ധിമുട്ടുള്ള കാര്യമാണ്. പല കാരണങ്ങൾ കൊണ്ടും ചർമ്മം വരണ്ടതാകാൻ സാധ്യതയുണ്ട്. നിങ്ങളുടെ ചർമ്മം പൊളിഞ്ഞിളകുന്നത് പോലെ അനുഭവപ്പെടുന്നുണ്ടോ? വരണ്ട ചർമ്മമുള്ള ഒരാൾക്ക്, തണുപ്പുള്ള ദിവസങ്ങളിൽ ഈ പ്രശ്നം കൂടുതൽ മോശമാകും. വരണ്ട ചർമ്മ പ്രകൃതം ഉള്ളവരുടെ പുറംതൊലി പൊളിഞ്ഞിളകി വരുന്നത് കൊണ്ട്, അൽപ്പം കൂടുതൽ ശ്രദ്ധ ഈ സമയത്ത് ചർമ്മത്തിന് ആവശ്യമാണ്. ചർമ്മത്തിലെ ഈർപ്പം കുറവായതിനാലാണ് ഇത് സാധാരണയായി സംഭവിക്കുന്നത്. ഈ ദിവസങ്ങളിൽ അന്തരീക്ഷവും വരണ്ടതായതിനാൽ, ഇത് ചർമ്മത്തിന്റെ മുകളിലെ പാളിയിൽ നിന്ന് ഈർപ്പം നഷ്ടപ്പെടാൻ ഇടയാക്കുന്നു. അത് ചർമ്മത്തെ വരണ്ട അവസ്ഥയിലേക്കും നയിക്കുന്നു.

ഇത്തരത്തിൽ പ്രശ്നമുള്ളവർ ചില കാര്യങ്ങൾ ശ്രദ്ധിക്കണം. നമ്മൾ കഴിക്കുന്ന ആഹാരങ്ങൾ അതുപോലെ ചർമ്മത്തിൽ പ്രയോഗിക്കുന്ന പ്രോഡക്ടുകൾ എന്നിവയെല്ലാം ചർമ്മത്തെ ബാധിക്കും. ചർമ്മത്തിലുള്ള സ്വാഭാവികമായ മോയ്‌സ്‌ച്വർ കണ്ടന്റ് നഷ്‌ടമാകുമ്പോഴാണ് ചർമ്മം വരണ്ടുപോകുന്നത്. ഇത്തരം പ്രശ്നങ്ങൾ ഇല്ലാതാകാൻ എന്തെല്ലാം കാര്യങ്ങളാണ് ശ്രദ്ധിക്കേണ്ടതെന്ന് നോക്കാം

മേൽപ്പറഞ്ഞ കാര്യങ്ങൾ കൊണ്ടുതന്നെ, വരണ്ട ചർമ്മക്കാർ കൂടുതൽ ശ്രദ്ധിക്കേണ്ടതുണ്ട്. നിങ്ങൾ ഇനി പറയുന്ന ചില കാര്യങ്ങൾ നിർബന്ധമായും ഒഴിവാക്കേണ്ടതുണ്ട്.

വരണ്ട ചർമ്മമുണ്ടെങ്കിൽ നിങ്ങൾ പ്രത്യേകമായി ഒഴിവാക്കേണ്ടത് 

ഒരുപാട് തവണ  ശുദ്ധിയാക്കുന്നത്...

ഏത് ചർമ്മ സംരക്ഷണ ദിനചര്യയിലും ശുദ്ധീകരണം പ്രധാനമാണ്, പക്ഷേ ഇത് അമിതമാകുമ്പോൾ വരണ്ട ചർമ്മത്തിന് കാരണമാകും, പ്രത്യേകിച്ച് വരണ്ട ചർമ്മമുള്ള ഒരാൾക്ക്. വരണ്ട ചർമ്മത്തിന് സൗമ്യവും നല്ലതുമായ ഒരു ശുദ്ധീകരണമാണ് നിങ്ങൾ ഉപയോഗിക്കുന്നത് എന്ന് ഉറപ്പാക്കുക. ദിവസത്തിൽ രണ്ടുതവണ മാത്രം ചർമ്മം വൃത്തിയാക്കാൻ വിദഗ്ദ്ധർ ശുപാർശ ചെയ്യുന്നു, കൂടാതെ, ചർമ്മത്തെ വളരെയധികം രാസവസ്തുക്കൾക്ക് വിധേയമാക്കുന്നത് ഒഴിവാക്കുക. കെമിക്കലുകൾ ഉപയോഗിച്ച് ശരീരം ശുദ്ധിയാക്കുന്നത് കൂടുതൽ ദോഷം ചെയ്യും. അതുകൊണ്ട് പ്രകൃതിദത്തമായ സാധനങ്ങൾ മാത്രം ഉപയോഗിക്കുക.

അമിതമായി സ്‌ക്രബ് ചെയ്യുന്നത്

ചർമ്മത്തിന്റെ തരം അനുസരിച്ച് എത്ര തവണ നിർജ്ജീവ ചർമ്മത്തെ പുറംതള്ളണം എന്ന് കണ്ടെത്തേണ്ടത് അത്യാവശ്യമാണ്. വരണ്ട ചർമ്മമുള്ള ഒരാൾക്ക് ദിവസേനയുള്ള നിർജ്ജീവ ചർമ്മം പുറംതള്ളൽ കൈകാര്യം ചെയ്യാൻ കഴിഞ്ഞേക്കില്ല. ചർമ്മം ഇതിനോട് എങ്ങനെ പ്രതികരിക്കും എന്നതിനെക്കുറിച്ച് നിങ്ങൾ ശ്രദ്ധിക്കണം. വരണ്ട ചർമ്മമുള്ള ആളുകൾ ആഴ്ചയിൽ ഒന്നോ രണ്ടോ തവണ മാത്രമേ നിർജ്ജീവ ചർമ്മം നീക്കം ചെയ്യാൻ പാടുള്ളൂ.

സൺസ്ക്രീൻ ഉപയോഗിക്കാതിരിക്കുന്നത്

വരണ്ട ചർമ്മം ഉണ്ടെങ്കിലും ഇല്ലെങ്കിലും നിങ്ങൾ ഒരിക്കലും സൺസ്ക്രീൻ ഉപയോഗിക്കുന്നത് ഒഴിവാക്കരുത്. ഇത് ചർമ്മത്തിന് മുഴുവനായും നൽകുന്ന സംരക്ഷണമാണ്. ചർമ്മത്തിന് അനുയോജ്യമായ തരത്തിലുള്ള ഒരു സൺസ്‌ക്രീൻ തിരഞ്ഞെടുക്കുക. ചില സൺസ്‌ക്രീനുകളിൽ സിങ്ക് ഓക്സൈഡ് അടങ്ങിയിട്ടുണ്ട്, ഇത് വരണ്ട ചർമ്മത്തിലേക്ക് നയിക്കുന്നു.

ശുദ്ധമായ പച്ചവെള്ളത്തിൽ കുളിക്കുക

നല്ല തണുത്ത കാലാവസ്ഥയിൽ ചൂടുള്ള വെള്ളത്തിൽ കുളിക്കുന്നതിനെക്കാൾ ആശ്വാസകരമായ മറ്റൊന്നില്ലെന്ന് നിങ്ങൾക്കറിയാം. പക്ഷേ ഇത് നിങ്ങളുടെ ചർമ്മത്തിന് അത്ര നല്ലതല്ല. വളരെ ചൂടുള്ള വെള്ളത്തിൽ കുളിക്കുന്നത് നിങ്ങളുടെ ചർമ്മത്തിൽ നിന്ന് അവശ്യ എണ്ണകൾ നീക്കം ചെയ്യുന്നതിന് ഇടയാക്കിയേക്കാം. അതിനാൽ,  കുളിക്കാൻ പോകുമ്പോൾ  ചൂടുള്ള വെള്ളത്തിന് പകരം തണുത്തതോ അല്ലെങ്കിൽ ഇളം ചൂടുള്ള ആയിട്ടുള്ള വെള്ളം ഉപയോഗിച്ച് ചർമ്മത്തെ ശുദ്ധീകരിക്കുക.

മോയ്‌സ്ചുറൈസർ ഉപയോഗം

ഒരു കുളി കഴിഞ്ഞ ശേഷം മുഖം ടവ്വൽ കൊണ്ട് തുടച്ച് ഉണക്കുന്ന ശീലം നിങ്ങൾക്കുണ്ടോ? എങ്കിൽ നിങ്ങൾ ഒറ്റയ്ക്കല്ല - ധാരാളം ആളുകൾ അത് ചെയ്യാൻ പ്രവണത കാണിക്കുന്നു. എന്നാൽ അമേരിക്കൻ അക്കാദമി ഓഫ് ഡെർമറ്റോളജി ശുപാർശ ചെയ്യുന്നത് നിങ്ങളുടെ മുഖത്ത് മോയ്‌സ്ചുറൈസർ പ്രയോഗിക്കുവാനുള്ള ഏറ്റവും നല്ല സമയം മുഖത്ത് നനവ് ഉള്ളപ്പോഴാണ് എന്നാണ്. വരണ്ട ചർമ്മത്തിൽ നിന്ന് മുക്തി നേടുന്നതിന് അത്യാവശ്യമായ ജലാംശം ചർമ്മത്തിൽ നൽകാൻ ഇത് സഹായിക്കും

ആവശ്യത്തിന് വെള്ളം കുടിക്കുക 

ഇത് മിക്കവർക്കും അറിയാവുന്ന ഒരു കാര്യമാണ്. ആവശ്യത്തിന് വെള്ളം കുടിക്കാത്തത് ചർമ്മത്തിന് ആവശ്യമായ പോഷകങ്ങളും ഈർപ്പവും നഷ്ടപ്പെടുത്തും, ഇത് ചർമ്മത്തിൽ പ്രശ്നമുണ്ടാക്കുന്നു. ആവശ്യത്തിന് വെള്ളം കുടിക്കുകയും തക്കാളി, വെള്ളരിക്ക, ഓറഞ്ച്, പൈനാപ്പിൾ മുതലായ ജലാംശം ധാരാളമായി അടങ്ങിയിരിക്കുന്ന പഴങ്ങളും പച്ചക്കറികളും കഴിക്കുകയും ചെയ്യുക..

സോപ്പും ഡിറ്റർജന്റും ഉപയോഗിക്കുമ്പോൾ ശ്രദ്ധിക്കാം

ചർമം വരണ്ടതാക്കുന്നതിൽ സോപ്പിനുള്ള പങ്ക് ചെറുതല്ല. അലക്കുമ്പോഴും പാത്രം കഴുകുമ്പോഴുമൊക്കെ ഗ്ലൗസ് ഇടുന്നത് ഡിറ്റർജന്റും സോപ്പുമായി നേരിട്ട് കോൺടാക്ട് വരുന്നത് ഒഴിവാക്കും.

വീട്ടിൽ നിന്ന് ചെയ്യാവുന്ന പരിഹാരങ്ങൾ

ഒരു പഴത്തിൻറെ പൾപ്പും നന്നായി വിളഞ്ഞ അവോക്കാഡോയും അൽപം തേനും ചേർത്ത് പേസ്റ്റ് രൂപത്തിൽ ആക്കുക. ശേഷം ഈ മിശ്രിതം മുഖത്ത് പുരട്ടാം. ഒരു മണിക്കൂറിന് ശേഷം ചെറുചൂടുവെള്ളത്തിൽ കഴുകാം. വരണ്ട ചർമ്മമുള്ളവർക്ക് പരീക്ഷിക്കാവുന്ന ഒരു പാക്കാണിത്. അവോക്കാഡോ ചർമ്മത്തിന് തിളക്കം നൽകാൻ സഹായിക്കുന്നു.

വെളിച്ചെണ്ണ

വെളിച്ചെണ്ണ നല്ലൊരു മോയ്സ്ച്യുറൈസറാണ്. ഇളം ചൂടുള്ള വെളിച്ചെണ്ണ മുഖത്ത് പതിയെ മസാജ് ചെയ്യുക. എണ്ണ രാത്രി മുഴുവൻ നേരം ഇട്ടേക്കുക. എല്ലാ ദിവസവും ഉറങ്ങുന്നതിനു മുൻപ് ഇങ്ങനെ ചെയ്യുക. വെളിച്ചെണ്ണയിൽ പ്രകൃതിദത്ത വിറ്റാമിനുകളും അമിനോ ആസിഡുകളും അടങ്ങിയിരിക്കുന്നതിനാൽ ടാൻ നീക്കം ചെയ്യാൻ സഹായിക്കും. ചർമ്മത്തിൽ നിന്ന് ടാനിംഗ് നീക്കം ചെയ്യുന്നതിനു പുറമേ അണുബാധകളും ഫംഗസ് വളർച്ചയും തടയുന്നതിനും സഹായകമാണ്.

കറ്റാർവാഴ

കറ്റാർവാഴ വരണ്ട ചർമ്മമുള്ളവർക്ക് കറ്റാർവാഴ മികച്ചതാണ്. വരണ്ട കൈകളിലോ കാലുകളിലോ കറ്റാർവാഴ ജെൽ പുരട്ടുക. കറ്റാർവാഴ ഒരു വൈറ്റമിൻ സമ്പുഷ്ടമായ ഒരു സസ്യമാണ്. കറ്റാർവാഴ ഒരു മികച്ച പ്രകൃതിദത്ത മോയ്സ്ചറൈസറാണ്. വരണ്ട ചർമ്മത്തെ ശമിപ്പിക്കാൻ സഹായിക്കും. ഇതിന് ആൻറി-ഇൻഫ്ലമേറ്ററി ഗുണങ്ങളും ഉണ്ട്..

മിനറൽ ഓയിൽ

പെട്രോളിയം ജെല്ലി എന്നറിയപ്പെടുന്ന മിനറൽ ഓയിൽ ചർമത്തിൽ ഒരു സംരക്ഷണ പാളി പോലെ പ്രവർത്തിക്കും എന്നാണ് പഠനങ്ങൾ സൂചിപ്പിക്കുന്നത്. ഈർപ്പത്തെ ചർമത്തിൽ ലോക്ക് ചെയ്തുവയ്ക്കുകയാണ് മിനറൽ ഓയിലുകളുടെ ജോലി. ചർമത്തിലെ പാടുകൾക്കും തടിപ്പുകൾക്കുമൊക്കെ മികച്ച പരിഹാരമാണ് ഇവ.

പ്രത്യേകം ശ്രദ്ധിക്കേണ്ട കാര്യം: വരണ്ട ചർമമുള്ള ആളുകൾക്ക് മുകളിൽ പറഞ്ഞ കാര്യം എല്ലാവർക്കും ഒരുപോലെ ഫലം ചെയ്യണമെന്നില്ല. ചില ആളുകൾക്ക് ചില സാധനങ്ങൾ അലർജി ഉണ്ടാക്കുന്നതായി കാണാറുണ്ട്. അതുകൊണ്ട് ഏതു സാധനം ഉപയോഗിക്കുമ്പോഴും വളരെ ശ്രദ്ധയോടെ നല്ലൊരു ആരോഗ്യ വിദഗ്ധനോട് അഭിപ്രായം ചോദിച്ചതിനു ശേഷം മാത്രം ഉപയോഗിക്കുക.

ശ്രദ്ധിക്കുക : അറിവിനെ ജനകീയമാക്കുക എന്ന ലക്ഷ്യം മാത്രമാണ് ഈ പോസ്റ്റിന് ഉള്ളത്.രോഗനിർണ്ണയത്തിനും ചികിത്സയ്ക്കും പകരമാകാൻ ഉദ്ദേശിച്ചുള്ളതല്ല, കൃതഹസ്തരായ ചികിത്സകരുടെ ഉപദേശപ്രകാരം മാത്രം ഔഷധങ്ങൾ ഉപയോഗിക്കുക. കൂടുതൽ പഠനം നടത്തി നല്ലത് മാത്രം സ്വീകരിക്കുക.ആരോഗ്യവിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയശേഷം മാത്രം ആഹാരക്രമത്തില്‍ മാറ്റം വരുത്തുക.