വ്യത്യസ്തമായ വളരെ ഹെൽത്തി ആയ ഒരു ജാം പരിചയപ്പെട്ടാലോ
ഇത് ലേഹ്യം പോലെയോ റൊട്ടിയോടൊപ്പമോ ബ്രെഡിനോടൊപ്പമോ ജാം പോലെയും കഴിക്കാവുന്ന വിറ്റാമിനുകളുടെ കലവറയാണ്.
കാലത്തും വൈകീട്ടും ഉപയോഗിക്കുവാനുതകുന്ന ഈ ജാമിന്റെ പ്രത്യേകതകളൊന്നു നോക്കൂ
ചില കുട്ടികളിൽ ഇന്ന് നാം കണ്ടു വരുന്ന അറ്റൻഷൻ ഡെഫിസിറ്റ് ഹൈപ്പർആക്റ്റിവിറ്റി ഡിസോർഡർ ( എഡിഎച്ച്ഡി) ഒരു മാനസികാരോഗ്യ വൈകല്യമാണ്, ഇത് സാധാരണ നിലയിലുള്ള ഹൈപ്പർആക്ടീവ്, ആവേശഭരിതമായ സ്വഭാവങ്ങൾക്ക് കാരണമാകും. ഇത്ഉള്ള ആളുകൾക്ക് ഒരൊറ്റ കാര്യത്തിൽ ശ്രദ്ധ കേന്ദ്രീകരിക്കുന്നതിനോ അല്ലെങ്കിൽ ദീർഘനേരം ഇരിക്കുന്നതിനോ കഴിയില്ല . പ്രായത്തിനനുസരിച്ചുള്ള പെരുമാറ്റമായിരിക്കില്ല ഇവരിൽ നാം കാണുക .ഒരിടത്തും നാലോ അഞ്ചോ മിനിറ്റിലധികം അവർ അടങ്ങിയിരിക്കില്ല അത്തരമൊരവസ്ഥയുള്ളവർക്കും ഈ ജാം വളരെ പ്രയോജനപ്പെടുന്നതാണ്
ഗർഭിണികൾ ഇത് കഴിക്കുകയാണെങ്കിൽ മേല്പറഞ്ഞ രോഗമുള്ള കുട്ടികൾ ജനിക്കാതിരിക്കാൻ അവസരമൊരുക്കും
വയസ്സായവർക്കുണ്ടാവുന്ന സ്ട്രസ്സ് ഹൈപ്പർ ടെൻഷൻ എന്നിവക്കും മാറ്റമുണ്ടാകും
അത്തിപ്പഴം, ഇത്തപ്പഴം,
ഉണക്കമുന്തിരി,വാൽനെട്ടു അഥവാ അകോട്ട് വിത്ത്,തേൻ തുടങ്ങിയവ എല്ലാമാണ് ഇതിൽ ഉപയോഗിക്കുന്നത്
അത്തിപ്പഴം :- ഗർഭിണികൾക്കുത്തമമായ ഔഷധമാണ് അത്തിപ്പഴം .
ഗർഭം അലസാതിരിക്കുവാൻ ഏറ്റവും ഉത്തമമാണ്
അത്തിപ്പഴവും പഞ്ചസാരയും ചേർത്തു കഴിച്ചാൽ നവദ്വാരങ്ങളിൽ നിന്നുള്ള രക്തവാർച്ച നിറുത്താനാവും
ശരീരത്തിന് ബലക്ഷയം നേരിടുന്നവർക്ക് ഏറ്റവും നല്ലതാണ്
പൊട്ടാസ്യത്തിന്റെ കലവറയാണ് അത്തിപ്പഴം
കൂടാതെ വയറിളക്കം വിളർച്ച അമിതമായ ആർത്തവം ആസ്തമ എന്നിവക്കും ഏറ്റവും ഉത്തമമാണ്
കൂടാതെ പുരുഷന്മാരിലെ ലൈംഗിക ശേഷിക്കുറവ് എന്നിവക്കും സ്പേം വർദ്ധിക്കുവാനും ഉത്തമമാണ്
പ്രകൃതിദത്തമായ മധുരമാണ് ഇതിലടങ്ങിയിരിക്കുന്നതു എന്നതിനാൽ പ്രമേഹരോഗികൾക്കും കഴിക്കുവാൻ ഉത്തമമാണ് .കൂടാതെ മൂത്ര പഴുപ്പിനും ഹൃദയ ശക്തിക്കും രക്തസമ്മർദ്ധം കുറവുള്ളവർക്കും കാൽസ്യകുറവുള്ളവർക്കും അനീമിയക്കാർക്കും നല്ലതാണ്
ഈത്തപ്പഴം:- കാഴ്ച ശക്തിക്കും ..എല്ലുകൾക്ക് ശക്തിയുണ്ടാകുവാനും .രക്ത സമ്മർദ്ധം സാധാരണ ഗതിയിലാവാനും നല്ല കൊളസ്ട്രോൾ അധികാരിപ്പിക്കാനും ,ഫ്രക്ടോസ് ,ഗ്ലുക്കോസ് , സുക്രോസ് ,ഫോസ്ഫറസ് , പ്രോട്ടീൻ, സൾഫർ , ഫൈബർ ജീവകം , പൊട്ടാസ്യം , മഗ്നീഷ്യം, കാൽസ്യം ,
എന്നിവ അടങ്ങിയ കലവറയാണ് ഈത്തപ്പഴം
പുരുഷന്മാരിലെ ലൈംഗിക ക്ഷീണം, വയറിലെ കാൻസർ , ശരീരത്തിന് ഊർജ്ജസ്വലത വർദ്ധിപ്പിക്കുവാനും ആരോഗ്യം നൽകുന്നതുമായ ഒരുപാട് ഘടകങ്ങൾ കാരക്കയിലടങ്ങിയിട്ടുണ്ട്
ഈന്തപ്പഴങ്ങൾ പലവിധമുണ്ട് .സഊദി അറേബ്യയായിലെ മദീനത്തു മാത്രം കാണുന്ന ഒരു വിശിഷ്ട ഈന്തപ്പഴമാണ് അജ്വ . ഹൃദയ രോഗങ്ങൾക്ക് അറേബ്യക്കാർ ഈ പഴം കഴിച്ചു വരുന്നു
ഉണക്കമുന്തിരി:-ചെമ്പു ,ഇരുമ്പു, എന്നിവയുടെ ധാതുമൂല്യങ്ങൾ ധാരാളം അടങ്ങിയിരിക്കുന്നതിനാൽ രക്തസമ്മർദ്ധം കൂടിയ രോഗികൾക്ക് ഉത്തമമാണ് . നമ്മുടെ തൊലിക്കു നിറം കൂടുവാനും കണ്ണുകൾക്കും പല്ലുകൾക്കും ഉത്തമമായൊരു അമൂല്യമായ ഔഷധമാണ് .കാൻസർ പോലുള്ള രോഗങ്ങളെ തടയുവാനും ഈ കറുത്ത മുന്തിരി മുന്നിലാണ്
ശരീര ഭാരം കുറഞ്ഞവർക്ക് ശരീരം ഭാരം വർദ്ധിപ്പിക്കുവാനും ഊർജ്ജം വർദ്ധിപ്പിക്കുവാനും ഉത്തമാഹാരമാണ്
കുറവുള്ള കറുത്ത ഉണക്കമുന്തിരി.
വാൽനെട്ടു അഥവാ അകോട്ട് വിത്ത്:-
കാഴ്ചയിൽ തന്നെ തലച്ചോറിന്റെ രൂപസാദൃശ്യമുള്ള പരിപ്പ് അമൂല്യങ്ങളായ പോഷക കലവറയാണ്
തലച്ചോറിന്റെ പ്രവർത്തനം സുഗമമാക്കുവാനും പ്രവർത്തനത്തിൽ വർദ്ധനവുണ്ടാക്കുവാനും ഈ പരിപ്പുപയോഗിക്കുന്നു
ഒമേഗ 3 ഉള്ളതിനാൽ മാംസ ഭക്ഷണം കഴിക്കാത്തവർക്കും ഒമേഗ 3 ലഭിക്കുവാൻ ഈ പരിപ്പുപയോഗം കൊണ്ട് സാധിക്കും . വിറ്റാമിൻ ഇ , ബി 6, പൊട്ടാസ്യം ,മാഗ്നീസ്യം എന്നിവ അടങ്ങിയതാണ് വാൽനെട്ടു
തേൻ:-
ആന്റീ ബാക്റ്റീരിയൽ . ആന്റി ഫങ്ങൾ, തൊണ്ടയിലുണ്ടാവുന്ന ഇൻഫങ്ഷൻ ,പ്രതിരോധ ശേഷി വർദ്ധനയ്ക്ക് ഏറ്റവും ഉത്തമം . കൂടാതെ പഞ്ചഭൂതങ്ങളുടെ സമതന്തുലിതാവസ്ഥക്കു ഏറ്റവും ഉത്തമമായ ഔഷധം .
മരണമല്ലാത്ത ഏതു രോഗങ്ങൾക്കും തേൻ രോഗശമനമെന്നു വിശുദ്ധ ഗ്രന്ഥങ്ങളിൽ ഉൽബോധിപ്പിച്ച അത്ഭുതപൂർവ്വമായ അനേകമനേകം പോഷകമൂല്യങ്ങളുടെ കലവറ .ആന്റി കാൻസർ , അൾസർ , ഹൃദയരോഗങ്ങൾ എന്നിവക്കും തേൻ വളരെയേറെ ഉപയോഗപ്പെടുത്തി വരുന്നു . ആയുർവേദത്തിൽ തേനിനുള്ള പ്രാധാന്യം പോലെ ലോകത്ത് മുഴുവനും ആതുരചികിത്സകര് ഭക്ഷണമായി രോഗികളെ ഉപദേശിക്കുന്ന ഒരേ ഒരു ഭക്ഷണവും മരുന്നും
ഇനി തേനിന്റെ മഹിമകൾ പറയേണ്ടതില്ലല്ലോ ...
ഇത്രയും പ്രകൃതി ദത്തമായ ഒരു ജാം ... നിങ്ങൾക്ക് ജീവിതത്തിൽ ഭക്ഷണമായി ഉപയോഗപ്പെടുത്തിയാൽ മരുന്നില്ലാത്തൊരു ജീവിതം പ്രതീക്ഷിക്കാം
ജാമുണ്ടാക്കുന്ന രീതിയും അതിന്റെ അളവുകളും താഴെ പറയുന്നു
മിക്സ് ഡ്രൈഫ്രൂട്ട് ജാം
ഈത്തപ്പഴം -100g
അത്തിപ്പഴം-100g
ഉണക്കമുന്തിരി-100g
വാൽനട്ട്-100g
തേൻ -100g
മേൽ പറഞ്ഞവയിൽ ഈത്തപ്പഴം - അത്തിപ്പഴം ഉണക്ക മുന്തിരി എന്നിവ നന്നായി കഴുകി അരമണിക്കൂർ ശുദ്ധമായ വെള്ളത്തിൽ ഇട്ടു വെക്കുക
ശേഷം വെള്ളം വാർത്തി ഈത്തപ്പഴ കുരു കളഞ്ഞു അവ മൂന്നും കൂടി മിക്സിയിൽ ഇട്ട് ഒന്ന് ഗ്രൈന്റ് ചെയ്യുക
വാൽനട്ട് തനിയെ ഗ്രൈന്റ് ചെയ്യുക
പൊടിയാക്കണ്ട ശേഷം വാൽനട്ട് ഗ്രൈന്റ് ചെയ്ത പഴക്കൂട്ടിലേക്ക് ഇട്ട് തേൻ ചേർത്ത് ഒന്ന് കൂടെ മിക്സിയിലടിക്കുക
നല്ല വണ്ണം ചേർന്ന ഈ ജാം വൃത്തിയുള്ള ഒരു കുപ്പിയിലാക്കി സൂക്ഷിക്കുക
കാലത്തും വൈകീട്ടും ഒരു ടീസ്പൂൺ വീതം കഴിക്കുക.
ശ്രദ്ധിക്കുക : അറിവിനെ ജനകീയമാക്കുക എന്ന ലക്ഷ്യം മാത്രമാണ് ഈ പോസ്റ്റിന് ഉള്ളത്.രോഗനിർണ്ണയത്തിനും ചികിത്സയ്ക്കും പകരമാകാൻ ഉദ്ദേശിച്ചുള്ളതല്ല, കൃതഹസ്തരായ ചികിത്സകരുടെ ഉപദേശപ്രകാരം മാത്രം ഔഷധങ്ങൾ ഉപയോഗിക്കുക.
ആളുകൾ വ്യത്യസ്തർ ആയതുകൊണ്ട് തന്നെ ഉപയോഗിക്കേണ്ട രീതികളും വ്യത്യസ്തമായിരിക്കും. അതുപോലെ കാലാവസ്ഥയും സ്ഥലങ്ങളും എല്ലാം അടിസ്ഥാനമാക്കിയാണ് ഔഷധങ്ങൾ ഉപയോഗിക്കേണ്ട രീതി. കൂടുതൽ പഠനങ്ങൾ നടത്തി നല്ലതുമാത്രം ഉപയോഗിക്കുക
