മോട്ടിവേഷൻ ചിന്തകൾ

ഹൃദയത്തിലേറ്റിയ സ്നേഹബന്ധങ്ങൾ നിലനിർത്തുക.

പിടിവാശികൾ ജയിക്കുമ്പോൾ ബന്ധങ്ങൾ അകലുന്നു . എന്നാൽ വിട്ടുവീഴ്ചകൾ ചെയ്യുമ്പോൾ മനസ്സുകൾ അടുക്കുന്നു.....

 അതായിരിക്കണം .. അങ്ങനെയായിരിക്കണം ഹൃദയത്തോട് ചേർത്ത് നിർത്തുന്ന സ്നേഹബന്ധങ്ങൾ .

ചില ബന്ധങ്ങൾ ചെറിയ ചെടികളെ പോലെയാണ്

നനച്ച് പരിപാലിക്കാതിരുന്നാൽ പെട്ടെന്ന് കരിയും.

പിന്നീട് എത്ര നനച്ചാലും കിളിർക്കില്ല . അടർന്നു വീണ

 ഇലകളെ നോക്കി നിൽക്കാനേ മരത്തിനു കഴിയൂ . വീണ്ടും ചേർത്തുവയ്ക്കാനാകില്ല . അതുപോലെ തന്നെയാണ് ചില ബന്ധങ്ങളും .

മറ്റുള്ളവർ തെറ്റല്ല

അവർ വ്യത്യസ്തരാണ് ..

എന്ന ലളിതമായ വസ്തുത മനസ്സിലാക്കിയാൽ

നമുക്ക് പല ബന്ധങ്ങളെയും 

നിലനിർത്താനാകും

ബന്ധങ്ങളുണ്ടാകേണ്ടതു്

ഹൃദയത്തിൽ നിന്നാണ്

അല്ലാതെ വാക്കുകളിൽ നിന്നല്ല.പിണക്കങ്ങൾ വാക്കുകളിൽ ഒതുക്കുക .

ഹൃദയത്തിലേക്ക്

പ്രവേശിപ്പിക്കരുത്.

നിനക്കായ് ഞാനിത്രയൊക്കെ ചെയ്തിട്ടും എനിക്കായ്

നീയൊന്നും ചെയ്തില്ലല്ലോ

എന്ന തോന്നലിൽ നിന്നാണ് പല ബന്ധങ്ങളും

അകന്നു തുടങ്ങുന്നത് .

കൈവിട്ടു കളയാൻ എളുപ്പമാണ് എന്നാൽ നേടിയെടുക്കൽ അതികഠിനവും . ബന്ധങ്ങൾ എപ്പോഴും കൈവിട്ടു കളയാതിരിക്കുക .

എന്തിനെന്നോ ഏതിനെന്നോ അറിയാതെ ഇഷ്ടപ്പെട്ടു പോവുന്ന ചില ബന്ധങ്ങളുണ്ട്

സ്വന്തമാക്കാനൊ ,

വിട്ടു കൊടുക്കാനൊ ,

നഷ്ടപ്പെടുത്താനൊ കഴിയാതെ നമ്മുടെയൊക്കെ മനസ്സിൽ ഒരു നോവായി മാറുന്ന ബന്ധങ്ങൾ ..

✍️ :അശോകൻ സി . ജി