നമ്മുടെ രാജ്യം പുരോഗമനത്തിൻ്റെ ഒരു പുതിയ തരംഗത്തെ അഭിമുഖീകരിക്കുന്നുണ്ടാകാം, പക്ഷേ രാജ്യത്തിൻ്റെ ചില ഭാഗങ്ങളിൽ, പെൺകുട്ടികളോടുള്ള അവഹേളനം പോലുള്ള പിന്തിരിപ്പൻ സാമൂഹിക മാനദണ്ഡങ്ങൾ ഇപ്പോഴും നിലനിൽക്കുന്നു. പല ഗ്രാമീണ വീടുകളിലും, ഒരു പെൺകുഞ്ഞിൻ്റെ ജനനം നെറ്റിചുളിപ്പിക്കും, വീട്ടിലെ സ്ത്രീ ഗർഭിണിയാകുമ്പോഴെല്ലാം കുടുംബം ഇപ്പോഴും ഒരു ആൺകുട്ടിക്കായി പ്രതീക്ഷിക്കുന്നു.
പറഞ്ഞുവരുന്നത്, ഈ റിപ്പോർട്ട് ഒരു പെൺകുട്ടിയോടുള്ള അവഹേളനത്തെക്കുറിച്ചല്ല, പകരം ഒരു പെൺകുട്ടിയോടുള്ള ദമ്പതികളുടെ അഭിനിവേശത്തെക്കുറിച്ചാണ് സംസാരിക്കുന്നത്. സംഭവം ഇന്ത്യയിൽ നിന്നല്ല, യുഎസിൽ നിന്നാണെന്നതിൽ അതിശയിക്കാനില്ല. യുഎസിലെ ഒരു സ്ത്രീ പെൺകുഞ്ഞിനെ ജനിപ്പിക്കാനുള്ള ആഗ്രഹത്തിൽ 9 ആൺമക്കൾക്ക് ജന്മം നൽകി.
ചിലർക്ക് ഒരു പെണ്കുഞ്ഞിനെ കിട്ടിയെങ്കില് എന്ന് ആഗ്രഹം തോന്നാറുണ്ട്. അതുപോലെ ആണ്കുട്ടികളെ ആഗ്രഹിക്കുന്ന മാതാപിതാക്കളുമുണ്ട്.
അങ്ങനെ ഒരു പെണ്കുഞ്ഞിന് വേണ്ടി ഏറെ ആഗ്രഹിച്ചിരുന്ന ആളായിരുന്നു യുഎസ്സില് നിന്നുള്ള യലൻസിയ റൊസാരിയോ. എന്നാല്, അവർക്ക് ഒമ്ബത് ആണ്മക്കളായിരുന്നു. എന്നാലിപ്പോള് ആണ്മക്കള്ക്ക് ശേഷം പത്താമതായി അവള്ക്ക് ഒരു പെണ്കുഞ്ഞ് പിറന്നിരിക്കുകയാണ്. അതുകൊണ്ടുമായില്ല ആ കുട്ടിക്കൊരു സഹോദരി വേണമെന്ന് പറഞ്ഞുകൊണ്ട് വീണ്ടും അവള് ഗർഭിണിയായിരിക്കുകയാണ്.
യലൻസിയ തന്നെയാണ് സോഷ്യല് മീഡിയയില് ഇക്കാര്യം പങ്കുവച്ചത്. കുഞ്ഞും താനും ആരോഗ്യവതിയാണ് എന്നും അവള് പറയുന്നു. 31 -കാരിയായ യലൻസിയ ഏറെക്കാലമായി ഒരു പെണ്കുഞ്ഞിന് വേണ്ടി കാത്തിരിക്കുകയാണ്. പത്താമതും ഗർഭിണിയായപ്പോള് അതൊരു പെണ്കുഞ്ഞാവണേ എന്ന് താൻ ഒരുപാട് ആഗ്രഹിച്ചിരുന്നു എന്നും അവള് പറയുന്നു. പത്താമത് ഇരട്ടകളായിരുന്നു. അതിലൊരാള് പെണ്കുഞ്ഞായിരുന്നു. എന്നാല്, യലൻസിയ അവിടെ നിർത്തുമെന്ന് കരുതിയെങ്കിലും അതുണ്ടായില്ല. മകള്ക്ക് ഒരു സഹോദരി വേണമെന്നും അതിനാല് വീണ്ടും കുഞ്ഞിന് ജന്മം നല്കുമെന്നാണ് അവള് പറയുന്നത്.
18 -ാമത്തെ വയസ്സിലാണ് അവള് ആദ്യത്തെ കുഞ്ഞിന് ജന്മം നല്കിയത്. ജമെല് എന്നാണ് അവന്റെ പേര്. എന്നാല്, ഇപ്പോള് 11 -ാമതും ഗർഭിണിയാണ് എന്ന കാര്യം സോഷ്യല് മീഡിയയില് പങ്കുവച്ചപ്പോള് ആളുകള് അമ്ബരന്നുപോയി. ഇതുവേണോ എന്നാണ് പലരുടേയും സംശയം. യലൻസിയയുടെ ആരോഗ്യത്തെ കുറിച്ചും മറ്റ് കുട്ടികളുടെ ക്ഷേമത്തെ കുറിച്ചും പലരും സംശയം പ്രകടിപ്പിച്ചു.