കുഞ്ഞു കുട്ടികൾക്ക് എപ്പോഴും നല്ല വൃത്തിയായിരിക്കും അല്ലേ. നമ്മൾ എപ്പോഴും അവരെ ശ്രദ്ധിക്കുകയും അവരെ നല്ല വസ്ത്രങ്ങൾ ധരിപ്പിക്കുകയും അവർക്ക് നല്ല സുഗന്ധങ്ങൾ ഉപയോഗിച്ചു കൊടുക്കുകയും, പല സൗന്ദര്യ വസ്തുക്കളും ഉപയോഗിക്കുകയും ചെയ്യുന്നു. എന്നാൽ അവരുടെ ചർമ്മത്തിൽ നാം ഉപയോഗിക്കുന്ന വസ്തുക്കൾ എത്രത്തോളം സുരക്ഷിതമാണ് എന്ന് നാം ചിന്തിക്കാറുണ്ടോ ?
ഒരിക്കലും കുട്ടികളുടെ ശരീരത്തിന് ദോഷകരമാകുന്ന വസ്തുക്കൾ ഉപയോഗിച്ചുകൊണ്ട് ഒരു രീതിയിലും അവരെ അണിയിച്ചൊരുക്കാൻ പാടില്ല. ചർമ്മത്തിൽ ഉപയോഗിക്കുന്ന വസ്തുക്കൾ അവർക്ക് മറ്റു ബുദ്ധിമുട്ടുകൾ ഒന്നും ഉണ്ടാക്കുന്നില്ല എന്ന് നാം ഉറപ്പുവരുത്തേണ്ടതുണ്ട്.
കുഞ്ഞുവാവകളുടെ അമ്മമാരാണ് ഇക്കാര്യത്തില് മുൻപന്തിയില് . എന്നാല്, കുഞ്ഞാവ മണം എന്ന നൊസ്റ്റാള്ജിയക്ക് അപ്പുറം ബേബി പ്രോഡക്റ്റുകള് ഉപയോഗിക്കുന്നത് കൊണ്ട് എന്തെങ്കിലും ഗുണമുണ്ടോ? മുതിർന്നവർക്ക് കുട്ടികളുടെ ചർമ സംരക്ഷണ ഉല്പ്പന്നങ്ങള് ഗുണം ചെയ്യുമോ? ആലോചിച്ചിട്ടുണ്ടോ?
കുഞ്ഞു കുട്ടികള്ക്കായുള്ള ചർമ സംരക്ഷണ ഉല്പന്നങ്ങൾക്ക്പാർശ്വഫലങ്ങളില്ല?
കുട്ടികള്ക്കായുള്ള ഉല്പ്പന്നങ്ങള്ക്ക് പൊതുവെ പാർശ്വഫലങ്ങളില്ല എന്ന ഒരു വിശ്വാസമുണ്ട്. എന്നാല് അങ്ങനെയല്ല; കുട്ടികളുടെ ഉല്പ്പന്നങ്ങള് ഉപയോഗിക്കുമ്ബോഴും അതിലെ ചേരുവകള് മൂലം യാതൊരു വിധത്തിലുള്ള അലർജിയും ശരീരത്തിലുണ്ടാകുന്നില്ലെന്ന് ഉറപ്പിക്കുന്നതിനായി ഉപയോഗം തുടങ്ങും മുൻപായി ശരീരത്തിന്റെ ഏതെങ്കിലും ഒരു ഭാഗത്തായി പാച്ച് ടെസ്റ്റ് നടത്തേണ്ടത് ആവശ്യമാണ്. സാധാരണയായി കുഞ്ഞുങ്ങള്ക്കായുള്ള സോപ്പ്, ക്രീം , മോയ്സ്ചറൈസർ തുടങ്ങിയ ഉല്പ്പന്നങ്ങള് മുതിർന്നവർക്ക് ഹാനീകരമല്ലെങ്കിലും ചില പ്രത്യേക സന്ദർഭങ്ങളില് അലർജി പോലുള്ള അവസ്ഥകള്ക്ക് കാരണമാകാറുണ്ട്. ഇനി അലർജികള് ഒന്നും ഇല്ലെന്നിരിക്കട്ടെ എല്ലാ ബേബി പ്രോഡക്റ്റുകളും ഉദ്ദേശിക്കുന്ന ഫലം ചെയ്യണമെന്നില്ല. അതിലുള്ള പ്രധാനകാരണം, ഇവ വളരെ മൃദുവായ ഉല്പന്നങ്ങളാണെന്നതാണ് എന്നതാണ്.
ഉദാഹരണമായി പറഞ്ഞാല്, ആകെ വിയർത്തു കുളിച്ചു വരുന്ന അവസ്ഥയില് മുതിർന്ന ഒരു വ്യക്തിക്ക് ശരീരം വൃത്തിയാക്കാനും ഊർജം കൈവരിക്കാനും സഹായകമാകുക ബേബി ബോഡി വാഷിനേക്കാള് മുതിർന്നവർക്കായുള്ള ബോഡി വാഷ് കൊണ്ടുള്ള കുളി ആയിരിക്കും. കാരണം ശിശുക്കളുടെ ശരീരം പൊതുവെ അമിതമായ അഴുക്കും എണ്ണയും ഒന്നുമില്ലാത്തവയാണ്. അതിനാല് തന്നെ അവർക്കായുള്ള ഉല്പ്പന്നങ്ങളും മൃദു സ്വഭാവമുള്ളവയായിരിക്കും. മുതിർന്നവരുടെ അഴുക്കേറിയ അവസ്ഥയിലുള്ള ശരീരം വൃത്തിയാക്കാൻ ഇത് പര്യാപ്തമാകില്ല.
എന്നാല് കാലാകാലത്തോളം മികച്ച ഗുണ നിലവാരമുള്ള ബേബി പ്രോഡക്റ്റ് തുടർച്ചയായി ഉപയോഗിക്കുന്നത് മുതിർന്നവർക്കും ഗുണം ചെയ്യുന്നതായി കണ്ടെത്തിയിട്ടുണ്ട്. കാലാന്തരത്തില് ഇത്തരക്കാരുടെ ചർമം കുട്ടികളുടേതിന് സമാനമായി മൃദുവും ആരോഗ്യമുള്ളതുമായി മാറുന്നു.
സെൻസിറ്റിവ് ചർമ്മമുള്ളവർക്ക് ഗുണകരം
കെമിക്കലുകള് അധികം യോജിക്കാത്ത, വളരെ സെൻസിറ്റീവ് ആയ ചർമം ഉള്ള വ്യക്തികള്ക്ക് ബേബി പ്രോഡക്റ്റ്സ് ഗുണം ചെയ്യും."ഹൈപ്പോഅലോർജെനിക്" എന്ന ലേബലോടെയാണ് ബേബി പ്രോഡക്റ്റുകള് വിപണിയിലെത്തുന്നത്. ഇതിനർത്ഥം അലർജിക്ക് കാരണമാകുന്ന ചേരുവകള് ചേർക്കാത്ത ഉല്പ്പന്നമെന്നാണ്. കുഞ്ഞുങ്ങളുടെ മൃദുവായ ചർമത്തെ സംരക്ഷിക്കുന്ന ഈ ഉല്പ്പന്നങ്ങള് വരണ്ടതോ , സെൻസിറ്റിവ് ആയതോ ആയ ചർമത്തെ സംരക്ഷിക്കുന്നു. സെൻസിറ്റിവ് ചർമം ഉള്ളവർക്ക് മുതിർന്നവർക്കായുള്ള ചർമ സംരക്ഷണ ഉല്പ്പന്നങ്ങള് ദീർഘകാലം ഉപയോഗിക്കുന്നത് ഹാനികരമാണ്. ഇതിലൂടെ, ചർമം കൂടുതല് വരളാനുളള സാധ്യത ഏറെയാണ്. കുഞ്ഞുങ്ങള്ക്കായുള്ള ഉല്പ്പന്നങ്ങള് ഇത്തരം അവസ്ഥകള് ഒഴിവാക്കുന്നു.
ശക്തമായ സുഗന്ധ വസ്തുക്കള്, ഗ്ളൂട്ടൻ, പാരാബീൻ, രാസവസ്തുക്കള് എന്നിവയില് നിന്നെല്ലാം മുക്തമായ, ചർമത്തിന് ഗുണകരമാകുന്ന പ്രകൃതിദത്ത ചേരുവകള് മാത്രമുള്ള ഉല്പ്പന്നങ്ങള് ഉപയോഗത്തിനായി തെരഞ്ഞെടുക്കുക. കുഞ്ഞുങ്ങളുടെ മൃദുവായ ചർമം കണക്കിലെടുത്ത് നിർമിച്ച ഈ ഉല്പ്പന്നങ്ങള് മുതിർന്നവർക്കും ഒരു പോലെ ഫലപ്രദമാണ്.
പല ഓർഗാനിക് ബേബി ഉല്പ്പന്നങ്ങളും മള്ട്ടി പർപ്പസ് ആണ് എന്നതും ഗുണകരമാണ്. ഉദാഹരണമായി പറഞ്ഞാല് ബേബി ഓയില് ചർമ്മത്തെ മോയ്സ്ചറൈസ് ചെയ്യാനും നരച്ച മുടിക്കും മേക്കപ്പ് നീക്കം ചെയ്യാനും ഒക്കെ ഉപയോഗിക്കാം. ഇത്തരത്തില് ഒന്നില് കൂടുതല് ഉപയോഗമുള്ള ഉല്പ്പന്നങ്ങള് ഏത് തരത്തിലുള്ള ചര്മമുള്ള ആളുകള്ക്കും ആസ്വദിച്ചുപയോഗിക്കാൻ സാധിക്കുന്നവയാണ്.അതിനാല് തന്നെ ഇത്തരം ഉല്പ്പന്നങ്ങളുടെ ദീർഘകാല ഉപയോഗം എല്ലാ അർത്ഥത്തിലും ഗുണം ചെയ്യും.
ശ്രദ്ധിക്കുക : അറിവിനെ ജനകീയമാക്കുക എന്ന ലക്ഷ്യം മാത്രമാണ് ഈ പോസ്റ്റിന് ഉള്ളത്.രോഗനിർണ്ണയത്തിനും ചികിത്സയ്ക്കും പകരമാകാൻ ഉദ്ദേശിച്ചുള്ളതല്ല, കൃതഹസ്തരായ ചികിത്സകരുടെ ഉപദേശപ്രകാരം മാത്രം ഔഷധങ്ങൾ ഉപയോഗിക്കുക. കൂടുതൽ പഠനം നടത്തി നല്ലത് മാത്രം സ്വീകരിക്കുക.ആരോഗ്യവിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയശേഷം മാത്രം ആഹാരക്രമത്തില് മാറ്റം വരുത്തുക.