ഇന്നത്തെ കുട്ടികള് സ്വന്തം വീട്ടില് തന്നെ വളരുന്നവരാണ്. പുറത്തു പോയി കളിക്കുകയോ അല്ലെങ്കില് പുറത്തേക്കിറങ്ങാന് മാതാപിതാക്കള് സമ്മതിക്കുകയോ ഇല്ല.
സൗകര്യങ്ങളൊക്കെ വീട്ടില് തന്നെ ഒരുക്കിക്കൊടുക്കും. കുട്ടികള് ഫോണിനായി വാശിപിടിക്കുമ്ബോള് എത്ര കാര്ക്കശ്യക്കാരായ മാതാപിതാക്കളും ഒടുവില് വഴങ്ങുകയും ഫോണ് നല്കുകയും ചെയ്യും.ഇത് കുട്ടികളുടെ ശ്രദ്ധ ഫോണിലേക്ക് തിരിയാന് കാരണമാകുന്നു. അവരെ പുറത്തുവിടുന്നത് പുതിയ സൗഹൃദങ്ങളുണ്ടാക്കാനും ഫോണില് നിന്ന് കുട്ടികളുടെ ശ്രദ്ധ തിരിക്കാനും സാധിക്കും.
ഇത് കുട്ടികളുടെ മാനസികവളര്ച്ചയ്ക്കും ആരോഗ്യത്തിനും സഹായിക്കുന്നു.
ഇന്ന് മിക്ക കുട്ടികള്ക്കും സ്കൂള് വിട്ട് വന്നാല് മുതിര്ന്നവരെപ്പോലെ തന്നെ അവര്ക്കും ഫോണ് നോക്കാന് വേണം. എന്നാല്, ഇത്തരത്തില് കുട്ടികള് ഫോണ് ഉപയോഗിക്കുന്നത് അവരുടെ മാനസിക വളര്ച്ചയെ ബാധിക്കുന്നു. അതുപോലെ തന്നെ, ആരോഗ്യ പ്രശ്നങ്ങളിലേയ്കും നയിക്കുന്നുണ്ട്.
കുട്ടികളെ പറഞ്ഞത് അനുസരിപ്പിക്കാന് അല്ലെങ്കില് ആഹാരം കഴിപ്പിക്കാന് മാതാപിതാക്കള് മൊബൈല്ഫോണ് കുട്ടികള്ക്ക് കൊടുക്കും. പിന്നീട് കുട്ടികള്ക്ക് ടിവിയില്ലെങ്കിലും ഫോണ് വേണം എന്ന ആഗ്രഹം ചെറുപ്പത്തില് തന്നെ ഉണ്ടാവുകയാണ്. ഇത് ചെറുപ്പത്തില് മാത്രമല്ല, വളരുംതോറും കുട്ടികള്ക്ക് ഫോണിനോടുള്ള അഡിക്ഷന് ശക്തമാകുന്നുണ്ട്.ഈ അഡിക്ഷന് കുറയ്ക്കാന് മാതാപിതാക്കള് എന്ന നിലയില് എന്തെല്ലാം കാര്യങ്ങള് ശ്രദ്ധിക്കണം എന്ന് നോക്കാം.
കുഞ്ഞു കുട്ടികള് ഫോണിന് അടിമപ്പെടുന്നതിന് പ്രധാന കാരണം രക്ഷിതാക്കളാണ്. കുട്ടികള് മാതാപിതാക്കളെ അനുകരിക്കാന് ശ്രമിക്കുന്നവരാണ്. മാതാപിതാക്കള് ഓന്നു ഫ്രീയായി ഇരിക്കുവാനോ അല്ലെങ്കില് മറ്റെന്തെങ്കിലും ജോലികള് ചെയ്യുവാനായോ കുട്ടികള്ക്ക് ഫോണ് നല്കുന്നതാണ് ഫോണ് അഡിക്ഷന് ഉണ്ടാകാനുള്ള പ്രധാന കാരണം. ഈ രീതി ആദ്യം ഒഴിവാക്കണം. കൃത്യമായ സമയം വച്ച് മാത്രം അവര്ക്ക് സ്മാര്ട്ട്ഫോണ് നല്കുക.
കുട്ടികൾ മൊബൈൽ ഫോൺ കൂടുതലായി ഉപയോഗിക്കുന്നു എന്നതാണ് പുതിയ കാലത്തെ മാതാപിതാക്കളുടെ പ്രധാന പരാതി. കുട്ടിയുടെ മൊബെൽ ഫോൺ അഡിക്ഷൻ വളരെ തീവ്രതയുള്ളതായിരിക്കുന്നു എന്ന് എങ്ങനെയാണ് മാതാപിതാക്കൾ മനസ്സിലാക്കേണ്ടത് ?
കുട്ടി എത്ര സമയം മൊബൈൽ ഫോണിൽ ചെലവഴിക്കുന്നു എന്നതാണ് പ്രധാനമായും അറിയേണ്ട കാര്യം. ഒരു കുട്ടിയെ സംബന്ധിച്ചിടത്തോളം പഠിക്കാനും കളിക്കാനും മറ്റുള്ളവരോട് ഇടപഴകാനും ഉറങ്ങാനുമെല്ലാം നിശ്ചിത സമയം കണ്ടെത്തുക എന്നതു പ്രധാനമാണ്. അതിനുള്ള സമയം കൂടി കുട്ടി മൊബൈൽ ഫോണിനു വേണ്ടി മാറ്റി വയ്ക്കുന്നുണ്ടോ എന്നതു ശ്രദ്ധിക്കണം. ആഹാരം കഴിക്കാതെ മൊബൈൽ ഫോൺ കാണുക, ഫോൺ കണ്ടിരിക്കുന്നതിനാൽ ഉറങ്ങാനുള്ള സമയം വളരെ വൈകുക, പഠിക്കാനുള്ള സമയത്തു കൂടി ഫോൺ കാണുക. ഇതിന്റെയൊക്കെ ഭാഗമായി സ്കൂളിൽ ക്ലാസുകൾ നഷ്ടപ്പെടുന്ന സ്ഥിതിയുണ്ടാകുക... ഇങ്ങനെയാണ് കുട്ടിയുടെ മൊബൈൽ അഡിക്ഷന്റെ തീവ്രതയെ നാം മനസ്സിലാക്കിത്തുടങ്ങേണ്ടത്.
കുട്ടികളുടെ ഫോണ് ഉപയോഗം കുറയ്ക്കാനും ശ്രദ്ധിക്കേണ്ട കാര്യങ്ങള് എന്തെല്ലാമെന്ന് നോക്കാം.
തങ്ങളുടെ കുട്ടികള് ഫോണ് ഉപയോഗിക്കാന് മിടുക്കന്/മിടുക്കി യാണെന്ന ചിന്ത തന്നെയാണ് വില്ലന്. കുട്ടികള് ഫോണ് അമിതമായി ഉപയോഗിച്ചാല് ഭാവിയില് അവരുടെ വിദ്യാഭ്യാസത്തെ ബാധിക്കുമോയെന്നതാണ് രക്ഷിതാക്കളുടെ ആശങ്ക. സ്മാര്ട്ഫോണ്, ടാബ്, ലാപ്ടോപ്പ് എന്നിവയുടെ അമിതമായ ഉപയോഗം കുട്ടികളുടെ ആരോഗ്യത്തെ ബാധിക്കുന്നതാണ്.
ഫോണില് നിന്നുപ്രവഹിക്കുന്ന റേഡിയോ തരംഗങ്ങള് തലച്ചോറിനെയും നാഡിഞെരമ്ബുകളെയും കോശങ്ങളെയുമൊക്കെ ദോഷകരമായി ബാധിക്കും. മെലാറ്റനില് ഹോര്മോണുകളുടെ ഉല്പാദനം കുറയുകയും ഇതുവഴി തലച്ചോറിന്റെ പ്രവര്ത്തനം മന്ദഗതിയിലാവുകയും ചെയ്യുന്നതാണ്.
കുട്ടികളുടെ പെരുമാറ്റത്തില് ഉദാസീനത, അമിത വണ്ണം, ഉറക്കക്കുറവ്, ഉത്കണ്ഠ, വിഷാദം തുടങ്ങിയ മാനസിക പ്രശ്നങ്ങള്ക്കും സാധ്യതയേറുന്നു.
വായന
കുട്ടികളെ ഫോണ് നോക്കാന് പഠിപ്പിക്കുന്നതിന് പകരം വായിക്കുന്ന ശീലം പഠിപ്പിക്കുന്നത് കുട്ടികളുടെ അറിവ് വര്ദ്ധിപ്പിക്കാനും ഒരു ഭാഷ നല്ലരീതിയില് പഠിച്ചെടുക്കാനും ഇവരെ സഹായിക്കുന്നുണ്ട്. ചെറുപ്പത്തില് ബാലസാഹിത്യങ്ങള് വായിക്കാന് പ്രേരിപ്പിക്കാവുന്നതാണ്. അതുപോലെ തന്നെ കുട്ടികള്ക്ക് പുസ്തകം നോക്കി കഥപറഞ്ഞ് കൊടുക്കുന്നതും അതുപോലെ, കുട്ടികളെകൊണ്ട് കഥകള് പറഞ്ഞ് പഠിപ്പിക്കുന്നതുമെല്ലാം നല്ലതാണ്. ഇത് കുട്ടികള്ക്ക് ഫോണിനോടുള്ള താല്പര്യം കുറയ്ക്കാന് സഹായിക്കും.
കലാകായിക മേഖല
കുട്ടികളെ ഫോണില് അധിക സമയം ഇരിക്കാന് അനുവദിക്കുന്നതിന് പകരം, അവരെ കലാകായിക മേഖലയില് വ്യാപൃതരായിരിക്കാന് പ്രേരിപ്പിക്കുക. ഇത്തരത്തില് മറ്റ് മേഖലയില് അവര്ക്ക് താല്പര്യം ജനിപ്പിക്കുന്നത് ഇവരുടെ ശ്രദ്ധ ഫോണില് നിന്നും കുറയ്ക്കാന് സഹായിക്കും. അതുപോലെ തന്നെ, കലാകായിക രംഗങ്ങളില് മക്കളെ ശോഭിപ്പിക്കാനും കുട്ടികളുടെ മാനസിക വളര്ച്ചയ്ക്കും ബുദ്ധിസാമര്ത്ഥ്യം വര്ദ്ധിപ്പിക്കാനും ഇത് സഹായിക്കുന്നു.
പുറത്ത് കളിക്കാന് വിടാം
ഇന്നത്തെ മിക്ക മാതാപിതാക്കളും കുട്ടികളെ പുറത്ത് കളിക്കാന് വിടാതെ, വീട്ടില് തന്നെ അടച്ച് പൂട്ടി വളര്ത്തുന്നത് കാണാം. അവര്ക്ക് വേണ്ട സാധനങ്ങള് വീട്ടില് തന്നെ ഒരുക്കി കുട്ടികളെ വീട്ടില് ഒതുക്കുന്നു. എന്നാല്, കുട്ടികള് വീട്ടില് തന്നെ ഇരിക്കുമ്പോള് അവര്ക്ക് മൊബൈല്ഫോണ് അമിതമായി ഉപയോഗിക്കാനുള്ള ത്വരയും വര്ദ്ധിക്കുന്നു.
അതിനാല്, കുട്ടികളെ വീട്ടില് മാത്രം ഒതുക്കുന്നതിന് പകരം, അവരെ പുറത്ത് കളിക്കാന് വിട്ട് പഠിപ്പിക്കുന്നത് വളരെ നല്ലതാണ്. അവര്ക്ക് പുതിയ സൗഹൃദങ്ങള് പുതുക്കാനും അതുപോലെ തന്നെ ഫോണില് നിന്നും ടിവിയില് നിന്നും കുട്ടികളുടെ ശ്രദ്ധ തിരിക്കുന്നതിനും ഇത് വളരെയധികം സഹായിക്കുന്നുണ്ട്. ഇത് കുട്ടികളെ വളരെ ഹെല്ത്തിയാക്കി നിലനിര്ത്താനും കുട്ടികളുടെ മാനസിക വളര്ച്ചയ്ക്ക് വരെ സഹായിക്കുന്നു.
പഠിപ്പിച്ച് കൊടുക്കാം
കുട്ടികള്ക്ക് നിങ്ങള് ടെക്നോളജി ഉപയോഗിക്കേണ്ട ശരിയായ വിധത്തെ കുറിച്ച് വളരെ ചെറുപ്പത്തില് തന്നെ പഠിപ്പിച്ച് കൊടുക്കുന്നത് നല്ലതാണ്. ഇത് കുട്ടികളെ ചെറുപ്പത്തില് തന്നെ ഫോണ് ഉപയോഗിക്കേണ്ടത് എന്തിനാണ് എന്ന ധാരണ വളര്ത്തുന്നതിന് സഹായിക്കുന്നു. അതുപോലെ തന്നെ അമിതമായി ഫോണിന്റെ ഉപയോഗം കുറയ്ക്കാനും ഇത് വളരെയധികം സഹായിക്കുന്നതാണ്.
അതുപോലെ തന്നെ മാതാപിതാക്കള്ക്ക് കുട്ടികള്ക്ക് സ്വയം മാതൃക കാണിച്ച് കൊടുക്കാവുന്നതാണ്. മാതാപിതാക്കള് കുട്ടികളുടെ മുന്പില് വെച്ച് അമിതമായി ഫോണ് ഉപയോഗിക്കുന്നത് കുറയ്ക്കാവുന്നതാണ്. അതുപോലെ തന്നെ, ഫോണിന്റെ ശരിയായ ഉപയോഗം എങ്ങിനെയെന്ന് നിങ്ങള്ക്ക് തന്നെ അവര്ക്ക് കാണിച്ച് കൊടുക്കാവുന്നതാണ്. കാരണം, ചെറുപ്പത്തില് കുട്ടികള് മാതാപിതാക്കള് എന്ത് ചെയ്യുന്നുവോ അത് അനുകരിക്കാന് ശ്രമിക്കും. അതിനാല്, ഫോണ് എങ്ങിനെ ഉപയോഗിക്കണം എന്ന് കുട്ടികളെ കാണിക്കാം.