അതിരാവിലെ അലാറം അടിച്ചാലും ഉണരാന് കഴിയുന്നില്ലേ, എങ്കില്‍ ഇങ്ങനെ ശീലമാക്കൂ
അതിരാവിലെ ഉറക്കമെഴുന്നേല്ക്കാന് എല്ലാവര്ക്കും പൊതിവെ മടിയാണ്. ഒന്നുകൂടെ മൂടിപ്പുതച്ചു കിടന്നുറങ്ങാനാണ് അപ്പോള് തോന്നുക
നിങ്ങളുടെ ദിവസം ആരംഭിക്കുന്ന രീതി നിങ്ങളെ പല തരത്തില്‍ സ്വാധീനിച്ചേക്കാം. ഇത് ദിവസം മുഴുവനുമുള്ള നിങ്ങളുടെ ഊര്‍ജ്ജത്തെയും നിങ്ങളുടെ മാനസികാവസ്ഥയെയും നിങ്ങളുടെ മൊത്തത്തിലുള്ള ആരോഗ്യത്തെയും ബാധിക്കും. ആരോഗ്യകരമായ ചില മാറ്റങ്ങള്‍ നിങ്ങള്‍ക്ക് നിരവധി ആരോഗ്യഗുണങ്ങൾ നൽകുന്നു.
അതിരാവിലെ ഉണരുന്നത് ശീലമാക്കിയാല് ആരോഗ്യത്തിനും ഉന്മേഷത്തിനും വളരെ നല്ലതാണ്. അതിനായി നമ്മള് എഴുന്നേല്ക്കാന്
അലാറം സെറ്റ് ചെയ്തു വയ്ക്കുകയാണ് പതിവ്. എന്നാല് അലാറം അടിച്ചു തുടങ്ങിയാലോ, അതിനെ സ്നൂസ് ചെയ്തിട്ട് വീണ്ടും കിടന്നുറങ്ങുക തന്നെ ചെയ്യും നമ്മളില് ഭൂരിഭാഗം പേരും.
അലാറം അടിക്കാതെ തന്നെ നേരത്തേ ഉണരാന് ചില വിദ്യകളുണ്ട്. രാവിലത്തെ ഉറക്കം കളഞ്ഞ് എഴുന്നേല്ക്കാന് മടിയാണല്ലോ നമുക്ക്. അത് മാറ്റിയെടുക്കാന് ശരിയായ ഉറക്കം ലഭിക്കുക എന്നതാണ് ഇതില് പ്രധാനം. നന്നായി ഉറങ്ങിയാല് നമുക്ക് നേരത്തെ എഴുന്നേല്ക്കാന് പറ്റും. വൈകിയാണോ നിങ്ങള് ഉറങ്ങുന്നതെങ്കില് ആ ശീലം മാറ്റിക്കൊണ്ടുവരണം.
മൊബൈല് നോക്കിയാണ് ഇപ്പോള് മിക്കയാളുകളും ഉറങ്ങുന്നത് തന്നെ. ഉറക്കം വരുന്നതു വരെ മൊബൈല് നോക്കിയിരിക്കുക എന്നത് ശീലമാക്കിയവരുമുണ്ട്. ഈ പ്രവണത മാറ്റിയെടുക്കണം. ഉറങ്ങാന് പോകുന്നതിനു രണ്ടു മണിക്കൂര് മുമ്ബെങ്കിലും മൊബൈല് ഫോണ് മാറ്റിവച്ചേക്കണം. കണ്ണുകളിലേക്ക് ഇതിന്റെ വെളിച്ചമടിച്ചാല് ഉറക്കം കിട്ടാന് ബുദ്ദിമുട്ടുകയും കണ്ണിന് സ്ട്രസ് കൂടുകയും ചെയ്യുന്നതാണ്.
മാത്രമല്ല, കണ്ണുകള്ക്കൊപ്പം മനസിനും കൂടെ വിശ്രമം നല്കുകയെന്നത് നല്ല ഉറക്കം ലഭിക്കുന്നത് കാരണമാണ്. ഈ ശീലങ്ങള് മാറ്റിയാല് തന്നെ അലാറം ഇല്ലാതെ ഉണരാന് കഴിയുന്നതാണ്. അതുകൊണ്ട് ആദ്യം കുറച്ചു ദിവസങ്ങളില് അലാറം വച്ച്‌ എഴുന്നേറ്റ് പിന്നീടിത് ഇല്ലാതെ തന്നെ നമുക്കുണരാന് കഴിയുന്നതാണ്.
സമാധാനത്തോടെ ഉറങ്ങാന് പോകുക
ഉറങ്ങുന്നതിന് മുമ്പ് നിങ്ങളുടെ പങ്കാളിയുമായി എന്തെങ്കിലും പ്രശ്‌നങ്ങളുണ്ടെങ്കില്‍ അതെല്ലാം പറഞ്ഞ് പരിഹരിക്കുക. രാവിലെ ഉണര്‍ന്ന് സന്തോഷവും പുതുമയും അനുഭവിക്കാനുള്ള ഒരു വഴിയാണിത്. പരിഹരിക്കപ്പെടാത്ത തര്‍ക്കങ്ങളുമായി ഉറങ്ങുന്നത് നിങ്ങളുടെ ഉറക്കത്തെ തടസപ്പെടുത്തും. രാവിലെ ഇത് നിങ്ങള്‍ക്ക് തലവേദനയോ ക്ഷീണമോ അല്ലെങ്കില്‍ കണ്ണുവേദനയോ വരുത്തും. മോശം പ്രഭാതം ഒരു മോശം ദിവസത്തിലേക്ക് നിങ്ങളെ നയിക്കുമെന്ന് ഉറപ്പാണ്. പങ്കാളിയോടൊപ്പം സന്തോഷത്തോടെ ഉറങ്ങാന് പോകുന്നത് നിങ്ങളുടെ ഉറക്കത്തിന് മാത്രമല്ല, ആരോഗ്യകരമായ ബന്ധത്തിന്റെ രഹസ്യം കൂടിയാണ്.
മതിയായ ഉറക്കം
മോശം മാനസികാവസ്ഥയോടെ എഴുന്നേല്‍ക്കുക, കണ്ണുകള്‍ക്ക് താഴെയുള്ള കനം എന്നിവ മതിയായ ഉറക്കം ലഭിക്കാത്തതിന്റെ പാര്‍ശ്വഫലങ്ങളാണ്. എന്നിരുന്നാലും, ആവശ്യമായ ഉറക്ക സമയത്തിന്റെ അളവ് ഓരോ വ്യക്തിക്കും വ്യത്യാസപ്പെടാം. ചിലര്‍ക്ക് കൃത്യമായി എട്ട് മണിക്കൂര് ഉറക്കം ആവശ്യമുള്ളപ്പോള്‍, മറ്റുള്ളവര്‍ക്ക് 6-7 മണിക്കൂര് ഉറക്കം ആവശ്യമായി വന്നേക്കാം. എന്നാല് പ്രധാന കാര്യം നിങ്ങളുടെ സമയത്തിന് അനുസൃതമായിരിക്കുക എന്നതാണ്. നിങ്ങള് ഒരു നിശ്ചിത സമയത്ത് ഉറങ്ങുകയും ഉണരുകയും വേണം. എല്ലാ ദിവസവും ഒരേ സമയത്ത് ഉറങ്ങുക, എഴുന്നേല്‍ക്കുക. ഈ ശീലം പാലിച്ചാല്‍ നിങ്ങള് രാവിലെ നല്ല മാനസികാവസ്ഥയോടെ എഴുന്നേല്‍ക്കും.
ജനല്‍ തുറന്നിടുക
നിങ്ങള് ഉറങ്ങുമ്പോള്‍ നിങ്ങളുടെ ജനല്‍ അല്‍പ്പം തുറന്ന് വയ്ക്കുന്നതിലൂടെ ചില നല്ല ഗുണങ്ങളുണ്ട്. തുറന്നിട്ട ജനല്‍ മുറിയില്‍ നല്ലപോലെ ശുദ്ധവായു കടന്നുപോകാന്‍ അനുവദിക്കുന്നതിനാല്‍ മുറിയിലെ താപനില നിയന്ത്രിക്കുന്നു. രാത്രി മുഴുവനും നിങ്ങള് പുറത്തുവിടുന്ന എല്ലാ കാര്‍ബണ്‍ ഡൈ ഓക്‌സൈഡും മുറിയില്‍ കെട്ടിനില്‍ക്കാതെ ജനാലയിലൂടെ പുറത്തേക്ക് വിടും. ഇത് നിങ്ങള്‍ക്ക് ആരോഗ്യകരമായ ഉറക്കം നല്‍കും. അതിനാല്‍, രാത്രി നിങ്ങളുടെ കിടപ്പുമുറിയുടെ ജനല്‍ അല്‍പം തുറന്നിടുക, നിങ്ങളുടെ പ്രഭാതം വളരെ മികച്ചതാകുന്നത് നിങ്ങള് ശ്രദ്ധിക്കും.
പ്രകാശം നിങ്ങളുടെ ജൈവ ഘടികാരത്തെ നയിക്കുകയും ഉണരേണ്ട സമയമാണെന്ന് നിങ്ങളോട് പറയുകയും ചെയ്യുന്നു. മെലറ്റോണിന്‍ എന്ന ഹോര്‍മോണ്‍ കാരണം നമുക്ക് ഉറക്കവും ക്ഷീണവും അനുഭവപ്പെടുന്നു. ഈ ക്ഷീണം മാറ്റാന്‍ രാവിലെ അല്‍പം സൂര്യപ്രകാശം കൊള്ളുക. നിങ്ങള് രാവിലെ എഴുന്നേല്‍ക്കുമ്പോള്‍ ജനാല തുറന്ന് നിങ്ങളുടെ മുറിയില്‍ വെളിച്ചം വീശുക. ഇത് നിങ്ങള്‍ക്ക് തല്‍ക്ഷണം ഊര്‍ജ്ജം നല്‍കും.
രാവിലെ ഒരു കുളി
രാവിലെ ഉറക്കമുണര്‍ന്നതിന് ശേഷവും നിങ്ങള്‍ക്ക് ഉറക്കത്തിന്റെ ആലസ്യം അനുഭവപ്പെടും. അതിനാല്‍ രാവിലെ കഴിയുന്നതും വേഗം ഒരു കുളി കുളിക്കുക. നിങ്ങളുടെ ശരീരത്തിലൂടെ തണുത്ത വെള്ളം ഒഴുകുന്നത് നിങ്ങള്‍ക്ക് ഊര്‍ജ്ജസ്വലത നല്‍കും. തണുത്ത വെള്ളം നിങ്ങളുടെ രക്തചംക്രമണം മെച്ചപ്പെടുത്തുകയും അലസതയും മയക്കവും അകറ്റുകയും ചെയ്യും.