മറ്റൊരാളില് കൂടി ബ്രെയിൻ കംപ്യൂട്ടർ ഇന്റർഫെയ്സ് ഉപകരണം സ്ഥാപിക്കാനുള്ള പദ്ധതിയുമായി മാസ്ക്കിന്റെ ന്യൂറാലിങ്ക്.
മറ്റൊരാളില് കൂടി ബ്രെയിൻ കംപ്യൂട്ടർ ഇന്റർഫെയ്സ് ഉപകരണം സ്ഥാപിക്കാനുള്ള പദ്ധതിയുമായി ന്യൂറാലിങ്ക്. ന്യൂറാലിങ്ക് ഇത് രണ്ടാം തവണയാണ് മനുഷ്യരില് പരീക്ഷണത്തിന് ഒരുങ്ങുന്നത്.
ഇംപ്ലാൻ്റബിൾ ബ്രെയിൻ-കമ്പ്യൂട്ടർ ഇൻ്റർഫേസുകൾ (ബിസിഐകൾ) വികസിപ്പിക്കുന്ന എലോൺ മസ്ക് സ്ഥാപിച്ച ഒരു ന്യൂറോ ടെക്നോളജി കമ്പനിയാണ് ന്യൂറലിങ്ക്. ഈ ഉപകരണങ്ങൾ മസ്തിഷ്കത്തിൽ ശസ്ത്രക്രിയയിലൂടെ സ്ഥാപിക്കാൻ ഉദ്ദേശിച്ചുള്ളതാണ്, കൂടാതെ തലച്ചോറിൻ്റെ പ്രവർത്തനം നിരീക്ഷിക്കാനും ഉത്തേജിപ്പിക്കാനും കഴിയും.
ന്യൂറലിങ്കിൻ്റെ ആത്യന്തിക ലക്ഷ്യം മനുഷ്യ മസ്തിഷ്കവുമായി തടസ്സമില്ലാതെ സംയോജിപ്പിക്കാൻ കഴിയുന്ന ഒരു ഉപകരണം സൃഷ്ടിക്കുക എന്നതാണ്, ഇത് ആളുകളെ അവരുടെ ചിന്തകൾ ഉപയോഗിച്ച് ബാഹ്യ ഉപകരണങ്ങളെ നിയന്ത്രിക്കാനോ അവരുടെ വൈജ്ഞാനിക കഴിവുകൾ വർദ്ധിപ്പിക്കാനോ അനുവദിക്കുന്നു.
ഈ വർഷം ജനുവരിയിലാണ് ന്യൂറാലിങ്കിന്റെ ബ്രെയിൻ ചിപ്പ് ആദ്യമായി മനുഷ്യനില് സ്ഥാപിച്ചത്. മാസങ്ങള്ക്ക് ശേഷം ചില സാങ്കേതിക പ്രശ്നങ്ങള് നേരിട്ടെങ്കിലും ആദ്യ പരീക്ഷണം വിജയമായിരുന്നു.
ശതകോടീശ്വര വ്യവസായി ഇലോണ് മസ്ക് തുടക്കമിട്ട ബ്രെയിൻ ടെക്നോളജി സ്റ്റാർട്ടപ്പ് ആണ് ന്യൂറാലിങ്ക്. ഇവർ വികസിപ്പിച്ച 'ടെലിപ്പതി' എന്ന ഉപകരണം തലച്ചോറില് ഘടിപ്പിച്ച് രോഗികള്ക്ക് അവരുടെ ചിന്തകളിലൂടെ കംപ്യൂട്ടർ നിയന്ത്രിക്കാനാവും. ഗുരുതരമായ ശാരീരിക പ്രശ്നങ്ങളുള്ളവരിലും കൈകാലുകള് തളർന്നു കിടക്കുന്നവരിലുമാണ് ന്യൂറാലിങ്ക് ടെലിപ്പതി പരീക്ഷിക്കുന്നത്.
ഈ വർഷം അവസാനത്തോടെ കൂടുല് ആളുകളില് ഉപകരണം ഘടിപ്പിക്കാനാവുമെന്നാണ് പ്രതീക്ഷിക്കുന്നതെന്ന് ഇലോണ് മസ്ക് എക്സില് പറഞ്ഞു.
എഐയില് നിന്നും മനുഷ്യർ നേരിടുന്ന അപകടസാധ്യത ലഘൂകരിക്കുകയാണ് ഇതുവഴി താൻ ലക്ഷ്യമിടുന്നതെന്ന് മസ്ക് പറഞ്ഞു. മനുഷ്യന്റെ ബുദ്ധിയും ഡിജിറ്റല് ഇന്റലിജൻസും തമ്മില് അടുത്ത സഹവർത്തിത്വം സൃഷ്ടിക്കുന്നതിലൂടെ ന്യൂറാലിങ്കിന് അത് സാധിക്കുമെന്നും മനുഷ്യർക്ക് 'സൂപ്പർപവർ' നല്കാനാണ് ന്യൂറാലിങ്ക് ലക്ഷ്യമിടുന്നതെന്നും മസ്ക് പറഞ്ഞു.
ആദ്യ ശസ്ത്രക്രിയയിലുണ്ടായ പ്രശ്നങ്ങള് ഒഴിവാക്കിക്കൊണ്ടായിരിക്കും ഭാവിയിലെ ശസ്ത്രക്രിയകളെന്ന് ന്യൂറാലിങ്ക് പറയുന്നു. അരിസോണ സ്വദേശിയായ നോളണ്ട് ആർബോ എന്നയാളില് ഘടിപ്പിച്ച ന്യൂറാലിങ്ക് ഉപകരണത്തില് ചില സാങ്കേതിക തകരാറുകള് നേരിട്ടിരുന്നു. മസ്തിഷ്ക ചർമ്മത്തില് ഘടിപ്പിച്ച ഇലക്ട്രോഡുകള് എന്ന് വിളിക്കുന്ന നേർത്ത നാരുകള് വേർപെട്ടതാണ് ഉപകരണത്തിന്റെ പ്രവർത്തനത്തിന് വെല്ലുവിളിയായത്.
ഈ പ്രശ്നം പരിഹരിക്കാനുള്ള ചില മാറ്റങ്ങള് പുതിയ ഉപകരണത്തില് കൊണ്ടുവരുമെന്ന് മസ്ക് പറഞ്ഞു. ഇതിന്റെ ഭാഗമായി, ഇലക്ട്രോഡുകള് വേർപെടാൻ കാരണമായെന്ന് കരുതുന്ന ആദ്യ ശസ്ത്രക്രിയയുടെ ഭാഗമായുണ്ടായ എയർപോക്കറ്റുകള് ഒഴിവാക്കും. കൂടുതല് കൃത്യമായി ഈ നാരുകള് ഘടിപ്പിക്കാനും ശ്രമിക്കുമെന്നും മസ്ക് പറഞ്ഞു.
ഭാവിയില് ഉപകരണം ഘടിപ്പിച്ച ആളുകള്ക്ക് പഴയ മോഡലുകളില് നിന്ന് പുതിയതിലേക്ക് അപ്ഗ്രേഡ് ചെയ്യാൻ സാധിക്കുമെന്നും മസ്ക് പറയുന്നു.