ഇടിയപ്പം ഇഷ്ടമില്ലാത്തവരായി ആരാണ് ഉള്ളത്. രാവിലെ പ്രധാന ഭക്ഷണത്തിന് മുട്ടക്കറിയോ കടലക്കറിയോ ഇനി കറി ഒന്നുമില്ലെങ്കിലും ഏറ്റവും ഇഷ്ടത്തോടെ കഴിക്കാൻ എല്ലാവർക്കും താൽപ്പര്യമുള്ള ഒന്നാണ് ഇടിയപ്പം .
ഇന്ന് ഇൻസ്റ്റൻ്റ് ഇടിയപ്പം വരെ കിട്ടുന്ന കാലമാണ്. പക്ഷേ നല്ല ചൂടുവെള്ളത്തിൽ കുഴച്ച് എടുത്ത് ഉണ്ടാക്കിയെടുക്കുന്ന ഇടിയപ്പത്തിൻ്റെ രുചി ഒന്ന് വേറെ തന്നെ ആണല്ലോ. ഇടിയപ്പം ഇഷ്ടപ്പെടുന്നവർ പോലും മടിയുള്ള ഒരു കാര്യം അത് ഉണ്ടാക്കിയെടുക്കാനുള്ള ബുദ്ധിമുട്ട് തന്നെയാണ്.എന്നാല്‍ തയ്യാറാക്കാനുള്ള കഷ്ടപ്പാടും ചിലപ്പോള്‍ കട്ടി കൂടിപോകുന്നതും കാരണം പലരും ഇത് ഉണ്ടാക്കാൻ ശ്രമിക്കാറില്ല.
നല്ല സോഫ്റ്റായ ഇടിയപ്പം പത്ത് മിനിട്ടിനുള്ളില്‍ തയ്യാറാക്കാൻ ചില കാര്യങ്ങള്‍ ശ്രദ്ധിച്ചാല്‍ മാത്രം മതി. അതിന് വേണ്ടി അധികം കഷ്ടപ്പെടേണ്ടിയും വരുന്നില്ല.
ഇടിയപ്പത്തിനായി അരിപ്പൊടിക്കുമ്ബോള്‍ വളരെ നെെസായി പൊടിച്ചെടുക്കാൻ ശ്രദ്ധിക്കുക.അരിപ്പൊടി ചൂടുവെള്ളത്തില്‍ വേണം കുഴച്ചെടുക്കാൻ. ഈ സമയത്ത് മാവ് നല്ലതുപോലെ വെന്ത് വരുന്നു. നല്ല സോഫ്റ്റ് ഇടിയപ്പം ഉണ്ടാക്കാൻ ഇത് സഹായിക്കുന്നു.
ഇടിയപ്പത്തിന് മാവ് കുഴയ്ക്കുമ്ബോള്‍ വെളിച്ചെണ്ണ ചേർക്കുന്നവർ ഉണ്ട്. എന്നാല്‍ വെളിച്ചെണ്ണയ്ക്ക് പകരം നെയ്യ് ചേർത്ത് ഒരു തവണ കൂടി കുഴച്ച് നോക്കൂ. ഇടിയപ്പം സോഫ്റ്റ് ആവാൻ ഇത് സഹായിക്കും. നല്ല രുചിയും കാണും. മാവ് കുഴക്കുമ്ബോള്‍ തന്നെ ചൂടുവെള്ളവും നെയ്യും കുറച്ച്‌ ഉപ്പും ചേർത്ത് കുഴച്ച് എടുക്കുന്നതും വളരെ നല്ലത്.
വെള്ളത്തിന് പകരം അല്പം തേങ്ങാപ്പാല്‍ കൂടി ഇടിയപ്പത്തിന് പൊടി കുഴയ്ക്കുമ്ബോള്‍ ചേർക്കുക. ഇത് ടേസ്റ്റ് വർദ്ധിപ്പിക്കുന്നു. തേങ്ങാപ്പാലില്‍ കുഴച്ചെടുത്ത ഇടിയപ്പം വളരെയധികം സോഫ്റ്റ് ആയിരിക്കും. തേങ്ങാപ്പാല്‍ ഇടിയപ്പം കട്ടിയാകുന്നത് തടയുന്നു. കൂടാതെ ഇടിയപ്പത്തിനെ ഈർപ്പത്തോടെ നിലനിർത്തും.