ഒരു സദസ്സിൽ ഇരിക്കുമ്ബോഴോ അത്യാവശ്യ മീറ്റിംഗ് അറ്റൻഡ് ചെയ്യുമ്ബോഴൊക്കെ ആയിരിക്കാം ചിലപ്പോള് തുമ്മല് എന്ന വില്ലൻ കയറി വരുന്നത്.
ഒരു ചെറിയ ജലദോഷമോ അലർജിയോ അല്ലെങ്കില് സ്വാഭാവികമായോ ഒക്കെ തുമ്മല് നമ്മുടെ ജീവിതത്തിലേക്ക് കേറി വന്നേക്കാം. എന്നാല് നാം പലപ്പോഴും തുമ്മുന്ന സമയത്ത് മൂക്കും വായും പൊത്തിപ്പിടിച്ച് തുമ്മലിനെ തടയാൻ ശ്രമിക്കാറുണ്ട്. ഇത് ഒരുപാട് ആരോഗ്യപ്രശ്നങ്ങള് ഉണ്ടാക്കും എന്നാണ് വിദഗ്ധർ പറയുന്നത്.
പൊതുസ്ഥലത്ത് തുമ്മുന്നത് ഒരു കാലത്ത് മര്യാദകേടായി കണക്കാക്കപ്പെട്ടിരുന്നു. എന്നാൽ ഇന്ന് ചെറിയ ഒരു തുമ്മൽ പോലും ആളുകളെ മുഖം തിരിക്കാൻ പ്രേരിപ്പിക്കാറുണ്ട്. കോവിഡ് മഹാമാരി വന്നതോടെ പൊതുസ്ഥലത്ത് തുമ്മുന്നതും ചുമയ്ക്കുന്നതും ഒരു പ്രധാന പ്രശ്നമായി മാറി. കൊറോണ പടരുമെന്ന ഭയത്താൽ ഒരാൾക്ക് മുഖം മൂടി ധരിച്ച് പോലും തുമ്മാൻ കഴിഞ്ഞിരുന്നില്ല.
തുമ്മാൻ വരുമ്പോൾ ഒരാൾ അത് പിടിച്ചു വയ്ക്കണോ എന്നതാണ് സംശയം. എന്നാൽ അങ്ങനെ ചെയ്യാൻ പാടില്ല എന്നതാണ് ഉത്തരം ! കാരണം, മൂക്കിൽ നിന്നും തൊണ്ടയിൽ നിന്നും ബാക്ടീരിയ, പോളൻ, പൊടി തുടങ്ങിയവ നീക്കം ചെയ്യുന്നതിനുള്ള ശരീരത്തിന്റെ വളരെ നാച്വറൽ ആയതും ആവശ്യമുള്ളതുമായ പ്രതികരണങ്ങളാണ്
തുമ്മൽ.
നാം തുമ്മുമ്ബോള് നമ്മുടെ ശരീരത്തിലെ എല്ലാ പ്രവർത്തനങ്ങളും ഒരു നിമിഷത്തേക്കു നിർത്തപ്പെടുന്നു. തുമ്മി കഴിഞ്ഞയുടൻ വീണ്ടും പ്രവർത്തനം തുടങ്ങുന്നു. നമ്മള് നിർത്താതെ കുറെ നേരം തുമ്മിയാല് ശരീരം കുഴയുകയും നമ്മള് ക്ഷീണിതരാവുകയും ചെയ്യുന്നു. കാരണം നമ്മുടെ ശരീരത്തിലെ പ്രവർത്തനങ്ങള് തുടർച്ചയായി നിറുത്തുന്നതു കൊണ്ടാണ് അങ്ങനെ സംഭവിക്കുന്നത്. തുമ്മുമ്ബോള് മൂക്ക് മാത്രമല്ല ശരീരം മുഴുവൻ അതില് പങ്കു ചേരണം.
മൂക്കിനുള്ളില് അന്യവസ്തു കയറിക്കഴിഞ്ഞാല് ഉടനെ തലച്ചോറിലേക്ക് സന്ദേശം എത്തും. അതോടെ, ഒന്നാഞ്ഞു തുമ്മാൻ ശരീരം തയ്യാറാവും. വയറിലെയും തൊണ്ടയിലെയും നെഞ്ചിലേയും എല്ലാം പേശികള് മുറുകും. നാവ് വായയുടെ മുകളിലേക്ക് വളയും. കണ്പോളകള് അടയും. ഇതെല്ലാം നിമിഷനേരം കൊണ്ട് സംഭവിച്ചിരിക്കും. അവിശ്വസനീയമായ വേഗത്തിലാണ് ശരീരം തുമ്മുന്നത്. ജലദോഷം ഉള്ളപ്പോഴും, അലർജി ഉള്ളപ്പോഴും ശരീരം തുമ്മുന്നത് രോഗാണുക്കളെ തുരത്താനാണ്.
തുമ്മല് പിടിച്ചു നിർത്തുമ്ബോള് തൊണ്ട, ചെവി തുടങ്ങി പല അവയവങ്ങള്ക്കും കേടുപാടുകള് ഉണ്ടാകാനുള്ള സാധ്യതയുണ്ട്. ഗുരുതരമായ കേസുകളില് കണ്ണുകളിലേയോ തലച്ചോറിലേയോ രക്തക്കുഴലുകള്ക്ക് വരെ വിള്ളല് സംഭവിച്ചേക്കാം.
അമേരിക്കൻ ലംഗ് അസോസിയേഷന്റെ അഭിപ്രായത്തില്, മണിക്കൂറില് 100 മൈല് വേഗതയില് പതിനായിരക്കണക്കിന് തുള്ളികള് മൂക്കില് നിന്ന് പുറത്തു വിടുന്നുണ്ടെന്നാണ് പറയുന്നത്. തുമ്മല് പിടിച്ചു വച്ചത് കാരണം ഉണ്ടായ പ്രശ്നങ്ങളെ കുറിച്ചും മരണത്തെ കുറിച്ചുമെല്ലാം വാർത്തകളില് വന്നിട്ടുണ്ട്.
ശരീരത്തില് കയറിക്കൂടിയിരിക്കുന്ന അപകടകരമായ ഘടകങ്ങളെ ഒഴിവാക്കാൻ ശരീരം തന്നെ കണ്ടെത്തുന്ന മാര്ഗമാണ് തുമ്മല്. നമ്മള് ചിന്തിക്കുന്നതിനെക്കാളെല്ലാം വേഗതയിലാണ് തുമ്മല് ഉണ്ടാകുന്നത്. അതിവേഗതയില് പുറന്തള്ളേണ്ട പദാര്ത്ഥങ്ങളെ ശരീരം പുറന്തള്ളുകയാണ്. ഇത് പിടിച്ചുവയ്ക്കുമ്ബോള് അത് വലിയ പ്രശ്നങ്ങളിലേക്ക് നയിക്കും. അപകടകരമായ ഘടകങ്ങള് എന്നു പറയുമ്ബോള് സൂക്ഷ്മമായ പദാര്ത്ഥങ്ങള് - അത് പൊടിയോ, രോഗാണുക്കളോ എന്തുമാകാം.
അതുപോലെ തുമ്മല് പിടിച്ചുവച്ചതിന് പിന്നാലെ ഇരട്ടി ശക്തിയില് തുമ്മല് പുറത്തേക്ക് വരുന്നത് വാരിയെല്ലില് പൊട്ടല് വരെയുണ്ടാക്കാമെന്നാണ് വിദഗ്ധര് പറയുന്നത്. . തുമ്മല് പിടിച്ചു വയ്ക്കുന്നത് നിങ്ങളുടെ നാസികാദ്വാരങ്ങളിലും ചെവികളിലും കണ്ണുകളിലും പോലും സമ്മർദ്ദം വർദ്ധിപ്പിക്കും. പെട്ടെന്നുള്ള മർദ്ദം മാറ്റ് തരത്തിലുള്ള അസ്വസ്ഥതകളോ കേടുപാടുകളോ ഉണ്ടാക്കും. തുമ്മല് പിടിച്ചു വെക്കുന്നത് കർണ്ണപടം പൊട്ടിക്കും. മറ്റു നിരവധി പ്രശ്നങ്ങളും ഉണ്ടാക്കുമെന്ന് വിദഗ്ധർ അഭിപ്രായപ്പെടുന്നു. ഇതെല്ലാം കൊണ്ട് തന്നെ തുമ്മണം എന്നു തോന്നുമ്ബോള് തുമ്മാതെ തുമ്മല് പിടിച്ചു വെക്കുന്നത് ആരോഗ്യത്തിന് അപകടകരമാണെന്ന് മനസ്സിലാക്കാം.
ശ്രദ്ധിക്കുക : അറിവിനെ ജനകീയമാക്കുക എന്ന ലക്ഷ്യം മാത്രമാണ് ഈ പോസ്റ്റിന് ഉള്ളത്.രോഗനിർണ്ണയത്തിനും ചികിത്സയ്ക്കും പകരമാകാൻ ഉദ്ദേശിച്ചുള്ളതല്ല, കൃതഹസ്തരായ ചികിത്സകരുടെ ഉപദേശപ്രകാരം മാത്രം ഔഷധങ്ങൾ ഉപയോഗിക്കുക. കൂടുതൽ പഠനം നടത്തി നല്ലത് മാത്രം സ്വീകരിക്കുക.ആരോഗ്യവിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയശേഷം മാത്രം ആഹാരക്രമത്തില് മാറ്റം വരുത്തുക.