ബഹുമാനം.. ആദരവ്.. സ്നേഹം ഈ മൂന്ന് ഗുണങ്ങളും ഒരുമിച്ചു ഒരാളിൽ സ്ഥായിയായി നിൽക്കുകയോ തോന്നിക്കുകയോ ചെയ്യുമ്പോഴാണ് അയാൾ മറ്റുള്ളവരിൽ നിന്ന് വ്യത്യസ്തമാകുന്നതും ഒരിക്കലും ഒഴിവാക്കുവാൻ കഴിയാത്ത ഒരു വ്യക്തിത്വമായി മാറുന്നതും..
വെറുതെ ഒരാൾ നമ്മളെ ബഹുമാനിക്കണം എന്ന് ചിന്തിക്കുന്നതോ മതിയായ ഗുണങ്ങൾ ഇല്ലാതെ നമ്മൾ മറ്റൊരാളെ ബഹുമാനിക്കുന്നതോ വിശ്വസനീയമായ വികാരപ്രകടമായി വിലയിരുത്തുന്നത് അവരവർക്കു ജീവിതത്തിൽ സംഭവിക്കുന്ന കുറവുകളാണ്.
പ്രായത്തിനനുസരിച്ച് നമ്മളും വളരുന്നു, സ്നേഹത്തേക്കാൾ ബഹുമാനം നമുക്ക് പ്രിയപ്പെട്ടതായി തോന്നാൻ തുടങ്ങുമ്പോൾ.നമുക്ക് ലഭിക്കുന്ന പല `ബഹുമാനങ്ങളും` നമ്മുടെ ജീവിതത്തിലെ സ്ഥാനങ്ങൾക്ക് അനുസരിച്ച് ലഭിക്കുന്നവയാണ് എന്നതാണു സത്യം. ആ സ്ഥാനം നമുക്ക് നഷ്ടപ്പെട്ടുന്നത്തോടെ ബഹുമാനത്തിനും കുറവ്‌ വരുന്നു.
ജീവിതത്തിൽ നാം പല അധികാരങ്ങളും വഹിക്കാറുണ്ട്‌. അന്ന് നമുക്ക് ലഭിക്കുന്ന ബഹുമാനവും , വണക്കവും തന്റെ മഹത്വത്തിനുള്ളതാണെന്ന് കരുതുന്ന ചിലർ ഉണ്ട്‌... ചിലർ ആധികാരം മൂലം അഹങ്കാരികൾ ആവുന്നതും നാം കാണാറുണ്ട്... എന്നാൽ ആ പദവി നമുക്ക് ഉള്ള സമയം വരെ മാത്രമേ ആ ബഹുമാനം ലഭിക്കൂ എന്നതാണ്‌ സത്യം. സ്ഥാനമഹിമകൊണ്ട് മാത്രം ലഭിക്കുന്ന ബഹുമാനം തങ്ങൾക്ക് സ്വാഭാവികമായി ഉള്ളതാണെന്ന് പലരും തെറ്റിദ്ധരിക്കുന്നു.. സേവക വൃന്ദത്തിന്റെ മുഖസ്തുതിയിൽ മയങ്ങി , മഹത്വം ശാശ്വതമെന്ന് വിചാരിച്ചുപോകുന്നവർ.മഞ്ചാടിക്കുരു മാമലയെ മറക്കണമെങ്കിൽ അതിന്റെ സ്ഥാനം കണ്ണിന് തൊട്ടുമുൻപു തന്നെയാകണം , തെല്ലകന്ന് പോയാൽ പിന്നെ മറക്കാൻ തീരെ കഴിയില്ലല്ലോ..ഈ വിശാലമായ സമൂഹത്തിൽ ഞാനും നിങ്ങളും വെറും മഞ്ചാടിക്കുരു ചെറുതെങ്കിലും കണ്ണിനു തൊട്ടു മുമ്പിൽ പിടിച്ചാൽ വലിയ മലയെപ്പോലും നമ്മിൽ നിന്നും മറച്ചുകളയും !
സ്ഥാനമനുസരിച്ചാണ് പലതിനും വില എന്നത് കണക്കിന്റെ ബാല പാഠം പഠിച്ചവർക്ക് അറിയാം. പൂജ്യത്തിന് തനിയെ വിലയില്ലെങ്കിലും അത് ഏതെങ്കിലും സംഖ്യക്ക് ശേഷം വന്നാൽ ആ സംഖ്യയുടെ വില പത്തിരട്ടിയാക്കി മാറ്റും. തേങ്ങ ആളെക്കൊല്ലും എന്ന് പറഞ്ഞാൽ പ്രത്യക്ഷത്തിൽ ആരും അത് സമ്മതിക്കാൻ വഴിയില്ല. പക്ഷേ തെങ്ങിന്റെ മുകളിൽ നിന്ന് മൂട്ടിൽ നിൽക്കുന്നയാളുടെ തലയിലേക്ക് തേങ്ങ വീണാൽ എന്താണ് സംഭവിക്കുക? ഇവിടെ കൊല്ലുന്നത് യഥാർത്ഥത്തിൽ തേങ്ങയല്ല, അതിന് ഉയർന്ന സ്ഥാനം വഴിയുണ്ടായ ഊർജ്ജമാണ്.
സ്ഥാനമോ നിലയോ അനുസരിച്ച് പലതിനും ഊർജ്ജം കൈവരുന്നു. മലമുകളിൽ നിന്ന് ഒഴികിവരുന്ന ജലത്തെ അണകെട്ടി തടഞ്ഞ് നിർത്തി, ഉയരത്തിൽ ശേഖരിച്ച് കീഴോട്ടൊഴുക്കി ടർബൈൻ കറക്കി ജനറേറ്റർ വഴി വൈദ്യുതിയുണ്ടാക്കുന്നു. ഊർജ്ജം ജലത്തിന്റെ സ്വന്തമല്ല. സ്ഥാനം കൊണ്ട് മാത്രം അതിന് ലഭിക്കുന്നതാണ്. വലിച്ചുകെട്ടിയ വില്ലിനും, അമർത്തിവെച്ച സ്പ്രിങ്ങിനും, വലിച്ചുനിർത്തിയ റബ്ബർ ബാന്റിനും, ഉയർന്ന മർദ്ദത്തിൽ പാത്രത്തിലടച്ച വായുവിനും ഇതേ വിധത്തിൽ അവയുടെ നില കാരണം ഊർജ്ജമുണ്ട്. പക്ഷേ നില മാറിയാൽ ഊർജ്ജമില്ലാതെയാകും.
സ്ഥാനമഹിമകൊണ്ട് മാത്രം ലഭിക്കുന്ന ബഹുമാനം തങ്ങൾക്ക് സ്വാഭാവികമായി ഉള്ളതാണെന്ന് പലരും തെറ്റിദ്ധരിക്കുന്നു. സേവക വൃന്ദത്തിന്റെ മുഖസ്തുതിയിൽ മയങ്ങി, മഹത്വം ശാശ്വതമെന്ന് വിചാരിച്ചുപോകുന്നവർ ! സ്ഥാനം നഷ്ടപ്പെട്ട് ആരും തിരിഞ്ഞ് നോക്കാതെ വന്നാൽ ഇവർ കനത്ത മാനസീകാഘാതത്തിന് ഇരയായേക്കാം.
സ്ഥാനത്തിന് ചേരും പടി പെരുമാറുന്നതിനോടൊപ്പം, അധികാരത്തിന്റെ നെഞ്ചുവിരിക്കാനോ, അഹന്തയുടെ മീശപിരിക്കാനോ പോകാതെ വിനയം ശീലിച്ച്, കൈവന്ന സ്ഥാനം ശാശ്വതമല്ലെന്ന് തിരിച്ചറിഞ്ഞാൽ പിൽക്കാലത്തും പ്രശ്നം വരില്ല. ആനപ്പുറത്തിരുന്ന് വേലിപൊളിക്കുന്നയാൾ പിന്നീട് താഴെയിറങ്ങേണ്ടി വരുമെന്നത് മറക്കരുത്.
അഹന്തക്ക് കണ്ണും മൂക്കുമില്ല. ആകെയുള്ളത് പൊള്ളിക്കുന്നൊരു നാക്കും, ചൂണ്ടിയ വിരലും മാത്രം. ഈ വിശാലമായ സമൂഹത്തിൽ ഞാനും നിങ്ങളും വ്യക്തികൾ മാത്രം. വ്യക്തിത്വത്തെ പരസ്പരം മാനിക്കുക. മനുഷ്യരാകുക..
ബഹുമാനം... ആദരവ്.... സ്നേഹം...!
ബഹുമാനം
വ്യത്യസ്തമായ ലക്ഷ്യത്തോടെ എവിടെ വേണമെങ്കിലും ഉപയോഗിക്കാം. ചിലർ തിരിച്ചു കിട്ടുവാൻ വേണ്ടി.. ചിലപ്പോൾ കാര്യസാധ്യതകൾക്ക്. ചിലരിൽ അപരന്റെ കഴിവുകളെ ചുറ്റിപ്പറ്റി. താൻ മറ്റുള്ളവരിൽ നിന്നും ബഹുമാനം ആഗ്രഹിക്കുന്ന ഒരാൾ ആണെങ്കിൽ ഒട്ടുമിക്ക സാഹചര്യങ്ങളിലും അയാൾ മറ്റുള്ളവരോട് ബഹുമാനപൂർവ്വം പെരുമാറും. അശ്രദ്ധകൊണ്ടോ അഹങ്കാരം കൊണ്ടോ തിരിച്ചു കിട്ടിയില്ല എന്ന് വച്ചു വിഷമിക്കണം എന്നില്ല പകരം തന്നെ ബോധ്യപ്പെടുത്തി ശ്രമങ്ങൾ തുടരും..
ആദരവ്
ഒരാളുടെ പ്രവർത്തിയിൽ നിഷ്പക്ഷതയോ ഉപാധികൾ ഇല്ലായ്മയിലോ മാർഗ്ഗനിർദ്ദേശങ്ങലിലോ ഗുണനിലവാരമുള്ള മറ്റു പ്രവർത്തികളിലോ അയാളിലെ അറിവിനെയും തിരിച്ചറിവിനെയും ബോധ്യം വരുമ്പോൾ ആദരവ് പ്രകടമാകും.
സ്നേഹം.
ആർക്കും ആരോടും എപ്പോൾ വേണമെങ്കിലും ബന്ധങ്ങളുടെയോ സ്വന്തങ്ങളുടെയോ പെരുമാറ്റത്തിലോ ചിന്തയിലോ ഭംഗിയിലോ നടത്തം ഭാവം നോട്ടം പ്രകടനം എന്ന് വേണ്ട എന്താണോ നമ്മളെ മറ്റൊരാളിൽ ആകർഷിക്കപ്പെടുന്നത് അതിനു അനുസരിച്ചു തോന്നിക്കാവുന്ന തത്കാലീക വികാരം. എപ്പോൾ വേണമെങ്കിലും കുറയുകയും കൂടുകയും ചെയ്യാവുന്ന ഒരു തരം തോന്നലുകൾ മാത്രം...
എന്നാൽ കുറഞ്ഞത് ഈ മൂന്ന് ഗുണങ്ങൾ എങ്കിലും വാക്കിലും പ്രവർത്തിയിലും സൂക്ഷിക്കുന്ന ഒരാൾക്ക് ജീവിതത്തിൽ സന്തോഷങ്ങളെക്കാൾ സഹനത്തിനും ക്രമീകരണങ്ങൾക്കും നിയന്ത്രണങ്ങൾക്കും സ്ഥാനമാനങ്ങൾ നൽകേണ്ടതയി വരും. ബഹുമാനം.. ആദരവ്.. സ്നേഹം ഈ മൂന്ന് ഗുണങ്ങളും ഒരുമിച്ചു ഒരാളിൽ സ്ഥായിയായി നിൽക്കുകയോ തോന്നിക്കുകയോ ചെയ്യുമ്പോഴാണ് അയാൾ മറ്റുള്ളവരിൽ നിന്ന് വ്യത്യസ്തമാകുന്നതും ഒരിക്കലും ഒഴിവാക്കുവാൻ കഴിയാത്ത ഒരു വ്യക്തിത്വമായി മാറുന്നതും..
വെറുതെ ഒരാൾ നമ്മളെ ബഹുമാനിക്കണം എന്ന് ചിന്തിക്കുന്നതോ മതിയായ ഗുണങ്ങൾ ഇല്ലാതെ നമ്മൾ മറ്റൊരാളെ ബഹുമാനിക്കുന്നതോ വിശ്വസനീയമായ വികാരപ്രകടമായി വിലയിരുത്തുന്നത് അവരവർക്കു ജീവിതത്തിൽ സംഭവിക്കുന്ന കുറവുകളാണ്.