ഉറക്കം ശരിയായില്ലെങ്കിൽ ഒന്നും ശരിയാവില്ല. ശരീരത്തിന്റെ ആരോഗ്യത്തിന് ആഹാരം, വ്യായാമം, എന്നിവ പോലെ തന്നെ പ്രധാനപ്പെട്ടതാണ് ഉറക്കവും.
രാത്രി ഉറക്കം വരാതിരിക്കുക എന്നത് ക്ലേശകരമായ അനുഭവമാണ്. ലോകത്തെല്ലാവരും ഉറങ്ങുമ്പോഴും ദിവസങ്ങളായി നമുക്ക് മാത്രം ഉറക്കം വരാതിരിക്കുക എന്നത് ഭീകരമായ അവസ്ഥയാണ്. ഈ സമയത്ത് ഓരോ നിമിഷവും ഓരോ യുഗം പോലെയാണ് കടന്നു പോകുക. ഈ പ്രശ്‌നത്തെ ഇൻസോമാനിയ എന്നാണ് ഡോക്ടർമാർ വിശേഷിപ്പിക്കാറുള്ളത്.
ഉറങ്ങാൻ കിടന്നാല്‍ തലയണയോട് മല്ലിടേണ്ടി വരാറുണ്ടോ? ഉറക്കം വരാതെ തിരിഞ്ഞും മറിഞ്ഞും കിടക്കേണ്ടി വന്നിട്ടുണ്ടോ?
ഉറക്കം പകുതി ഞെട്ടി ഒരുപാട് സമയം ഉണർന്നിരിക്കേണ്ടി വന്നിട്ടുണ്ടോ? മനസ്സിലെ പ്രശ്നങ്ങള് കൊണ്ടായിരിക്കും എന്നും പകലുറങ്ങിയത് കൊണ്ടായിരിക്കും എന്നും ഒക്കെ കരുതി നിങ്ങള്‍ സമാധാനിക്കാറുണ്ടാവാം . എന്നാല്‍ എല്ലാ ഉറക്കമില്ലായ്മയും അത്ര സിമ്ബിള്‍ അല്ല എന്നതാണ് സത്യം.
ശരാശരി പ്രായപൂർത്തിയായ ഒരാള്‍ ഓരോ 24 മണിക്കൂറിലും 7 മുതല്‍ 8 മണിക്കൂർ വരെ ഉറങ്ങേണ്ടതുണ്ട്. മതിയായ ഉറക്കം ലഭിച്ചില്ലെങ്കില്‍ നിങ്ങളുടെ ആരോഗ്യത്തില്‍ പല പ്രശ്നങ്ങള്‍ക്കും അത് കാരണമായേക്കാം. സാധാരണയില്‍ നിന്ന് കുറച്ച്‌ ഉറങ്ങുകയോ അല്ലെങ്കില്‍ ഒട്ടും ഉറക്കം വരാതിരിക്കുകയോ ചെയ്യുന്നത് നിരന്തരമായ ഒരു അവസ്ഥയാണെങ്കില്‍ അത് ചിലപ്പോള്‍ ഇൻസൊമാനിയയുടെ ലക്ഷണം ആകാം.
പലതരം കാരണങ്ങള്‍ കൊണ്ട് ഇൻസോമാനിയ ഉണ്ടായേക്കാം. ഇതിനെ, ശാരീരികം മാനസികം, ജനിതകം, പാരിസ്ഥിതികം എന്നിങ്ങനെ നാല് വിഭാഗമായി തിരിച്ചിരിയ്ക്കുന്നു.
ആകാംഷ, നിരാശ, ഭയം, ദേഷ്യം തുടങ്ങിയവയാണ് ഇന്‍സോമാനിയയ്ക്കുള്ള മാനസികമായ കാരണങ്ങള്‍.
സ്ത്രീകളില്‍ ആര്‍ത്തവ സമയത്തും ആര്‍ത്തവ വിരാമ സമയത്തും ഉണ്ടാകുന്ന ഹോര്‍മോണ്‍ വ്യതിയാനങ്ങള്‍ ഇന്‍സോമാനിയയ്ക്ക് വഴി തെളിക്കുന്നു. ഇത് ജനിതക കാരണങ്ങളില്‍ ഉള്‍പ്പെടുന്നു. അമിതമായ വ്യായാമം, വേദന തുടങ്ങിയവ ഇന്‍സോമാനിയയ്ക്ക് കാരണമാകുന്നു. ഇത് ശാരീരിക കാരണങ്ങളാണ്.
നേരത്തെ പറഞ്ഞ പോലെ ഉറക്കമില്ലായ്മ ഓർമ്മക്കുറവ് അടക്കം വളരെ ദൂരവ്യാപകമായ പ്രശ്നങ്ങളുണ്ടാക്കുന്ന ഒരു അസുഖമാണ്. ഏകാഗ്രതയേയും നമ്മുടെ ഉല്‍പാദനക്ഷമതയെയും മാനസികാവസ്ഥയേയും ഒക്കെ വലിയ അളവില്‍ ഇത് ബാധിക്കും.ഇത്തരം പ്രശ്നങ്ങള് മൂലം നിരന്തരമായി ഉറക്കക്കുറവ് നിങ്ങള്‍ക്ക് അനുഭവപ്പെടുന്നുണ്ടെങ്കില്‍ ഒരു നല്ല ചികിത്സകനെ കാണുന്നത് ആണ് ഉത്തമം.
പ്രശ്ന പരിഹാരം
ഉറങ്ങുന്നതിന് മുമ്പ് ഒരു ഗ്ലാസ് ചൂട് പാല് കഴിക്കുക. പാലിലെ ട്രിപ്റ്റോഫാൻ ഉറങ്ങാൻ സഹായിക്കും
പയർ, നിലക്കടല, മത്സ്യം, എന്നിവ കഴിക്കുക. ഇതിലെ വിറ്റാമിൻ ബി3 ഉറക്കക്കുറവ് പരിഹരിക്കും.
ഓട്‌സ്, കഞ്ഞി, എന്നിവയും ഉറക്കം വരാൻ സഹായിക്കും. ഇവ കഴിക്കുന്നതോടൊപ്പം നന്നായി വ്യായാമം ചെയ്യുകയും ബ്രഹ്മി പോലുള്ള ഔഷധച്ചെടികളും ഉറക്കുറവിന് പരിഹാരം നൽകും.
ഉപേക്ഷിക്കേണ്ട ആഹാരസാധനങ്ങൾ
എണ്ണ ധാരാലം അടങ്ങിയതും ഗ്യാസ് ട്രബിൾ ഉണ്ടാക്കുന്നതുമായ ആഹാരസാധനങ്ങൾ ഉപേക്ഷിക്കുക. പ്രോട്ടീൻ ധാരാളമടങ്ങിയ ചിക്കൻ, മട്ടൺ, എന്നിവ ദഹിക്കാൻ ബുദ്ധിമുട്ടാണ്. ഇതും ഉറക്കത്തെ തളർത്തും. പുകവലി, പുകയില എന്നിവ ഉപേക്ഷിക്കുക. കഫീൻ അടങ്ങിയ ഭക്ഷ്യസാധനങ്ങൾ ഉപേക്ഷിക്കുക.
ശ്രദ്ധിക്കുക : അറിവിനെ ജനകീയമാക്കുക എന്ന ലക്ഷ്യം മാത്രമാണ് ഈ പോസ്റ്റിന് ഉള്ളത്.രോഗനിർണ്ണയത്തിനും ചികിത്സയ്ക്കും പകരമാകാൻ ഉദ്ദേശിച്ചുള്ളതല്ല, കൃതഹസ്തരായ ചികിത്സകരുടെ ഉപദേശപ്രകാരം മാത്രം ഔഷധങ്ങൾ ഉപയോഗിക്കുക. കൂടുതൽ പഠനം നടത്തി നല്ലത് മാത്രം സ്വീകരിക്കുക.ആരോഗ്യവിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയശേഷം മാത്രം ആഹാരക്രമത്തില്‍ മാറ്റം വരുത്തുക.