നമ്മുടെ നിത്യജീവിതത്തിന്റെ ഭാഗമാണ് ഇന്ന് മൊബൈല് ഫോണുകള്. ഫോണുകള് സ്മാർട്ട് ആയതോടെ നമ്മുടെ ജീവിതവും സ്മാർട്ട് ആയി.വിനോദത്തിനും വിജ്ഞാനത്തിനും ഉപരി ഇന്ന് പണം അയക്കാൻ വരെ മൊബൈല് ഫോണ് ഉപയോഗിച്ചുവരുന്നു. നമ്മുടെ വേണ്ടപ്പെട്ട പല വ്യക്തിഗതവിവരങ്ങളും മൊബൈല് ഫോണില് ഉള്ളതിനാല് തന്നെ ഇത് സുരക്ഷിതമായി സൂക്ഷിക്കേണ്ടത് വളരെ അത്യാവശ്യമാണ്.
അപ്പോള് മൊബൈല് ഫോണ് ഹാക്ക് ചെയ്യപ്പെട്ടാലോ എന്ത് ചെയ്യും. പണി കിട്ടി എന്ന് വേണം കരുതാൻ. നമ്മുടെ ബാങ്ക് അക്കൗണ്ടുകളുമായും സോഷ്യല്മീഡിയ അക്കൗണ്ടുകളും മൊബൈല് ഫോണില് ഉള്ളതിനാല് ഹാക്ക് ചെയ്യപ്പെട്ടോ ഇല്ലെയോ എന്ന് നാം ഇടക്കിടെ ഉറപ്പിക്കേണ്ടതാണ്.
മറ്റൊരാളില് നിന്നും ലഭിക്കുന്ന ലിങ്കുകള് വഴിയോ, ഇ–മെയിലുകളിലൂടെയോ, എസ്എംഎസുകളിലൂടെയോ ആണ് ഹാക്കര്മാര് നമ്മുടെ ഫോണിലേക്കുള്ള വഴി കണ്ടെത്തുക. ലിങ്ക് ക്ലിക്ക് ചെയ്യുന്നതിന് പിന്നാലെ നമ്മുടെ ഫോണിലെ കോണ്ടാക്ട് ലിസ്റ്റോ, എസ്എംഎസുകളോ, ഗാലറിയോ ഒക്കെ ഹാക്കര്ക്കും യഥേഷ്ടം ഉപയോഗിക്കാവുന്ന നില കൈവരുന്നു. സാധാരണഗതിയില് ഹാക്കിങ് അത്ര വേഗം കണ്ടെത്താന് കഴിയില്ലെങ്കിലും ഫോണ് ഹാക്ക് ചെയ്യപ്പെട്ടോ എന്നറിയാല് ചില മാര്ഗങ്ങളുണ്ട്. എന്നാല് ഇത് എപ്പോഴും കൃത്യമാവണമെന്നോ, ഇതേ ഏകീകൃത സ്വഭാവം കണ്ടെത്തണമെന്നോ നിര്ബന്ധമില്ല.
ഹാക്ക് ചെയ്യപ്പെട്ടാല് മൊബൈല് തന്നെ ചിലസൂചനകള് നമുക്ക് തരും. ഇതില് ആദ്യത്തെ ലക്ഷണമാണ് ഫോണിലെ ബാറ്ററി ചാർജ് വേഗം തീരുന്നത്.
പതിവില്ലാതെ നിങ്ങളുടെ ഫോണിലെ ചാർജ് പെട്ടെന്ന് തീരുന്നതായി ശ്രദ്ധയില് പെട്ടാല് നമ്മുടെ ഫോണിന്റെ നിയന്ത്രണം മറ്റൊരാള് ഏറ്റെടുത്തിട്ടുണ്ടോയെന്ന് സംശയിക്കേണ്ടിയിരിക്കുന്നു. ചിലപ്പോള് എന്തെങ്കിലും ലിങ്കില് ക്ലിക്ക് ചെയ്തിന് ശേഷമാണ് ഈ പ്രശ്നം അനുഭവപ്പെടുന്നത് എങ്കില് പ്രത്യേകം ശ്രദ്ധ വേണം. ബാഗ്രൗണ്ടില് നിരവധി ആപ്പുകള് ഒരേ സമയം പ്രവർത്തിപ്പിക്കാതെ ഇരിക്കുക. ഉപകരണം ഹാക്ക് ചെയ്യപ്പെട്ടതിന്റെ മറ്റൊരു സൂചനയാണ് ഫോണ് കാരണമില്ലാതെ ചൂടാകുന്നത്.
നിങ്ങളുടെ സോഷ്യല് മീഡിയാ അക്കൗണ്ടില് അസാധാരണമായ പ്രവർത്തനങ്ങള് ശ്രദ്ധയില് പെട്ടാലും നിങ്ങളുടെ ഫോണിന്റെ നിയന്ത്രണം ഹാക്കർമരുടെ കൈയ്യിലാണെന്ന് സംശയിക്കാവുന്നതാണ്. ഇതിനുള്ള മറ്റൊരു സൂചനയാണ് നിങ്ങളുടെ ഫോണ് സ്ലോ ആകുന്നത്. ബാഗ്രൗണ്ടില് കുറേയധികം ആപ്പുകള് പ്രവർത്തിപ്പിക്കാതെ തന്നെ ഫോണ് സ്ലോ ആയാല് മറ്റാരോ ഫോണ് അകലയിരുന്ന് പ്രവർത്തിപ്പിക്കുന്നുണ്ടെന്ന് അർത്ഥം.ശ്രദ്ധിക്കേണ്ട മറ്റൊരു കാര്യമാണ് ഇടയ്ക്കിടയ്ക്ക് പോപ്പ് അപ്പ് നോട്ടിഫിക്കേഷനുകള് നിങ്ങളുടെ ഫോണില് വരുന്നുണ്ടോ എന്നത്. സാധാരണയായി നമ്മള് സബ്സ്ക്രൈബ് ചെയ്തിരിക്കുന്ന വെബ്സൈറ്റുകളില് നിന്ന് മാത്രമെ ഇത്തരത്തിലുള്ള അറിയിപ്പുകള് നമ്മുക്ക് ലഭിക്കു. എന്നാല് ഒന്നും ചെയ്യാതെ തന്നെ ഇത്തരത്തില് അറിയിപ്പുകള് ലഭിക്കുന്നത് അപകടമാണ്
മറ്റൊരു പ്രധാന കാര്യമാണ് നിങ്ങളുടെ ഫോണിലെ ചിത്രങ്ങള് പരിശോധിക്കുക എന്നത്. കാരണം നിങ്ങള് എടുത്ത ഫോട്ടോകള് അല്ലാതെ വേറേ ഫോട്ടോകള് ഗാലറിയില് കാണാൻ സാധിച്ചാല് നിങ്ങളുടെ അനുവാദം ഇല്ലാതെ മറ്റൊരാള് നിങ്ങളുടെ ക്യാമറ നിയന്ത്രിക്കുന്നുണ്ടെന്നാണ് അർത്ഥം.നിങ്ങളുടെ ഡാറ്റാ ഉപയോഗം അസ്വാഭാവികമായി ഉയർന്നാല് അത് ഫോണ് ഹാക്ക് ചെയ്യപ്പെട്ടതിൻറെ ഒരു ലക്ഷണമാകാം. ഒരുപക്ഷെ നിങ്ങളുടെ ഫോണില് പ്രവർത്തിക്കുന്ന മാല്വെയർ മൂലമാകാം ഡാറ്റ ഉപഭോഗം വർധിക്കുന്നത്.
നിങ്ങള് ക്രമീകരിച്ചിരുന്ന പാസ്വേർഡ് പ്രവർത്തിക്കാതായാല് അത് ഫോണ് ഹാക്ക് ചെയ്യപ്പെട്ടതിൻറെ ലക്ഷണമാണ്. നിങ്ങള് ഇൻസ്റ്റാള് ചെയ്യാത്തതായ ഏതെങ്കിലും ആപ്പുകള് ഫോണില് കണ്ടാല് അത് സംശയാസ്പദമാണ്. ഈ ആപ്പുകള് ഹാക്കർമാർ ഇൻസ്റ്റാള് ചെയ്തതാകാം.നിങ്ങള് വിളിക്കാത്ത കോളുകള് നിങ്ങളുടെ കോള് ഹിസ്റ്ററിയിലുണ്ടെങ്കില് അത് ഫോണ് ഹാക്ക് ചെയ്യപ്പെട്ടതിൻറെ ലക്ഷണമാകാൻ സാധ്യതയുണ്ട്. നിങ്ങളറിയാതെ ഫോണില് നിന്ന് മെസേജുകള് പോയതായി കാണിക്കുന്നതും സംശയാസ്പദമായ സാഹചര്യമാണ്.
*#21#
നിങ്ങളുടെ ഫോണ് കോള് അല്ലെങ്കില് ഫോണ് നമ്ബർ മറ്റേതെങ്കിലും നമ്ബറിലേക്ക് ഫോർവേഡ് ചെയ്തിട്ടുണ്ടോ എന്ന് അറിയാൻ ഉപയോഗിക്കേണ്ട കോഡാണിത്. അടുത്തിടെ റിപ്പോർട്ട് ചെയ്യുന്ന സൈബർ തട്ടിപ്പില് പ്രധാനമാണ് കോള് ഫോർവേഡ് തട്ടിപ്പുകള്. അതിനാല് ഒരു ഫോണ് ഉപയോക്താവ് ഇങ്ങനെയൊരു സംശയം നേരിട്ടാല് ഈ നമ്ബറിലേക്ക് ഡയല് ചെയ്ത് കോള് ഫോർവേഡ് ആയോ എന്ന് മനസിലാക്കാം.
ഫോണ് ഹാക്ക് ചെയ്യപ്പെട്ടെന്ന് തോന്നിയാല് എന്ത് ചെയ്യണം?
ഇന്റര്നെറ്റുമായി ഫോണിനുള്ള ബന്ധം എത്രയും വേഗം വിച്ഛേദിക്കുകയാണ് പ്രാഥമിക നടപടി. ഇങ്ങനെ ചെയ്യുന്നത് വഴി തുടര്ന്നും ഹാക്കര് നിങ്ങളുടെ ഫോണ് ഉപയോഗിക്കുന്നത് തടയാന് കഴിയും.
ഇമെയില്, സമൂഹമാധ്യമങ്ങള്, യുപിഐ തുടങ്ങിയവയുടെ പാസ്വേര്ഡുകള് കഴിയുന്നതും വേഗം മാറ്റണം. അത്രവേഗത്തില് മറ്റൊരാള്ക്ക് ഊഹിച്ചെടുക്കാനാവാത്ത പാസ്വേര്ഡുകള് വേണം അക്കൗണ്ടുകള്ക്ക് നല്കാന്.
ഫോണില് മാല്വെയറുണ്ടോ എന്ന് സ്കാന് ചെയ്ത് പരിശോധിക്കാം. അംഗീകൃത മൊബൈല് സുരക്ഷാ ആപ്പുകള് വേണം സ്കാനിങിനായി ഉപയോഗിക്കാന്.
ഫോണില് വരുന്ന സോഫ്റ്റ്വെയര് അപ്ഡേറ്റുകള് കൃത്യമായി ഉപയോഗിക്കുകയെന്നതും.
ടു ഫാക്ടര് ഓതന്റിക്കേഷന് സുപ്രധാന അക്കൗണ്ടുകള്ക്കെല്ലാം നിര്ബന്ധമായും ഉപയോഗിക്കുക.
ആപ്പ് കണ്ഫര്മേഷന് ഫീ ച്ചര് എനേബിള് ചെയ്ത് വയ്ക്കുക.
സംശയാസ്പദമായി ഫോണില് ആപ്പുകള് കണ്ടെത്തിയാല് അണ്ഇന്സ്റ്റോള് ചെയ്യുക. ഒഫീഷ്യല് സ്റ്റോറുകളില് നിന്നല്ലാതെ ആപ്പുകള് ഡൗണ്ലോഡ് ചെയ്യുക. ഭാവിയില് ഹാക്കിങ് തടയുന്നതിനായി ഇടയ്ക്കിടയ്ക്ക് ബാക്കപ് ചെയ്യാം.
പൊതുസ്ഥലത്ത് നിന്നും ലഭിക്കുന്ന വൈഫൈയുടെയും ചാര്ജിങ് പോര്ട്ടുകളുടെയും ഉപയോഗം പരമാവധി ഒഴിവാക്കണം.
സമൂഹമാധ്യമ അക്കൗണ്ടുകള് ഹാക്ക് ചെയ്യപ്പെട്ടാല് അക്കൗണ്ടുടമ തന്നെ അത് പരമാവധി വേഗത്തില് റിപ്പോര്ട്ട് ചെയ്യേണ്ടതുണ്ട്. അവരുടെ വെരിഫിക്കേഷന് പ്രക്രിയ പൂര്ത്തിയാകുന്ന മുറയ്ക്ക് അക്കൗണ്ട് തിരികെ ലഭിക്കും.
പുതിയ പതിപ്പ് ആന്ഡ്രോയിഡ് ഫോണുകളില് അത്രവേഗത്തില് ഹാക്കിങ് നടക്കില്ല. പുറമെ നിന്നുള്ള ആപ്പുകള് ഫോണില് കൃത്യമായ പെര്മിഷനോട് കൂടി മാത്രമേ ഇന്സ്റ്റാള് ചെയ്യാന് കഴിയുകയുള്ളൂ. അതുകൊണ്ട് തന്നെ പുതിയ പതിപ്പ് ഫോണുകള് താരതമ്യേനെ സുരക്ഷിതമാണ്. ഈ സാഹചര്യത്തില് കൂടുതലായും വ്യക്തികളില് നിന്ന് അടിസ്ഥാന വിവരങ്ങള് ശേഖരിച്ച ശേഷം സാമ്പത്തിക തട്ടിപ്പിനിരയാക്കുന്ന രീതിയാണ് ഹാക്കര്മാരും സൈബര് തട്ടിപ്പ് സംഘങ്ങളും അവലംബിച്ച് വരുന്നത്. ആപ്പ് ഇന്സ്റ്റാള് ചെയ്താല് ഡിസ്കൗണ്ട് വാഗ്ദാനം ചെയ്ത് ഫോണിലേക്ക് എത്തുന്ന സന്ദേശങ്ങളെ ഗൗരവമായി കാണേണ്ടതുണ്ടെന്നും സൈബര് വിദഗ്ധര് പറയുന്നു.