സിടി സ്കാൻ റേഡിയേഷൻ: കാൻസര്‍ അപകടസാധ്യതയെന്ന് പുതിയ പഠനം, ആഗോള ആരോഗ്യ രംഗത്ത് വലിയ ആശങ്കകള്‍ ഉയര്‍ത്തുന്നു
അതിന്റെ സഹായത്തോടെ വിവിധ രോഗാവസ്ഥകള്‍ കണ്ടെത്താനാവുന്നതുകൊണ്ടാണ് ഇതിന് ആധുനിക വൈദ്യശാസ്ത്രത്തില്‍ പ്രാധാന്യമുള്ളത്. എന്നാല്‍ പുതിയ പഠനങ്ങള്‍ വ്യക്തമാക്കുന്നത് സിടി സ്കാൻ റേഡിയേഷനിലൂടെ അപകടകരമായ ആരോഗ്യപ്രശ്നങ്ങള്‍, പ്രത്യേകിച്ച് കാൻസർ, വളരാൻ സാധ്യതയുണ്ടെന്നതാണ്.
ജാമ ഇന്റേണല്‍ മെഡിസിൻ ജേണലില്‍ പ്രസിദ്ധീകരിച്ച പഠനത്തില്‍ 2023ല്‍ അമേരിക്കയില്‍ നടന്ന 93 ദശലക്ഷം സിടി സ്കാനുകള് ഭാവിയില്‍ ഏകദേശം 103,000 പുതിയ കാൻസർ കേസുകള്‍ക്ക് കാരണമാകുമെന്ന ശാസ്ത്രീയ ആശങ്കയുണ്ടാക്കി. സിടി സ്കാൻ റേഡിയേഷൻ കാൻസറിന് കാരണമാകുന്ന വലിയ ഘടകമാണെന്നും, ഓരോ വർഷവും കാൻസർ രോഗ സ്ഥിരീകരണങ്ങളില്‍ ഏതാണ്ട് 20 ശതമാനത്തോളം അതിന്റെ ഫലമായി ഉണ്ടാകുമെന്നും പഠനം സൂചിപ്പിക്കുന്നു.
കാലിഫോർണിയ സർവകലാശാലയിലെ ഡോ. റെബേക്ക സ്മിത്ത് ബിൻഡ്മാനാണ് പഠനസംഘത്തെ നയിച്ചത്. സിടി സ്കാൻ വ്യാപകമായി ഉപയോഗിക്കുന്ന സാഹചര്യത്തില്‍ ഈ കണ്ടെത്തല്‍ ആഗോളതലത്തില്‍ തന്നെ ആരോഗ്യരംഗത്തെ ഉലയ്ക്കാം. രോഗ നിർണയത്തിനായി സാധാരണമായി ഉപയോഗിച്ചുവരുന്ന സിടി സ്കാൻ പരീക്ഷണങ്ങള്‍ അതിജീവനത്തിനും സുരക്ഷയ്ക്കും ഭീഷണിയാകാമെന്നതിന്റെ ആശങ്ക ആശുപത്രി വ്യവസായത്തില്‍ വർധിച്ചുവരികയാണെന്ന് റിപ്പോർട്ട് ചെയ്യുന്നു.
പുതിയ പഠനത്തിന്റെ പശ്ചാത്തലത്തില്‍ ഇന്ത്യയ്ക്ക് ഇത് വലിയ ആശങ്കയാകുന്നു, കാരണം രാജ്യത്ത് സിടി ഇമേജിങ് വ്യാപകമായി ഉപയോഗിക്കുന്നുണ്ട്. മെട്രോ നഗരങ്ങളിലെ കോർപ്പറേറ്റ് ആശുപത്രികളില്‍ രണ്ടാമനിര നഗരങ്ങളിലെ ചെറിയ ആശുപത്രികളിലും ലാബുകളിലും സിടി സ്കാൻ മെഷീനുകള്‍ വ്യാപകമായി ഉപയോഗിക്കപ്പെടുന്നുണ്ട്. ഇന്ത്യൻ പൊതുജനാരോഗ്യ വകുപ്പ് സിടി സ്കാൻ പരിശോധനകള്‍ക്ക് ശ്രദ്ധ നല്‍കുകയും, സുരക്ഷിതമായ രീതിയില്‍ ഇത് നടത്തണമെന്നും നിർദ്ദേശിക്കുന്നു.
അപകടസാധ്യത കൂടുതല്‍ ആര്‍ക്ക്
കുട്ടികളെയും കൗമാരക്കാരെയുമായി ഇത് കൂടുതല്‍ ബാധിക്കാന്‍ സാധ്യത, കാരണം ഇവരുടെ ശരീരം വികസിച്ചു കൊണ്ടിരിക്കുന്നതെയുള്ളൂ. മാത്രമല്ല, അയോണൈസിങ് റേഡിയേഷന്‍ മൂലമുണ്ടാകുന്ന ഏതെങ്കിലും തകരാറുകള്‍ വളരെ വര്‍ഷങ്ങള്‍ക്ക് ശേഷമായിരിക്കും പ്രകടമാവുക.
ശ്വാസകോശാര്‍ബുദം, കോളന്‍ കാന്‍സര്‍, രക്താര്‍ബുദം തുടങ്ങിയവയാണ് സിടി സ്‌കാനുമായി ബന്ധപ്പെട്ട ഏറ്റവും സാധാരണയായ അര്‍ബുദങ്ങള്‍. സ്ത്രീകളില്‍ സ്തനാര്‍ബുദത്തിനുള്ള സാധ്യതയും കൂടുതലാണ്.
സ്കാനിങ്ങിലെ അപകടസാധ്യത
മുതിര്‍ന്നവരില്‍ വയറ്റിലെ അവയവങ്ങളുടെയും പെല്‍വിസിന്റെയും സ്കാനുകള് അപകടസാധ്യത വര്‍ധിപ്പിക്കും. എന്നാല്‍ കുട്ടികളില്‍ തലയില്‍ നടത്തുന്ന സ്‌കാനുകളാണ് കൂടുതല്‍ അപകടം. പ്രത്യേകിച്ച് ഒരു വയസിന് താഴെ പ്രായമായ കുട്ടികളില്‍. സിടി സ്കാനുകള് നേരത്തെ രോഗനിര്‍ണയം നടത്തുന്നതിനും മികച്ച ചികിത്സ ലഭ്യമാക്കുന്നതിനും സഹായിക്കും. അനാവശ്യമായ സ്കാനുകള് ഒഴിവാക്കുന്നതാണ് നല്ലത്.
എന്നാല്‍ ഫോട്ടോണ്‍ കൗണ്ടിങ് സിടി സ്കാനുകള് പോലുള്ളവ കുറച്ചുകൂടി സുരക്ഷിതമാണ്. കാരണം ഇവ കുറഞ്ഞ അളവിലുള്ള വികിരണങ്ങളാണ് പുറപ്പെടുവിക്കുന്നത്. അതുപോലെ എംആര്‍ഐ സ്‌കാനുകളും റേഡിയേഷന്‍ ഉപയോഗിക്കാറില്ല. എന്നാല്‍ ഇവയൊന്നും വ്യക്തികളില്‍ സിടി സ്‌കാന്‍ നേരിട്ട് കാന്‍സര്‍ ഉണ്ടാക്കുമെന്ന് തെളിയിക്കുന്നില്ല.
