ഫോണ് നഷ്ടപ്പെട്ടാലും ഇനി വാട്ട്സ്ആപ്പ് ദുരുപയോഗം ചെയ്യപ്പെടില്ല; ചില കാര്യങ്ങള് ചെയ്താല് ഇത് തടയാം
പലരുടേയും പേടിയാണ് നമ്മുടെ ഫോണ് നഷ്ടപ്പെട്ടാല് വാട്ട്സ്ആപ്പ് ദുരുപയോഗം ചെയ്യപ്പെടുമോ എന്നത്. ഈ പേടി ഇനി വേണ്ട. കാരണം ഫോണ് നഷ്ടപ്പെട്ട് ഉടനെ തന്നെ നിങ്ങള് ചില കാര്യങ്ങള് ചെയ്താല് ഇത് തടയാന് കഴിയുന്നതാണ്. അത് എന്തൊക്കെയെന്ന് നിങ്ങള് അറിഞ്ഞിരിക്കണം. സ്മാര്ട്ട്ഫോണ് നഷ്ടപ്പെട്ടാല് ഉടന് തന്നെ അടുത്തുള്ള പൊലീസ് സ്റ്റേഷനില് എത്തി ഫോണ് നഷ്ടപ്പെട്ടതായി പരാതി നല്കുക. ഇങ്ങനെ ചെയ്താല് ഫോണ് ദുരുപയോഗം ചെയ്യപ്പെട്ടാല് കുറ്റം നിങ്ങളിലേക്ക് വരില്ലെന്നത് ഉറപ്പാണ്.
മാത്രമല്ല, ഫോണിന്റെ ഐ എം ഇ ഐ നമ്പറും പരാതിക്കൊപ്പം നല്കിയാലും ഫോണ് വളരെ വേഗം ട്രാക്ക് ചെയ്യാനാകുന്നതാണ്. കൂടാതെ, പിന്നീട് സര്വീസ് പ്രൊവൈഡറെ വിളിച്ച് സിം കാര്ഡ് ബ്ലോക്ക് ചെയ്യേണ്ടതാണ്. ഇതോടെ ഈ നമ്പറില് പ്രവര്ത്തിക്കുന്ന വാട്ട്സ്ആപ്പ് പിന്നീട് ഉപയോഗിക്കാന് കഴിയില്ലെന്നത് ഉറപ്പാണ്. ഇക്കാര്യത്തില് യാതൊരു സംശയവും വേണ്ട. അതിനുശേഷം ഉടന് തന്നെ അതേ നമ്പറില് ഡ്യുപ്ലികേറ്റ് സിം എടുക്കുന്നതോടെ മറ്റൊരു ഫോണില് വാട്ട്സ് ആപ്പ് സുരക്ഷിതമാക്കാവുന്നതാണ്.
ഉതോടെ നഷ്ടപ്പെട്ട സിം കാര്ഡ് ഡീ ആക്ടിവേറ്റ് ആവുകയും ചെയ്യും.അതേസമയം നഷ്ടപ്പെട്ട സിം കാര്ഡില് തുടര്ന്നും ,വാട്ട്സ് ആപ്പ് ഉപയോഗിക്കാന് താല്പര്യമില്ലെങ്കില് വാട്ട്സ് ആപ്പിന് നേരിട്ട് മെയില് അയച്ച് നിങ്ങളുടെ നിലവിലെ അക്കൗണ്ട് ഡി ആക്ടീവേറ്റ് ചെയ്യാവുന്നതാണ്. വെറുതെ പേടിക്കേണ്ടതില്ല, പകരം മുകളില് പറഞ്ഞിരിക്കുന്നത് പോലെ ചെയ്യുകയും അതിനനുസരിച്ച് പ്രവര്ത്തിക്കുകയും ചെയ്താല് മതി.