നരച്ച മുടി കൊണ്ട് ബുദ്ധിമുട്ടുകയാണോ നിങ്ങൾ ?
ഇങ്ങനെ ചെയ്തു നോക്കൂ
ഭൂരിപക്ഷം ആളുകളുടെയും, പ്രത്യേകിച്ച് സ്ത്രീകളുടെ ഏറ്റവും വലിയ പേടിസ്വപ്നമാണ് മുടി നരയ്ക്കുകയെന്നത്.
പലരുടേയും ആത്മവിശ്വാസത്തെ വരെ ഇത്ഇല്ലാതാക്കുന്നു. മുടി നരക്കുന്നതിന് പരിഹാരം കാണുന്നതോടൊപ്പം തന്നെ മുടിക്ക് കരുത്തും വളര്‍ച്ചയും ഉണ്ടാക്കുക എന്നത് തന്നെയാണ് എല്ലാവരുടേയും ആവശ്യം. എന്നാല്‍ പ്രായത്തിനനുസരിച്ച് മുടി നരയ്ക്കുന്നത് വളരെ സാധാരണമാണ് എന്ന് നമുക്ക് അറിയാം. എന്നാല്‍ അതിന് പരിഹാരം കാണുന്നതിന് ശ്രമിക്കും മുന്‍പ് പ്രായാധിക്യം തന്നെയാണോ നരയുടെ കാരണം എന്നത് തിരിച്ചറിയേണ്ടതാണ്
പ്രായമാകുമ്പോള്‍ മുടി നരയ്ക്കും എന്നത് ഒരു യാഥാര്‍ത്ഥ്യമാണ്. എന്നാലിന്ന് മുപ്പത് വയസിന് താഴെയുള്ളവരുടെ പോലും മുടി നരയ്ക്കുന്നത് സാധാരണമാണ്. പിഗ്മെന്‍റ് ഉത്പാദനം അവസാനിക്കുമ്പോളാണ് മുടി നരയ്ക്കാനാരംഭിക്കുന്നത്.മുടിയിഴകള്‍ക്ക് കറുപ്പ് നിറം നല്കുന്നത് പിഗ്മെന്‍റാണ്. അമേരിക്കക്കാര്‍ക്ക് അവരുടെ മുപ്പതാം വയസില്‍ മുടിയുടെ നിറം നഷ്ടപ്പെടുമ്പോള്‍, ഏഷ്യക്കാര്‍ക്ക് മുപ്പതിന് ശേഷവും, ആഫ്രിക്കന്‍-അമേരിക്കക്കാര്‍ക്ക് നാല്പതുകളിലുമാണ് മുടിയുടെ നറത്തില്‍ മാറ്റം വരുന്നത്.
തലമുടിയില്‍ സ്വഭാവികമായ ഹൈഡ്രജന്‍ പെറോക്സൈഡ് ഉത്പാദിപ്പിക്കപ്പെടുന്നതിനാലാണ് മുടി വെളുക്കുന്നത് എന്നാണ് കണക്കാക്കപ്പെടുന്നത്.
ഡൈ ചെയ്യുന്നത് മുടിനരക്കുന്നതിന് ശാശ്വത പരിഹാരമല്ല. എന്നാല്‍ ആരോഗ്യത്തിന് പ്രശ്‌നമുണ്ടാക്കുന്ന തരത്തിലുള്ള പരിഹാരമാര്‍ഗ്ഗങ്ങളെക്കുറിച്ചല്ല നിങ്ങള്‍ ചിന്തിക്കേണ്ടത്. മുടിയുടെ നരയെ ഇല്ലാതാക്കുന്നതിന് വേണ്ടി ശ്രമിക്കുമ്പോള്‍ എന്തൊക്കെയാണ് നരയെ ഇല്ലാതാക്കുന്നതിന് വേണ്ടി സഹായിക്കുന്ന പ്രകൃതിദത്തമായ മാർഗ്ഗങ്ങൾ എന്ന് നമുക്ക് നോക്കാം. മുടെ നരക്കുന്നതിന് പരിഹാരം കാണുന്നതിനും മുടിയുടെ കനം കുറക്കുന്നതിന് പരിഹാരം കാണുന്നതിനും നമുക്ക് ചില കാര്യങ്ങള്‍ ശ്രദ്ധിക്കാം.
മുടി നരയ്ക്കുന്നത് തടയാനുള്ള ചില പ്രതിവിധികളാണ് ഇവിടെ പരിചയപ്പെടുത്തുന്നത്.
വെളിച്ചെണ്ണ
പലവിധ ചര്‍മ്മ പ്രശ്നങ്ങള്‍ക്കും പരിഹാരമായ വെളിച്ചെണ്ണ മുടി നരയ്ക്കുന്നത് തടയാനും സഹായിക്കും. തലയോട്ടിയില്‍ വെളിച്ചെണ്ണയും, നാരങ്ങ നീരും ചേര്‍ത്ത് മസാജ് ചെയ്യുന്നത് മുടിക്ക് നിറവും തിളക്കവും നല്കും
നെല്ലിക്ക
അകാല നരയ്ക്ക് മികച്ച പരിഹാരമാണ് നെല്ലിക്ക. വെളിച്ചെണ്ണയില്‍ ഏതാനും കഷ്ണം നെല്ലിക്കയിട്ട് തിളപ്പിക്കുക. എണ്ണക്ക് കറുപ്പ് നിറമായി മാറും. ഇത് മുടിയില്‍ മസാജ് ചെയ്യുന്നത് നരയകറ്റും. നെല്ലിക്ക എണ്ണയുടെ രൂപത്തിലോ, പേസ്റ്റ് രൂപത്തിലോ ഉപയോഗിക്കാം. നെല്ലിക്ക കഷായം പതിനഞ്ച് ദിവസത്തിനുള്ളില്‍ ഫലം നല്കും. ഇത് തയ്യാറാക്കാന്‍ ഏതാനും നെല്ലിക്ക കഷ്ണങ്ങള്‍ വെള്ളത്തില്‍ കുതിര്‍ത്ത് വെയ്ക്കുക. ഇതില്‍ ഒരു സ്പൂണ്‍ യൂക്കാലിപ്റ്റസ് ഓയില്‍ ചേര്‍ക്കുക. ഇത് ഒരു ഇരുമ്പ് പാത്രത്തില്‍ ശേഖരിച്ച് ഒരു രാത്രി വെച്ച് മുട്ടയും, നാരങ്ങ നീരും, തൈരും ചേര്‍ത്ത് രാവിലെ ഉപയോഗിക്കുക. നെല്ലിക്ക മുടിയുടെ പിഗ്മെന്‍റേഷന്‍ വീണ്ടും ശക്തിപ്പെടുത്തും. നെല്ലിക്ക ജ്യൂസ് നേരിട്ട് കഴിക്കാനും സാധിക്കും. അത് നിങ്ങളുടെ തലമുടി സംബന്ധമായ പ്രശ്നം മാത്രമല്ല മറ്റ് ആരോഗ്യ പ്രശ്നങ്ങളെയും അകറ്റും.
ബദാം ഓയില
ബദാം ഓയില്‍, നാരങ്ങനീര്, നെല്ലിക്ക നീര് എന്നിവ തുല്യമായി ചേര്‍ത്ത് തലമുടി മസാജ് ചെയ്യുക.
ഇഞ്ചി
അരിഞ്ഞ ഇഞ്ചിയില്‍ ഒരു സ്പൂണ്‍ തേന്‍ ചേര്‍ത്ത് ദിവസവും കഴിക്കുന്നത് മുടി നരയ്ക്കുന്നത് തടയും.
നെയ്യ്
ശുദ്ധമായ നെയ്യ് ഉപയോഗിച്ച് ആഴ്ചയില്‍ രണ്ട് തവണ മസാജ് ചെയ്യുന്നത് നര തടയാന്‍ സഹായിക്കും.
മൈലാഞ്ചി
രണ്ട് സ്പൂണ്‍ മൈലാഞ്ചി പൊടി, ഒരു സ്പൂണ്‍ ഉലുവ പൊടി, രണ്ട് സ്പൂണ്‍ തുളസിയില അരച്ചത്, മൂന്ന് സ്പൂണ്‍ കാപ്പി, മൂന്ന് സ്പൂണ്‍ പുതിന നീര്, ഒരു സ്പൂണ്‍ തൈര് എന്നിവ ചേര്‍ത്ത് ഉപയോഗിക്കുന്നത് മുടി നരയ്ക്കുന്നതിന് ഫലപ്രദമാണ്. ഇത് പതിവായി ഉപയോഗിക്കുക. മൈലാഞ്ചി വെളിച്ചെണ്ണയുമായി ചേര്‍ത്ത് ഉപയോഗിക്കുന്നതും മുടിക്ക് സ്വഭാവികമായ നിറം നല്കും. തലേരാത്രി കുതിര്‍ത്ത് വെച്ച മൈലാഞ്ചി വാള്‍നട്ട് പള്‍പ്പുമായി ചേര്‍ത്ത് ഉപയോഗിക്കുന്നതും വളരെ ഫലപ്രദമാണ്. മുടിയുടെ നര മാറ്റാന്‍ മാത്രമല്ല തിളക്കം ലഭിക്കാനും ഇത് സഹായിക്കും.
ബ്ലാക്ക് കോഫി
ഒരു കപ്പ് ബ്ലാക്ക് കോഫിയെടുത്ത് അതില്‍ ഒരു ടേബിള്‍ സ്പൂണ്‍ ഉപ്പ് ചേര്‍ക്കുക. ഇതുപയോഗിച്ച് തലമുടി മസാജ് ചെയ്ത് ഒരു മണിക്കൂറിന് ശേഷം കഴുകിക്കളയുക. ഇത് പതിവായി ചെയ്യുന്നത് നരയകറ്റും
കറിവേപ്പില
വെളിച്ചെണ്ണയില്‍ കുറച്ച് കറിവേപ്പിലയിട്ട് കറുത്ത നിറമാകുന്നത് വരെ ചൂടാക്കുക. ഇത് ഹെയര്‍ടോണിക്കായി തലയില്‍ തേക്കുന്നത് പിഗ്മെന്‍റേഷനും മുടികൊഴിച്ചിലും തടയും. കറിവേപ്പില തൈര്, മോര് എന്നിവയുമായി ചേര്‍ത്തും ഉപയോഗിക്കാം.
ഉള്ളി
ഉള്ളിയുടെ നീര് അകാലനരയും, മുടികൊഴിച്ചിലും അകറ്റും.
ജമന്തിപ്പൂവ്
ജമന്തിപ്പൂവ് പൊടി വെള്ളത്തില്‍ ചേര്‍ത്ത് 20 മിനുട്ട് തിളപ്പിക്കുക. തണുക്കുമ്പോള്‍ ഇത് അരിച്ചെടുത്ത് പതിവായി തലയില്‍ തേക്കുക.
പേരയ്ക്ക
നരച്ച മുടിക്ക് കറുപ്പ് നല്കാന്‍ പേരയ്ക്ക ഇല ഫലപ്രദമാണ്. പതിവായി ഏതാനും പേരയില അരച്ച് തലയില്‍ തേക്കുക.
കറ്റാര്‍വാഴ
അകാലനര തടയാന്‍ കറ്റാര്‍വാഴ നീര് തേക്കുന്നത് ഫലപ്രദമാണ്.
കടുകെണ്ണ
250 ഗ്രാം കടുകെണ്ണയില്‍ 60 ഗ്രാം മൈലാഞ്ചിയില ചേര്‍ത്ത് പൂര്‍ണ്ണമായി ചേരുന്നത് വരെ തിളപ്പിക്കുക. ഇത് തലയില്‍ തേക്കുന്നത് മുടിക്ക് തിളക്കവും നിറവും നല്കും.
കയ്യോന്നി
കട്ടിയും, കറുത്ത നിറവും, തിളക്കവുമുള്ള മുടി ലഭിക്കാന്‍ കയ്യോന്നി ഓയിലില്‍ ചേര്‍ത്ത് തേക്കുകയോ, അകമേ കഴിക്കുകയോ ചെയ്യാം.
ചുരയ്ക്ക നീര്
ചുരയ്ക്ക നീര് ഒലിവ് ഓയില്‍ അല്ലെങ്കില്‍ എള്ളെണ്ണയില്‍ ചേര്‍ത്ത് ഉപയോഗിക്കുന്നത് അകാലനര തടയും.
വേപ്പെണ്ണ
മുടി നരയ്ക്കുന്നത് തടയാന്‍ കഴിവുള്ളതാണ് വേപ്പെണ്ണ. ഇതിലെ ആന്‍റി ബാക്ടീരിയല്‍ ഘടകങ്ങള്‍ തലമുടി സംബന്ധമായ മറ്റ് പ്രശ്നങ്ങളും പരിഹരിക്കും.
കറുപ്പ് വാല്‍നട്ട്
കറുപ്പ് വാല്‍നട്ടിന്‍റെ പുറന്തോട് ഒരു പ്രകൃതിദത്ത നിറമായി മുടിയില്‍ ഉപയോഗിക്കാം. വെള്ളവും, കറുപ്പ് വാല്‍നട്ടും ചേര്‍ത്ത് ഒരു ലായനി തയ്യാറാക്കി ഇത് മുടിയില്‍ 30 മിനുട്ട് തേച്ചിരിക്കുക.
മുകളിൽ പറഞ്ഞ കാര്യങ്ങൾ ചെയ്യുമ്പോൾ എല്ലാവർക്കും ഒരേ രീതിയിൽ തന്നെ ഫലങ്ങൾ കിട്ടി കൊള്ളണം എന്നില്ല. അതുകൊണ്ട് ഒരു നല്ല ചികിത്സകനോട് കൂടി അഭിപ്രായം ചോദിച്ചതിനു ശേഷം മാത്രം ഇതുപോലുള്ള വസ്തുക്കൾ ഉപയോഗിക്കുക
ശ്രദ്ധിക്കുക : അറിവിനെ ജനകീയമാക്കുക എന്ന ലക്ഷ്യം മാത്രമാണ് ഈ പോസ്റ്റിന് ഉള്ളത്.രോഗനിർണ്ണയത്തിനും ചികിത്സയ്ക്കും പകരമാകാൻ ഉദ്ദേശിച്ചുള്ളതല്ല, കൃതഹസ്തരായ ചികിത്സകരുടെ ഉപദേശപ്രകാരം മാത്രം ഔഷധങ്ങൾ ഉപയോഗിക്കുക. കൂടുതൽ പഠനം നടത്തി നല്ലത് മാത്രം സ്വീകരിക്കുക.ആരോഗ്യവിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയശേഷം മാത്രം ആഹാരക്രമത്തില്‍ മാറ്റം വരുത്തുക.