നമ്മൾ സ്ഥിരമായി കഴിക്കുന്ന പല ഭക്ഷണങ്ങളോടൊപ്പം തേങ്ങയോ തേങ്ങയുമായി ബന്ധപ്പെട്ട വസ്തുക്കളോ ഉപയോഗിക്കുമ്പോൾ അതിന്റെ സ്വാദ് ഒന്ന് വേറെ തന്നെയാണ്.
രുചികരമായി വളരെ എളുപ്പത്തില്‍ ഒരു കിടിലൻ റെസിപ്പി നോക്കാം.
ആവശ്യമായ ചേരുവകള്‍
നാളികേരം- അരമുറി
ചിക്കന്‍ – 1 കിലോ
സവാള- 2
തക്കാളി- 2
പച്ചമുളക് – 3
ഇഞ്ചി – 1 കഷ്ണം
വെളുത്തുള്ളി -അല്പം
പെരുംജീരകം -അര സ്പൂണ്‍
കറുവപ്പട്ട – ഒരു കഷ്ണം
ഏലക്കായ- 2 എണ്ണം
കറിവേപ്പില – രണ്ട് തണ്ട്
വെളിച്ചെണ്ണ – പാകത്തിന്
മുളകുപൊടി – ഒന്നരസ്പൂണ്‍
മല്ലിപ്പൊടി -1 സ്പൂണ്‍
മഞ്ഞള്‍പൊടി- അര സ്പൂണ്‍
കുരുമുളക് പൊടി -1 സ്പൂണ്‍
പാചകം ചെയ്യേണ്ട രീതി....
ചിക്കനില്‍ ഉപ്പും, അല്പം മഞ്ഞള്‍പൊടിയും ചേര്‍ത്ത് മസാല പുരട്ടി വെക്കുക. ഒരു 10 മിനിറ്റ് ഇങ്ങനെ വെക്കാം. പിന്നീട് ചട്ടിയില്‍ വെളിച്ചെണ്ണ ഒഴിച്ച്‌ വേപ്പില, സവാള അരിഞ്ഞതു ചേര്‍ത്ത് വഴറ്റിയതിന് ശേഷം ഇഞ്ചി വെളുത്തുള്ളി മിക്‌സ്, പച്ചമുളകും ചേര്‍ത്ത് ബ്രൗണ്‍ നിറമാകുന്ന വരെ വഴറ്റിയെടുക്കണം.
ശേഷം ഇതിലേക്ക് മഞ്ഞള്‍പൊടി, മുളകുപൊടി, മല്ലിപ്പൊടി ചേര്‍ത്ത് നല്ലപോലെ വഴറ്റിയതിന് ശേഷം ഇതിലേത്ത് തക്കാളി ചേര്‍ത്ത്, വെന്ത് കഴിഞ്ഞ് ചിക്കന്‍ ചേര്‍ക്കണം. പിന്നീട് അരക്കപ്പ് വെള്ളം ചേര്‍ത്തതിന് ശേഷം അടച്ച് വെച്ച്‌ വേവിക്കണം. ഇത് നല്ലതുപോലെ വെന്തശേഷം തേങ്ങ ചിരകി കറുവപ്പട്ടയും, ഏലക്കയും മിക്‌സ് ചെയ്ത് അരച്ച്‌ പാല്‍ എടുത്ത് പിഴിഞ്ഞ് വെക്കുക. ചിക്കന്‍ വെന്തതിന് ശേഷം ഇതിലേക്ക് തേങ്ങാപ്പാല്‍ ചേര്‍ത്ത് ഇളക്ക് ഉള്ളി വറുത്ത് ചേര്‍ക്കാം. ചിക്കൻ കറി തയ്യാർ.