ഫോണിന്റെ ബാറ്ററി പെട്ടെന്ന് തീര്ന്നുപോകുന്നുവെന്ന പരാതി ഏകദേശം ഫോണ് ഉപഭോക്താക്കള്ക്കും ഉള്ളതാണ്. ഇത്തരത്തില് ചാര്ജ് തീരാതിരിക്കാനും ബാറ്ററിയുടെ ആയുസ് നീട്ടാനും ചില കാര്യങ്ങള് ചെയ്യേണ്ടതുണ്ട്.
ചിലരുടെ ഫോൺ ഉപയോഗിച്ചില്ലെങ്കിലും ചാർജ് കുറയുന്നതും നാം ശ്രദ്ധിച്ചിരിക്കും. ഇത്തരത്തിൽ ബാറ്ററി അനാവശ്യമായി ചിലവാകുന്നത് ഒഴിവാക്കി കൂടുതൽ സമയം ഫോണിൽ ചാർജ് നിലനിർത്താൻ മാർഗങ്ങൾ ഇതാ..
പ്രധാനപ്പെട്ടതാണ് ഫോണിന്റെ ബ്രൈറ്റ്നസ് കുറയ്ക്കുകയെന്നത്. അല്ലെങ്കില് ആട്ടോ-ബ്രൈറ്റ്നസ് ഇനേബിള് ചെയ്താലും മതി. ഇത് ബാറ്ററിയുടെ ഉപഭോഗം കുറയ്ക്കും.
ചില ആപ്ലിക്കേഷനുകൾ നിങ്ങൾ ക്ലോസ് ചെയ്ത് വന്നാലും അവ ബാക്ക്ഗ്രൗണ്ടിൽ പ്രവർത്തിച്ചുകൊണ്ടിരിക്കും. ഇതുവഴി നിങ്ങൾ ഫോൺ ഉപയോഗിച്ചില്ലെങ്കിലും ബാറ്ററി ചിലവാകുകയും ചെയ്യും. അതിനാൽ സെറ്റിംഗ്സിൽ ചെന്നതിന് ശേഷം ആവശ്യമില്ലാത്ത ആപ്ലിക്കേഷനുകളുടെ ബാക്ക്ഗ്രൗണ്ട് ഡാറ്റ ഓഫാക്കി ഇടുക.
സ്നാപ്പ്ചാറ്റ്, ഫേസ്ബുക്ക്, വാട്സ്ആപ്പ് മെസെഞ്ചർ, നെറ്റ്ഫ്ളിക്സ്, ആമസോൺ ഷോപ്പിംഗ് തുടങ്ങിയ ആപ്പുകൾ ബാറ്ററി ഒരുപാട് ഉപയോഗിക്കുന്നവയാണ്. പ്രത്യേകിച്ചും ബാക്ക്ഗ്രൗണ്ടിൽ ഇവ നല്ലപോലെ വർക്ക് ചെയ്തുകൊണ്ടിരിക്കും. അതിനാൽ ഇവയുടെ ബാക്ക്ഗ്രൗണ്ട് ഡാറ്റ ഓഫാക്കി ഇടാവുന്നതാണ്.
ലൊക്കേഷൻ ഓഫാക്കി ഇടുന്നതും ചാർജ് വെറുതെ കുറയുന്നത് ഇല്ലാതാക്കാൻ സഹായിക്കും. ഫോൺ ഉപയോഗം ആവശ്യമില്ലാത്തപ്പോൾ എയർപ്ലെയ്ൻ മോഡിൽ ഇടാവുന്നതാണ്. ആവശ്യമില്ലെങ്കിൽ ബ്ലൂടൂത്ത്, വൈഫൈ ഓപ്ഷനുകളും ഓഫാക്കിയിടാം.
ഫോൺ സ്ലീപ് മോഡിൽ പോകുന്നതിനുള്ള സമയം കുറച്ചിടുക. ചിലരുടെ സെറ്റിംഗ്സിൽ ഇത് 15 സെക്കൻഡ് ആയിരിക്കും. മറ്റ് ചിലരുടെ ഫോണിൽ ഇത് ഒരു മിനിറ്റ് മുതൽ 3 വരെ ആകാം. ഒരുപാട് ബാറ്ററി ചിലവാകാൻ കാരണമാകുന്ന ഒന്നാണിത്. അതിനാൽ ചാർജ് കൂടുതൽ സമയം നിലനിൽക്കാൻ ഫോൺ സ്ലീപ് മോഡിൽ ആവുന്നതിനുള്ള സമയം പരമാവധി കുറച്ചിടുന്നതാണ് നല്ലത്. സ്ലീപ് മോഡിലേക്ക് സ്വമേധയാ ഫോൺ പോകുന്നതിന് മുമ്പ് നമ്മൾ തന്നെ ലോക്ക് ചെയ്യുന്നതും ബാറ്ററി സേവ് ചെയ്യാൻ സഹായിക്കും.
ട്രെയിനിലോ ബസിലോ യാത്ര ചെയ്യുമ്പോൾ ഫോണിൽ ബാറ്ററി കുറവാണെങ്കിൽ സൂക്ഷിക്കണം. മൊബൈൽ സിഗ്നല് കുറഞ്ഞ സ്ഥലത്താണ് നിങ്ങള് ഉള്ളതെങ്കില് കയ്യിലുള്ള സ്മാർട്ഫോൺ കൂടുതല് സിഗ്നലിന് വേണ്ടി തിരഞ്ഞുകൊണ്ടേയിരിക്കും. ഇതുകൊണ്ട് തന്നെ ബാറ്ററി പവര് കുറയുകയും ചെയ്യും. ഈ സമയത്ത് ഫോണ് ഓഫ് ചെയ്യുന്നതോ ഫ്ലൈറ്റ് മോഡിലിടുന്നതോ ആണ് ചാര്ജ് നിലനിര്ത്താന് നല്ലത്.
കൂടുതൽ ഗ്രാഫിക്സും ആനിമേഷൻസും ഉപയോഗിക്കേണ്ടി വരുന്ന ഗെയ്മുകളും ബാറ്ററി സേവ് ചെയ്യാൻ ഒഴിവാക്കാം. ഫേസ്ബുക്ക്, വാട്സ്ആപ്പ് തുടങ്ങിയവയുടെ നോട്ടിഫിക്കേഷൻസ് ഓഫാക്കി ഇടാം. ഫോൺ ചാർജ് ചെയ്യുമ്പോൾ എയർപ്ലെയ്ൻ മോഡിലിടുന്നത് പെട്ടെന്ന് ചാർജ് കയറാനും സഹായിക്കും.
മൊബൈൽ ഡാറ്റയെക്കാളും ഫോണിന് നല്ലത് വൈ-ഫൈയാണ്. അതുകൊണ്ട് അവസരം ലഭിക്കുമ്പോഴെല്ലാം വൈ-ഫൈ തിരഞ്ഞെടുക്കണം. ഡാറ്റ നെറ്റ്വർക്ക് ഉപയോഗം കുറക്കാനും, ഇൻകമിങ് മെസ്സേജുകളും കോളുകളും കുറച്ചു നേരം നിർത്തിവെക്കാനും എയർപ്ലെൻ മോഡ് ഉപയോഗിക്കാം. അതുപോലെ ജി.പി.എസ്, ബ്ലൂടൂത്ത്, NFC, ലൊക്കേഷന്, മൊബൈൽ ഡേറ്റ മുതലായവ ആവശ്യമില്ലാത്തപ്പോള് ഓഫ് ചെയ്തു വെക്കണം.
മിക്ക ഫോണുകളിലും ഇപ്പോൾ ലഭ്യമായ ഫീച്ചറാണ് ബാറ്ററി സേവർ. ബാറ്ററി സേവർ ഓൺ ചെയ്തിടുമ്പോൾ നമുക്ക് ആവശ്യമില്ലാത്ത ആപ്പുകളെല്ലാം ഫോൺ തന്നെ ബാക്ഗ്രൗണ്ടിൽ പ്രവർത്തിക്കുന്നത് ഒഴിവാക്കും. ഇതുവഴി കൂടുതൽ സമയം ചാർജ് നിർത്താനാകും. ചില ഫോണുകളിൽ എക്സ്ട്രീം ബാറ്ററി സേവർ ഓപ്ഷനുകളും ഉണ്ട്. ഈ മോഡിലിട്ടാൽ ബേസിക് സൗകര്യങ്ങൾ മാത്രമേ നമുക്ക് ഉപയോഗിക്കാനാകൂ. ആവശ്യമുള്ള ആപ്പുകൾ മാത്രം ഓൺ ചെയ്യാനുള്ള സൗകര്യവുമുണ്ട്. എക്സ്ട്രീം മോഡിൽ ദീർഘനേരം ചാർജ് ലഭിക്കും.