വസ്ത്രങ്ങളിലെ കരിമ്പന് പലരേയും അലട്ടുന്ന പ്രധാനപ്പെട്ട പ്രശ്നമാണ്. കറുത്ത നിറത്തിലെ ചെറിയ കുത്തുകള്‍ പടര്‍ന്നു പിടിച്ച് ആ ഭാഗം മുഴുവന്‍ കറുപ്പു നിറമാകുന്ന പ്രശ്‌നമാണിത്. ഇതൊരു തരം ഫംഗസാണ്. വസ്ത്രങ്ങളെ ബാധിയ്ക്കുന്ന ഒന്ന്. ചിലപ്പോള്‍ നല്ല വസ്ത്രങ്ങളുടെ ഒരു ഭാഗത്ത് മാത്രം വരുന്ന ഇത് വസ്ത്രത്തില്‍ മുഴുവന്‍ പടര്‍ന്നു പിടിച്ച് ആകെ വസ്ത്രത്തെ ഉപയോഗ ശൂന്യമാക്കുന്നു.
ഈ വസ്ത്രം മറ്റുള്ള തുണികള്‍ക്കൊപ്പം ഇട്ടാല്‍ പോലും കരിമ്പന് അതിലേയ്ക്കു പടര്‍ന്നു പിടിയ്ക്കുകയും ചെയ്യും. തുണിയുടെ നനവാണ് പലപ്പോഴും ഇതിന് കാരണമാകുന്നത്. ഈര്‍പ്പം തുണികളില്‍ തങ്ങി നില്‍ക്കുന്നതാണ് പ്രധാന കാരണം. ഇത് കരിമ്പന് വളമാകുന്നു. വിയര്‍പ്പും ഇതിന് കാരണമാകുന്നു. പ്രത്യേകിച്ചും അടിവസ്ത്രങ്ങളില്‍ കരിമ്പന് വരാന്‍. ഇത് കൂടുതല്‍ നനവും ഈര്‍പ്പവുമുണ്ടാക്കുന്നതാണ് കാരണം. പടര്‍ന്നു പിടിച്ചു കഴിഞ്ഞാല്‍ പരിഹാരം കണ്ടെത്താനാകാത്ത വണ്ണം തുണി കേടാകുകയും ഉപയോഗ ശൂന്യമാകുകയും ചെയ്യും. ഇത് നീക്കാന്‍ വേണ്ടി പലരും പല വിധ വഴികള്‍ പരീക്ഷിയ്ക്കാറുണ്ട്.
കരിമ്ബൻ പിടിച്ച വസ്ത്രങ്ങള്‍ കഴുകുന്നതിനുമുമ്ബ് ഈ പാടുകളില്‍ വൈറ്റ് വിനാഗിരിയോ നാരങ്ങാനീരോ പുരട്ടുക. ശേഷം ഏകദേശം 15 മിനിറ്റ് മാറ്റിവയ്ക്കുക. ഇത് കരിമ്ബന്‍ ഇല്ലാതാക്കാൻ സഹായിക്കുന്നു. ചൂട് വെള്ളം ഉപയോഗിച്ച്‌ കഴുകാവുന്ന വസ്ത്രങ്ങള്‍ ആണെങ്കില്‍ ചൂടുവെള്ളം ഉപയോഗിച്ചു കഴുകുന്നതും വളരെ നല്ലതാണ്.
കരിമ്ബന്‍ നീക്കം ചെയ്യാനുള്ള മറ്റൊരു ഫലപ്രദമായ മാർഗമാണ് ബേക്കിംഗ് സോഡ. നിങ്ങളുടെ സാധാരണ ഡിറ്റർജൻ്റിനൊപ്പം അര കപ്പ് ബേക്കിംഗ് സോഡയും വാഷിംഗ് മെഷീനില്‍ ചേർക്കുക. ബേക്കിംഗ് സോഡ ദുർഗന്ധം ഇല്ലാതാക്കാനും കറ നീക്കം ചെയ്യാനും സഹായിക്കുന്നു.
വെളുത്ത വസ്ത്രങ്ങളില്‍ കരിമ്ബന്‍ നീക്കം ചെയ്യാൻ ബ്ലീച്ച്‌ വളരെ ഫലപ്രദമാണ്. എന്നിരുന്നാലും, ഇത് ശ്രദ്ധാപൂർവ്വം ഉപയോഗിക്കണം. നിങ്ങളുടെ ഡിറ്റർജൻ്റിനൊപ്പം അര കപ്പ് ബ്ലീച്ച്‌ നിങ്ങളുടെ വാഷിംഗ് മെഷീനില്‍ ചേർക്കുക. കഴുകിയ ശേഷം, സാധ്യമെങ്കില്‍ നിങ്ങളുടെ വസ്ത്രങ്ങള്‍ നേരിട്ട് സൂര്യപ്രകാശത്തില്‍ ഉണക്കുക. സൂര്യപ്രകാശത്തിന് പ്രകൃതിദത്തമായ അണുനാശിനി ഗുണങ്ങളുണ്ട്.
കരിമ്ബന്‍ മുഴുവൻ മാറിയില്ലെങ്കില്‍ വീണ്ടും ഇതേ രീതിയില്‍ വസ്ത്രങ്ങള്‍ കഴുകുക. കഠിനമായ പാടുകള്‍ക്ക് ഒന്നിലധികം തവണ ചെയ്യേണ്ടി വന്നേക്കാം.
ആപ്പിള്‍ സിഡെര്‍ വിനെഗര്‍, ബേക്കിംഗ് സോഡ എന്നിവ കലര്‍ത്തി ഇത് കരിമ്പനടിച്ച ഭാഗത്ത് പുരട്ടി രണ്ടു മൂന്നു മണിക്കൂര്‍ കഴിഞ്ഞു കഴുകുന്നതും നല്ലൊരു വഴിയാണ്. ഇതും കരിമ്പന് നീക്കാനുള്ള പ്രകൃതി ദത്ത വഴി തന്നെയാണ്. പുളിച്ച മോരും ഇത്തരത്തില്‍ ഉപയോഗിയ്ക്കാം. നല്ലതു പോലെ പുളിപ്പിച്ച മോര് വസ്ത്രങ്ങളില്‍ കരിമ്പനടിച്ച ഭാഗത്തു പുരട്ടി രണ്ടു മൂന്നു മണിക്കൂര്‍ കഴിഞ്ഞ് കഴുകാം. കൂടുതല്‍ കരിമ്പനെങ്കില്‍ ഇത് അടുപ്പിച്ച് രണ്ടു മൂന്നു ദിവസം ചെയ്യാം. കരിമ്പന് പോയിക്കിട്ടും