കരച്ചിലില്‍ കലാശിച്ച കേക്ക് മുറി, പിറന്നാള്‍ ദിനത്തില്‍ സംഭവിച്ചത്; കുടുംബത്തിനെതിരെ അഭിനന്ദനവും വിമര്‍ശനവും
കുട്ടികളെ വളർത്തി വലുതാക്കുക എന്നത് അത്ര എളുപ്പമുള്ള കാര്യമല്ല ഇത് തെളിയിക്കുന്ന ഒരു വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലായിക്കൊണ്ടിരിക്കുന്നത്.
ഇൻസ്റ്റഗ്രാമിലാണ് വീഡിയോ പ്രത്യക്ഷപ്പെട്ടത്. ഒരു പിറന്നാള്‍ ആഘോഷിക്കാനൊരുങ്ങുകയാണ് കുടുംബം.
എല്ലാവരും നല്ല സന്തോഷത്തിലാണ്. കൊച്ചു പെണ്‍കുട്ടി മെഴുകുതിരി കെടുത്തി. സഹോദരൻ പിറകില്‍ നില്‍ക്കുന്നുണ്ട്. കേക്ക് മുറിക്കുമ്ബോള്‍ സഹോദരൻ കൈയില്‍ പിടിക്കുന്നു. പെട്ടെന്ന് കേക്ക് മുറിച്ചു. ഇതോടെ കുട്ടി കരയുകയാണ്. ഉടൻ തന്നെ അമ്മ ക്രീം വച്ച്‌ കേക്ക് പഴയപോലെ ആക്കാൻ നോക്കുകയാണ്. പക്ഷേ കുട്ടി കരച്ചില്‍ നിർത്തുന്നില്ല.
അമ്മ കുട്ടിയുടെ കരച്ചിലടക്കാൻ ശ്രമിച്ചുകൊണ്ടിരിക്കുകയാണ്. പക്ഷേ സാധിക്കുന്നില്ല. ഒടുവില്‍ അമ്മ മെഴുകുതിരി മറ്റൊരു കേക്കില്‍ കുത്തിവച്ച്‌ കുട്ടിയോട് മുറിക്കാൻ പറയുന്നു. എന്നാല്‍ പെണ്‍കുട്ടി കരയുന്നത് തുടരുന്നു. ഒടുവില്‍ അമ്മ തന്നെ മെഴുകുതിരി കെടുത്തുന്നു. തുടർന്ന് കുട്ടിയുടെ കരച്ചില്‍ വകവയ്ക്കാതെ എല്ലാവരും കൂടി പാട്ടുപാടുകയും ആഘോഷം തുടരുന്നതുമാണ് വീഡിയോയിലുള്ളത്.
ലക്ഷക്കണക്കിനാളുകളാണ് വീഡിയോ കണ്ടത്. ചിലർ കുടുംബത്തെ വിമർശിക്കുന്നുണ്ട്. സഹോദരിയുടെ പിറന്നാളിന് സഹോദരനോട് സംയമനം പാലിക്കാൻ പറയണമായിരുന്നെന്നും അതുപോലെ പെണ്‍കുട്ടിയെ ക്ഷമിക്കാൻ പഠിക്കണമെന്നൊക്കെയാണ് കമന്റുകള്‍. എന്നാല്‍ കുട്ടിയോട് ദേഷ്യപ്പെടുകയോ അടിക്കുകയോ ചെയ്യാതെ പ്രശ്നം കൈകാര്യം ചെയ്തതിന് അമ്മയെ അഭിനന്ദിക്കുന്നവരുമുണ്ട്.