നമ്മൾ വെറുതെ കളയുന്ന നാരങ്ങ കൊണ്ട് ഒരുപാട് ഉപയോഗങ്ങൾ ഉണ്ട്
നാരങ്ങയുടെ തൊലിയുടെ ഔഷധ ഗുണങ്ങളെ കുറിച്ച് നിങ്ങള്‍ക്ക് എന്തൊക്കെ അറിയാം? നാരങ്ങയുടെ തൊലി എങ്ങിനെയെല്ലാം പ്രയോജനപ്പെടുത്താം എന്നതിനെ കുറിച്ച് വലുതായൊന്നും അറിയാത്തവരാണ് നമ്മളില്‍ ഭൂരിഭാഗവും.
നാരങ്ങവെള്ളം ഉണ്ടാക്കി കുടിച്ച്‌ കഴിഞ്ഞാല്‍ പലപ്പോഴും അതിന്റെ തൊണ്ട് ദൂരേയ്ക്ക് വലിച്ച്‌ കളയുകയാണ് പതിവ്. കാരണം, നാരങ്ങയുടെ നീരിന് മാത്രമാണ് നമ്മള്‍ അധികവും പ്രധാന്യം നല്‍കുക. അത് കഴിച്ചാല്‍ മാത്രമാണ് ഗുണം ലഭിക്കുക എന്നതാണ് നമ്മളുടെ വിശ്വാസം. എന്നാല്‍ ഈ നാരങ്ങയുടെ തൊലി കളയാതെ വെച്ചാല്‍ നമ്മള്‍ക്ക് പല ആവശ്യങ്ങള്‍ക്ക് ഉപയോഗിക്കാൻ സാധിക്കും. അവ എന്തെല്ലാമെന്ന് നോക്കാം.
പൽ പൊടിയായി ഉപയോഗിക്കാം...
നാരങ്ങയുടെ തൊലി ഉണക്കിപ്പൊടിച്ച് ഉണ്ടാക്കുന്ന പൊടി പല്ല് വൃത്തിയാക്കാൻ ഉപയോഗിക്കാം. പല്ല് വൃത്തിയാക്കുന്നത് വായുടെ ആരോഗ്യത്തിനും വായ്‌നാറ്റം അകറ്റാനും ഉപയോഗിക്കാം.മോണയിൽ വൈറ്റമിൻ സിയുടെ കുറവ് മൂലമുണ്ടാകുന്ന രക്തസ്രാവം, സ്‌കർവി, മോണവീക്കം എന്നിവയ്‌ക്ക് എതിരെ നാരങ്ങാത്തൊലി പ്രവർത്തിക്കുന്നു.
നാരങ്ങയുടെ തൊലിയിൽ വൈറ്റമിൻ സി സമ്പുഷ്ടമായി അടങ്ങിയിരിക്കുന്നു. നാരങ്ങ തൊലി വെള്ളമോ നാരങ്ങ തൊലി ടീയോ കുടിക്കുന്നത് വായ്ക്കും അതുപോലെ പല്ലിന്റെ കെറ്റ്, അറകൾ തുടങ്ങിയ ദന്ത പ്രശ്നങ്ങളിൽ നിന്നും മുക്തി നേടുന്നതിനും സഹായിക്കും. കൂടാതെ, നാരങ്ങയുടെ തൊലി അരച്ച് സാലഡിൽ കലർത്തിയാലും രുചി കൂട്ടാം
പാത്രങ്ങളിലെ ചീത്ത മണം ഇല്ലാതാക്കാൻ...
മീൻ കറി വെച്ചാല്‍, അല്ലെങ്കില്‍ ചിക്കൻ പോലെയുള്ള മീറ്റ് ഐറ്റംസ് കറി വെച്ച് കഴിഞ്ഞാല്‍ പാത്രങ്ങളിലും അതുപോലെ തന്നെ അത് ഇളക്കാൻ ഉപയോഗിച്ച തവിയിലും മണം നില്‍ക്കും. പ്രത്യേകിച്ച്‌ മരത്തിന്റെ തവിയാണ് ഉപയോഗിച്ചതെങ്കില്‍ തീര്‍ച്ചയായും തവിയിലും അതുപോലെ തന്നെ പാത്രത്തിലും മണം നിലനില്‍ക്കാൻ സാധ്യത കൂടുതലാണ്. ഇത് കുറയ്ക്കാൻ നാരങ്ങയുടെ തൊണ്ട് ഉപയോഗിക്കുന്നത് നല്ലതാണ്.
കഴുകാൻ വെച്ചിരിക്കുന്ന പാത്രത്തില്‍ കുറച്ച് ഡിഷ് വാഷ് ലിക്വിഡ് ഒഴിക്കുക. അതിന് ശേഷം നാരങ്ങയുടെ തൊലിയുടെ ഉള്‍ഭാഗം കൊണ്ട് ഈ ലിക്വിഡ് പാത്രത്തിന്റെ എല്ലാ ഭാഗത്തും ആക്കി നന്നായി സ്‌ക്രബ് ചെയ്ത് എടുക്കണം. അതിന് ശേഷം നിങ്ങള്‍ക്ക് ചെറുചൂടുവെള്ളത്തില്‍ പാത്രങ്ങള്‍ കഴുകി എടുക്കാവുന്നതാണ്. ഇത് പാത്രത്തില്‍ നിന്നും കറികള്‍ വെച്ച മണം വേഗത്തില്‍ തന്നെ നീക്കം ചെയ്യുന്നതിന് സഹായിക്കുന്നതാണ്.
വീടിനുള്ളിൽ നല്ല മണം ലഭിക്കാൻ...
നാരങ്ങയ്ക്ക് നല്ല പോസറ്റീവ് സ്മെല്‍ ആണ് ഉള്ളത്. ഇത് ഒരിക്കലും മട്ടിപ്പിക്കുന്നതോ, അതുപോലെ, തലവേദന ഉണ്ടാക്കുന്നതോ അല്ല. അതുപോലെ അന്തരീക്ഷത്തില്‍ നിലനില്‍ക്കുന്ന ദുര്‍ഗന്ധം ആഗിരണം ചെയ്ത് എയര്‍ ഫ്രഷ് ആക്കി നിലനിര്‍ത്താൻ ഇത് സഹായിക്കുന്നുണ്ട്. അതിനാല്‍, നാരങ്ങയുടെ തൊണ്ട് നിങ്ങള്‍ക്ക് വീടിന്റെ മൂലയ്ക്ക് അല്ലെങ്കില്‍ അടുക്കളയുടെ ഒരു കോണറില്‍ വെക്കാവുന്നതാണ്.
ഇതല്ലെങ്കില്‍ കുറച്ച് വെള്ളത്തില്‍ നാരങ്ങയുടെ തൊണ്ട് ഇട്ട് തിളപ്പിക്കുക. ഒപ്പം കുറച്ച് കര്‍പ്പുരവും ചേര്‍ക്കുന്നത് നല്ലതാണ്. ഇത് നന്നായി തിളപ്പിച്ച്‌ ഒരു പകുതി വരെ വറ്റിച്ച്‌ കഴിയുമ്ബോള്‍ അരിച്ച്‌ ഒരു സപ്രേ ബോട്ടിലില്‍ ആക്കി എയര്‍ ഫ്രഷ്നറായി നിങ്ങള്‍ക്ക് ഉപയോഗിക്കാവുന്നതാണ്. മനസ്സ് ഫ്രഷ് ആക്കാൻ ഇത്തരം നാച്വറല്‍ എയര്‍ ഫ്രഷ്നര്‍ സഹായിക്കുന്നതാണ്.
വസ്ത്രങ്ങളിലെ കറ കളയാൻ...
കറകളയാൻ നാരങ്ങ നല്ലതാണ്. ഇതിന് നാരങ്ങയുടെ നീര് തന്നെ വേണം എന്നില്ല, നാരങ്ങയുടെ തൊണ്ട് ഉപയോഗിച്ചും നിങ്ങള്‍ക്ക് വസ്ത്രങ്ങളിലെ കറ കളയാൻ സാധിക്കുന്നതാണ്. കറപിടിച്ച ഭാഗത്ത് ആദ്യം തന്നെ കുറച്ച് ഉപ്പ് ഇടുക. അതിന് ശേഷം നിങ്ങള്‍ നാരങ്ങയുടെ തൊണ്ട് ഉപയോഗിച്ച് നന്നായി ഉരയ്ക്കുക. നിറം മാറുന്നത് കാണാൻ സാധിക്കും. അതിന് ശേഷം കുറച്ച് സോപ്പും പൊടിയും ചേര്‍ത്ത് പതുക്കെ ഉരയ്ക്കുക. അതിന് ശേഷം നിങ്ങള്‍ക്ക് നല്ല നോര്‍മല്‍ വെള്ളത്തില്‍ കഴുകി എടുക്കാവുന്നതാണ്. ഇത് വസ്ത്രങ്ങളില്‍ നിന്നും കറ കളയാൻ സഹായിക്കും.
കൈകളിലെ മണം ഒഴിവാക്കാനായി സോപ്പിന് പകരം ഉപയോഗിക്കാം
ചിലപ്പോള്‍ ചില ആഹാരം കഴിച്ച്‌ കഴിയുമ്ബോള്‍ കൈകളില്‍ അമിതമായി മണം നിലനില്‍ക്കുന്നത് കാണാം. പ്രത്യേകിച്ച്‌ ചില ഭക്ഷണങ്ങൾ കഴിച്ച്‌ കഴിഞ്ഞാല്‍ കൈകളില്‍ നല്ലപോലെ നെയ്യിന്റേയും മസാലയുടേയും മീനിന്റെയും എല്ലാം മണം നിലനില്‍ക്കും. ഇത് ഒഴിവാക്കാൻ നിങ്ങള്‍ക്ക് നാരങ്ങ ഉപയോഗിക്കവുന്നതാണ്. ഇതിനായി ചെറുചൂടുവെള്ളത്തില്‍ നാരങ്ങയുടെ തൊണ്ട് ഇടുക. ഇതില്‍ കൈ ഇട്ട് നാരങ്ങ കൊണ്ട് നന്നായി സ്‌ക്രബ് ചെയ്ത് കഴുകി എടുക്കാവുന്നതാണ്. ഇത് കൈകളില്‍ നിന്നും ആഹാരത്തിന്റെ മണം നീക്കം ചെയ്യാൻ സഹായിക്കുന്നതാണ്.
ചെറു പ്രാണികളെ ഒഴിവാക്കാൻ
ചെറു പ്രാണികളും കൊതുകിനെയും എല്ലാം ഒഴിവാക്കാനായി നാരങ്ങാ തൊലിയിൽ ഗ്രാമ്പൂ കുത്തിവെച്ച് റൂമിന്റെ ഏതെങ്കിലും ഒരു ഭാഗത്ത് വെച്ചാൽ മതി
നഖം ക്ലീൻ ചെയ്യാൻ വേണ്ടി...
കൈവിരലിലെയും കാൽവിരലിലെയും എല്ലാം നഖങ്ങളിലും ഉണ്ടാകുന്ന അഴുക്കുകൾ നീക്കം ചെയ്യാനായി നാരങ്ങാത്തൊലി കൊണ്ട് നന്നായി മസാജ് ചെയ്താൽ മതി.