നരച്ച മുടി കറുപ്പിക്കാൻ ഈ പ്രകൃതിദത്ത മാർഗ്ഗങ്ങൾ തിരഞ്ഞെടുത്തോളൂ
നരച്ച മുടി കറുപ്പിക്കാന്‍ വിറ്റമിന്‍ ഇ ഓയില്‍ ഇങ്ങനെ ഉപയോഗിക്കൂ
മുടി നരക്കുന്നത് അസാധാരണമായ കാര്യമൊന്നുമല്ല. എന്നാൽ വളരെ ചെറുപ്രായത്തിൽ തന്നെ മുടി നരക്കുന്നത് പലരെയും സംബന്ധിച്ച് ബുദ്ധിമുട്ടുള്ള കാര്യമാണ്. ഇതിന് പരിഹാരമായി മിക്ക ആളുകളും ഉപയോഗിക്കുന്നത് കെമിക്കലുകൾ അടങ്ങിയ ഹെയർ ഡൈ ആണ്. എന്നാൽ പ്രകൃതിദത്തമായി മുടി കറുപ്പിക്കാനുള്ള മാർഗ്ഗങ്ങൾ ഉള്ളപ്പോൾ പിന്നെന്തിന് രാസവസ്തുക്കൾ ചേർന്ന ഉൽപ്പന്നങ്ങൾ ഉപയോഗിച്ച് മുടിക്ക് കേടുപാടുകൾ വരുത്തിവെയ്ക്കണം?
മുടി കറുപ്പിക്കാന്‍ ഇന്ന് നിരവധി മാര്‍ഗ്ഗങ്ങളുണ്ട്. എന്നാല്‍ കുറച്ച് ഹെല്‍ത്തി ആയി മുടി കറുപ്പിക്കാന്‍ സാധിച്ചാല്‍ അത് നല്ലത് തന്നെ. അതുപോലെ, മുടിയുടെ ആരോഗ്യവും നിലനിര്‍ത്താന്‍ സാധിക്കുന്ന വിറ്റമിന്‍ ഇ ഓയില്‍ ഉപയോഗിച്ചുള്ള രണ്ട് ഹെര്‍പാക്കുകളാണ് പരിചയപ്പെടുത്തുന്നത്
മുടിയുടെ വളര്‍ച്ചയ്ക്കും മുടി നല്ല ഉള്ളോടെ വളരാനും വിറ്റമിന്‍ ഇ ഓയില്‍ നമ്മള്‍ ഉപയോഗിക്കാറുണ്ട്. എന്നാല്‍, ഇത് മുടി വേഗത്തില്‍ നരയ്ക്കുന്നത് തടയാനും നമുക്ക് ഉപയോഗിക്കാവുന്നതാണ്. ചിലര്‍ക്ക് മുടിയുടെ ആരോഗ്യം കുറയുന്നതിനനുസരിച്ച് വേഗത്തില്‍ മുടി നരയ്ക്കാനും ആരംഭിക്കാറുണ്ട്. എന്നാല്‍, ഇത്തരം പ്രശ്‌നങ്ങള്‍ മുടിയെ അലട്ടാതെ മുടി നല്ല ആരോഗ്യത്തോടെ നല്ല കറുകറുത്ത് ഇരിക്കാന്‍ വിറ്റമിന്‍ ഇ ഓയില്‍ ഉപയോഗിക്കേണ്ട ഒരു രീതിയുണ്ട്.അത് എന്തെന്ന് നമുക്ക് നോക്കാം.
മുടി നരയ്ക്കുന്നതിന് പിന്നിലെ കാരണം ഇവയാണ്
പലര്‍ക്കും പല കാരണങ്ങള്‍കൊണ്ടാണ് മുടി വേഗത്തില്‍ നരയ്ക്കുന്നത്. ചിലര്‍ മുടിയില്‍ അമിതമായി കെമിക്കല്‍സ് ഉപയോഗിക്കുന്നത് മുടി വേഗത്തില്‍ നരയ്ക്കുന്നതിന് കാരണമാകാറുണ്ട്. പ്രത്യേകിച്ച് ഹെയര്‍ കളര്‍ ചെയ്തവരുടെ മുടി വേഗത്തില്‍ നരയ്ക്കുന്നത് നിങ്ങള്‍ ശ്രദ്ധിച്ച് കാണും.
കെമിക്കല്‍സ് മാത്രമല്ല, നമ്മള്‍ കഴിക്കുന്ന ആഹാരം പോലും നമ്മളുടെ മുടിയുടെ ആരോഗ്യത്തെ കാര്യമായി ബാധിക്കുന്നുണ്ട്. അമിതമായി വറുത്തതും പൊരിച്ചതും അടങ്ങിയ ആഹാരം കഴിക്കുന്നത് മുടിയുടെ ആരോഗ്യത്തിന് ഒട്ടും നല്ലതല്ല.
നല്ല എരിവുള്ളതും ഉപ്പ് അടങ്ങിയതുമായ ആഹാരം അമിതമായി കഴിക്കുന്നത് മുടിയുടെ ആരോഗ്യം നശിപ്പിക്കുകയും ഇത് മുടി വേഗത്തില്‍ നരയ്ക്കുന്നതിന് കാരണമാവുകയും ചെയ്യുന്നുണ്ട്.
അതുപോലെ തന്നെ മുടിയില്‍ അമിതമായി ചൂട് ഏല്‍ക്കുന്നതും മുടിയുടെ ആരോഗ്യത്തെ നശിപ്പിക്കുന്ന കാര്യമാണ്
മുടിയുടെ നരയകറ്റാന്‍ വിറ്റമിന്‍ ഇ ഓയില്‍ ഉപയോഗിക്കേണ്ട വിധമുണ്ട്. ഇത് തയ്യാറാക്കുന്നതിനായി പ്രധാനമായും വേണ്ട ചേരുവകള്‍ നെല്ലിക്ക, ഉലുവ, കറിവേപ്പില, ആവണക്കെണ്ണ എന്നിവയാണ്
നെല്ലിക്ക ഒരു നാലെണ്ണം എടുക്കുക. ഇത് കുരുകളഞ്ഞ് മാറ്റി ഒരു മിക്‌സിയുടെ ജാറില്‍ ഇടണം. ഇതിലേയ്ക്ക് ഒരു ടേബിള്‍സ്പൂണ്‍ ആവണക്കെണ്ണയും ഒരു വിറ്റമിന്‍ ഇ ഗുളിക പൊട്ടിച്ച് ഒഴിച്ചതും അര ടേബിള്‍സ്പൂണ്‍ ഉലുവയും ഒരു കപ്പ് കറിവേപ്പിലയും ചേര്‍ത്ത് നന്നായി അരച്ച് എടുക്കുക.
ഈ അരപ്പ് എടുത്തത് അരിച്ച് ഒരു സ്പ്രേ ബോട്ടിലില്‍ ആക്കി വെക്കണം. ഇത് മുടിയുടെ വേരില്‍ എത്തുന്ന വിധത്തില്‍ സ്പ്രേ ചെയ്യണം. ഇത് ദിവസത്തില്‍ രണ്ട് തവണ ചെയ്യണം. എല്ലാ ദിവസവും ഇത് ഉപയോഗിച്ചാല്‍ മുടി വളരെ പെട്ടെന്ന് തന്നെ വളരുകയും നല്ല കരുത്തുള്ളതും മുടിയില്‍ നരവരാതെ സംരക്ഷിക്കുന്നതിനും ഇത് സഹായിക്കുന്നുണ്ട്.
നെല്ലിക്ക വരട്ടിയെടുത്തത്
മുടിയ്ക്ക് നല്ല കറുപ്പ് നിറം ലഭിക്കാന്‍ ഇത് വളരെ നല്ലതാണ്. ഇത് തയ്യാറാക്കുന്നതിനായി ഒരു കപ്പ് നീലയമരി എടുക്കുക. അതുപോലെ, അഞ്ച് നെല്ലിക്ക എടുക്കുക. നെല്ലിക്ക കുരുകളഞ്ഞ് ജാറില്‍ ഇടണം. അതുപോലെ, നീലയമരി ചേര്‍ത്ത് അരച്ചെടുക്കണം. ഇത് നല്ല ഇരുമ്പ് ചട്ടിയില്‍ ഇട്ട് ചെറുതീയില്‍ വരട്ടി എടുക്കണം. നല്ലപോലെ നിറം മാറിയതിന് ശേഷം ഇത് ആ ചട്ടിയില്‍ ഒരു ദിവസം വെക്കണം.
ഇത് തലയില്‍ തേക്കുന്നതിന് മുന്‍പ് വിറ്റമിന്‍ ഇ ഓയില്‍ ചേര്‍ത്ത് മിക്‌സ് ചെയ്ത് തലയില്‍ തേച്ച്പിടിപ്പിച്ച് ഒരു മണിക്കൂര്‍ ഇരിക്കാവുന്നതാണ്. അതിനുശേഷം മുടി നന്നായി കഴുകി വൃത്തിയാക്കി എടുക്കേണ്ടത് അനിവാര്യമാണ്.
ഗുണങ്ങള്‍
ഈ കൂട്ട് ഉപയോഗിച്ചാല്‍ നിരവധി ഗുണങ്ങളആണ് ലഭിക്കുക. കാരണം, ഇതില്‍ ഉപയോഗിച്ചിരിക്കുന്ന ചേരുവകള്‍ മുടിയുടെ ആരോഗ്യത്തിന് അത്രയധികം ഗുണം ചെയ്യുന്നവയാണ്. മുടിയുടെ നര മാറ്റി എടുക്കാനും അതുപോലെ മുടി വേഗത്തില്‍ നരയ്ക്കുന്നത് കുറയ്ക്കാനും ഇത് സഹായിക്കുന്നുണ്ട്.
മുടിയുടെ കോശങ്ങള്‍ക്കുണ്ടാകുന്ന കേടുപാടുകള്‍ പരിഹരിക്കാനും മുടി നല്ല സില്‍ക്കിയായി നല്ല കറുപ്പ് വര്‍ണ്ണത്തില്‍ നിലനില്‍ക്കുന്നതിനും ഇത് സഹായിക്കുന്നു. അതുപോലെ, മുടിയ്ക്ക് നല്ല തിളക്കം ലഭിക്കാനും, തലയോട്ടി നല്ല ക്ലീന്‍ ആക്കി എടുക്കുന്നതിനും ഇത് സഹായിക്കുന്നുണ്ട്.
മുടിയ്ക്ക് നല്ല കട്ടി വെക്കുന്നതിനും മുടി കൊഴിച്ചില്‍ നിര്‍ത്തി മുടിയ്ക്ക് നല്ല ഉള്ള് നല്‍കാനും ഈ രണ്ട് ഹെയര്‍പാക്കുകള്‍ വളരെയധികം സഹായിക്കും എന്നതില്‍ സംശയമില്ല.
ശ്രദ്ധിക്കേണ്ട കാര്യം
ഒരു ദിവസം ഉപയോഗിച്ചാല്‍ പെട്ടെന്ന് ഫലം ലഭിക്കും എന്ന് ഒരിക്കലും വിചാരിക്കരുത്. ആഴ്ച്ചയില്‍ രണ്ട് പ്രാവശ്യം ഇത് ഉപയോഗിച്ചാല്‍ മാത്രം നീണ്ടകാലത്തേയ്ക്ക് നല്ല ഫലം ലഭിക്കൂ. അതുപോലെ, ഈ ഹെയര്‍പാക്ക് ഉപയോഗിച്ചാല്‍ കുറഞ്ഞത് രണ്ട് മണിക്കൂറെങ്കിലും ഇത് തലയില്‍ ഇരിക്കാന്‍ അനുവദിക്കണം.
ഇത് കഴുകി കളയാന്‍ ചെറുചൂടുവെള്ളം ഉപയോഗിക്കുന്നതാണ് നല്ലതാണ്. അതുപോലെ, ഇത്തരം ഹെയര്‍പാക്കുകള്‍ ഉപയോഗിക്കുന്നതിന് മുന്‍പ് ഒരുവട്ടം തലമുടി നന്നായി കഴുകി അഴുക്കെല്ലാം കളഞ്ഞ് ഉണക്കി എടുത്ത് അതിന് ശേഷം ഹെയര്‍പാക്ക് ഉപയോഗിച്ചാല്‍ കൂടുതല്‍ ഗുണം ലഭിക്കും.
ശ്രദ്ധിക്കുക : അറിവിനെ ജനകീയമാക്കുക എന്ന ലക്ഷ്യം മാത്രമാണ് ഈ പോസ്റ്റിന് ഉള്ളത്.രോഗനിർണ്ണയത്തിനും ചികിത്സയ്ക്കും പകരമാകാൻ ഉദ്ദേശിച്ചുള്ളതല്ല, കൃതഹസ്തരായ ചികിത്സകരുടെ ഉപദേശപ്രകാരം മാത്രം ഔഷധങ്ങൾ ഉപയോഗിക്കുക. കൂടുതൽ പഠനം നടത്തി നല്ലത് മാത്രം സ്വീകരിക്കുക.
