മുടിയിഴകൾക്ക് ഭംഗി കൂട്ടാൻ മൈലാഞ്ചി ഉപയോഗിക്കാൻ ചില പ്രത്യേക വഴികൾ അറിയാം

മുടിയിഴകൾക്ക് ഭംഗി കൂട്ടാൻ മൈലാഞ്ചി; ഉപയോഗിക്കാൻ ചില പ്രത്യേക വഴികൾ

     

മൈലാഞ്ചി കേശസംരക്ഷണത്തിന് ഉപയോഗിക്കാം എന്ന് അറിയാത്തവര്‍ വിരളമായിരിക്കും. എന്നാല്‍ പലര്‍ക്കും ഏതൊക്കെ തരത്തിലാണ് മൈലഞ്ചി മുടിയിഴകള്‍ക്ക് ഗുണപരമാകുന്നത് അറിയില്ല എന്നതാണ് സത്യം. നൂറ്റാണ്ടുകളായി ഹെയര്‍ കളറിംഗും കണ്ടീഷനിംഗും ഉള്‍പ്പെടെ വിവിധ ആവശ്യങ്ങള്‍ക്കായി മൈലാഞ്ചി ഉപയോഗിക്കുന്നവരാണ് നമ്മളില്‍ പലരും. ഹെന്ന മുടിക്ക് സ്വാഭാവികവും ഊര്‍ജ്ജസ്വലവുമായ ചുവപ്പ്-ഓറഞ്ച് നിറം പ്രദാനം ചെയ്യുന്നു.നര മറയ്ക്കാനും മുടിക്ക് സ്വാഭാവികമായ രീതിയിൽ നിറം നൽകാനും സഹായിക്കുന്ന പ്രകൃതിദത്ത മാർഗ്ഗമാണ് ഹെന്ന. ഇത് ഉപയോഗിക്കുമ്പോൾ ഉദ്ദേശിക്കുന്ന ഫലം ലഭിക്കാൻ മറ്റ് ചില ചേരുവകൾ കൂടെ ചേർക്കാം

പ്രകൃതിദത്തമായ രീതിയിൽ മുടിക്ക് നിറം നൽകാനാണ് മൈലാഞ്ചി ഉപയോഗിക്കുന്നത്. മുടിക്ക് തിളക്കവും ആരോഗ്യവും നല്കാൻ മൈലാഞ്ചിയോടൊപ്പം മറ്റ് പല ചേരുവകളും ചേർക്കാം. മുടിക്ക് നിറം നൽകുന്നത് കൂടാതെ താരൻ അകറ്റാനും മുടി വളർച്ച പ്രോത്സാഹിപ്പിക്കാനും എല്ലാം ഹെന്ന ഉപകരിക്കും. കലർപ്പില്ലാതെ ശുദ്ധമായ രീതിയിൽ ഹെന്ന ഉപയോഗിച്ചാൽ മുടിക്ക് ഓറഞ്ച് അല്ലെങ്കിൽ ചുവപ്പ് ടോണുകൾ ലഭിക്കും. അതെ സമയം, ഹെന്ന തയ്യാറാക്കുന്ന സമയം കുറച്ച് ചേരുവകൾ കൂടി കൂട്ടിചേർത്താൽ കുറച്ചു കൂടി വ്യത്യസ്തമായ നിറവും കിട്ടും. കണ്ടെത്താനാവും.

മുടിയിൽ മൈലാഞ്ചി ഉപയോഗിക്കേണ്ടത് എങ്ങനെ?

ഹെന്ന അല്ലെങ്കിൽ മൈലാഞ്ചി മുടിയിൽ പ്രയോഗിക്കുമ്പോൾ ചില കാര്യങ്ങൾ ശ്രദ്ധിക്കാനുണ്ട്. നെറ്റിയിലോ ചെവികളിലോ അല്ലെങ്കിൽ മറ്റ് ചർമ്മ ഭാഗങ്ങളിലോ നിറം പിടിക്കാതിരിക്കാൻ ശ്രദ്ധിക്കേണ്ടതുണ്ട്.

ഹെന്ന തയ്യാറാക്കുമ്പോൾ ഉപയോഗിക്കുന്നതിന് മുമ്പ് മൈലാഞ്ചിപൊടി മറ്റ് ചേരുവുകളോടൊപ്പം കലർത്തിയ ശേഷം മുമ്പ് കുറച്ച് മണിക്കൂർ ഇരിക്കാൻ അനുവദിക്കേണ്ടതുണ്ട്. ഓരോ തവണയും നിങ്ങൾ ഹെന്ന മാസ്ക് നന്നായി ഇതേ രീതിയിലാണ് തയ്യാറാക്കുന്നതെന്ന് ഉറപ്പാക്കുക.

ആദ്യം ചർമ്മത്തിൽ വെളിച്ചെണ്ണ പുരട്ടുക

കുറച്ച് വെളിച്ചെണ്ണയോ, പെട്രോളിയം ജെല്ലിയോ അതല്ലെങ്കിൽ ബോഡി ബട്ടറോ നിങ്ങളുടെ നെറ്റിയിലും കഴുത്തിലും ചെവികളിലും പുരട്ടുക. നിങ്ങൾ ഹെന്ന മുടിയിൽ ഉപയോഗിക്കുമ്പോൾ ഇത് നിങ്ങളുടെ മുഖത്ത് പാടുകളും കറകളും അവശേഷിപ്പിക്കാതിരിക്കാൻ വേണ്ടിയാണ് ഇങ്ങനെ ചെയ്യുന്നത്. ആവശ്യമെങ്കിൽ ഒരു ഹെഡ്ബാൻഡ് ഉപയോഗിക്കാം.

ഷാംപൂ ചെയ്ത മുടി ആയിരിക്കണം

മുടിയിൽ മൈലാഞ്ചി പ്രയോഗിക്കുന്നതിന് മുമ്പ്, നിങ്ങളുടെ മുടി പൂർണ്ണമായും കഴുകി വൃത്തിയാക്കേണ്ടതുണ്ട്. മൃദുവായ ഷാംപൂവും വെള്ളവും ഉപയോഗിച്ച് കഴുകിയ ശേഷം ഒരു ടവ്വൽ ഉപയോഗിച്ച് നന്നായി ഉണക്കി എടുക്കണം. ഈ സമയത്ത് കണ്ടീഷണർ ഉപയോഗിക്കണം എന്ന് നിർബന്ധമില്ല. ഒരു ബ്രഷ് ഉപയോഗിച്ച്കൊണ്ട് മുടി വകഞ്ഞ് നേരെയാക്കുക. പ്രയോഗിക്കാനുള്ള എളുപ്പത്തിനായി നിങ്ങളുടെ തലമുടി ചെറിയ ഭാഗങ്ങളായി വകഞ്ഞുകൊണ്ട് വിഭജിക്കാം.

ഹെന്ന നേരത്തെ തയാറാക്കാം

കടും ചായ ലായിനി, തേങ്ങാപ്പാൽ, ഉടച്ച വാഴപ്പഴം, തൈര് തുടങ്ങിയ ഇഷ്ടമുള്ള ചേരുവകളുമായി മൈലാഞ്ചി കൂട്ടിച്ചേർത്തുകൊണ്ട് ശരിയായി മിക്സ് ചെയ്യുക. നിങ്ങളുടെ ആവശ്യകതകൾ അനുസരിച്ച് ഈ മിശ്രിതത്തിൻ്റെ സ്ഥിരത നിശ്ചയിക്കുക. അത് വളരെ കട്ടിയുള്ളതോ നേർത്തതോ ആകാൻ പാടില്ല. ഉപയോഗിക്കുന്നതിന് മുമ്പ് ഒന്നോ രണ്ടോ മണിക്കൂർ മുമ്പ് ഹെന്ന മിശ്രിതം തയ്യാറാക്കാം. ചില ഹെന്ന കൂട്ടുകൾ തയ്യാറാക്കി ഒരു രാത്രി മുഴുവൻ ഇരുമ്പ് പാത്രത്തിൽ സൂക്ഷിക്കാറുണ്ട്

മുടിയിൽ പുരട്ടാം

നിങ്ങളുടെ തലയുടെ മുകൾ ഭാഗങ്ങളിൽ തുടങ്ങി താഴേക്ക് ഹെന്ന പായ്ക്ക് പ്രയോഗിക്കാൻ തുടങ്ങുക. തുടർന്ന് ക്രമേണ താഴേക്ക് നീങ്ങുക. ഓരോ മുടി വേരുകളിലും ഇത് പ്രയോഗിക്കണം. ഹെന്ന പുരട്ടുമ്പോൾ കൈയ്യുറകൾ ധരിക്കാൻ ശ്രദ്ധിക്കുക. ഒരു മുടിയിഴകളും നന്നായി തേച്ച് പിടിപ്പിച്ച ശേഷം ഇത് നന്നായി പൊതിഞ്ഞ് വെക്കാം.

അതിന് ശേഷം കുറഞ്ഞത് ഒന്ന് മുതൽ മൂന്ന് മണിക്കൂർ വരെ ഇത് തലയിൽ തുടരാൻ അനുവദിക്കണം. ശേഷം കഴുകി വൃത്തിയാക്കാം. ഈ സമയം ഷാംപൂ ഉപയോഗിക്കരുത്. മുടി ഉണങ്ങിയ ശേഷം എണ്ണ പുരട്ടാം. അടുത്ത തവണ മുടി ഷാംപൂ ഉപയോഗിച്ച് കഴുകാം. ശേഷം കണ്ടീഷണർ പുരട്ടുക.

ഹെന്ന നൽകുന്ന ഗുണങ്ങൾ എന്തൊക്കെയാണെന്ന് അറിയാമോ?

മൈലാഞ്ചി ചെയ്യുന്നതിന് മുമ്പ് മുടി എണ്ണരഹിതമാണെന്ന് ഉറപ്പാക്കുക. എണ്ണമയമുള്ള മുടിയിൽ ഹെന്ന ഇടുന്നത് ഒരുപക്ഷേ നിങ്ങൾക്ക് പ്രതീക്ഷിക്കുന്ന ഫലങ്ങൾ നൽകിയെന്നു വരില്ല. 

മുടി വളരാൻ

മൈലാഞ്ചി ഇലകളിലെ പ്രകൃതിദത്തമായ ചില സവിശേഷ ഗുണങ്ങൾക്ക് മുടി വളർച്ച പ്രോത്സാഹിപ്പിക്കാനുള്ള ശേഷിയുണ്ട്. മുടി വളർച്ചയെ പ്രോത്സാഹിപ്പിക്കുന്ന എണ്ണ തയ്യാറാക്കിയെടുക്കുന്നതിനായി മൈലാഞ്ചി പൊടി ഉപയോഗിക്കാം. എള്ളെണ്ണ എള്ളെണ്ണയും മൈലാഞ്ചി പൊടിയും ചേർത്ത മിശ്രിതം ഏകദേശം 10 മിനിറ്റ് നേരം അടുപ്പത്ത് വെച്ച് നന്നായി ചൂടാക്കുക. തണുത്ത ശേഷം ഇത് ഉപയോഗിക്കാം. മികച്ച ഫലങ്ങൾ കൈവരിക്കുന്നതിനായി ആഴ്ചയിൽ മൂന്ന് തവണ വീതം ഈ എണ്ണ തലയിൽ പുരട്ടുക.

താരൻ അകറ്റാം

താരനും അനുബന്ധ പ്രശ്നങ്ങളും അകറ്റാനും മൈലാഞ്ചി ഉത്തമമമാണ്. ഇതിനായി, ഒരു രാത്രി വെള്ളത്തിൽ കുതിർത്തിവച്ച ഉലുവ മിക്സറിൽ അരച്ചെടുക്കണം. ഈ പേസ്റ്റും മൈലാഞ്ചി പൊടിയും കടുകെണ്ണയിൽ ചാലിച്ച് തലയോട്ടിയിലും മുടിയിലും തേച്ചുപിടിപ്പിച്ച് 40 മിനിറ്റിനു ശേഷം കഴുകുക. ഇതിന് ശേഷം മുടിയിൽ കണ്ടീഷണർ പ്രയോഗിക്കാൻ മറക്കരുത്.

മുടി കൊഴിച്ചിൽ

കടുകെണ്ണയുമായി മൈലാഞ്ചി കലർത്തി ഉപയോഗിക്കുന്നത് മുടി കൊഴിച്ചിലിനെ പ്രതിരോധിക്കാനുള്ള മികച്ച മാർഗ്ഗമാണ്. കടുകെണ്ണയിൽ മൈലാഞ്ചി ഇലകളോ പൊടിയോ ചേർത്ത് നന്നായി തിളപ്പിച്ചെടുക്കാം. കുറഞ്ഞത് 7 മുതൽ 8 മിനിറ്റ് വരെ ഇത് തിളപ്പിക്കുക. തണുത്ത ശേഷം ഉപയോഗിക്കാം. ഈ എണ്ണ ഉപയോഗിച്ച് തലയോട്ടിയിലും തലമുടിയിലും ആഴ്ചയിൽ രണ്ടുതവണ വീതം മസാജ് ചെയ്യുക.

തലയിലെ ചൊറിച്ചിലിന് പരിഹാരം

ഹെന്നയിലെ ആന്റി മൈക്രോബിയൽ, ഫംഗസ് വിരുദ്ധ ഗുണങ്ങൾക്ക് തലയോട്ടിയിലുണ്ടാകുന്ന ചൊറിച്ചിലിൻ്റെ പ്രശ്നങ്ങളെ നിയന്ത്രിക്കാൻ കഴിവുണ്ട്. മൈലാഞ്ചി ഇലകൾ, വേപ്പില, തുളസി ഇലകൾ, കുറച്ച് വെള്ളം എന്നിവ ഒന്നിച്ചു ചേർത്ത് അരച്ചെടുക്കുക. ഇത് തലയോട്ടിയിൽ പുരട്ടി 40 മിനിറ്റിനു ശേഷം കഴുകിക്കളയുക.

മുടിയുടെ അറ്റം പിളരുന്നത് ഒഴിവാക്കാം

വരണ്ടതോ അല്ലെങ്കിൽ കേടുപാടുള്ളതോ ആയ മുടിയുടെ അറ്റങ്ങൾ പലപ്പോഴും പൊട്ടി പോകാനുള്ള സാധ്യതയുണ്ട്. ഈ പ്രശ്നവും മൈലാഞ്ചി കൊണ്ട് പരിഹരിക്കാം. ഇതിനായി മൈലാഞ്ചി പൊടി, ഒരു മുട്ട, അവോക്കാഡോ ഓയിൽ എന്നിവ മിക്സ് ചെയ്തുകൊണ്ട് മിശ്രിതം തയ്യാറാക്കുക. മിശ്രിതം അല്പം ലൂസ് അയക്കണമെങ്കിൽ അല്പം വെള്ളം ചേർത്ത് ഇളക്കാം. ഈ മിശ്രിതം മുടിയിൽ പുരട്ടുക. ഓരോ മുടിയിഴകളിലും ഇത് തേച്ചു പിടിപ്പിക്കുന്നുണ്ടെന്ന് ഉറപ്പാക്കുക. ഏകദേശം രണ്ട് മണിക്കൂർ കഴിഞ്ഞ് ഇളം ചൂടുള്ള വെള്ളത്തിൽ കഴുകാം

പ്രകൃതിദത്ത രീതിയിൽ മുടിക്ക് നിറം നൽകാൻ

മുടിക്ക് നിറം ലഭിക്കാൻ രാസവസ്തുക്കൾ ഉപയോഗിക്കുന്നതിന് പകരം പ്രകൃതിദത്തവും സുരക്ഷിതവുമായ രീതിയിൽ ഉപയോഗിക്കാവുന്ന ഒന്നാണ് ഹെന്ന. മുടിക്ക് നല്ല നിറം ലഭിക്കാനായി മൈലാഞ്ചി പൊടി, തേൻ, മുട്ട എന്നിവ മിക്സ് ചെയ്ത് ഒരു ഇരുമ്പു പാത്രത്തിൽ സൂക്ഷിക്കുക. ഒരു മണിക്കൂറിന് ശേഷം ഈ മിശ്രിതം മുടിയിഴകളിൽ തേച്ച് പിടിപ്പിക്കാം. ശേഷം ഇത് ഉണങ്ങാൻ അനുവദിച്ച ശേഷം കഴുകി കളയുമ്പോൾ മുടിക്ക് നല്ല നിറം ലഭിക്കും. മുടി ഉണങ്ങിയ ശേഷം മുടിയിൽ എണ്ണ പുരട്ടാം

മുടിക്ക് തിളക്കം നൽകാൻ

മുടി പൊട്ടിപ്പോകുന്നത് തടയാൻ മാത്രമല്ല, മുടിയുടെ ബലം വർധിപ്പിക്കാനും മുടിയിഴകൾക്ക് സ്വാഭാവിക രീതിയിൽ തിളക്കം നൽകാനുമെല്ലാം മൈലാഞ്ചി ഉപയോഗിക്കാം. നല്ല കടുപ്പത്തിൽ തയ്യാറാക്കിയ കട്ടൻ ചായ മിശ്രിതത്തിലേക്ക് മൈലാഞ്ചി പൊടി ചേർത്തിളക്കി ഒരു രാത്രി മുഴുവൻ മാറ്റി വെക്കുക. ഇനി ഇതിലേയ്ക്ക് അല്പം നാരങ്ങാനീര് ചേർക്കുക. ഈ മിശ്രിതത്തിലേക്ക് നിങ്ങൾക്ക് ഒരു മുട്ടയോ അല്ലെങ്കിൽ തൈരോ ചേർക്കാം. ഇത് മുടിയിഴകളിൽ തേച്ച് പിടിപ്പിക്കുക. 30 മിനിറ്റോളം കാത്തിരുന്ന ശേഷം ചെറുചൂടുള്ള വെള്ളത്തിൽ കഴുകി കളയാം.

എണ്ണമയമുള്ള തലയോട്ടിക്ക്

എണ്ണമയം കൂടുതലുള്ള ശിരോചർമത്തിൽ എളുപ്പത്തിൽ അഴുക്ക് അടിഞ്ഞുകൂടാനും കൂടുതൽ താരൻ ഉണ്ടാകാനുമുള്ള സാധ്യതയുണ്ട്. മൈലാഞ്ചി, മുൾട്ടാനി മിട്ടി എന്നിവ ചേർത്ത് തയ്യാറാക്കുന്ന ഹെയർ പായ്ക്ക് എണ്ണമയമുള്ള തലയോട്ടിയിലെ എല്ലാ സാധാരണ പ്രശ്നങ്ങളെയും നേരിടാൻ സഹായിക്കും. ഈ ഹെയർ മാസ്ക് പ്രയോഗിച്ച ശേഷം തല മുഴുവനും ഒരു തൂവാല കൊണ്ട് പൊതിയുക. അര മണിക്കൂറിന് ശേഷം പതിവ് ഷാംപൂ ഉപയോഗിച്ച് കഴുകി വൃത്തിയാക്കാം

പട്ടുപോലെ മൃദുലമായ മുടിയിഴകൾക്ക്

ഉടച്ചെടുത്ത ഒരു വാഴപ്പഴത്തേടൊപ്പം മൈലാഞ്ചി പൊടിയും ചേർത്ത് ഒരു രാത്രി സൂക്ഷിക്കാം. ഈ മിശ്രിതം മുടിയിൽ പുരട്ടി 15 മിനിറ്റ് സൂക്ഷിക്കുക. ആരോഗ്യമുള്ളതും തിളക്കമുള്ളതുമായ മുടി ലഭിക്കാനായി തണുത്ത വെള്ളത്തിൽ ഇത് കഴുകി കളയുക.

വരണ്ട മുടിയുള്ളവർക്ക്

മൈലാഞ്ചി, ഒലിവ് ഓയിൽ, വെളിച്ചെണ്ണ എന്നിവ ചേർത്ത ഹെയർ മാസ്ക് വരണ്ട മടിയുള്ളവർക്ക് ഗുണകരമാണ്. ഈ ഹെയർ പാക്ക് തയ്യാറാക്കാനായി നിങ്ങൾ എടുക്കുന്ന ഒലിവ് ഓയിലിന്റെ ഇരട്ടി അളവിൽ മൈലാഞ്ചി ഉപയോഗിക്കണമെന്ന് എപ്പോഴും ഓർമ്മിക്കുക. നിങ്ങളുടെ തലയോട്ടിയിലും മുടിയിലും ഇത് തേച്ചുപിടിപ്പിച്ച് ഒരു മണിക്കൂറോ അതിൽ കൂടുതലോ കാത്തിരിക്കുക. ശേഷം ഷാംപൂ ഉപയോഗിച്ച് മുടി കഴുകാം. അതിന് ശേഷം കണ്ടീഷണർ ഉപയോഗിക്കാൻ മറക്കരുത്

ശ്രദ്ധിക്കുക : അറിവിനെ ജനകീയമാക്കുക എന്ന ലക്ഷ്യം മാത്രമാണ് ഈ പോസ്റ്റിന് ഉള്ളത്.രോഗനിർണ്ണയത്തിനും ചികിത്സയ്ക്കും പകരമാകാൻ ഉദ്ദേശിച്ചുള്ളതല്ല, കൃതഹസ്തരായ ചികിത്സകരുടെ ഉപദേശപ്രകാരം മാത്രം ഔഷധങ്ങൾ ഉപയോഗിക്കുക. പഠനം നടത്തി നല്ലത് മാത്രം സ്വീകരിക്കുക