സ്പെഷ്യൽ മധുര പച്ചടി
ഇന്ന് നമുക്ക് സ്പെഷ്യൽ മധുര പച്ചടി തയ്യാറാക്കുന്നത്‌ എങ്ങെനെ എന്ന് നോക്കാം .
ആവശ്യമുള്ള ചേരുവകൾ
പൈനാപ്പിൾ - 1 എണ്ണം
ഏത്തപ്പഴം - 1 എണ്ണം
കറുത്ത മുന്തിരി - 10 -15 എണ്ണം
തേങ്ങപീര - 1 കപ്പ്
നല്ല ജീരകം - അര ടീസ്പൂൺ
കടുക് - അര ടീസ്പൂൺ
തൈര് - 1 കപ്പ്
പഞ്ചസാര - 1 ടേബിൾ സ്പൂൺ
പച്ചമുളക് - 3 എണ്ണം
മഞ്ഞൾ പൊടി - അര ടീസ്പൂൺ
മുളക് പൊടി - 1 ടീസ്പൂൺ
വേപ്പില - ആവശ്യത്തിന്
ഉണക്കമുളക് - 3 എണ്ണം
വെളിച്ചെണ്ണ - 3 ടേബിൾ സ്പൂൺ
ഉപ്പ് - ആവശ്യത്തിന്
തയാറാക്കുന്ന വിധം...
പൈനാപ്പിൾ മഞ്ഞൾ, മുളക് പൊടിയും, ഉപ്പും , പാകത്തിന് വെള്ളവും ചേർത്ത് വേവിക്കുക.
ശേഷം ഏത്തപ്പഴം നുറുക്കിയതും , വേപ്പിലയും, പഞ്ചസാരയും ആവശ്യമെങ്കിൽ വെള്ളവും ചേർത്ത് അടച്ച്‌ വെച്ച് 5 മിനിട്ട് വേവിക്കുക.
ഇനി തേങ്ങ ,ജീരകം ,കുറച്ച് കടുക്, പച്ചമുളക്, എന്നിവ തൈര് ചേർത്ത് അരക്കുക.
ശേഷം ഈ അരപ്പ് വേവിച്ച പൈനാപ്പിൾ, പഴം കൂട്ടിലേക്ക് ചേർത്ത് ചെറുതീയിലിട്ട് കുറുകി വരുന്നത് വരെ ഇളക്കുക.
ശേഷം ബാക്കിയുള്ള തൈരും, മുന്തിരിയും ചേർത്ത് ഒന്ന് ചൂടാക്കിയ ശേഷം തീ ഓഫാക്കുക.മറ്റൊരു പാനിൽ വെളിച്ചെണ്ണ ചൂടാക്കി, കടുക് പൊട്ടിച്ച് , ഉണക്കമുളകും വേപ്പിലയുമിട്ട് താളിച്ച് കറിക്ക് മുകളിലായി ഒഴിക്കുക.അടിപൊളി മധുരക്കറി ( മധുര പച്ചടി ) റെഡി.