ഓരോരുത്തരുടെയും അനുഭവങ്ങളും കാഴ്ചപ്പാടുകളും തീർത്തും വ്യത്യസ്തങ്ങളാണ്. അതുകൊണ്ട് നല്ല അഭിപ്രായങ്ങളെയും നിർദ്ദേശങ്ങളെയും മാത്രം നമ്മൾ കണക്കിലെടുക്കുക. നമ്മുടെ കാഴ്ചപ്പാടിന് അനുസരിച്ച് മറ്റൊരാൾ തിരുത്തപ്പെടണം എന്ന് പറയുന്നത് ശരിയല്ല . അനുഭവങ്ങളുടെ തീച്ചൂളയിൽ നിന്നും എഴുതുന്ന വരികളിൽ കൈപ്പേറും . ജീവിതം എല്ലാവർക്കും മാധുര്യമേറിയതാവണം എന്നില്ലല്ലോ .സ്വന്തം കാര്യത്തിനുവേണ്ടി മാത്രം നമ്മളോട് അടുപ്പം കാണിക്കുന്നവരെ തിരിച്ചറിയാൻ കഴിഞ്ഞില്ലെങ്കിൽ അതൊരു പരാജയം തന്നെയാണ്.
മനം കവരുന്ന വാക്കുകൾ പറയാൻ ചിലപ്പോൾ ചിലർക്ക് കഴിഞ്ഞേക്കാം. പക്ഷേ നമ്മുടെ മനസ്സറിയുന്ന വാക്കുകൾ പകർന്നു നൽകാൻ നമ്മളെ അറിയുന്ന നല്ല മനസ്സലിവുള്ളവർക്ക് മാത്രമേ കഴിയൂ .. നമുക്കുള്ള അതേ സങ്കടങ്ങൾ ഉള്ളിൽ കൊണ്ടുനടക്കുന്നവരുമായി ദിവസവും കുറച്ചു നേരം സംസാരിക്കുന്നത് ഇരുകൂട്ടർക്കും ആശ്വാസമാകും .
കാലം അതിൻ്റെ വേഗതയിൽ സഞ്ചരിച്ചുകൊണ്ടിരിക്കും. ഒപ്പം നമ്മളും. അതുകൊണ്ടുതന്നെ, കഴിഞ്ഞുപോയത് എന്തും നമുക്ക് മനോഹരമാണ്.... പ്രത്യേകിച്ച് ബാല്യകാലം....ഇനി നമ്മൾ ചെയ്യേണ്ടത് ഒന്നുമാത്രം. നമ്മൾക്ക് കിട്ടുന്ന ഓരോ ദിനങ്ങളും ഓരോ നല്ല ഓർമ്മകളാക്കി മാറ്റുക.
നിങ്ങളുടെ ജീവിതം നൂറു കാരണങ്ങൾ കാട്ടി നിങ്ങളെ കരയിപ്പിക്കാൻ ശ്രമിക്കുന്നുണ്ടെങ്കിൽ ,
ആ ജീവിതത്തെ ആയിരം കാരണങ്ങൾ കാണിച്ചു കൊണ്ട് ചിരിച്ചു കാണിക്കുക.
ജീവിതത്തെക്കുറിച്ചുള്ള കാഴ്ചപ്പാട് മാറ്റിയാൽ നിങ്ങളെ തളർത്തുന്നു എന്ന് നിങ്ങൾ പറയുന്ന കാര്യങ്ങൾ തന്നെ നിങ്ങളെ വളർത്തും.
നിങ്ങളുടെ ചെറിയ കുറവുകളിൽ, തോൽവികളിൽ.., നിങ്ങളെ പരിഹസിക്കുന്നവരെ , വേദനിപ്പിക്കുന്നവരെ .,ഒരു ഉരക്കടലാസിനോടു ഉപമിക്കാം. അവ നിങ്ങളിൽ ഉരസി പോറലേൽപ്പിച്ചേക്കാം..
എങ്കിലും അവസാനം നിങ്ങൾ തിളങ്ങുകയും അവ ഉപയോഗശൂന്യമാവുകയും ചെയ്യും.
ഇന്നത്തെ നമ്മുടെ ദുഃഖങ്ങൾ തീരും ...നാളെ പ്രത്യാശയുടെ പുതിയൊരു ആകാശം തുറക്കും.ഓരോ
നിരാശയിലുമുണ്ട്
ഒളിഞ്ഞിരിക്കുന്ന
ഒരു പ്രത്യാശയുടെ നിറം.
അതു തിരിച്ചറിയുമ്പോഴാണ് നമ്മുടെ ജീവിതത്തിൻ്റെ ദിശയും ഗതിയും മാറുന്നത്.
തളരാത്ത പ്രത്യാശകൾക്ക് മുന്നിൽ തകരാത്ത പ്രതിബന്ധങ്ങളില്ല .
പ്രതിസന്ധികളും പരാജയങ്ങളും നമ്മുടെ ആത്മവീര്യത്തെ തകർക്കുമ്പോൾ സ്വപ്നങ്ങൾ സാക്ഷാത്ക്കരിക്കാൻ ഉറച്ച പ്രത്യാശ നമ്മിലുണ്ടാകണം.
ആഗ്രഹങ്ങൾ പൂവണിയാൻ പ്രത്യാശയുടെ നിരന്തര സാന്നിദ്ധ്യം
നമ്മളെ മുന്നോട്ട് നയിക്കട്ടെ.
പിടിവിട്ടു എന്ന തോന്നൽ നമ്മളെ കീഴടക്കുമ്പോൾ പലപ്പോഴും നാം ചുറ്റുപാടും നോക്കാറില്ല ..പക്ഷേ ഒന്ന് ശ്രദ്ധിച്ചുനോക്കൂ.. അപ്പോൾ കാണുവാൻ സാധിക്കും ചില പിടിവള്ളികൾ.. നടന്നു കയറുവാൻ ചില ചവിട്ടുപടികൾ.....
വിലയറിയാതെ നഷ്ടപ്പെടുത്തുന്ന പലതും വിലയുള്ളതായിരുന്നു എന്ന് മനസ്സിലാകുന്നത് അവ നഷ്ടപ്പെട്ടതിനുശേഷമായിരിക്കും .മുൻവിധികൾ ഉപേക്ഷിച്ചാൽ നമ്മുടെ ജീവിതത്തിൽ അത്ഭുതങ്ങൾ തന്നെ സംഭവിക്കും.
പക മൂലം നമ്മുടെ ജീവിതത്തിന്റെ പല ലക്ഷ്യങ്ങളും നമുക്ക് നേടാൻ കഴിയാതെ പോകാറുണ്ട്‌.
നമുക്ക് ജീവിതത്തിൽ പലരിൽ നിന്നും മോശമായ അനുഭവങ്ങൾ ഉണ്ടാവാറുണ്ട്‌. അത്തരം അനുഭവങ്ങൾ മനസ്സിൽ ഒരു നീറ്റലായി കിടക്കുന്നതായി പലരും പറയാറുണ്ട്‌.
ചെറുതായിരുന്നാൽ പോലും മറ്റൊരാളോട്‌ നാം പുലർത്തുന്ന പക നമ്മുടെ എല്ലാ നന്മകളെയും കാർന്നു തിന്നും..
ഇനി നേട്ടങ്ങൾ സാമ്പത്തികമായോ മറ്റോ ഉണ്ടായാൽ പോലും ഒരിക്കലും മാനസികമായ സംതൃപ്തിയും സമാധാനവും നമുക്ക് ആസ്വദിക്കാൻ സാധിക്കില്ല...!!!