"നാളികേരത്തിൻ്റെ നാട്ടിലെനിക്കൊരു നാഴിയിടങ്ങഴി മണ്ണുണ്ട്...."
മലയാളികൾ എല്ലാവരും ഏതു നാട്ടിലായാലും അഹങ്കാരത്തോടെ പാടുന്ന പാട്ടാണിത്. നമ്മുടെ നാടിൻ്റെ പേരിൽ പോലുമുണ്ട് ഈ വാക്ക്. കേരം അഥവാ നാളികേരത്തിൻ്റെ നാട് എന്നാണ് കേരളം അറിയപ്പെടുന്നത്. കേരളത്തിലെ ഏതു നാട്ടിൽ ചെന്ന് ചുറ്റുമൊന്ന് കണ്ണോടിച്ചു നോക്കിയാലും നമുക്കവിടെ ഒരുകൂട്ടം തെങ്ങുകൾ കുലച്ചു നൽകുന്നത് കാണാനാവും. രാജ്യത്തെമ്പാടുമുള്ള മുഴുവൻ നാളികേര കൃഷി ഉൽപാദനം കണക്കിലെടുത്താൽ പോലും അതിൽ ഒന്നാം സ്ഥാനം നമ്മുടെ കേരളനാടിന് തന്നെയാണ്. കോഴിക്കോട് ജില്ലയിലാണ് കേരളത്തിൽ ഏറ്റവും കൂടുതൽ തേങ്ങ് കൃഷിയുള്ളത്. 7448.65 ദശലക്ഷം നാളികേരങ്ങൾ പ്രതിവർഷം കേരളത്തിൽ നിന്ന് ഉൽപാദിപ്പിക്കപ്പെടുന്നുണ്ട് എന്നാണ് കണക്ക്.
മിക്കവിഭവങ്ങളിലും തേങ്ങ ഉപയോഗിക്കുന്നവരാണ് നമ്മള്‍ മലയാളികള്‍. പല നോർത്ത് ഇന്ത്യൻ വിഭവങ്ങളും നമ്മുടേതായ സ്റ്റൈലില്‍ എത്തിക്കുന്നത് ഈ എക്സ്ട്രാ ചേർക്കുന്ന തേങ്ങ ആണ്.
ഇത് ആത് വിഭവത്തിന്റെയും സ്വാദ് ഇരട്ടിപ്പിക്കും. ആധുനിക കാലഘട്ടത്തില്‍ കൊളസ്‌ട്രോള്‍ പോലുള്ള രോഗങ്ങള്‍ ചെറുപ്പക്കാര്‍ക്കിടയില്‍ പോലും അധികമാകുന്ന കാലമാണ്. അതിനു കാരണം ജീവിത ശൈലി ആകാം. കൊളസ്‌ട്രോള്‍ നിയന്ത്രണത്തിന് നാം എപ്പോഴും പറയാറുള്ളത് എണ്ണയുടെ ഉപയോഗം നിയന്ത്രിയ്ക്കുകയെന്നതാണ്. ഇവിടെയാണ് നാളികേരത്തെക്കുറിച്ച്‌ പലര്‍ക്കും ആശയക്കുഴപ്പമുണ്ടാകുന്നത്. നാളികേരം കഴിച്ചാല്‍ കൊളസ്‌ട്രോള്‍ വര്‍ദ്ധിയ്ക്കുമോയെന്നാണ് പലര്‍ക്കും സംശയം. കാരണം തേങ്ങയില്‍ വെളിച്ചെണ്ണ അടങ്ങിയിട്ടുണ്ട്. ഇത് തന്നെയാണ് കാരണമായി പറയുന്നത്.
ശാസ്ത്രം പറയുന്നത് അനുസരിച്ച്‌ ഫിനോള്‍ ധാരാളമായി അടങ്ങിയിട്ടുള്ള തേങ്ങ ഉയര്‍ന്ന കൊളസ്‌ട്രോള്‍ കുറയ്ക്കാന്‍ ഗുണം നല്‍കുന്ന ഒന്നാണ്. ഇത് ഓക്‌സിഡേററീവ് കേടുപാടുകള്‍ കുറച്ച് ചകോശങ്ങള്‍ക്ക് ആരോഗ്യം നല്‍കുന്നു. ഇതിലൂടെ ഉയര്‍ന്ന കൊളസ്‌ട്രോള്‍ സാധ്യത കുറയ്ക്കുന്നു. ഇതില്‍ ധാരാളം ആന്റിഓക്‌സിഡന്റുകള്‍ അടങ്ങിയിട്ടുണ്ട്. ഇതിനാല്‍ തന്നെ ഇവ കൊളസ്‌ട്രോള്‍ പ്രശ്‌നങ്ങള്‍ക്ക് പരിഹാരമാകുന്നു. തേങ്ങയ്ക്ക് മാത്രമല്ല, ഇതില്‍ നിന്നെടുക്കുന്ന ശുദ്ധമായ വെളിച്ചെണ്ണയ്ക്കും ഈ ഉപയോഗമുണ്ട്. എന്നാല്‍ ഇത് ഉപയോഗിയ്ക്കുന്ന രീതിയാണ് പ്രധാനം. ഇത് വറുത്തും പൊരിച്ചും ചൂടാക്കിയും ഉപയോഗിയ്ക്കുമ്ബോള്‍ ഇതിന്റെ ഗുണം നഷ്ടപ്പെടുന്നു. ഇത് ഇത്തരം വഴികളിലൂടെയല്ലാതെ കഴിയ്ക്കുമ്ബോഴാണ് ഗുണം ലഭിയ്ക്കുന്നത്.
ആയുര്‍വേദ പ്രകാരവും തേങ്ങ നല്ലതാണന്നാണ് പറയുന്നത്. ശരീരത്തിലെ ദഹനാഗ്നിയുടെ അസന്തുലിതാവസ്ഥയാണ് കൊളസ്‌ട്രോള്‍ കാരണമായി ആയുര്‍വേദം വിശദീകരിയ്ക്കുന്നത്. ഇതിലൂടെ ദഹനം തകരാറിലാകുന്നു. ശരീരത്തില്‍ മാലിന്യങ്ങള്‍ അടിഞ്ഞ് കൂടുന്നു. ഇതെല്ലാം മോശം കൊളസ്‌ട്രോള്‍ ഉല്‍പാദനത്തിന് കാരണമാകുന്നു. തേങ്ങയും വെളിച്ചെണ്ണയുമെല്ലാം ശരിയായ രീതിയില്‍ ഉപയോഗിയ്ക്കുന്നത് അഗ്നിയെ ബാലന്‍സ് ചെയ്ത് നിര്‍ത്താന്‍ സഹായിക്കുന്നു. വിഷാംശം നീക്കം ചെയ്യുന്നു, ദഹനം മെച്ചപ്പെടുത്തുന്നു. ഇതെല്ലാം തന്നെ കൊളസ്‌ട്രോള്‍ പരിഹാരവുമാകുന്നു.
തേങ്ങയ്ക്ക് മാത്രമല്ല, ശുദ്ധമായ വെളിച്ചെണ്ണയ്ക്കും ഈ ഗുണമുണ്ട്. മിതമായ തോതില്‍ കഴിച്ചാല്‍ വെളിച്ചെണ്ണ കൊളസ്‌ട്രോള്‍ നിയന്ത്രണത്തിന് സഹായിക്കുന്നു. വറുത്തും പൊരിച്ചും ചൂടാക്കിയുമല്ല, ഉപയോഗിയ്‌ക്കേണ്ടത്. ഇത് അവിയല്‍ പോലുള്ള വിഭവങ്ങളില്‍ വെറുതേ ഒഴിച്ച്‌ കഴിയ്ക്കുന്ന രീതിയില്‍ ഉപയോഗിയ്ക്കാം. നല്ല ശുദ്ധമായ വെളിച്ചെണ്ണ ഈ രീതിയില്‍ കഴിയ്ക്കുന്നത് ഏറെ ആരോഗ്യഗുണങ്ങള്‍ നല്‍കുന്നു.
നാളികേരത്തിൽ നിന്ന് ഉൽപാദിപ്പിക്കുന്ന വെളിച്ചെണ്ണയ്ക്ക് രോഗശമന ശേഷിയുണ്ട്. ഇതിൽ പൂരിത കൊഴുപ്പുകളാണ് അടങ്ങിയിട്ടുള്ളത്. മിതമായ അളവിൽ വെളിച്ചെണ്ണ എല്ലാ ഭക്ഷണങ്ങളിലും ഉപയോഗിക്കുന്നത് ആരോഗ്യത്തിന് ഏറ്റവും അനുയോജ്യമായ ഒരു പ്രവർത്തിയായിരിക്കും എന്ന് ഭക്ഷ്യരോഗവിദഗ്ധർ അഭിപ്രായപ്പെടുന്നു. തേങ്ങയിൽ നിന്ന് വേർതിരിച്ച് ഉണക്കിയെടുത്ത കൊപ്ര ചക്കിലിട്ട് ആട്ടിയാണ് പണ്ടൊക്കെ വെളിച്ചെണ്ണ തയ്യാറാക്കിയിരുന്നത്. ഇന്ന് ഈ പ്രവർത്തി കൂടുതൽ എളുപ്പത്തിലാക്കാൻ സഹായിക്കുന്ന മെഷീനുകൾ ഉണ്ട്. കൊപ്രയിൽ നിന്ന് വെളിച്ചെണ്ണ പ്രോസസ് ചെയ്തെടുത്ത ശേഷം വീണ്ടും ശുദ്ധീകരിച്ച ശേഷമാണ് വിപണികളിൽ എത്തുന്നത്. എന്നാൽ ശുദ്ധീകരിക്കാത്തതും പ്രോസസ്സ് ചെയ്യപ്പെടാത്തതുമായ വെളിച്ചെണ്ണയാണ് ആരോഗ്യത്തിന് കൂടുതൽ ഗുണങ്ങളും പോഷകങ്ങളും നൽകുന്നത് എന്നതാണ് യാഥാർത്ഥ്യം.
തേങ്ങയും ശരിയായ തോതില്‍ കഴിച്ചാല്‍ ഗുണം നല്‍കുന്ന ഒന്നാണ്. ഇത് കറികളില്‍ അരച്ച്‌ ചേര്‍ത്ത് കഴിയ്ക്കാം. എന്നാല്‍ ഇത് വറുത്തരച്ച്‌ കറികളില്‍ ഉപയോഗിയ്ക്കുന്ന രീതിയുണ്ട്. ഇത് നല്ലതല്ല. ഇതു പോലെ വറുത്തരച്ച്‌ കറിയുണ്ടാക്കുന്ന രീതി ആരോഗ്യകരല്ല. തേങ്ങ വറുക്കുമ്ബോള്‍ ജലാംശം നഷ്ടപ്പെട്ട് ഇതില്‍ അരോമാറ്റിക് പോളിസൈക്ലിക് ഹൈഡ്രോകാര്‍ബണുകള്‍ രൂപപ്പെടുന്നു. അതായത് തേങ്ങ വറുക്കുമ്ബോള്‍ ചുവന്ന് മണം വരുന്ന സ്‌റ്റേജ്. ഇത് കാര്‍ബണ്‍ കോമ്ബിനേഷനാണ്. ഇത് അസിഡിറ്റി, നെഞ്ചെരിച്ചില്‍, കുടല്‍ പ്രശ്‌നങ്ങള്‍ എന്നിവയുണ്ടാക്കുന്നു. വറുത്തരച്ച്‌ ഉപയോഗിയ്ക്കുന്നത് തേങ്ങയുടെ ഗുണം കളയുന്നുവെന്ന് മാത്രമല്ല, ഇത് കൊളസ്‌ട്രോള്‍ പോലുളള പല പ്രശ്‌നങ്ങള്‍ക്കും ഇടയാക്കുകയും ചെയ്യുന്നു. ഇതിനാല്‍ വറുത്തരച്ചുള്ളവ സ്വാദു നല്‍കുമെങ്കിലും ഇത്തരം രീതികള്‍ കഴിവതും ഒഴിവാക്കുക. അമിതമായ ഇത് ഉപയോഗിയ്ക്കരുതെന്നതും പ്രധാനമാണ്.
ഇതുപോലെ തേങ്ങാപ്പാല്‍ ഉപയോഗിച്ചുണ്ടാകുന്ന കറികള്‍ ധാരാളമുണ്ട്. തേങ്ങാപ്പാല്‍ വറുത്തരക്കുന്നത് പോലെ പ്രശ്‌നമില്ലെങ്കില്‍പ്പോലും തേങ്ങപ്പാലിനേക്കാള്‍ തേങ്ങ അതേ രൂപത്തില്‍ കഴിയ്ക്കുന്നതാണ് നല്ലത്. പാലാക്കുമ്ബോള്‍ ഇതിലെ നാരുകള്‍ കുറയും. ഇതുപോലെ തേങ്ങ അരച്ച്‌ ചേര്‍ത്ത് വെള്ളേപ്പം പോലുണ്ടാക്കുന്നവയും ആരോഗ്യകരമല്ല. കരിക്കും കരിക്കന്‍ വെള്ളവും നാളികേരവെള്ളവുമെല്ലാം തന്നെ ആരോഗ്യകരമാണ്. കരിക്കും കരിക്കിന്‍ വെള്ളവും കൂടുതല്‍ ആരോഗ്യകരമെന്ന് വേണം, പറയുവാന്‍.
കേര ഉൽപ്പന്നങ്ങളായ തേങ്ങാവെള്ളവും കരിക്കും ഒക്കെ ഏറ്റവും മികച്ച ദാഹശമനി ആണെന്ന കാര്യം എല്ലാവർക്കുമറിയാം. ഒരു തവണ കരിക്കിൻ്റെ രുചി അറിഞ്ഞാൽ പിന്നെ അത് നാവിൽനിന്നും മായില്ല. രുചി മാത്രമല്ല നിങ്ങളുടെ ശരീരത്തിന് ആവശ്യമുള്ള എല്ലാ ഇലക്ട്രോലൈറ്റുകളും ഇതിൽ നിന്ന് ലഭിക്കുമെന്നറിയാമോ. ശരീരത്തെ ജലാംശം ഉള്ളതാക്കി നിലനിർത്തുന്നതിന് ഇലക്ട്രോലൈറ്റുകൾ ഒട്ടും ഒഴിച്ചുകൂടാനാവാത്തതാണ്. മറ്റേത് തരം ഡ്രിങ്കുകളുമായി താരതമ്യം ചെയ്താലും തേങ്ങാവെള്ളം നൽകുന്നത്ര ഇലക്ട്രോലൈറ്റുകൾ മറ്റൊന്നും നൽകില്ല. നിങ്ങളുടെ ഞരമ്പുകളും പേശികളുമൊക്കെ ഏറ്റവും മികച്ച രീതിയിൽ പ്രവർത്തിക്കുന്നതിനും തൽക്ഷണം ഊർജവും ഉന്മേഷവുമാക്കെ പകരുന്നതിനുമെല്ലാം ഇത് സഹായിക്കും